嚐•湯雞

Open Now

Now Closed

✏️ 砂鍋姬松茸蟲草花螺頭乾貝花菇 配 烏冬 $73 （可選配:淮山麵、米線、新竹米粉、粉絲 加$6可配 伊麵、刀削麵、銀針粉、 稻庭烏冬、紅薯粉、白飯、日版出前一丁）💡呢碗松茸味超級濃 次次都忍唔住飲埋啲湯去 好暖胃😍✏️ 砂鍋桃膠椰子雪梨$66 一樣可以選配以上粉麵 呢碗個湯頭就會甜少少 因為佢落左雪梨 但個湯都係好好飲✏️ 砂鍋花膠雞湯翅 $76 照樣選碗粉麵，呢款我好鍾意！因為佢d花膠好好食，唔同平時出面食到又膠又難咬開既🥲而呢碗個花膠份量好足，花膠都好厚但唔難咀嚼，滿滿既骨膠原🥰好好味💡💡💡最想提既一點係 有得加$6 轉脾位 因為第一次唔知，再去食既時候就一於試下轉脾位 雞係真係會滑好多同好食好多😋除左湯麵外，我地仲試過以下小食✏️溏心蛋 $12 隻 會切開上，個人認為唔太特別，仍都無乜流心效果（食日式拉麵會襯d）✏️麻辣豬耳 我好鍾意食🥰次次去都有嗌，份量好大碟，豬耳係好爽脆果隻，唔係好淋無咬口果款✏️蒜泥白肉 呢款我同男朋友就認為唔太好食 ，佢係鋪咗啲麻辣汁尖椒同蒜蓉係面，聞落係幾香既🤔但食落d白肉無乜味 甚至有啲雪味，同上面d調味料係分開無入到味 （三哥個白肉我會欣賞多d😂）

好大份！真心超級飽💯4隻湯底各有特色，我個人愈教喜歡姬松茸湯底，超級香又唔會過分濃烈藥味。啲雞超級滑，而且驚喜地四個餐都係比大雞髀，男性朋友食完藥膳雞之後笑笑口話成個男人返晒嚟。🤣最後我哋四個食唔晒啲嘢，真係太飽！最後兩兜小都要雪落雪櫃當宵夜食🤟醉流心蛋真係冇得頂，可惜做唔到流心食嘅時候係糖心蛋黃，我個人覺得幾好食，但係朋友咁啱食嗰隻係特別苦，如果品質可以穩定啲就更加好啦。醉三寶冇乜特別，而且好似唔太入味🤷‍♀️

朋友推介元朗一間新開嘅小店，主打砂鍋雞嘅菜式～ 結果都冇令我哋失望👍🏻⭐️砂鍋花膠雞湯翅($76)❤️9.0飲第一啖已經愛上咗個湯😍 湯底真係超入味！飲完滿口都係濃濃嘅花膠味同鮮雞味，一啖接一啖停唔到口🤤 而且飲落感覺好滋補，花膠好大塊，份量又慷慨，而且軟冧易咬，配埋雞件同埋煙韌嘅淮山麵，真係十分滿足🥰⭐️砂鍋姬松茸蟲草花螺頭乾貝花菇($73)❤️8.8本身冇特嘢期望結果有驚喜😳 湯頭十分清甜，姬松茸、蟲草花、螺頭同香菇嘅味道都十分突出，飲得出湯底好足料👍🏻 而且都有多螺頭及其他配料食，配埋雞件真係好飽🤣 不得不提新竹米粉真係好索湯，所以每一啖都食到濃濃嘅湯底味道，好正🤤 兩款砂鍋雞其實都不相伯仲🤣 不過花膠雞味道濃郁少少，如果我只可以食一碗嘅話會揀佢先🙊⭐️醉雞卷($52)❤️7.5雞卷都有好多件，肉質較紮實，而且個汁好好食！ 不過個人覺得可以再浸得入味啲🙊⭐️麻辣牛展($50)❤️7.5麻辣汁唔算好辣，麻香較重，幾啱我口味！牛展較爽身，我就鍾意腍身啲嘅～ $50有呢個份量好唔錯！⭐️雲腿娃娃菜伴上海年糕($52)❤️7.0純粹想食菜嘅話可以叫吓🤣 正正常常嘅娃娃菜～ 上海年糕就冇咩特別～

