天仁茗茶 (Closed)

我自己時就唔係好鍾意飲啲好複雜嘅茶， 同埋唔係好鍾意飲奶精，所以好多時都會買天仁茗茶，因為天仁茗茶可以有鮮奶茶， 呢個好緊要大家可以留意下好多茶飲店都係冇鮮奶。大家真係要留意下到咗飲咗啲乜嘢落肚今次又係飲黑鑽鮮奶茶， 其實都係鮮草加鮮奶茶， 我自己一定會叫半糖，另外我覺得叫常溫最抵飲，微冷但係又唔會有好多冰， 最緊要係杯嘢飲冇沖淡到另外朋友原本係想叫香橙綠茶，但係橙汁賣曬，想轉葡萄柚葡萄柚又賣曬，只係淨返檸檬綠茶，無糖檸檬綠茶真係好酸 ，但係都好飲嘅👍

唔知大家最近覺唔覺得出到街就算戴住口罩都特別口乾, 咁天仁茗茶響香港台式手摇飲品嘅市場來講定位都算係高質而且製成品質素穩定, 甚少有中伏嘅情況, 所以我都特別中意去天仁買番杯野飲, 不過今次真係有d 伏伏伏了話説又係因為有信用卡簽賬優惠咁就送左25蚊現金券, 因為easy money 嘅關係咁就響旺角呢間天仁亂咁指就選擇左呢杯芋頭奶綠了.........呢杯野..........首先我叫左少糖少冰, 呢個係絕對錯誤嘅選擇, 因為結果令到杯飲品好淡味, 而且芋頭份量好多好多, 口感好結實, 似係就咁切粒放落去嘅感覺, 如果將芋頭粒打成泥口感會好好多, 奶綠就都唔錯嘅, 但咁岩今次奶落多左, 所以成杯感覺似芋頭奶, 冇咩茶味, 最後飲完呢杯野轉頭要再買野飲.....不過因為用左現金券嘅關係, 1蚊都唔洗比, 下次都係叫番鐵觀音算

近年嚟台式飲品喺香港都超級hit，天仁係其中一間可以屹立不倒，成日經過見到，都有好多人喺舖頭外面排隊。今次行經天仁茗茶，聞到甜甜嘅珍珠香味，同陣陣茶香，心思思都想飲番杯，於是就買咗杯去品味一吓😋913鮮奶茶 (凍) ($25) (加珍珠$4)913 King’s Olong Tea Latte with Pearl Tapoica- 913烏龍茶茶底香濃，飲完齒頰留香- 用鮮奶冲令成杯珍奶嘅味道層次昇華咗好多倍- 少糖就啱啱好，成杯嘢飲都唔會好甜- 珍珠質地Q彈，口感超級好，食落煙煙韌韌，超有咬口如果下次有經過天仁茗茶嘅分店，一定會encore再飲番杯😋

琴日行過金魚街。。天氣太熱 口渴得滯 忍唔住要飲返杯野飲 咁岩行過天仁茗茶 就行入去買杯野飲 通常我都係飲913茶王少冰少甜 但飲得多都想轉下新野飲 今次試左佢個 洛神冰茶 一飲落去 酸酸地跟住有少少回甘 好正 個熱氣即刻散哂 呢杯野真係值得推薦

天仁茗茶鐵觀音雪糕$25呢個應該系我雪糕排行榜數一數二最愛既其中一款食落奶味不太重☺️但好香茶味超濃食落有小小沙冰feel 唔會太甜😛食完一次會有再食的心夏天消暑的佳品評分:9/10

呢日小弟經過花園街，見到天仁茗茶就醒起之前有睇到廣告，4月份會同牛奶公司黎個crossover推出乳酪飲品。中意乳酪飲品既我當然唔會錯過啦今次推出既乳酪飲品分別有3種口味：抹茶、香橙同士多啤梨。今次小弟就揀咗抹茶味～俾咗錢之後，見到店員真係拎咗牛奶公司嘅乳酪出嚟整！夠晒真材實料！不過可惜，呢款特飲只可以調教甜度，並唔可以少冰或者走冰。飲落去乳酪味好重，質感有啲杰，唔似有啲飲品店標明係乳酪飲品但仲係好似水咁嘅質感。今次小弟叫咗少甜，甜度ok～不過抹茶味嘅味道唔夠明顯。呢杯野$27，絕對飲得過

經過天仁茗茶梗係飲番一杯珍珠鮮奶綠或者鮮奶茶啦，我好鍾意佢嘅珍珠鮮奶綠，我個人本身就鍾意鮮奶綠， 鮮奶同埋綠茶味兩種嘅配搭真係好夾，加埋佢哋嘅珍珠，成杯飲品口感好好，煙煙銀銀嘅珍珠，配上鮮奶同埋綠茶，幾好飲㗎！

