臺北站 (Closed)

果然,台式奶茶的滲透率,不再局限在油尖旺一帶,現今在大西北一帶,也開到成行成市,當中人氣比較旺的一間,是在千色店地下的"臺北站".晚上時間,門外有十多人正在等候,小弟張單的號碼,是十幾個號碼之後,我要的,是台式珍珠奶茶.除台式飲品之外,也有一些小吃如薯條供應,實行大小通吃.等待大約十分鐘就有得飲,此店的奶茶有分大珠細珠,即是奶茶內的珍珠.反正未試過細,好,就要細.不止一次說台式奶茶是偏甜,此店也一樣,奶味多過茶味,細小的珍珠,感覺好像吞著加大碼的保濟丸,當然口感比保濟丸更為煙齦."波霸"一詞已經是台式奶茶,其中一個代名詞,總會令人想埋一邊.友人問我:{你近排愛波霸?}今次這一杯奶茶,又不能說是"波霸",因為只是"30A"的級數.哈哈!

昨天晚上9:00幾同朋友嚟呢度買奶茶飲,朋友說想試下薯條,我們就叫了兩杯大杯珍珠奶茶,大珍珠的,一個薯條配特濃芝士醬,今天不用等好耐,但咁夜都有咁多人買,等左都算快就有,薯條都幾好味喎,不算好油,都好大份,加些濃芝士食,好味呀!大杯珍珠奶茶真係好大杯,上次食細粒珍珠,今次食大粒,大粒都好味喎.不過太大杯,飲到後尾d冰溶左就變淡左,下次都係叫返中杯好d

開業到依家,見放假,決心一試,點知叫完野食等嗌NO.先黎落大雨個門口位又窄,又多人,真係等得辛苦等左大約4個字....佢個NO.叫到我喇...點知行到去佢話個薯條要再等多陣....好心佢咪叫我啦員工個個都好似好細個..佢講左兩次唔好意思阻你咁耐,咁既服務態度算唔錯啦我對佢預先冇乜期望..食完覺得都幾好丫..D薯角好香....芝士好似多D好D珍珠奶茶重奶味..我鐘意奶味所以覺得幾好飲..呢間店如果唔係成日排長龍又要等咁耐我諗都可以吸引更多人幫襯同埋等緊果陣真係唔知去邊好..出面企又多人..又熱...次次行商場都唔係辦法,行厭哂老細應該諗諗計啦!!!!!!!

今日有幸一試～以為買ｇｅ人少，就好快喇點知等ｇｅ人係多到爆點解佢會咁耐皆因佢唔只做沖茶仲做埋薯條其實佢已經好多人手唔知點解都要等半個鐘以上貢茶雖然多人但好快就要呢點真係完全要改善一下講返野飲要左珍珠奶茶要左少租都係好甜ｄ珍珠都係好甜飲完唔知點解好想嘔..我諗試一次已經足夠

見佢咁多人就諗住買杯野飲啦!一望落去得個亂字!咁多人做野都要等咁耐!?定係人多手腳亂搞到D進度慢晒呢?!縱是聽到D員工嬉嬉哈哈!買佢杯招牌珍珠奶茶,同特價GE荔枝玉露甜到攞命!D珍珠又一舊舊,杯又爆,不知所謂!一定唔會再去!論款又不是比人多!論價錢又不是最便宜!論實力還差很遠!

溫書溫到4點,,有d肚餓..落街買臺北飲..飲左荔枝玉露(大)$10好多人..不過預左..買完之後入左去千色行左陣,,2個字之後出黎仲未得..再等多1個字..終於得啦不過以我飲左咁多次ge經驗..佢應該比左細ge我,,因為入左袋,,睇唔到張貼紙,,我去問:e杯係唔係大ge 佢睇下張貼紙之後:係呀返到屋企見到係中lor講返杯野..好甜..好唔好飲..得個甜字..下次都係飲番珍珠奶茶

為左等個芝士薯條 企左足足八個字其實吾係吾等得同吾好食 只係既然可以咁多人買我對佢既期望會高d薯條幾脆 係芝士有d吾夠濃不過都ok嫁喇 珍珠奶茶其實都幾普通吾值得排咁耐隊去買不過整體都算ok 我會再食人手方面太亂太多人地方太小可能呢個都係導致等既時間太長既原因

果真任何時候都要排隊連路過的街坊都話"仲係咁多人?下次先食啦........................."叫左原味珍珠奶茶：選擇左細珠，好cute，沒有什麼大感覺芝士薯波：芝士好香，但薯波冇咁入味，下次還是叫薯塊好，而且好快就會'林'，口感變得冇咁好食

