譚仔雲南米線 (Closed)

最鍾意食麻辣米線， 譚仔有好多款辣度嘅米線。 又五小辣食到三小辣暫時係我嘅極限。 其實仲好想挑戰小辣，中辣，大辣。 見過人哋食大辣， 全碗米線都係紅色。好勁呀！今次我仍然食三小辣， 叫咗個魚腐三小辣米線， 少米線。 仲加咗個尖椒皮蛋。最鍾意佢將米線同湯分開， 咁樣攞到返去食都唔會林曬😋淨係叫咗魚腐，原來都有九舊魚腐😋 少米線都已經夠我食，仲要少米線減一蚊😊另外我仲好鍾意用尖椒皮蛋個汁，再撈米線食，又係另一種風味😁 可以試下😄

今天返半日工，所以便得自己一個人食午餐，去到工廠區，諗住去食開的餐廳，點知餐廳門口太多人排隊，唯有搵其他來醫肚，發現左新開的譚仔，仲要即刻有位，唔駛諗就決定食碗米線。坐低就立即叫阿姐落單，要左碗雞肉，蕃茄湯底十小辣，另外再加個小食麻辣豬肚絲，米線來到已經見到好多蕃茄係面，食落湯有少少麻辣，蕃茄香加麻辣，味道估唔咁夾，加埋雞肉份量都唔少，相當夠食。而小食豬肚絲更加唔錯，麻辣汁再加上豬肚絲爽脆，非常有咬口，用來餸碗米線，對於鍾意食辣的人，這個配搭十分唔錯。

記得自己8月時寫過食評, 當時係話冇人企門口做接待叫飛, 今次去到已經有個阿姐企門口叫飛, 但今次出錯既係廚房既問題, 我地1:28入單, 最早嚟到既係豬耳, 之後就飲品, 然後等了又等, 已經等咗半個鐘, 其實好多枱都仲未有米線食, 開始嘈緊, 遲嚟既追單竟然可以快過我地有嘢食, 請問咩原因呢? 我地都同阿姐講, 阿姐話幫我跟進, 之後解釋話廚房部出單機JAM紙喎, 所以我地果三碗米線冇咗單, 完全唔明佢地內部既運作, 係咪落完單後, 系統會自動分類, 廚房分別有幾部機, 冷盤部一部, 熱食米線一部, 飲品又一部呢? 所以熱食米線果部出單機JAM咗紙就會自動SKIP咗啲單? 真係好奇怪, 點解會冇人監測住呢? 就算裡面廚房啲人忙到死, 出面做侍應攞餐既阿姐都知道咩事啦, 冇米線出喎, 係咪有問題呀? 果日起碼半場人係等緊嘢食, 啲阿姐就圍晒喺出菜位到講野, 雖然呢間大集團米線唔怕冇人食, 但當時係中午食飯繁忙時間, 1點至2點, 好多公司要啲員工準時2點返到公司, 咁個個一定遲到啦, 真係要好好咁檢討下,  真係俾唔落OK, 只可以俾劣評 !