2020年1月19日今日約左朋友食下午茶。但佢遲左出門口。由於我岩岩先食完龍津。又有啲口渴。見朋友仲未到。我就去左搵間天仁茗茶。諗住買番杯珍珠奶茶飲。但因為我起身只食左龍津。所以飲奶茶又怕會肚痛。因為又想食珍珠。所以去到天仁茗茶就叫左杯蜂蜜綠茶加珍珠。見到佢完左新杯！好有新年既感覺！！有啲炮仗既感覺。但如果佢顏色可以紅啲就好啦而家我覺得佢太橙色。杯野飲。我明明冇叫少甜少冰。但佢出到黎。又少甜又少冰。傷心可能因為佢覺得我有呢個需要。但都唔算唔好飲。係冇想像中咁甜。

天仁茗茶有賣開雪糕 當中佢個鐵觀音味真係好正 唔會太甜 但係好夠茶味 而家佢有個奇脆杯我都好推介 因為佢入面d 粒粒絕對唔似普通早餐粟米片 唔知係咪加工過定係自家制 好脆好脆 再加埋雪糕係入面 真係好夾

小弟本身係天仁茗茶嘅die hard fans，基本上行街見到天仁茗茶都會飲一杯。今日行過波鞋街嗰間天仁茗茶亦都唔例外，但係今日竟然係我對天仁失望嘅初體驗，飲咁多次天仁茗茶，佢哋嘅份量水準其實都保持到好好嘅高質水平。今次我嗌返之前我飲開嘅鮮榨水果綠茶，一拎上手見到份量係爭一節嘅， 唔計佢打起既泡，成杯嘢只係得三分二杯，但都唔緊要 ，旨在口渴飲下嘢啫。但係一飲落去發現中咗伏，完全冇茶味不特止，佢嗰啲鮮果只係得橙汁，感覺就好似飲緊一杯綠色嘅橙汁。所以今次呢個完全係我對天仁茗茶好失望嘅一次經歷，但係咁樣都唔會影響我對佢嘅忠實程度，希望下次唔好再遇到咁嘅情況啦！

今日同朋友係旺角食完飯之後去左行街，行經天仁茗茶，見到大量人排緊隊，一睇，原來HSBC Credit card買一送一呀！對於天仁茗茶既忠實fans既我，雖然已經食飽左同飲左可樂，但唔飲真係對唔住自己！！平時必飲珍珠鮮奶茶既我，今日見天氣咁熱，於是試下其他飲品，睇左一輪，決定飲沙冰系列，試一試杯綠抹茶拿鐵沙冰，飲呢杯沙冰，個人即時涼返哂🤣😂但可能都係有奶。。所以飲左一半左右都開始溜溜地，同埋有d甜得滯，建議天仁可以試下整普通鮮果沙冰。。fresh 得黎唔太溜😋😋

今曰晏就同朋友去完煙廠街食晏就飯，打左個邊爐，雖然已經好飽，但食完緊係要食返d甜野或者飲杯野啦，順便去附近睇錶，經過天仁茗茶，天仁不嬲都係我既top list，質素好穩定。見到好多人排隊，知道原來用匯豐信用咭有買一送一呀，咁多人排都要幫襯下呀。平時飲開珍珠鮮奶綠，今次決定試下新野先。呢次試下呢個綠茶拿鐵沙冰先。飲落口唔錯既，無咩拿鐵味，綠茶味重d，奶味都唔係好重，唔記得叫少甜，所以飲落都幾甜，建議叫少甜已夠。

作為天仁茗茶的忠實fans食完野經過旺角有分店即刻入去買反杯野飲先朋友簡左冬瓜茶 叫少甜味道岩岩好 而家天氣甘飲岩晒自己叫左普里拿鐵 叫左少冰第一次試 無諗過比想像中好飲呢2杯下次都會encore的

天仁茗茶嘅珍珠奶茶真係令人一試難忘佢啲珍珠大細完全係啱晒我嘅口味你之後仲要佢嘅奶茶唔會好澀而我認為佢嘅茶味都好出眾唔會俾啲奶佢遮蓋着。不過就略嫌佢嘅奶味唔夠香係一種奶正或者奶粉沖出嚟嘅感覺而且佢哋出飲品嘅速度都好快價錢又唔算貴所以我一直都係天仁茗茶嘅忠實粉絲

偶然間會好想飲天仁茗茶， 有一段時間對天仁913奶茶上左癮，所以久唔久都會想飲。😂 因為趕時間，錯誤哋叫咗913茶王。。🙊 原本諗住改，但鋪內多客好忙。 所以以試下無妨ge心態飲913茶王。。😂😂本身諗住只係一杯普通ge茶(有d覺得用十幾蚊買杯茶好唔抵。😂)，但飲落e杯913茶王真係物有所值，茶ge味道好濃，又未至於苦，又不是甘，估唔到係咩，味道好特別。。🤔 令我好奇佢到底係乜嘢茶。😂 所以返轉頭睇，原來e杯茶王係人參烏龍茶! 味道同平時支裝烏龍茶完全唔同。甘大杯，我都好快飲晒。😂 睇黎以後想飲茶，有多一個“飲茶“ge選擇lu!