大澳冰室小廚

Open Now

Now Closed

三文治既質素 真係有待改善!!!!!!!!——————————————————-單又落錯我明明係落 腿蛋治 … 變左腿治 個電話一打去好嘈既 落單果個又晤覆多次 問多句都冇 我都算啦 ——————————————————————————但個三文治 好似連牛油都晤夠有..hea 爆個三文治 ….收我32蚊 連 熱飲 我覺得真係晤值…我投降了______________________________——————————————————————————————

我今日放假，打算落街求其食下，見到呢間好似開咗好耐又未食過，就打算入去食下，見到份餐牌，唔知食咩好，後來見到青口肉醬意粉就打算試吓，咁我外賣拎走，等十幾分鐘都好正常，話晒都要焗呀。反到去打開盒野，見到一隻青口，咁梗係即刻試吓好唔好食啦。食落發覺冇乜味，咁5十幾蚊，要求都吾好太高啦。之後我打算撈勻啲肉醬同意粉，點知發覺成盒係得壹隻青口，唔知係我要求過分啦，定係青口好那貴？而且肉醬味又唔出，啲碎下，成餐都吾知自己食緊啲乜。所以我吾會再食呢間咁的東東

落雨天，我把遮當然充滿雨水。跟住就有個五十多歲的女人大聲要求我用遮袋，甚至命令我將把遮放落去遮桶！fine，整濕你嘅地方我真係唔好意思，但你嘅態度可唔可以唔使咁強勢? Anyway，其他男人同樣情況，但只是視而不見！其實你身為食肆負責人，可唔可以提供比較清潔的遮桶 （個遮桶污糟到成個垃圾桶咁）？另外，你要求你嘅地方保持整潔乾爽，能否提供合長遮size嘅袋/環保雨傘除水器？至於食物質素方面，薯角係暖嘅，魚柳炸到皮身有點兒過硬；銀針粉嗰碟嘢就真係成碟都係澱粉，蝦有兩粒🙃算啦，咁嘅價錢都唔會要求食物質素太高，但食到成肚氣囉其實我見其他留言，都係話服務態度好差！老闆娘，你唔優做就退休啦！看你年紀也有一定歲數吧！

建議大家千祈唔好去，服務態度差到極，落單嘅人成日懶醒，教人落單先後次序，跟住又寫漏嘢，收銀員又西口西面。香港咁多茶記，多你一間唔多，少你一間唔少，洗乜去俾錢買難受。

外賣自取已經等咗20分鐘 .算數！外賣預咗要等去到海邊準備開餐,發覺個咖哩飯竟然冇咖哩,得個白飯！！打電話返去,又話師傅收咗工,退錢又話埋咗數,冇得退 ！ 本來都唔想喺度嘈,但真係越諗越唔忿氣！！犯埋D低級錯誤,我唔係港島人,住大西北 .冇理由來回四十幾蚊車錢,拎返個飯👿,變相八十幾蚊個咖哩飯,加埋來回嘅車程時間,佢值吾值！！叫咗個熱檸檬茶,連糖都冇畀我😑😑佢哋到底想唔想做,趕住收工咁......如果服務可以有零分,我想畀零分,一粒星都畀多佢

行去自動波嘟安心出行，跟住嘟針卡，收銀丫姐話要嘟針卡，我話嘟緊！佢話都冇聲，都未嘟到點會有聲呢？比啲耐性啦 ！唔係八達通一嘟就嘟到態度又差 唔知以為我欠佢，好喇！嘟完針卡唔會話你知坐邊㗎 ！冇會理你，咁我自己坐入去啦！星期四叫左個U餐，（腐竹胡椒鮮雞泡飯）加一杯凍檸檬茶，杯茶就正常！個飯好似人地食淨比我，真心見到唔想食！三舊雞既泡飯！不如叫做腐竹胡椒三舊雞泡飯啦 ！話比人知得三舊雞啦！不知所謂，真係要幫佢發揚光大我到底$55食左啲乜，我希望間鋪見到我依個post ,好心改善下啦！仲學人做食肆

職員態度差嘢食難食企埋晒一齊喺度吹水 叫都唔想郁衛生環境比較差啲枱櫈都有污糟啲餐具放喺櫃桶攞出嚟都覺得好污糟嘅感覺叫佢攞兩杯水又比一杯水 杯水仲要唔係熱浸完啲餐具自己攞紙巾抹完都唔係太夠膽用😭我叫常餐個炒蛋凍冰冰 黑松露炒蛋味道唔錯 都有少少滑叉燒通心粉 叉燒味道都唔錯 叉燒大舊，嫌佢唔夠熱朋友叫嘅午餐肉 腸仔公仔麵看落去好可憐好似清湯咁 朋友話自己煮仲好食過佢😂雖然30幾蚊都算平 最值得讚嘅就係個辣油 辣到飛起滴左三滴都辣到喉嚨痛痛地😂但係唔知點解成餐個感覺好差💔😫 寧願食M記好過

前日過咗港島，整完嘢行到地鐵站嗰邊，食返個午餐先答車，行過見到呢間茶仔，都下午茶時段，直接叫兩個茶餐。入面望落算大間，樓底幾高，不過d職員叫一個話一陣先，轉頭無理我哋，然後再舉過手，無人望過嚟，明明有三個定唔知四個樓面等咗好一陣之後，終於有個人行過嚟...嘢食嚟講，個咖哩牛腩飯ok，咖哩汁都夠香，不過唔係好覺辣味，薯仔如果煎過先放落去會更好。西多士都ok，餐飲轉咗兩個紅豆冰，紅豆幾大粒幾甜。唔計服務員唔係好想服務嚟講，其他都ok嘅

