但馬屋 (新都會廣場)

Open Now

Now Closed

今日好想食shabu shabu，本來只是想食一個套餐，去到門口叫肥仔揀，點知就揀咗最貴既90分鐘黑毛和牛放題套餐$289/人，😪肥仔果然為食～～晚市食shabu shabu就試得多，午市其實都係第一次，呢個套餐其實比起晚市抵食好多，套餐包日產黑毛和牛及豚肉.90 分鐘Lunch Menu 60分鐘 Lunch Menu揀好湯底，今次試下美肌鍋，雖然鍋裡有兩大舊雞肉，但是其實個湯冇咩味，甚至我覺得有豬味，下次都係唔好試新嘢！坐低一陣就上咗湯底、兩份黑毛和牛、一份豚肉，賣相唔錯，但是食落竟然有d韌，就算一熟就撈都係韌，食唔到有乜和牛味！ 覺得綠楊的日牛的和牛更柔軟更有牛味.日本產黑毛和牛美肌鍋，大愛皇帝菜😋以呢個價錢食黑毛和牛放題係抵，但是質素就見仁見智，shabu shabu 現在都好幾間，各有優勢，呢間我就喜歡佢有皇帝菜、羽衣甘藍、哈根大師雪糕，而且質素很高😋

呢間但馬屋每次行過都好香，今次終於試到喇。其實同牛一牛涮鍋真係無乜分別，都係屬於豬肉同牛肉質素中挺、蔬菜同丸就唔算多選擇。不過有樣野幾好就係一人一鍋，夾野都近啲方便啲；醬料有炸蒜、芫荽同新鮮辣椒，但啲麻醬就唔好味，唔係丘比果隻。整體都食得過既～

今日同friend嚟呢度打下邊爐，見到呢間長期有人排隊想試好耐，午市都好抵下，二百幾蚊放題經過重重掙扎我決定揀藥膳麻辣鍋，朋友揀咗蕃茄芝士鍋。但係我個麻辣鍋越食越鹹，好快就已經去到可以唔使點醬料就咁烚都有味嘅階段😂。所以我會比較推介朋友嘅蕃茄芝士鍋，雖然芝士存在感一如所料不高，但係蕃茄鍋比較清甜，一路打邊爐唔會越食越鹹！👍🏻very nice牛肉都幾高質素，一睇就知係靚牛，而且薄切食落舒服啲唔會咁快飽，可以慢慢嘆，啱女仔胃口。最令我驚喜嘅係配料區，估唔到竟然會有海底結同埋筍！！！超難得啊！所以我夾咗勁多最後當然係唔少得食埋Häagen-Dazs！

已經黎過好多次，本身都好鍾意食。今日由12點幾係Gulu拎左電子飛，打算係附近行一陣等到號碼。本身冇幾耐之前睇係叫到13，我22號想話係葵涌廣場行過去應該啱啱好。點知啲號碼突然飛得超快，我已經係跑過去都叫左去27。之後我好好態度同門口個派飛女仔講，啲號碼突然飛得太快，我跑過黎都飛左去27，可唔可以通融下幫我安排返。但係呢個女仔就話我過左3個號，叫我重新排（當時已經叫到51）但我隔離嗰個男仔都係啱啱行過黎補飛，佢23號（都一樣超過左3張），但係就俾嗰個男仔補。如果你話係個個都係咁，我都可以體諒你地係因為規矩。但係隔離個男仔一樣係過左3張飛，點解就可以呢？我覺得好唔公平。同埋Gulu個app都係剩10個號既時候先通知，明明係啲號飛快咁過，幾乎幾秒跳一個。希望你地可以改進下。

平時好少會Lunch就食任食打邊爐，但無奈唔知幾時先有返晚市，所以今日的起心肝去食但馬屋。出發之前喺GULU 個app攞定飛，本來去到應該時間啱啱好，但等停車場部𨋢等咗好耐，等到啱啱過咗號。好彩過咗三個號碼以內，唔駛再排過。我哋四個人分開兩張枱，我就要$159最平嗰個90分鐘任食plan,另外兩位就食$189嗰個。$159個plan嘅牛肉脂肪比例無咁高，牛味就無乜分別，所以我覺得$159個plan會好啲。每張枱都有兩個木兜出去拎配料，一張枱有一隻夾，有自己個夾感覺幾衛生。甜品方面有4個味嘅雪糕，啲雪糕好硬，𢳂兩球已經手都軟。如果喺夠鐘之前食曬所有嘢，就可以問店員拎29蚊現金卷下次用。店方希望用少少回贈鼓勵大家唔好浪費食物呢個概念非常之好，但張現金券淨係可以晚市用而且一個月之後到期，我唔知有無機會用到呢一張現金卷呢？

