德發牛丸粉麵

Open Now

Now Closed

是日午餐, order 如下: 淨牛丸 ($20) - d 牛丸好彈牙! 湯底係清甜白蘿蔔湯加胡椒, 襯絕! 讚呀! 咖央多 ($10) - 冇咩特別, 不過等左好鬼耐~牛丸真係好抵讚, 一定會來再食!環境好差, 始終都係街市 & 天橋底, 宜快速食完鬆人!!

香港向來以美食及購物天堂自居，提及前者，總覺得現實是諷刺的，香港旅遊發展局一直捉到鹿未能脫角，沒有將長處發揮極致，最為可惜。試舉一例，旅發局每年都會主辦一大型活動 <香港美食大賞>，分多個菜式類別再以專業評審選出得獎菜式，從而推介給來自世界各地的旅客，這些得獎名菜，多來自名貴食府，吃的也是山珍海錯，一來價錢並不親民，二來這些所謂美食也沒甚香港風味。所謂香港風味，當然不是草根得隨街都是的雞蛋仔、魚旦燒賣，也不是什麼大粒十蚊雲吞麵，我想指的是五六十年代興起的大排檔情懷，在尖沙咀這個重慶森林內，萬綠叢中的一點紅，正是海防道臨時街市。在這街市內，盡是茶檔匯集之地，行完商場想食個咖央多，飲杯茶走，又或是整碗牛丸粉，炒碟牛河也行，完全滿足你的食慾，環境是比較迫比較混亂，那又如何，大排檔本應如此。用了兩大段文字作開場白，其實是次想介紹的是德發牛丸，這裡的牛丸並非全城最佳，但絕對交足功課，牛丸充滿牛肉味，入口彈牙，完全沒有硬梆梆的感覺，再看看周遭環境，心中不期然想起了電影 <食神> 中的瀨尿牛丸檔，又是一個集體回憶。咖央多是鄰檔發興的，以前也曾介紹過，這次便不作多提了。

睇完食評，今日路經尖沙咀就來試下，叫了牛丸米和牛什米，牛丸米︰ｄ牛丸幾爽，冇根，幾好味！牛什米：我以為叫了車仔麵，因為ｄ湯底是黑色的，　　　　　　　　　點解牛什無肺ga ！ｄ腸係朱大腸，不是白　　　　　　　　　色個ｄ腸，仲好，因為我鐘意食朱大腸，又　　　　　　　　　吾肥，牛肚又爽。但唯一吾好係無餐，叫野飲要另叫，原來ｄ野飲係隔離茶檔的。

因老豆關係，小時候常常食德發的牛丸，不過每次都是帶回家，反而沒有試過在檔口食，今次應該是第一次。叫了一碗牛丸牛膀粗麵，送上枱第一時間不是數牛丸牛膀有多少，而發覺湯底非常油，有點驚嚇。牛丸只得兩粒，蕃茜很重，沒有牛肉味，又不夠彈牙。牛膀唔夠粉腍鬆軟，入口很硬，又沒有甘香入味。真是懷念童年時的德發牛丸，原來現實真是殘酷，還是回憶的好。

2008年11月06日， 德發牛肉丸與同事下午茶檸檬茶：呢度嘅檸茶唔澀！新嘢：混醬麵包頭，比想像中好吃，以為麵包頭會硬，原來唔係。

首先多謝OR, 沒有她, 我根本唔知海防道街市裡, 原來另有天地.黎開尖沙咀攞野, 落車行入海運一時心血來潮, 入黎轉一轉, 入到街市(橋底)深處, 這就是尖沙咀的大排檔.不知邊一間好食, 一入門口就被另一檔拉著, 但看見沒有什麼人, 沒有理會, 向人潮進發, 是一間麵檔. 夜晚其他檔已關門, 基本上, 這家麵檔包場. 未坐低, 已問我要吃什麼, 猶疑之際, 老伙記推介牛丸麵, 那就牛丸麵, 後來發覺, 每一個人進場, 老伙記必推銷其牛丸麵.牛丸, 爽口, 而且滑一滑, 咬落, 是沒有筋的肉丸, 用得黎做招牌, 果然好味. 湯底帶腩汁, 加上牛丸, 牛湯加牛肉, 非常牛的味道配搭. 輕輕一碗麵, 找數$20, 尖沙咀呀......真不容易找到咁平既野食. 如果這是一個開放式的橋底, 風味更加老港.

