天仁茗茶 (Closed)

同肥髀做完證件，行去搭車時見到呢間台式飲品店，天氣太熱，真係對凍飲無抵抗能力！去到門面幾大，除了一個大櫃臺出飲料，仲有一邊係賣茶葉禮盒嘅，白加綠好搶眼，先去門口落單比錢，再攞票去櫃臺等叫號碼，等待期間茶葉部姨姨沖啲靚茶試飲，仲要係凍嘅（你比熱嘅我，真係唔試）另買兩杯比媽咪阿姨飲！鮮榨水果綠茶（$31）加燒仙草凍（$4）打開蓋見墨綠色嘅液體，第一啖係酸，飲緊檸檬果汁一樣，完全飲唔到茶味！比果汁蓋晒茶味，但⋯⋯飲咗幾啖都無仙草凍嘅？左撩右撩都無，去同店員講，佢加番比我，仙草凍即係涼粉，好滑溜！增加咗有咬口同飽肚感！不過無茶味爭咗啲！珍珠奶茶（$19）肥髀飲店員好繁忙，出茶出得快，所以忙中有錯，我嗰杯無落到燒仙草凍，因為等外賣所以飲唔到就叫佢加返！因為好多人即買即飲，膠袋要問店員先比，膠袋底會加個膠盤！唔會移位！幾細心！飲管獨立包裝！講真我都係喜歡食佢嘅雪榚多啲

果日口渴經過買左杯茶王, 但今次係唔小心叫錯左, 之前係飲奶茶, 但叫錯左無計, 諗住天仁d茶應該唔差, 點知原來剩茶王都係好難飲, 勁腥同勁澀綠茶味, 一d都唔香, 好失望..咁貴細細杯又唔好飲

行開灣仔等個朋友，見到有天仁所以就叫左杯蜂蜜綠茶加珍珠自己一路都覺得呢間野甜甜所以會叫佢7分甜雖然加珍珠另外就要加＄4但係珍珠細細粒質感煙煙韌韌好好味所以我次次都會加蜂蜜嘅味道就唔重反而茶味真的幾香

成日排長龍，次次都好多人既天仁茗茶，明明咁好生意都仲做優惠，問你服未?!有咁著數一眾同事一齊去買啦! 環境:外賣店，有埋茶葉賣。 飲品:913奶茶(熱)，平時飲凍，今日太凍飲熱，有一種清新既茶味，奶，似淡奶既味，好飲呀。

係灣仔返工,經常幫襯. 但係服務越黎越差,完全同銅鑼灣間分店唔同.話說今日買左杯珍珠鮮奶綠, 親眼見到個女員工用量杯加左半杯水落去我杯野度.果然杯野飲落似奶水溝少少茶味..... 上次又係類似情況, 買左杯珍珠鮮奶綠走冰, 身形大少少個位員工拎杯野比我個陣同我講有少少冰唔怕啦, 我都唔介意既....只不過我一拎上手搖一搖d冰唔係少少, 係直程正常冰... 同佢講請佢換過比我, 只見佢勁黑面撈起d冰, 見杯野未滿所以又加左水落去, 所以有一排見到佢係度沖野飲都無幫襯.以為今日係個女仔會好少少... 點知都係咁. 越黎越失望..!!

咁多間台灣茶，我最鐘意係天仁，茶味永遠好香濃珍珠奶綠，有好濃郁既綠茶味，珍珠好咬口，唔會太實又唔會太軟，好有口感913奶茶，本身913就係茶王，加奶之後令佢茶味更出不過本身天仁啲飲品都偏甜，記得起碼要7分甜

去完會展睇展覽，好口渴， 見到天仁茗茶，買杯野飲先。香芋鮮奶綠$25 - 選了熱飲，其實是暖的，不是熱，好處是可以立即飲，唔驚熱親咀仔。點選半甜，的確已經幾淡了，係我可接到最淡的程度了，再淡的話飲呢d 都無樂趣了，不如飲水。鮮奶非常香濃，濃到完全蓋過了茶味，飲落非常順口，一啖接一啖咁飲，好快k.o.一杯，不過如果茶味可以多少少會更好。而香芋唔係只得個味，係有好多細粒的香芋，用支粗的飲管，可以飲野同時食埋d 香芋，完成呢杯野飲後，已半飽了。

4、5年前，因為朋友介紹，喺台北試過天仁，就已經深深愛上佢地的913奶茶!!!而呢間舖，平時LUNCH都會偷D時間黎買 昨日其實都飲左一杯架啦... 哈哈今日反正回來，又在隔離買米線，冇理由唔買返一杯架?茉香奶綠，其實就是茉莉花奶茶。我偏愛台式飲品。港式奶茶的茶特別濃，飲完其實唔係幾頂得順。所以珍珠奶茶呢D啱晒我口味!今日12點幾就去買，況且星期六，唔洗等咁滯!! 不過我就唔記得叫30%糖，UP錯左少甜.. 所以今日呢杯70%糖係比較甜!講真，雖然知道係奶粉，但又唔會飲到一粒粒，陣味又唔會好似其他珍珠奶茶舖咁 咁假 (如果唔係貴幾蚊，我都會飲鮮奶綠... 真係好飲D架!!)。加上我最鍾意叫走冰/常溫... 天仁襲港之前，香港D奶茶舖都冇呢D揀... 叫少冰其實都有半杯冰 -__-所以飲過天仁... 其實都好少再飲其他X茶了... 嘻