在限制令六點後沒有堂食前一日來到 但馬屋 ‧ 來個一人一鍋烚烚下，標榜高質日式黑毛和牛，朋友說每次晚上經過都見唔少人排隊。但今日不多人，可能是我們提早食晚飯關係。入內都算大仲好寬敞，走大自然裝潢風，白色牆壁綠色植物佈置，再配搭木枱木椅，給人感覺滿舒適。餐牌一人一鍋每人都可以揀選自己喜愛的湯底。限時90分鐘任飲任食，牛肉價錢由$109-$389有六種價位可選擇；至於湯底有五款，分別是藥膳麻辣鍋、千夜鍋、甘露鍋、美肌鍋和意式蕃茄芝士鍋。我們倆分別叫了辣藥膳鍋和美肌鍋，兩款湯底唔太濃烈味道還算可以，辣藥膳鍋更為比較惹味不太辣。出面仲有各款自助配料例如丸、菜、菇、麵要自己出去夾，選擇唔算多，還有自助醬料區，自助飲品櫃提供普通飲料；對於我來說重點係haagen dazs雪糕任食，有4種味道朱古力、芒果、士多啤梨、椰子唔錯!日本產特選黑毛和牛上盤堆疊得很美，粉嫩的好新鮮；一整片滿滿的雪花紋烚幾下已經食得，入口肉質好幼嫩，油脂濃好好食😋。豚梅肉普普通通。整體來說對我倆算是好唔抵食，因為我倆好細食，如果你是個喜歡食牛肉而且好大食的人真的很不錯選擇。

近年日式火煱大行其道，餐廳装修時尚乾淨，在限聚令的影響下，一至兩人平平地也可以嘗嘗打邊爐的心癮，除了肉類及海產類外，其餘蔬菜，配菜類選擇也不小，又有Haagen Dazs雪糕及多款飲品選擇，任飲任食，一次過滿足了"快靚正平"的欲望。午市可選定量套餐， 又或限時60/90 分鐘放題。冷霧氣迫人可使蔬菜，菇類的新鮮度及衛生度加強配菜有多款丸類及麵款選擇一定可以飽肚離塲醬料擺設也衛生乾淨，但豉油略咸雪糕超硬，要超過5分鐘才能成功裝滿一小杯，也因此阻礙及加長了其他人的輪候時間，有些尴尬，亦造成人龍，有侍改善。選了千夜鍋 ~ 稀釋滾水湯，淡而無味。意色蕃茄芝士鍋 ~ 只有淡淡的蕃茄膏味。日式湯底真的不能跟廣東及四川湯底相比嚴選牛肉豚肉盛合一客$89肉質外觀超新鲜，但入口感覺一般。

今日同2位舊同事慶祝生日，去左葵芳的但馬屋，一人一鍋，可以揀自己喜愛的湯底，無辣不歡的我，梗係要揀麻辣湯底啦，但可惜都係唔辣的🥲食物方面，我地揀左$198的價錢，肉類主要牛，豬，外面也有好多食物，難得有羽衣甘藍呢隻咁貴的菜，食多幾塊好易回本，而且好有益！飲品有罐裝茶類，汔水醬汁比較有特色，我用左日式醬油不錯到最後大有哈根達斯雪糕，係香蕉味架，真係未食過😅唯一美中不足係等位比較耐，其他食物，飲品各方面都很好！

因為疫情關係我地飯腳好耐無一齊堂食藉住中秋前夕齊齊去挑戰但馬屋我地一早禁定飛仔分左兩張檯唔算等左好耐雖然兩張檯隔開好遠總算大家可以聚一聚有飯腳試過食90分鐘任食放題結果食唔切出面自助吧所以今次我地選了食60分鐘午市定量套餐我選了牛肉一盤牛肉黎到賣相都唔錯湯底選了千夜鍋味道都唔錯清清地出面自助吧打邊爐該有食物都有菜、丸、配菜有不少選擇連我最愛的烏冬都有而且質數都算唔錯醬料出面自己拎野飲係出面雪櫃雪糕🍦都有得食基本上呢60分鐘大家都好忙唔會有時間傾計食完真心大滿足今餐真係抵食而且質數好好難怪永遠咁多人等位值得再encore

中秋節前夕，當然要跟同事食好點當做節啦。我們第一次lunch time食但馬屋，在12點15分就要攞定飛，要等佢第1輪食完，時間就剛剛好。我們選了$98，60分鐘火鍋(每人有一碟牛），牛的質素真是好，外面的菜，丸，麵，飲品，雪糕都可以任食。湯底有5-6款選擇，我選左千夜湯，其實就是昆布湯底，都可以啦，清清地。菜方面除了一般的娃娃菜，生菜，仲有萵筍，蟲草花丸都不差，貢丸和牛丸都是好食的最意想不到的是雪糕，是haagen-dazs小杯裝，真係超級抵食因為趕住返工，食60分鐘是好趕，一去到就要攞菜，好在他個鍋是小小，可以好快滾，時間一到就真是要交枱，出面仲有好多人等緊位。整體真超級抵食，比起我上一篇那間，但馬屋cp極高

