鐵板超豚鳥專門店 (Closed)

我覺得這間日本料理二人套餐好抵食,都只係賣$138...有什錦魚生(真係非常新鮮),有火鍋,有炸嘢,仲有其他,總之好抵啦......仲包埋飲品,抵....抵....抵.....下次會同d朋友黎食過.

d 侍應做野又唔快...d野又唔好食．．．ｄ手打烏冬幾差下

要注意已經唔係呢幾日去的, 可能menu 轉左都未定, 我自己叫左個鹿兒島黑豚肉窩食, 好腍好滑, 而且有肉味, 最重要係唔係好貴, 而我個friend 叫左牛肉窩的, 都冇我的豬肉咁好食, 仲要好多肉, 唔係靠d 烏冬/菜托底咁cheap (特價野成日都係咁.....) 但係都好飽肚, 真係勁ar !另外海膽又有特價, 反正幾個friend 除開唔係貴, 叫左全版食, 可能自己太耐冇食海膽la, 真係好有鮮味, 兼夾好香, 有新鮮黎自海洋的感覺~! 唔點豉油更加fresh ~! 結果比我搶黎食, haha 但係缺點係真係好逼, 枱與枱之間d space好少, 出出入入都好似要推倒隔離枱d 野食咁, 係咪日本菜餐館通常都係咁........?

昨日又去這間餐廳食野,叫了一個松什錦刺生,好新鮮,生蠔鍋d湯好鮮味,串燒牛利也是我的至愛有個女恃應好有笑容,好甜,好有禮貎,聴講遲d有新菜式,期待下一次的驚喜...............**諗唔到食乜,可以叫d侍應幫你,介紹今日推介.

朋友推介,即管試吓,叫了過咖喱豬扒飯,d咖喱好好味,不太辣,剛剛好,豬扒炸得好脆,薯仔芝士年糕d芝士好香,食一件好想再食多件,原來佢地下午d刺生是半價的,即是十幾元就食到一碟刺身,份量同夜晚一樣,聴d員工講下午仲有好多九蚊既食品,可惜我唔係喺附近番工,唔係我實黎,下次一定會同我d朋友再黎食過......

好抵食呀~雜錦刺身套餐$38(六,日,假期加一)雞軟骨餃子3件$9蟹子沙律有點硬...可能吃慣很多沙律醬及蟹柳的,所以覺得有點硬.雜錦刺身飯真的好抵食,每一啖飯都可以啖啖肉.平時吃的可能只是薄薄的鋪一層刺身在上面,但這裏的不是,好正!第一次吃雞軟骨餃子,覺得好特別,好脆,好淋,好爽口!可惜飲品只限汽水或柚子蜜.

這間店的壽司好新鮮,好平,$9 起有兩件.芝士年糕也不錯,這店整睇都幾好,但有一樣唔係好明,呢到寫平均消費每人幾佰元,但我地每人都係消費佰蚊鬆d咋麻(有時唔駛一佰蚊添,$40攪掂),仲食到好飽,算啦,我想介紹d好食既野比大家分享, 芝士年糕 綱燒西冷 鳳尾蝦腐皮餃子 芝士焗生蠔 軟瞉蟹天婦羅 壽司(海膽,劍魚腩,火炙左口魚邊)試啦,冇介紹錯架

只是試過他們的冷麵,但都不錯呀~很有嚼感.我吃中華冷麵,有火腿,日式义燒等等..但是汁太甜了,不太喜歡.而他的午餐有三文魚壽司2件,橙半個還有熱/凍飲一杯.但飲品的選擇好奇怪熱飲只有柑桔茶可供選擇,而凍飲也只是可樂等等...而且剛好遇著星期六,本來$32的午餐變成$36...加價得太多了..但我相信比隔離那間平點和好食點~

07/25/2005 20:00和朋友行完旺角去食晚飯，見呢間有定食又有拉麵餐，價錢又唔貴，都可以一試。環境和佈置都幾日本feel，不過坐得迫左o的。價錢方面$36一客，連汽水一支。我點了九州地獄拉麵($36)，女友就要中華冷麵($36)，另點了三文魚刺身($38)和鹽燒鯖魚($38)作為小食。拉麵先到，配料都幾多，有蜆、墨魚、叉燒同魚旦。湯欠缺鮮甜味但係都幾辣，同行另一友人食左兩啖就頂唔順。麵身本質唔錯，不過淥得太耐腍過頭，心想作為冷麵凍食會好o的。後來的冷麵，料唔多無乜特別，反而個甜甜地o既醬油汁做得唔錯，麵身果如我所料食落無湯麵咁腍身。不過呢碟麵有一大敗筆，令整體失色非常，就係唔夠凍........小食方面刺身唔錯幾新鮮，不過太太太細件了。又唔係做緊特價，橡皮般的尺寸實在叫人啼笑皆非.....燒鯖魚就好好食，端出來已聞到魚香，燒得剛好完全冇"火農"，食落沒有腥味而且魚味濃郁。埋單連加一$242，不算太貴，有機會會再來。

地方少，食物一般，偏咸。炒出來的食物全部差不多味（如海鮮炒烏冬、炒雜菜），鹽燒雞翼最好味！帶位的侍應小姐比較醒神，另外的麻麻。我們的壽司盆來到，索取豉油碟，她只給了兩隻（全檯五個人）。。。

黎到呢間店,位不太多,打開餐牌都是壽司,定食,心諗都冇乜特別野食,點知個Waiter 話有飛機貨番,係針魚,原來呢間店附近仲有一間分店,可以過去囉過黎,我便叫了一條,見個樣很得意,爽爽,好鮮味,再加埋d Wasabi,索呀!下次如果想食特別d既,記住問dWaiter呀!

有個女侍應好無禮貌, 話自己同事對d客咁好. 同事倒瀉了湯在客人的身上, 不幫手不特止仲唔肯賠錢俾人洗衫, 要同事自己賠.都唔知嘜人來地方又窄,野又唔係好好味, 只係平dd law, 以後都唔會再去受氣.

昨天行過這間日本料理,睇到$10一隻生蚝(因我是生蚝怪),見咁扺，咪走入去試吓啦，初初只叫一隻，但食完之後，我已再叫了半打了，因真的很新鮮，好肥，我還叫了一板特價海膽，都只是$68咋，很鮮甜，咁啱兩樣都是我最鐘意食，所以食得開心．下次去，一定叫一打生蚝，食番夠本至得．

店名係鐵板超，但餐牌卻沒有任何鐵板系列，只有爐端燒。所以跟弟弟兩人要了一碗鮑魚拉麵、一客豬扒蛋定食和一客燒雞軟骨。說實話，三樣其實都好唔掂，先講拉麵，湯底淡、麵條腍、鮑魚冇味；雞軟骨唔知點解苦苦o地，仲有朕怪味添，燒得過耐，上時乾爭爭；定食塊豬扒仲過媽咪煲完湯o既豬肉，飯唔夠熱，蛋竟然唔係滑蛋，而且分量偏細，男孩子一定唔夠飽，所以弟弟要多了一客三文魚壽司，不過呢客壽要20分鐘先上，但係一來就散晒，三文魚唔係咁新鮮和肥美，真係不值一提，請我也不會再來。

很久沒有去這間日本料理(因之前不太好),有一次經過這裏的門口,姑且再試一次,點知有d意外,食物和服務都好了很多,尤其是椒塩雞軟骨和軟瞉蟹天婦羅,非常之好味,魚生也很新鮮,侍應生也很熱情,食得很開心,最重要是價錢一點也不貴,值得去.....平...平....平.....