哲平食堂 (Closed)

公司樓下開左間日式丼飯成3個月，一直都覺得中午食咁貴好似有點兒過份而未去食過。今日同事班忽然話好想食，所以終於半自願地被捉去食。如果唔想食咁貴既，都有60蚊左右的各款咖喱飯，例如吉列豬扒咖喱飯等。但係都一場黎到，當然係要食丼飯啦。九州醬油帆立貝特盛($90)特制的醬油醃製了三文魚、呑拿魚、元貝、三文魚子，加上帆立貝。醬油味道溫和而不會太咸，材料夠哂足料，反而飯就唔係好夠。材料唔少，但質素唔算好高，特別呑拿魚的味道不太新鮮，帆立貝亦不夠鮮甜。以90蚊黎講，性價比欠奉

路經哲平食堂，買份外賣午餐試試。通常第一次試,必試人氣之選，原因是：第一，多人吃、不會太差，第二，流量快，食材較新鮮。九州醬油海鮮丼（$80）飯是預早盛在盒中，所以飯粒較硬。店員在飯面灑上葱花、紫菜、加上混了醬油的海鮮、切幼的豆和山葵。海鮮與飯比例，差不多一比一。吃時，啖啖飯都有海鮮。海鮮種類很多，有三文魚、吞拿魚、小貝柱、小鮑魚、蟹子。原本組合不錯，價錢也合理。但如果飯可改善沒那麼硬、多少少醬油，會更美味。

丼飯最近成大熱🔥好多地方都開始有得食，但這間算比較便宜又快捷頂到丼飯癮而廚房更是開放透明玻璃式👀可以睇到師父製作過程添<九州醬油海鮮丼> 🍱$80個丼都幾足料，用咗大路三文魚、吞拿魚、螺肉...等刺身厚切到一大粒😍差不多鋪滿一整個飯碗，而面上更灑滿調味料，中間有夾雜紫菜，面旁邊有一大舊日本芥末，再配上佢哋自家製醬油整體配合還好👉但當天刺身有一丁點腥味😅好在佢醬油跟芥末都很出色，可以遮蓋住👏這個價錢我會滿意收貨

灣仔區比較多寫字樓, 唔少香港人都分秒必爭, 又追求快靚正! 要食正野, 一般快餐可能未必達到你既要求, 但呢間相信係唔少人至愛既日本快餐, 主打醬油剌身飯盒! 【九州醬油海鮮丼】HK$80 【九州醬油帆立貝特盛】HK$90 唔好睇少佢好似好細碗, 但份量絕對唔少! 豐富食材包括三文魚,吞拿魚,帆立貝,螺肉,三文魚籽, 干貝, 芝麻碎同紫菜絲, 而且每舊剌身都非常大粒肥美, 刺身經廚師均勻地撈上秘制醬油, 鹹度剛剛好, 無需再另點豉油, 都突顯到刺身本身既鮮味~ 更採用珍珠米做飯, 飯既溫度保持室溫… 不錯啊!另外, 亦有多款特色薯餅, 每件都係HK$10…當中我就試左以下幾款, 額外配上醬油, 但醬油味道比較濃, COVER哂每種薯餅本身特色味道, 所以最後我都冇點….【北海道男爵薯餅】– 即叫即炸當然會鬆脆, 但味道上沒有什麼特別【北海道忌廉南瓜薯餅】– 微淡忌廉, 內裡略帶南瓜粉粉地既質感, 甜甜地【北海道帆立貝可樂餅】– 內裡軟林林, 好似食緊半液體狀既蛋白, 但食唔出有可樂味【北海道忌廉栗米薯餅】– 微淡忌廉, 栗米增口感 呢度冇任何套餐, 如果要飲野, 每罐汽水 HK

期待已久既醬油三文魚丼我點了火炙和刺身三文魚丼朋友叫了人氣no.1個個剌身丼到步即見到立食台多左高櫈冇乜人 坐得幾舒服唔知係咪早得濟 冇得配麵豉湯整體魚生質素ok 又幾厚切分量不少 50:50 三文魚:飯量 火炙都燒得唔錯個配菜幾特别 係脆到好似青瓜既豆夾仲有十粒八粒三文魚子飯夠熱又綿 伴飯紫菜恰到好處係個醬油漬做得比較清淡 比普通魚生沾壽司豉油既味仲要淡少少 就多左d炒芝麻碎鋪面跟想像中既醬油漬魚有出入~~ 如果濃味一點㑹更好吃還是我個人比較重口味

