たまご園 (奧海城二期)

Open Now

Now Closed

餐廳以農場為主題. 全店用木色和雞蛋的黃白色佈置,半蛋殼造型吊燈,巨型雞蛋座位及雞蛋形餐枱,好有心思和創意,且充滿大自然的氣息,環境寫意,感覺舒服.我點了沖繩琉香豚肉飯和凍咖啡. 沖繩琉香豚肉飯有 4片薄切大片的豚肉,覆蓋整個飯面. 豚肉肥瘦均勻,不肥膩,肉邊有香口的炭火味道,點少許蛋漿來吃口感香滑,非常好吃.  慢煮蛋～相片中雖然影不到蛋黃,其實蛋黃本身都夠紅味道很香濃,是質素好的日本蛋. 底𥚃是秘製醬油和米飯,可惜飯比較少撈埋味道濃烈的醬油確實感到有點鹹.凍咖啡～奶和糖水獨立上,以日式餐廳來說不算可口,水準比較普通. 

平時好少係依間食晚飯，因為份量唔會話好多，所以平時黎都係下午茶時間。不過今日晚飯想食少啲。叫左「三文魚，牛油果，三文魚子」飯，豚里脊扒餐跟凍烏龍加寒天晶球同豆腐蛋糕，再加杯巨峰梳打。兩杯野飲加左寒天晶球，唔會話好多，過下口癮，不過黎果陣比左幼飲管吸唔到，要問staff拎番粗飲管。凍烏龍茶配寒天晶球都幾好，唔甜，啲冰就算無叫走冰都唔會好多，飲飲下都溶曬。職員服務都好好，坐位舒服，不過餐廳多做家庭生意，兩枱唔同家庭既細路輪住喊扭計，去既話要有心理準備環境會比較嘈。

因為它的可愛令在下一直都想來今天忘了帶鎖匙..要等家人回家就有個好借口去享受個晚餐先來個薯仔沙律到了哪裡都好看到時就是必點的食物沒想到都幾大球只是碟更大 目測感覺份量很細明太子芝士筷子捲最開心的是能走明太子但走明太子不走木魚絲的情況下還是自己動手處理吧只是這到底是什麼呢？是有點芝士..嗯..然後呢..？看有時間再點一份意大利粉理所當然在下能吃的不多不外乎松露野菌之類的正好也是在下喜歡的食物之一最喜歡永遠不是吃它而是上桌後那陣陣撲鼻的香味吃完再坐一下就收到家人的短訊開心 埋單回家但不開心 未叫甜品吃😅提拉米蘇疏乎厘唯有等下次吧

~ Black Truffle Wild Mushroom Spaghetti with a Slow Cooked Egg ~ Tofu Cheesecake with Strawberries ~ Iced Strawberry Latte •I recently visited Tamago-En for dinner 🍽️. The environment of the restaurant is pleasant, with a lot of cute egg decorations😆. Tackling a black truffle wild mushroom spaghetti, I found a dish that spoke in rich, earthy tones complemented by a slow-cooked egg, a well-executed texture play 👍🏻. The tofu cheesecake was my personal favourite 🤩. I think it was a good combination

今日，心血來潮地蝦了進這間專賣日式蛋料理的餐廳。入面嘅布置係充滿活力同色彩嘅，令我一入去就精神哂！講真，牛油果三文魚配生雞蛋拌飯真係正到爆燈🤤！個蛋黃鬆軟得嚟黏黏地，同牛油果同三文魚嘅鮮味爭咁爭，實係perfect match！三文魚粒新鮮得滯，諗起都流晒口水啦！😍黑松露沙律醬薯條簡直係勁夠味，外脆內軟嗰種口感，啖啖都爽口！全日早餐嘅煙肉同香腸爽彈牙，加埋流心滑蛋，簡直係早晨嘅小確幸。梳乎厘班戟就更加唔使多講，輕盈得嚟香蛋味十足，個種柔軟入心，真係得意添！餐廳嘅服務唔錯，諗到我條飯食到一半嗰陣，伙記仲嚟問我食得滿唔滿意。我當然係笑面朝天地話：「好正！肯定會再嚟！」如果你都鍾意食蛋又想嚟啲新意思，呢度絕對值得一試！🍳🥑🐟