食物係正常嘅，只不過我真心唔明朝頭早九點冇乜人嘅時間，點解服務可以差得咁緊要！全長四五個侍應絕大部份都只係行嚟行去。我叫炸魚早餐俾咗個照燒雞扒我，我算，照食。幫朋友另外嗌個外賣舉到手都跛，好明顯見到有個阿妹望到我即刻轉頭行開當見我唔到。只可以話........我輸！😑我只可以話，我求其搵間茶餐廳嘢食都同佢冇分別。我完全唔明以咁樣嘅服務態度點解呢間餐廳仲可以生存左咁耐！😡真心奉勸一句，其實唔想做嘅可以另謀高就，唔好俾氣食客受😫

今日中午嚟到石塘咀，經過山道天橋底，發現一間新的茶餐廳，名字叫大澳冰室小廚。好奇心下驅使就入去試試。進入該店內的裝修頗新，地方不算太迫劫。首先坐下便睇一睇餐牌，各式餐類，種類甚多。今次很快地點了午餐，咖喱牛肉煎蛋飯及老火湯。可能是中午時間，等了差不多十五分鐘。期待已久的午餐終於到了。熱辣辣的咖喱牛肉煎蛋飯放在眼前，加上咖喱香味十分吸引，牛肉份量一般，白飯份量稍為少了一些。咖喱汁食入口不算太辣，勝在夠滑有椰香味。薯仔軟硬適中，囗感也不錯，牛肉也煮得剛剛好不會太韌，煎蛋就比較普通一點，整體味道也十分滿意。老火湯今日係沙葛蔘鬚，飲入口蔘鬚味很濃，陳皮夠甘香，沙葛食落去，有點似食白蘿蔔的口感，同時底湯有點似雞肉味，整碗湯的味道非常吸引，製作認真，值得再去試飲其他種類。這間茶餐廳價錢比較大衆化，産品製作認真，味道也十分滿意。員工服務也不過不失，是可以值得再次光顧這間店子。

牛腩唔熱，硬到咬唔好，無著制服戴眼鏡長頭髮嗰位女同事又寸嘴又鍾意鬧交，又冇禮貌，服務態度又差，客人叫佢收嘴唔同嘈佢都繼續喺度嘈，佢話佢公司牛腩賣點係硬嘅，無淋牛腩賣㗎，我真係冇聽過出邊買牛腩係咁講嘢㗎，亦冇見過啲服務員咁禮貌，送餐黎到要客人自己拎上枱，無其它同事幫手，杯紅豆冰冇味嘅，總之極差，早兩星期食過一次啲牛腩好好味，所以咁次先再去食，點知今次食過之後以後都唔會再去囉，今時今日嗰位小姐服務態度實在太差了。

香港大學站一出黎就見到呢間茶記😀食物款式應有盡有👍🏻價錢合理，而且店舖面積好大好闊落，就同朋友入左去食好少見常餐既多士係酥多士，所以就叫左常餐試下😂估唔到超級好食！多士好鬆脆而且好香牛油味，配上外層既甜奶真係超正！如果唔想咁膩，可以配炒滑蛋一齊食☺️仲想推介佢既叉燒意粉，叉燒份量多而且肉好林😍湯底都好濃郁，睇得出廚師好有心思，值得欣賞👍🏻之前試過午餐既蒸飯都唔錯😍呢間餐廳野食份量較大，建議細食既朋友仔可以同朋友share幾個餐，唔好浪費食物😋

今日罕有地早起身XDD就同屋企人落咗去食早餐早餐款式好多，搞到我猶豫不決但最後我揀咗雪菜肉碎米線跟餐有炒蛋同埋蒜蓉包，非常豐富，分量都唔細雪菜肉絲米線味道不錯，炒蛋炒得幾滑但蒜蓉包唔夠蒜味，有待改進不過整體都唔錯

好耐冇出過街食早餐, 今日大食妹同朋友出去睇戲, 睇之前就去食返個豐盛嘅早餐雖然睇咗好多間餐廳, 但大食妹依然最想食沙嗲牛麵, 所以就揀咗呢間大澳啦<懷舊沙嗲牛肉湯麵>雖然話大澳嘅沙嗲牛麵唔算好特別, 但沙嗲汁俾得都算多, 而且麵質彈牙, 都算係一碗合格嘅沙嗲牛肉湯麵先前見到有post話大澳嘅沙嗲牛肉係凍嘅, 搞到大食妹有少少熬底, 以為大澳真係退步咗咁多今次食落又覺得冇咁差, 沙嗲牛算係室溫, 但湯底夠熱, 撈埋食就啱啱好牛肉量都幾多, 幾有誠意<炒滑蛋>跟餐仲有配炒蛋, 炒蛋未算好滑, 但大食妹鍾意最後加入沙嗲湯底咁食, 所以冇咩所謂<日式蒜蓉多士>但多士方面, 大食妹就有少少失望上一次黎大澳食早餐, 仲係奶酥多, 今次嚟就轉左日式蒜蓉多士雖然味道唔差, 但都係奶酥多更啱大食妹口味

今日路經西環, 搵下附近有乜好食,點知一出地鐵站就見到呢間冰室,所以就入去試下喇!!叫左兩個炒野食, 真係好有驚喜!!味道真係唔錯, 尤其係個炒飯,好似叫海皇醬櫻花蝦炒飯,果尋鹹鹹香香既味道好正,而且好有鑊氣!!另外叫左個椒鹽豬扒炒一丁!!味道又係好濃, 好有鑊氣!!而且唔會炒到油淋淋一舊舊,整體黎講幾好味, 下次有機會試埋個晚巿!!