位於短短的一條克街之內，有一所以海鮮丼作主打的小食堂....老闆好像是地道的日本人，他的名字就跟店名一樣就叫做哲平。料想不到一間如此小的店子，她竟在新加坡等地都有分舖，真是"店不可以貌相"呢....這兒的店自慢，便是這一個九州醬油海鮮丼....就連牆上也掛著有關它的專門介紹....除了海鮮丼之外，這兒另有炸物丼供應。小友是夜點的，便是滑蛋炸雞扒飯....蛋漿的而且確很夠滑；醬汁味道調得偏甜甚為下飯；雞扒的缺點是沾了麵包糠後炸起的金黃外皮因被蛋漿浸透至接近爛淰，但肉質之軟嫩無渣，也是不折不扣的事實....店內號稱用的是日本國產的白米....但說老實在吃遍三碗丼後，小弟倒覺得米方面是未太突出，米香淡泊之餘又沒有甚麼嚼勁....好，是時候說回那招牌的海鮮丼。魚生粒的份量是相當足秤，其量是多得將墊底的酸醋米飯完全蓋掉；魚生海鮮粒的種類大多十分大路，都儘是三文、吞拿及油甘的常見魚種。新鮮度方面是可以接受的，起碼進口是沒有一股腥氣及怪味。切成像大粒骰的它們甚具咬口非常的mouthful。更值得一讚的是用來醃漬魚肉的醬油鹹淡得宜，吃一口魚肉後再啖一口日飯，剛剛好....另外要一提是魷魚粒很脆很爽，吃

呢喥既味道係好食既，好食到今次係第三次黎食。平時食壽司係食個種既鮮且涼既感覺，不過同樣既材料，卻可以有另一番味道。醬油海鮮丼，同樣係魚生醬油Wasabi，但係每食一淡滿滿的濃烈感應衝擊著。沾滿醬油的魚生大切，用豐富的體積填滿口腔，而咬下去鮮味嗌出；然後底下的Wasabi飯，更是不斷地刺激著舌頭；整個攻勢，令人完全臣服。哈哈，真係好食，好食。不過價錢唔係話平既，都$90，叫做合理，有咁既質素係合理既

夜晚七點 人不算太多點了九洲醬油帆立貝特盛飯價錢尚可 沒有加一收費不過味道就真的有待改進啦帶有腥味 鮮味就無啦醬油放太多 整碟魚生飯濕立立 味道太咸 魚生更是暖的新開張 的確有待改進 汁另上會比較好 客人可自己調配總括 短期內不會再光臨很失望 吃了一半便放棄了

地址係克街6號, 去到見到點解係呀姐賣襪既?!...路痴好迷茫..原來係自己豬左...比D勇氣,,行前幾步過埋華星就係...哲平!!!yeay!!...去到係一個正方形舖面,,,左右各有7,8張坐位左右,,面璧既,,幾岩毒自午飯既人食~~無MENU放係'木台'..但係收銀處牆上有一大個MENU可以望到~~叫左醬油海鮮丼~80蚊~唔包野飲~雪櫃有飲品~樽裝烏龍茶10蚊,,下層有罐裝汽水5蚊~坐低好快有得食了~~佢係用黑色大膠碗上~~雖然唔夠美觀~~但節省成本都明既..無所謂..試下最重要既飯先~切得好大件,,平時D雜錦海鮮丼,,D刺身大概切到兩個指頭咁既SIZE~佢呢到係大1.5倍有多~~而且有反咁上下厚度~~加上灑左D蔥花同芝麻係上面~賣樣幾好幾豐富~~~刺身除左三文魚~吞那魚~仲有另一種魚(忘記名)~估唔到仲有細細地既鮑魚切粒~~印象中佢好似無蛋同青瓜等配料在內~~~整體味道唔錯既~~唔會覺得唔值中伏先~~但剌身可以再鮮甜d~~~而WAITER包括收銀都好有禮貌~下次可能會試下佢既炸雞丼~~60幾蚊~~都唔算貴~~~仲有...個到d冷氣唔夠行~~間野無門係開揚式~~外面一熱就應~~所

問個個日本厨師，食材由日本、挪威等地直送。個秘製醬油加埋5種厚切刺身，配上醋酸度剛剛好既日本珍珠米，啖啖鮮味。80蚊價錢可以食到由日本師傅即叫即整既魚生飯，超值！

海鮮丼的食材不外乎刺身、醬油、飯、芥末，不是新鮮事，只是丼物的一種，云云丼物中，吉野家賣的都是其中一種，就是牛丼。最簡單的釋義就是把食材蓋著飯一迸的吃，但創意十足的人花心思把丼物改造，像在飯面上起高樓般，做出幾層/幾段丼、把刺身碎堆得像座尖山、一丼幾食等等的吸睛之物。近來在香港刮起一陣熱潮，就連不太喜歡吃米飯的朋友們都蠢蠢欲動，希望他們不是為拍照而去，最後卻吃剩很多米飯吧。有留意幾家新興的海鮮丼，但還是抱觀望態度，刺身質素良莠不齊是最大的原因。如果刺身新鮮，少一點花巧又何妨，這天在平日午飯時候獨闖的，是位於灣仔華星旁一家新開的丼物店，除了刺身丼外，還有其他主食如豬扒丼、咖喱飯等，相信不難成為灣仔區打工仔的新食力。店面的招牌是一襲簡單的紅底白字，風格有點像華御結（雖然是粉紅色），實而不華。「哲平食堂」是隨店主哲平先生而命名，算是一個較特別的「過江龍」。特別在於日藉店主，卻在新加坡開設第一家「哲平食堂」，至今已有三家分店，包括ION Orchard、Millenia Walk等大型商場，但一直都未有衝出新加坡。「過江再過江」，這香港店是他的第二個落腳點。付錢後和店員閒聊，她說接著他更會回日