鍾情蛋嘅我，無論雞蛋，咸蛋或皮蛋料理都必定要先試為敬，今之去左呢間全店只提供蛋料理嘅餐廳食日本蛋料理。芝士明太子筷子卷，筷子卷其實係日本關西一帶嘅節慶食物，用大阪燒嘅做法，但加上流心太陽蛋嘅加持，口感算不錯，除咗大阪燒嘅咸甜惹味，仲有啖啖蛋香，配搭算不錯。燉牛肉蛋包飯，賣相正常，同以往嘅蛋包飯印象一致，用旋風蛋包飯形式包裹珍珠米飯，燉牛肉淋身，但味道層次一般。牛油果三文魚親子生雞蛋拌飯及特上鰻魚終極TKG生雞蛋拌飯，雲朵蛋白，佐以生雞蛋黃，非常吸精，食時加入日本醬油將所有材料拌勻，口感非常豐富，味道雖清淡但鮮味十足。

今晚同朋友去左食呢間Cafe全部以雞蛋為主，我哋order左特製5款玉子串燒$78(分別有5款5同口味嘅玉子燒toppings係蕃茄醬、海草醬、親子三文魚、明太子沙律、蟹肉😋)、炸芝麻雞翼$78(雞翼炸得好脆卜卜😋)、燉牛肉蛋包飯$118(牛肉比較靭個蛋就整得好好味😋)、鮮果水果茶$48、玫瑰香濃朱古力$38、最後我地仲order左宇治抹茶疏乎厘班戟😋$98(pancake好軟熟，綠茶味都好濃),座位仲坐得好舒適

雞係生既，蛋係生既蛋生到透明，食完都反胃仲要勁難食，其實小朋友唔會岩食。仲要收你80幾100蚊食魚生無咁嬲成個飯勁濕今時今日我都唔敢同佢講煮留熟D , 費時被加料，最後食左一半都無、比錢走人。無下次。

晚黑想食意粉，貪方便去左尼間店叫左個青醬大蝦意粉外賣。一打開個飯盒好多火箭菜，蝦都算大隻，但個意粉真係好油超級油，真係好唔健康，而且個意粉冇咩味，外賣99蚊，真係差過薩利亞🤣

8號風小犬到港，夜晚落左街去奧海城睇下有咩餐廳開，覺得8號風仲開既餐廳真係好Respect 🥹餐廳好多蛋蛋造型，連枱凳都有雞蛋，打卡好正勁吸睛😚😚小食：松葉蟹肉玉子燒$60玉子燒勁好食😋，一客有3件，味道帶甜，口感十分鬆軟，有好多蟹肉絲，食落好似係日本食既玉子燒一樣，超正👍🏻👍🏻主食：煙三文魚班尼迪蛋$108呢個食落就有d普通，但都有好多塊煙三文魚係上面🩷多士配上水波蛋同煙三文魚，劃破左蛋漿即時流出，食落十分肥美，但就冇咩驚喜🫢主食：終極TKG生雞蛋拌飯$39造型超級可愛，隻蛋好似雲，雞蛋質感食落好似泡泡咁，但泡泡又有蛋香，生蛋黃超級流心，篤穿個蛋黃再淋d豉油，撈飯勁正👍🏻👍🏻飲品：凍玫瑰茉莉花啫喱茶$38我叫左凍玫瑰茉莉花啫喱茶，今日吾想飲太甜，飲落好香茉莉花味，可以去下油膩，仲有啫喱係底😚😚飲品：仲夏菠蘿梳打$38偷偷飲左一啖，覺得好甜，似有菠蘿味既梳打水😅