行過元朗雞地，見佢係新開，小店乾淨明亮，咁岩又有卡位，即坐低🤫老公嗌左砂窩雲吞雞配新竹米粉，佢話湯濃，好飲，雞肉都好滑唔鞋口，有幾粒雲吞仔，唔錯可以再黎食。而我就嗌左醉豬手+藥膳湯米粉，好驚喜佢個醉豬手係甜甜地，食真d 再望真d, 係加左桂花釀，我鐘意呀，最愛偏甜口味，而藥膳好大陣當歸味，好多料喺個湯入面，勁濃郁，我都嗌左新竹米粉，索哂湯，正！見佢門口可以買d 醉小食外賣，我同老公都覺得有下次，做得唔錯👍👍👍

今日用OpenRice app叫外賣自取。時間係快，唔駛15分鐘就有得攞，成個流程係順暢嘅。我就叫左個砂鍋佬米鮮淮山煮雞酒加淮山麵嘅餐外賣。雞另外一個外賣盒放，湯同麵都係分開放嘅。雞係滑嘅，但就真係無咩味，要浸落個勁咸嘅湯度先夠味。但係我仲有個麵，食麵就會咸到痴線。個湯唔係湯，因為根本咸到飲唔到，加左成杯滾水都仲係好咸，我唔想同自己個腎過唔去。另外，明明寫住有鮮淮山，但一舊都無，舊舊咬落去都係薑，勁失望。

今晚家人想食雞，又想飲湯，俾我揾到嚐.湯雞，咁就初嚐一下。家人叫咗醉海鮮粉麵，配以濃雞湯，蝦及鮑魚都好新鮮，而花螺的肉就唔係太實。我就叫咗砂鍋雲吞雞配飯，雞係一份雞髀切件，整體入味。雲吞有3粒，大大粒，美味有質素。涼拌萵笋，OK好味。口水雞，對比我的砂鍋雲吞雞，口水雞味道雖然較為惹味，但我會推薦雲吞雞，雞的鮮味較突出。醉雞卷，配以酒香及蟲草花，呢個菜式幾清香，推介一試。整體初試嚐.湯雞，食品美味而感受到有用心製作。會繼續支持！

之前朋友食過介紹我食，所以今日我一家四口專登從將軍澳入來吃。一入店，店員有禮貌招呼，介紹食了一個至尊推介佛跳牆燉雞湯翅，辣鴨血，醉三寶，小朋友就食砂鍋雲吞雞😉！野食到了，第一啖湯就已經覺得味道好好👍🏻，我小朋友平時揀飲擇食，都飲晒👍🏻D雞好嫩，小朋友一口一口好快食晒！麻辣鴨血呢好好食😋另外加咗個刀削麵然後將啲刀削麵拎起擺落啲鴨血湯嗰度一齊食。簡直係絕配😌🤭🤭🤭好正！阿女話下次都要再食多次！真係要潮聖，今日打左卡上IG 威威😆😆走嗰時仲要打包多個鴨血同埋個雞湯🫢

經過見新開又未食過，同個朋友排隊羅位等左一陣，價錢唔貴醉豬手夠入味，原本點個胡椒豬肚湯，點知職員提未有個套餐可以有飯有胡椒豬肚湯，又可以優惠啲，所以我地就點左兩個套餐

新開小店...去試下叫左2款推介食粉麵砂鍋佬米鮮淮山煮雞酒配銀針粉:一上枱好雞酒好香酒味~雞肉嫩滑...銀針粉掛湯...一滴不漏一飲而盡~!砂鍋花膠雞鮑翅配米粉:好足料!雞湯好濃!花膠軟硬度適中...鮑魚彈牙~!醉芥蘭:全碟都係莖部~酒味已入晒~爽脆!