米線軟硬適中，墨丸又彈牙👍🏻👍🏻我叫三少辣，辣到都平均，同其他分店到相若既。唔錯唔錯土匪雞翼個外皮好香脆，外脆內軟超好味。皮蛋好多黃呀好香👍🏻👍🏻

自從馬碲徑分店關門大吉後, 觀塘返工既朋友只可以去觀廣分店或呢間分店, 當初駿業街分店開咗我都冇去試食, 反而行遠啲去馬碲徑分店食, 起碼去到有專人企喺到叫飛, 管理方面係好好, 呢間分店我分別去過3次, 每次都喺電話APP攞咗飛先, 第一次去到舖外已企滿人, 有啲係等外賣有啲堂食, 但門口係有個自動取票機, 但冇職員駐守, 亦唔有固定員工負責叫咪帶位, 我地企喺舖內等, 冇耐有個阿姐問我地幾位, 之後就話呢邊啦, 呢邊有位, 咁食飯時間有位冇可能唔入去坐, 大家都趕時間. 第二次1點電話取票138, 去到見到自動取票機係78, 門口企滿晒人亦冇人企門口叫飛, 問個職員而家叫到幾號, 佢既答案係你自己睇個板啦, 最後我都係冇食到, 落咗樓下茶餐廳食, 因為見唔對路, 人手好唔足夠, 有啲喺裡面傳菜既又會出嚟幫手, 落單既阿姐又會出嚟幫手, 簡單講一腳踢第三次都係電話攞左飛先, 今次終於有個阿姐企門口叫飛啦, 等咗差唔多20分鐘, 今次終於可以食到譚仔啦竹生牛肉米線酸菜魚腐蕃茄湯米線竹生魚腐米線土匪雞翼豬耳*** 坦白講句, 喺管理方面馬碲徑分店係做得非常之好, 呢間分店真係要好好效法人

外賣自取雞肉特辣$34譚仔愈黎愈貴，想當年我食譚仔果陣都只係廿幾蚊🙈雖然加左價，但始終都仲係好想食;雖然每次食完都會好口渴，但只要路過見到就好有衝動行入去，今日去觀塘就係咁買左譚仔外賣喇!知一定要等，所以打左電話去先，我問個接線生要等幾耐，佢話好快架，十分鐘左右，我做完野岩岩好十分鐘，都仲未有，有誤差正常既，午市忙丫嘛，但又唔係喎，間店客人唔多，唔知點解要等咁耐，最尾我等左二十分鐘先有，不過個收銀姐姐都幾好人，會主動幫我追。今日食到塊大雞肉，食咁多年譚仔都未試過，係補償?!😂咁大塊雞終於食到有雞味，平時太細塊，會比辣味蓋過左今次呢塊好正，譚仔既雞肉唔知點整?!真係好好食，同辣好襯。

話說今日心血來潮想食譚仔，咁觀塘廣場果間又未開，唯有過嚟哩間。次次都堂食，今次第一次叫外賣。叫完，張飛74號，之後見啲外賣都係出緊50幾號，咁ok啦，預左等耐少少。好啦，之後叫到60幾號，諗住快啦，點知叫叫下又出返50幾號嘅外賣，其間不斷好多人喺度追外賣，如事者，等左20幾分鐘，73號個小姐追追等左半個鐘，幾分鐘就出咗俾佢，之後外賣又叫返60幾號同50幾號...結果等左30分鐘，睇住個大肚婆入去堂食食完埋單走人我仲未有，好啦追單話等左半個鐘，拎外賣出嚟嗰亞姐仲話「73號都未出啦」，真係嬲，我追「我睇住人地10分鐘前追單拎左外賣走左啦」！雖然我明白堂食果啲未俾錢梗係serve左先，等佢地食完快啲到下一個，但外賣都未之於過分到要等超過半個鐘呱！買得外賣都係想快，打工仔得果1個鐘食，來回+等外賣已經無左45分鐘，食都要趕頭趕命...話事話，依家分湯轉左好似吉吉家咁，上面個兜係米，下面個碗係湯，分湯照舊收多你1蚊，但個米明顯少左好多囉

成日食譚仔，點都要介紹下自己鍾意食既味道！今次去食左譚仔雞肉墨丸3小辣！你問好唔好食？其實我但求飽肚！不過一路以來譚仔都唔會令人失望！雞肉有口感，水質唔散，夠大塊！墨魚丸有丸味！口感唔水！好ok!

因為呢間新開又有番茄湯底，所以好鐘意繼續選擇幫襯！雖然佢比其他分店貴幾蚊，但食飯時間可以節省幾個字去另一家！呢度配料推薦依然係墨丸。夠彈牙又多，單點有五粒，飽肚之選！今日叫咗牛肉，太韌！不能接受！但番茄湯底加咗分，令焦點無放係牛肉度！麻辣木耳好夠辣，夠刺激！麻中有少少苦。炸醬繼續