天時暑熱, 最適合飲杯冰涼既茶解渴, 一般台式珍珠奶茶又太甜太多奶好易肥... 所以就揀左試飲呢間呢一間D飲品都係以唔同, 除左每一款飲品都可接照你既要求去調教唔同分量冰與甜外......每一種飲品都以唔同既茶膽去調教.....ORDER完之後 企係店鋪到等 其實佢都仲有好多茶葉 果茶賣 我地仲試飲左佢有一隻人参熱茶, 飲完 好甘口 一D都唔苦澀, 雖然好熱 但飲完好舒服, 等左5分鐘左右 就拎得飲品先講一講冰蜂蜜檸檬綠茶, 飲左一啖飲得出唔係蜂蜜味, 不過唔會過甜 覆蓋檸檬同綠茶味 幾好飲至於另一杯 百香果鮮橙綠茶   一飲 橙汁味較重, 類似果汁先生, 唔似鮮渣橙汁, 因為冇渣, 另外仲有一粒粒籽係個口到... 哦原來佢將百香果打碎去再MIX埋一齊 飲落去 好似冇左個茶味.. 不過都好好飲   冇所謂 下次會再試  

行完Fair,累到癲呀，本來打算行去搭巴士返歸的，喺會展條穚望到下面有天仁喫茶趣！之前都見到朋友在馬鞍山食過它們的茶品雪糕，不過馬鞍山真心遠，既然今晚咁都俾我見到就落去睇睇有無賣雪糕啦！灣仔舖除了賣台式飲料，仲有賣雪糕的，不過口味就要視乎返當日的銷售情況！我嗰晚就只剩下了鐵觀音的口味，也沒有了cone，只有紙杯裝，所以無得揀 twist + 試下個cone 了！鐵觀音霜淇淋 $20，確實不貴，份量都屬於大杯的！話明係霜淇淋，冰感預期中重，但溶化速度ok，唔會一過手就成手都係，茶味同奶味都屬重，所以食落口時，分唔到誰才是主角，茶味有回甘，都算唔錯啦！我本人唔太好奶味，所以就只屬中上吧！如果茶味可以再明顯一點就最好啦！

鐵觀音軟雪榚是呈嚴肅的灰綠色，沒有一般軟雪榚那種夢幻顏色，配合那滑稽的螺旋形狀，有點矛盾怪怪的感覺。大家通常都去天仁茗茶買茶，所以點軟雪榚的話，購票後不用輪很久就可以享用。軟雪榚有很香濃的鐵觀音茶香，茶香撲鼻。吃第一口，微微的甘澀就會迅間充斥在口腔每個角落，配合軟雪榚的奶味，有驚喜。整個人然後沉醉於鐵觀音的冰冷懷抱中，是消暑良方。這種感覺大概會維持十多口，之後會慢慢清醒過來，舌頭會有感覺，一小顆一小顆的。醒過來後舌頭那種感覺是破壞了剛才沉醉鐵觀音那涼快的氣氛。突然反問自己，這個軟雪榚怎麼不是滑滑的，而是布滿茶粉，茶粉混在軟雪榚內令軟雪榚散發鐵觀音的味道，同時不斷磨擦舌尖、舌頭、舌根……此時只吃到一半，還有一半「茶粉混軟雪榚」要吃。下半場的感覺是麻木的。忽然想起了一句：「少吃多滋味」

平常喝到的台式奶茶，多數使用茶精奶精沖泡而非使用真正鮮奶和茶葉泡出的茶，因為我對奶精茶精敏感，一喝便知！這天去書展路上被指使跑腿買點心進場，朋友指名要喝天仁，看看menu, 除了一般奶茶外居然還有鮮奶茶的選項，只需多給數元當然要試試！灣仔這家店生意很好，五六個店員分工合作，每人負責一個崗位，收銀、沖泡、包裝…非常暢順，雖然訂單很多但也不用等太久。同時可看到店員準備飲品的過程、裝了茶水的熱水爐、店員取出的盒裝鮮奶…果真是鮮奶茶，飲得放心！店內以中國風裝潢，冷氣充足，等候一段時間也不會辛苦，還可以看看店內陳列的茶類商品。我的冰鮮奶綠完成了，杯子也很可愛！可從蓋子裡看到綿密的奶泡，喝下時奶味較重，帶稍淡綠茶的甘香和少許苦澀，整體味道不錯，而且因為加了鮮奶口感非常順滑！喝完後也沒有出現平常喝到奶精會出現的不適感，確實是使用了鮮奶和茶葉泡的茶呢！終於找到一家可安心飲用的奶茶了，希望能多開分店，在別處也可買到！

[[]]為慶祝天仁茗茶在港開業3週年，由今日起至2／7（星期四）去天仁茗茶買第二杯飲品半價，但須相同茶飲 、冰或熱品項須一致。早前同朋友為左爭論貢茶定天仁哪家較好飲而鬧了半天，最後我地決定一人買一間比拼一下，結果係 天仁茗茶茶味比較濃香和突出，我們都一致裁定 「天仁勝！」

今日中午食飽飽之後係灣仔番公司，跟住行行下就覺得有啲口乾，之後行左陣就見到天仁茗茶，跟住朋友同我講話不如試下天仁茗茶，所以我就叫左杯冰香芋鮮奶綠，之後一喝落去，我覺得其實都幾唔錯，唔會太甜，仲有新鮮芋粒，喝落幾清新，但係冰有啲過多.。不過都算唔錯喇，朋友果然無推介錯呢間飲品店嘅。

来过很多次了，另外两位朋友一个开封人一个福建人也是很喜欢喝。这次点了green tea latte，绿茶味很清香，非常好的茶味，奶味甜甜的。一口就知道是真正的奶和很好的茶冲出来的。跟普通的奶茶粉冲的很大区别。