其實小編真係好鍾意打邊爐。我對哩種火鍋牛無咩要求，但同枱一定要叫同一個餐。友人覺得來到就緊係揀好D來食，揀咗「日本產黑毛和牛放題套餐」$249一位，佢話目標一人食5碟優質牛（唔食牛都有優質豚肉揀。）平時好多聚會都係揀湯底時遷就朋友今次因為一人一鍋，湯底自己揀，終於可以食麻辣湯底「藥膳麻辣鍋」一人一鍋仲減少衛生問題，又可以係疫情下滿足打邊爐嘅慾望完全係大滿足！哩度好多種蔬菜/稍微健康嘅配料😂🙈怕肥/食素者都適合～甜品只有雪糕，Haagen daz 蜜瓜/香蕉/芒果口味。最受歡迎係蜜瓜/芒果。餵食嘅我食鬼晒，覺得香蕉其實都唔錯，D人係咪聽到覺得普通就唔試，大家可以不妨試試喔！服務員超好態度，排隊個時已經好有態度解釋有咩選擇（個時係繁忙時段，好多人等緊位，但仍然好冷靜～）同埋佢哋有個好搞笑嘅口號。我地一開始以為聽錯，聽多幾次之後先確認真係用哩個口號。。唯一唔好就係分分鐘等位都等咗成個鐘，不妨先計劃吓攞咗飛後可以做咩😅而且90分鐘唔夠我哩種大食嘅foodie真係食到最後一刻比人叫走先走總括來說，哩餐係食得開心、滿意嘅

尋日放假同女朋友去左食但馬屋火鍋過下火鍋癮。我地食60分鐘午市放題，都幾抵食。而且呢度既菜同肉食得出好新鮮。牛肉食落好重牛味，唔會切到太簿，而且望落去有雪花。雪糕仲係提供haagen dazs雪糕，正!

疫情關係，打邊爐成為咗高危活動之一。有一排冇打邊爐嘅我，今日終於出山嚟但馬屋。嚟但馬屋嘅最大原因係一人一鍋，除咗衛生啲之外，亦唔駛同人商量湯底，自己鍾意乜湯底都得。而且佢哋嘅雪糕已經唔再係一桶桶嘅岩石雪糕，而係升級咗一杯杯嘅 Häagen-Dazs 雪糕！即時吸引力爆標！Let's go ！！！疫市求生，但馬屋營業時間提早於11點開始。平日嚟但馬屋最好12點前，星期六日就最好11:30 前，遲咗就可能要等好耐吓喇！但馬屋平日有套餐（即一碟肉、菜、飲品、甜品任食），60/90分鐘 放題。星期六日就只有放題。今日揀咗90分鐘，日本北海道黑毛和牛 （$249）放題。湯底：有5款任揀 - 鰹魚清湯、甘露（壽喜燒）鍋、膠原美肌雞鍋、藥膳麻辣鍋、蕃茄芝士鍋。鰹魚清湯 原汁原味，非常清爽又唔熱氣，喜愛清淡嘅朋友必選，最後用埋個湯底煮拉麵就一流喇！甘露鍋 配牛肉最搭，甜甜地，小朋友最愛，湯底最後吸滿牛肉味超甜。膠原美肌雞湯 口味清淡，微甜，雞肉嫰滑，感覺好似連自己皮膚都滑咗啲。藥膳麻辣鍋 - 有少少藥材味，唔麻唔辣，失望蕃茄芝士鍋 酸酸地，好開胃，加入蔬菜牛肉熬煮後，最後用嚟煮拉麵真係比坊間啲拉麵店更

I really love this store's hot pot. The unlimited high quality beef and Haagen Dazs was already worth the price. You have to come really early or the queue will be very long. I chose the Japanese Wagyu menu but tried all 2 types of beef for comparison.This is the beef of the cheapest set. Due to the less amount of fat, it is quite coarse but on the other hand, if you don't like fatty beef, you can choose this set and still enjoy it.The Australian Beef actually was more aromatic than the Japanese

源自日本的但馬屋，一向以優質新鮮食材聞名，而且發現午市更是超級抵食，由$79起，有豬肉及牛肉雙拼各五篇，配料飲品同甜品任食60分鐘！配料方面的絕不馬褲，有羽衣甘藍、萵筍、翡翠苗，丸類更有多款，最好味個人推介包心貢丸！飲品方面有十多款選擇，可樂、道地茶系列亦齊備😚雪糕更有Häagen-Dazs任食