一個人食午餐想快想方便，就去左譚仔酸辣腩肉米線，唔關譚仔事，只係自己叫左之後就啲後悔。原因係整親手，睇完跌，打點食米線呢？仲要食酸野喎，今次大鑊啦。酸辣嘅湯底夠濃，米線沒有煮太久。所以用另一隻手了下了下都食得到啲米線。呢個時候真心咁覺得，好彩嗰啲米線唔係太林。藍玉細細篇比＄5銀大少少薄切。肥豬肉嘅味好香。但不再太薄啦所以冇口感。等於有十片左右，數量不多。配凍檸茶埋單＄38

喺觀塘工作既朋友有福啦~ 呢間譚仔開正喺商業區, 2餸配蕃茄湯底再加杯凍檬茶$40攪掂.  而家觀塘區食餐經濟啲既lunch都唔係話附近1間就係, 反而多咗好多中高檔, 閒閒地埋單都$70 - $80.  譚仔真係一星期幫襯一次都唔會厭, 而我呢期就愛上咗譚仔既蕃茄湯底配2小辣.  有時都唔係好分到譚仔同三哥既分別, 而蕃茄湯底就有明顯分別啦, 譚仔係用鮮蕃茄; 三哥係用罐頭蕃茄.  以蕃茄湯底黎睇我就鍾意譚仔既natural蕃茄啦,  有好多鮮蕃茄喺入面,  湯底除咗辣味之餘再有啲酸味, 係會忍唔住飲少少湯.

公司附近一向都缺少一間譚仔，平時真係想食就要由碼頭行到過去裕民坊，行過去都要15分鐘(正常人，但我不是正常人)。所以真係想食都無得食。可能拒就係聽到我嘅心聲，竟然喺公司附近開左間新架喎，開左成3個月我先發現到。。。譚仔嘅味道我都唔多特別介紹。就講一講我新試的蕃茄湯底。不得不承認譚仔都與時俱進嘅，見到出面盛行蕃茄湯底，拒又整番個。味道就ok嘅，有拒原本湯底的鮮甜味道，再加埋蕃茄嘅香，湯浸面會有點紅色的粒粒，像茄紅素。但係就唔似用真的蕃茄熬出來，似係味素多，健唔健康就唔知喇，呵。可能無用蕃茄熬個湯底，唔係甘對得住大家，所以會放幾件蕃茄係面到。我個人係欣賞拒呢個做法，但實際上唔大中意食生嘅蕃茄，所以都唔係好岩我。今次叫左個單送，墨魚丸認真估唔到有成6粒甘多，真係剩食墨丸都夠飽。同事話一向叫單送嘅料都會多d，但平時又真係貪心想食多一兩個送，甘點好呢？兩個人各叫一個送，互相食，又唔知會唔會抵d呢？

有咩開心得過 返返下工好朋友 send msg 黎同我講一齊lunch sin!即刻答應米線癮發作 就逼左朋友同我去係觀塘駿業街既中海日升中心 既譚仔呢間譚仔開左唔係好耐 地方大我地下就3:30到 人唔多都係例牌叫返個幾個配菜唔知點解 我覺得個湯唔係好夠味而墨魚丸膠膠地 無口感可言同另外一間譚仔相比真係差緊d另外，再叫左個大既雞翼味道保險到 但係平時食開都外皮都係微呢到就腍左 有點失望但係 呢間既米線 唔知點解特別多我同朋友食黎食去都食唔哂

公司附近新開呢間譚仔,地理位置真係好好,過條馬路,直上扶手電梯就到,仲估唔到竟然早餐都有。譚仔米線以外竟然有通粉及公仔麵食(只限早餐時段),真係急不及待開張第2日去試。地方開揚闊絡企理,開幕初期,有高層視察^_^; 是但叫個早餐A一試,睇落普通嘢,感意外的是火腿通粉湯底係用鮮雞煮,雖是油一點,但濃厚雞湯味。反之那炒蛋味道不太喜歡了,沾滿了新鑊的鐵鏽味╯﹏╰ 多士焗得均衡麵包軟綿,是新鮮麵包啊！價錢跟附近茶記相若,可多個選擇,早餐時段至到11am。