經過見到有人龍哦!原來係台式飲品~好彩我有時間,由排隊到取飲品,用左15分鐘左右喇一大杯飲品都係$10,真係好抵飲,所以吸引好多學生和年青人~第一口比較甜,用飲管搖一搖,味道就剛剛好,奶味比較重,珍珠煙韌有好多~天氣咁熱,凍飲真係好重要.你有時間就不妨試一試

星期六同朋友食完下午茶,朋友就話不如晏些嚟呢度買杯珍珠奶茶飲下,睇下係咪真係好好飲,因為我上openrice見到食評都好似好好,又睇過雜誌話呢間舖只開左好半時間但已做到冇停手,成日經過都見有一堆人係門口等.所以真係想試下.5:00幾開始買飛,因見有個牌寫住本月價惠10元大杯,好奇下就問收銀員10元大杯是多大,原來那杯不是珍珠奶茶是荔皮玉露,於是我們叫了每人一杯珍珠奶茶,朋友就問大杯有多大,收銀員好像不明她問甚麼一樣,有點九唔撘八的答案,我們叫了小珍珠試下,個號碼牌叫到530幾,但那個負責叫飛的人叫的號碼又不是那個號碼,我們的號碼是593,門口一堆人在等,好熱,於是我們入返商場行一陣,過了一會再出去,但號碼仍是不對的,又入去又出嚟就過左,等左應該有半小時先等到.飲下係咪真係咁好飲,不是好甜的奶茶,都好有茶味的,珍珠就都幾淋身,都幾好食.同埋10元都幾大杯,都是抵的價錢.但實在是太太太多人了,所以都係試一次或真的有好多時間先可以花在等的時間上面.

見門口咁多人應該靠得住 即刻去排隊買珍珠奶茶, 700ml $12 500ml $10梗係要大杯啦, 買完飛之後結果要等15分鐘先有店內細細起碼有7-8人做野但都要客人等咁耐返到屋企先飲, 大力一吸 嘩我飲緊咩呀 ?完全唔係珍珠奶茶, 原來唔係大杯就係好野 好淡 ! 好淡 ! 好好淡 !我唔喜歡 無茶味又無奶味 唯一可以既就係d珍珠 試一次就夠 lu 下次唔會 lu 口渴咪去7仔買罐可樂算吧

真Crazy, 每次來到這裡都是人群人群和人群。早前嘗過朋友take away的薯條同全糖珍珠奶茶, 又幾好味~~~因此今日下午來這裏成為人群之一分子！我要了薯角配蜂蜜芥末沙律醬($20)和500cc的蜂蜜綠茶($10,吾記得加椰果)朋友就要芝士薯條。足足等了40min, 先有得食, 真係人都乾。有少少失望, 我的薯角只是微溫, 而且林哂.......還好蜂蜜芥末沙律醬的味道好好, 酸酸哋夠開胃！朋友的芝士薯條不錯, 熱過我嗰個好多...不過呢, 我的蜂蜜綠茶就真係吾好味冇茶味, 只得個淡字！看來到這裏最好都係飲珍珠奶茶~等咁耐......值吾值呢?

無啦啦走入元朗吃飯，又無啦啦見到呢間臺北站。點了個朱古力奶荼+小珠，覺得好有茶味，唔係一味得個甜字，朱古力味濃，但又不會蓋過茶味，幾正~友人前後買了兩杯，都讚不絕口~

這天晚上到元朗睇樓看到千色店旁有一大堆人龍的臺北站...便走去一試.珍珠有大小之分, 小的口感較佳. 茶味一般, 但這個價錢, 得到這個SIZE及質素,值得一試

尋晚放工同個fd 行去西菁街果邊食飯, 路過臺北站, 見到有新出品 - 玫瑰奶茶~ 一向勁like 玫瑰味既我必定要try一try... 而我另外幾位朋友分別要檸檬柑桔同埋珍珠奶茶..玫瑰奶茶真係好好味, 飲落去真係有玫瑰香味, 仲有小小玫瑰的花瓣碎的, 要了小甜小冰, 真係得好小冰, 甜度都岩, 檸檬柑桔入面有d 一粒粒透明狀的小珠, 好似d香珠咁大的, 食落係爽口的.. 不過唔知果d叫咩珠...杯野飲味道係酸酸甜甜咁, 幾開胃..珍珠奶茶雖然今個月做番正價, 但係都見好多人買, 有一半以上既人都係買佢的..其實之前飲過味道都幾好..但我仍然比較喜歡我的新寵玫瑰奶茶多一點.. 不過下次經過要試埋其他新出品今晚買飛後, 大約等了10分鐘, 好像比之前剛開張時快了一點...