茶木‧台式休閒餐廳 (又一城)

Open Now

Now Closed

這天到又一城看7:30電影，所以在附近先吃晚餐，到茶木附近先被套餐買一送一吸引，但原來只有一個選擇，所以最終放棄了，我們後來點了下午茶餐。供應至下午六時的下午茶餐有幾個選擇，套餐包括前菜、主食及飲品。我們兩個人點了青瓜、麻辣豬耳、咕嚕肉、醬汁豬軟骨，分別配菜飯及肉燥新竹米粉，飲品點了凍烏龍茶及高山綠茶。整體來說賣相不算十分吸引，可是味道搭救！麻辣豬耳入味爽口，咕嚕肉醬汁開胃酸甜，咕嚕肉無骨啖啖肉，而且非常冧滑，肉燥新竹米粉也惹味！

今日下晝去咗茶木嗰度食下午茶，貪佢地方有大又企理，同埋服務都幾好。叫咗個紅燒牛肉麵。唔知點解下午茶都咁肚餓姐，成碗食哂。 牛肉味都幾鮮幾濃，個湯底都幾好飲。正。下次再嚟

食完飯同老公黎食個甜品，之前曾經買過外賣 份量好似細好多 今次叫個堂食既 份量都幾多 芋圓煙煙韌韌 紅豆好大粒 番薯粒唔太甜有少少失色 個糖水有淡淡薑味 整體來講唔錯 雖然坐得有d辛苦 但都會再黎食過

一直以來都以為這間茶木只供外賣盒、簡單輕食、選擇有限，今天因為想快食，所以選擇到此光顧一次。點餐（正式來講非套餐，而只是單點一種飯盒）、另額外加飲料（可隨意選擇任何飲品，包括茶、咖啡等）、領取收據及提示器、找位子坐下等待領取食物⋯⋯整個過程同快餐店無分別。那麼食物水準又如何呢？雖然同其他分店的水準無大分別，但種類則略有不同，有些平時喜歡點的，這間則沒有提供。今天見到有新產品介紹，所以就點來一試，味道又不錯喔！

今日去左又一城間間食市都勁多日🤦🏻‍♀️🤦🏻‍♀️於是走左去平時極小人去既茶木買左個外賣😆炸雞扒滷肉飯😋之前去食我記我份量好小同好咸，今次再食好食左同野食真係新鮮煮出黎👍🏻👍🏻雖然多人但等得吾耐👍🏻

九龍塘呢間茶木以外賣為主，所以枱椅不多。茶木主打台灣野，係人都知聞名中外既台式雞扒係屈機架啦⋯⋯ 甘我menu 都唔洗睇就叫雞扒肉燥飯，正當我期待萬分之時，店員跟我說：唔好意思，雞扒賣光了。甘證明我無選擇錯誤啦🤣🤣唯有轉order 豬扒肉燥飯（$62），豬扒肉燥飯比我上次黎食係好一點，豬扒有咬口得黎又唔會過「un 」，（而外面好多餐廳落鬆肉粉太多，無左豬既特色），加上炸得平均，每一件都係酥炸脆口，做到外脆內軟。呢個飯配左唔少「送飯」既配料，如：青瓜/雪菜/肉燥，真係好難令人唔開胃架woooo ,, 呢個組合平凡中又帶點不平凡。

吃完麵，去試護膚品，試完護膚品，去 ground floor 準備搭的士，有點口渴，經過這家連鎖店，隨緣坐下，點了一輩朱古力烏龍凍茶，及一個自家制芋圓，$58, 不貴！人多，等了大約15 分鐘！對這些連鎖店的食品，沒有抱大期望！純粹解渴！烏龍茶茶味一般，朱古力味不濃，真的只是解渴而已！自家制芋圓，就是把預先做好的涼粉，番薯、芋圓、紅豆一起放碗裡！份量都不少！芋圓幾彈牙，紅豆超甜！番薯竟然是 “爽” 的，不是 “粉” 的，究竟是不熟，還是番薯質量差？有點搞笑! 味道很一般，下次不會再來！不好意思！

係依頭做野 咁岩經過見到有得嗌野飲拎走 即刻就想試下 因為好似吾係間間tea wood都有？咁好啦 佢個menu係幾搞笑 又歐蕾又冷泡茶咁 可能我見識小 於是我就去問下店員 佢就話一個當係奶茶 另一個當普通茶就ok 所以我就試個紅蜜歐蕾 仲加左個珍珠 咁飲落都ok嘅 好明顯知道係紅茶加鋒蜜嘅配搭 入口2樣野都feel到 而奶蓋我就覺得麻麻 得種鹹味咁而啲珍珠偏細粒 所以食落冇咁有咬口 不過依啲見人見智啦 我就麻麻啲珍珠 下次都可以試下其他口味可能水果茶有驚喜