今日經過奧海城，大大同細細當然又話肚餓，要食嗰Tea。我哋揀咗呢間小朋友最鍾意嘅餐廳，因為佢係以蛋為主要食材，小朋友叫佢做蛋蛋店。😅入到去餐廳以黃色、橙色、綠色為主色，再配以淺木質牆身和座椅，感覺好清新。仲有蛋蛋咕𠱸、蛋蛋枱、蛋蛋擺設！蛋蛋燈罩⋯⋯小朋友都好鍾意。吉列豚三文治配薯條呢度菜必須推介，薯條炸得香脆美味，包質鬆軟，烘過又脆脆地，豬扒夠厚，炸得鬆脆又入味，配埋沙律菜同沙律醬食，味道一流。和牛肉醬意粉配慢煮蛋意粉彈牙，唔會煮得太淋，配埋和牛肉醬食，再加上慢煮蛋，味道唔會太濃，好夾，好味！招牌玉子燒即叫即製嘅玉子燒，蛋味好香濃，質地又香滑，唔使點醬汁，味道都剛剛好。

人在 奧海城 shopping, 行過路過 , 見到這間 "Tamago-EN たまご園" 以雞蛋為主題的餐廳 , 就立即入去食番餐 ~招牌玉子燒 : 招牌貨 , 必定一試，用上了日本頂級雞蛋 , 新鮮即製的玉子燒 , 不論是味道和口感，都極之細緻美味，質感軟嫩之餘，其蛋味之香 , 要知道有種味道叫幸福感 .... 正到爆燈 ~牛油果三文魚親子-生雞蛋拌飯：聽個名已經知道這個 combination 是無可匹敵；牛油果、三文魚、三文魚子 plus 頂級日本TKG雞蛋 , 真是屈機！ 全部材料再加上飯餸和少少醬油，配合日本米飯，撈起來吃 .... 簡單而又震撼的美味也 ~本篇完 ~

第一次喺奧海城呢一間食，間間質素都唔同，呢一間係食過最唔好食。啲雞肉鞋過冰鮮雞胸白灼🤣不過啲雞蛋就好滑，汁嘅味道都依然係嗰個配方😌下午茶嚟講40幾蚊（+$15 沙律+麵豉湯）都好抵，而且份量唔少🫶🏻如果唔係要求啲雞好滑嘅話，可以試吓下午茶嘅滑蛋吉列豬扒飯，我見我朋友食，好似都唔錯😌今次反而冇食佢嘅玉子燒，如果試埋就知道係唔係呢一間質素特別差🤣之前去過旺角朗豪坊，德福，北角，鑽石山食，咁當然係因為好食先會再食啫🤣雖然今次嘅體驗唔係幾好，但我都會再試一次😌

有陰毛的all day breakfast 2023年7月29日17:00本人去奧海城分店叫了一份all day breakfast 一開始食發現腸下面有一條陰毛（一定不是頭髮）極度嘔心點解你餐廳可以咁唔衛生我當時唔識反應你哋職員即時收回淨係話退番呢碟跟手另一個餐來到了我個仔都食咗一啖我哋愈諗愈反胃最後成個餐放棄埋只咬了一啖我付了$147 包括一杯凍朱古力+一份只吃了一啖的豬扒三文治薯條你哋其中一個職員講了一句唔好意思之後全部職員極速彈開埋單 仲收我加1服務費你哋廚房職員是不是去完洗手間冇洗手就煮嘢食 簡直令人食慾不振體驗太差唔該你哋公司顧下衛生太不能接受

今次嚟到奧海城嘅連鎖店tamago en~作為一間專食蛋料理嘅餐廳好有gimmick，裝修好得意有啲位直情好似坐喺個雞蛋入面咁XD食左幾樣野，全部個樣都幾靚，味道都唔錯，不過計埋個價錢就cp唔係幾高沖繩風塔可飯食落去係肉醬飯，唔係唔好食嘅，但無乜特別，仲要收百幾蚊，同薩莉亞個多利亞一樣味金槍魚生雞蛋拌飯生雞蛋拌飯一定係好食嘅，失望嘅係金槍食只係得勁少吞拿魚蓉，雞蛋都食唔出有咩特別，有啲鼓油，有啲飯素，有隻生蛋，加埋好食，但唔抵Tiramisu 梳乎厘pancake呢個好食，甜度適中，有啲芝士味又有pancake嘅蛋味，不過細細舊成百蚊真係有啲貴Overall啲野都好食，如果價錢可以合理啲會好啲～