上星期有一天與Production 0既同事去0左尖沙咀開會. 開完會之後, 咁0岩大家都未食lunch, 佢就介紹我去天橋底熟食檔0既<德發牛肉丸>試下. 去到0既時候, 佢仲要同我講, 附近都有幾間好似0既, 記住唔好坐錯, 果然好專業喎!!! 雖然環境麻麻, 不過有好介紹, 當然就無所謂啦!!! 1.牛丸米 ($20) ~ 牛丸真係冇推介錯, 不太硬, 不太"淋", 0岩0岩好, 而且感覺好新鮮. 至於湯底及米粉就普通水準啦, $20一碗都唔算平0架!!! 2. 咖央多士 ($8) ~ 呢件多士就真係無得頂, 食出驚喜. 我覺得佢俾<勝香園>0既咖央多士更好味. 多士厚度適中, 而且非常鬆化, 加上咖央醬分量適中, 入口當然一流啦!!! 3. 熱奶茶 ($10) ~ 奶茶好滑, 好香. 仲有糖已經幫你加埋, 不過對於我來說, 就唔夠甜, 所以下次我一定會再加糖!!!整體評價：三合一(牛丸, 咖央多士及奶茶)!!!

每次經過都知裡面有好嘢食,今次就決心闖一闖行過左幾間花店之後,前路都係黑黑暗暗,好多檔口都係關閉,又靜英英,突然有幾個自由行既同胞係公廁走出嚟,我心諗:再行前多少少無就走人,這裡跟本唔似有嘢食既地方,話口未完就見到...............嘩!!有好幾檔熟食喎~~~我這個牛腩怪,已經有心水食邊一間,當然係德發啦!!牛腩河牛腩望落去都好粗糙,不過牛不可以貌相,充滿了牛腩汁味之餘,肉質係好"林",牛丸就一般,不及元朗果間爽,湯底都係深啡色................正!!凍奶茶我一向對大排檔既奶茶係最有信心,這間都唔例外,茶濃奶滑,帶有少少甜.新嘢生花醬上面有一片牛油,麵包既熱力已經將牛油熔化囉~~~非常脆口,不會太甜,而且係麵包頭嚟嫁,底部都係啡色,不過再加煉奶就十級好味食飽飽就四圍望下,我既左手邊真係好黑暗,好似好有神秘感裡面有貓貓自由活動

聽朋友介紹呢間麵店的牛肉好食，今日終於一試。叫左一碗牛丸米，湯底有點牛的清甜味，牛丸較其他店的鮮甜，也可以。但要２０大元在這樣環境下食野,本人就覺得不太值得。尖沙咀食店選擇好多。

我本人就覺得碗麵就同其他地方唔係好大分別但可以講o既係你會食到佢係比較其他地方o既較清甜牛丸唔係好識講佢同出面o既大分別係咩野但個感係的而且確係比出面o既比較好食落去較彈牙我覺得20蚊一碗唔係話真係好抵因為我知佢係出名，但我自己唔係好食得出同其他o既有大分別

上星期6 下午專登同女友暮名去食...環境唔好諗住會好..相信大家都知..我女友叫 牛丸牛什河..我就叫牛丸牛腩河...我地覺得D牛丸冇咩特別~"同普通10蚊碗冇咩分別~而我碗牛腩....肥到爆炸..都未見過咁肥..中意食肥GE一定要去..而我女仔碗牛什..佢就話幾好味..好有牛味...

一向聽講天橋底有檔食牛丸出名, 但大熱天時不能接受沒有冷氣的地方。 近日轉涼, 所以第一次去德發。 經過街市還未到德發, 朋友懷疑是否有大排檔存在。終於找到德發, 坐下後老伙計聲大大話不用想啦, 食慣啦, 梗係叫牛丸囉! 心想是還是第一次. 想看餐牌才決定。 怎知沒有餐牌, 可能與熟客生意有關。 唯有自由發揮, 叫了淨牛丸和牛雜河。牛丸的清湯很清, 而牛雜河的湯底夠濃, 味道十足! 牛丸彈牙, 牛雜中喜愛牛腸。

超級無敵 - 牛丸牛腩牛筋哈哈哈哈 我經常去坐天星船仔去尖沙咀去到行左陣 就去左食牛丸 呢檔野超平超正超好食.牛腩一流牛筋一流一 牛丸正過卡通片啦!! 單雙拼都只係$23蚊 真係抵過食老麥.牛丸就係人去到都一定會食. 我就叫左下面碗牛丸牛腩河,仲加左唔少菜添,

我很小的時候已常常到這裡食野(十幾年前). 這裡我的朋友差不多都認識. 這裡的牛丸超出名. 大粒, 有口感, $20 絕對值, 湯就略嫌味精. 其實其他牛的部份都不賴. 我特別推介油菜, 好爽口, 就算唔鍾意食菜的人都應該鍾意食. 環境就很差, 但就算我那麼愛乾淨的我都不介意常常幫襯. 好味程度可想而知.今日去食, 那班老伙計仲認得我, 佢地由有頭髮做到無頭髮, 真是老字號中的老字號.

尖沙咀臨時街市的牛丸，已經臨時了幾十年。老公話細細個便試過。 因為老公推介的關係，我特別感興趣。 捐隆捐罅，終於找到了！ 好刺激…好味? 絕對係！ 好好味？又唔算！一句講晒，期待的感覺總是美好的！