今日要過沙田做d野, 見仲有少少時間可以係又一城食個lunch, 平時好少黎哩頭所以都唔知有咩好食, 去到見到有茶木就決定食佢啦。一向覺得茶木出品唔錯, 好多野想試但次次去都忍唔住叫佢既牛肉麵同溏心蛋, 今之終於狠下心腸叫左第二款野食啦希臘式優格英國保濕豬扒燉藜麥飯孤陋寡聞既我唔知道原來有一種豬扒叫保濕豬扒, 亦未曾試過希臘乳酪配豬扒飯, 就食佢啦!果然無揀錯呀, 食第一啖之後就停唔到啦~~藜麥飯加左芝士係面好香好creamy, 豬扒真係同平時個d唔同, 除左夠厚身之外仲好juicy, 口感好好! 果然有保濕效果呀下! 配埋個乳酪汁又幾Match wo, 酸酸咪咪好清新, 好新奇既配搭呀紅豆薏米水清清地既紅豆薏米水, 出面好少地方有得飲而家成日話環保, 依度既飲筒就用左甘蔗渣飲筒, 上網睇係台灣產物黎架, 既顧及到客人需要既同時又盡到企業既環保責任, 讚呀雖然價錢唔算平但係起碼佢好食又有新意, 叫做值得比既價錢, 茶木出品果然無令我失望

又一城有間茶木，雖然堂食位好少，lunchtime都好難會搵到位，但一樣有好多人買外賣～～呢個黑麻油雞翼肉燥飯係我既最愛，久唔久總會想再食一食，回味一下～～一盒飯有三隻好好味既黑麻油雞翼，甜甜地，夠入味，份量剛好～～仲有好多肉燥撈飯食，配埋爽口既青瓜，夠晒有口感，成盒飯夠晒豐富，食落都好滿足～～～呢個半熟溏心蛋都為呢個飯加左好多分，半熟剛剛好，又嫩滑，又夠味，係幸福既味道呀！！呢杯飲品就還好啦，唔知點解成日無熱飲揀，呢杯係凍綠茶歐蕾～

在屋企剛重溫日本拉麵嘅節目，家人拉麵瘾起，於是走去附近一間開咗好耐，但係都未試過的TeaWood，今日終於去試下佢哋嘅台式拉麵同飲品。紅燒牛肉麵，超级好味，牛肉厚切，軟滑，咬落去成口肉汁，麵爽，果然是signature dish，好掂!醬燒豬軟骨麵，超軟滑，又有紅蘿蔔又有白蘿蔔，用料豐富，營養價值高。飲品方面，我揀咗今期推介的可可烏龍歐蕾，可可味不濃，完全不甜，偏淡，我選錯了。如果碗麵可以再大碗D，就更加perfect:

又一城嘅野食選擇都唔少，不過好多地方都成日爆棚，尤其food court🤯 茶木都好爆，因為佢位少。喺又一城想食平少少除左food court仲可以考慮下茶木。野食唔算貴，份量都對得住價錢。非常推介紅油抄手，抵食之餘又好味。個涵啲肉嘅份量剛好，唔會太油。辣度係小辣左右，辣油都係小編最鍾意嘅花椒八角。細細粒抄手夾埋伴菜啲青瓜一口食簡直一流🥰個牛肉麵反而比較普通，個湯味唔係好夠濃。個麵就有啲硬，同唔係好夾個湯。啲牛肉有比腩同筋，都幾冧。反而個蘿蔔幾好食，唔硬同好入味。成個飯份量都多，個豬軟骨夠鬆軟，但就比較油，嗰格個底有一層厚厚嘅油。個肉燥入味而且唔會咸，唔會有太多肥豬肉，好唔錯。個炸雞又係強烈推介，超抵食，勁大份。個雞唔會炸得太燶，唔油膩，又唔會太濃味，所有野都係啱啱好。嗰日無水果茶賣，唯有簡其他飲品。呢個熱情果芒果茶偏甜，有芒果肉同百香果籽，飲完可以食埋😂

在九龍塘又一城閒逛的一個下午，行得久了，口也渴了，就在這間「茶木 台式休閒餐廳」的又一城分店喝了一杯店中「輕鬆茶飲」系列的「紅柚子烏龍奶蓋茶」（$28）。 這茶的味道是清新的，而且也能解渴，不過奶蓋的味道就偏淡而不濃，除了最初喝的數啖外，之後便無以為繼，令自己有點失望。其實，我之所以會在這兒喝東西，本來是被那一系列的櫻桃小丸子特飲所吸引的，可惜這天最吸引的「小丸子櫻桃西瓜柳丁汁」已經售罄，另外三款特飲的吸引力又不夠，所以我才會退而求其次的點了「紅柚子烏龍奶蓋茶」來喝，也許，下次我再光顧茶木，會試到小丸子系列的各款特飲吧！

係嘅，我哋都係趕時間，先至當佢係小食亭咁食。但係無論食物嘅器皿同環境，都好似買咗碗魚蛋粉踎係街邊食咁，相同嘅價錢，心裏面就有啲唔舒服。老公叫咗呢個鹽酥豬排滷肉飯，豬排一貫鬆香酥軟。我點左紅燒牛肉麵，都係香濃可口。不過環境真係唔ok有得揀都唔會再黎。

茶木食得多Cafe就真係第一次去宜家小丸子飲品發售中 緊係試下小丸子櫻桃西瓜柳丁汁係沙冰黎既 又幾好飲喎西瓜汁然後有少少酸橙味 個杯又好可愛我朋友嗌左蜜香紅茶奶蓋我試左一啖 唔甜既清清地 奶蓋都唔差雞都係正常地好食Cafe開得幾好 可以坐下來傾下計又無限用餐時間 贊