Tequila Jack's (Closed)

朋友不多,亦不算少,但在這一個晚上能陪我的又有幾個? 原本又是回家的一個晚,最後約了啊K出來. 可惜因為有事,遲大到. 還好啊K跟兩個朋友在酒吧等我. 之前經過TJ好多次都無留意,原來這來有好多麥啤. 入門的應該係Draft Beer Signal Hill,麥味重,夠順喉. OR其他食家介紹了Chimay, Brooklyn... 未食過晚飯的我,睇過manual之後,決定食tortilla chips釣命,一陣再食過. Tortilla chips口感比較粗,沒有味道,但點過salsa sauce之後,地獄變天堂,幾辣椒,幾好味. 最開心係同型仔bar tender要咗多個free sauce, 多謝晒. 坐咗個幾鐘,走剩我同啊K,good good good,又去第度醫肚!

第一次黎有墨西哥菜食既PUB 好特別 一坐低佢會俾一兜薯片 + 好味既 墨西哥醬汁 不過個汁偏辣如果唔係點食得辣既 點少少醬都可以好香架喇~Mango Frozen Margaritas 12oz $29芒果香 有酒香酒味 酒味唔會太濃 不過好冰凍~Strawberry Frozen Margaritas 20oz $5x尼杯真係好堅 好大杯 兩個人飲一杯其實都好夠~ 佢側邊仲有d糖圍住個杯邊 細杯反而冇酒味唔會太濃 冰凍既飲品雞卷 $79平時少食 唔識點評~ 但唔錯 佢d醬帶出成個雞卷既味道因為飲品落先 食物係飲品未到既時候落 侍應會好有禮貌咁問一問飲品落左未 d 服務都唔錯架~

談到墨西哥菜，大家可能會第一時間想起快餐，如果在外國住過的朋友們可能只想到 Taco Bell 和 drive-thru 的墨西哥快餐，但是只要你去 TJ's 一趟，便會對墨西哥菜改觀。我們六時許便到了TJ's，裏面好像冷清清的，還有點擔心會不會是做不住了，但到了七時許，便已經是全場爆滿。還未下單女侍應已經送上免費的 tortilla chips & salsa。叫了兩杯 Frozen Margaritas，bartender 哥哥也有點台型，呵。先上菜的是 Chicken Quesadilla's。這個菜真的是超讚~! 又脆又香，裏面 stringy 和軟熟的芝士做出外脆內軟的效果，加上 juicy 的雞肉、一點也不馬虎的guacamole、sour cream 和 salsa，gourmet和快餐就是這一線之差。還叫了一客Jack's Favourite Mushroom Burger。之前的 Chicken Quesadilla's 實在太美味了，所以就連這個像牛扒一樣大的 Portobello 也給比下去了。四周的客人很多都叫了牛扒餐，下次一定要試試看。Celebrity Si

自1/7後都無去過香港酒吧，都成半個月無去了﹗食完泰國野就來TJ飲番杯啦，星期一來到人影都唔多隻，才驚覺1/7香港全部酒吧開始禁煙﹗想說平日旺得不得了的8:00pm happy hour時份，只係得我地兩個0係度飲番杯，同bar tender阿哥傾開佢話禁煙搞到生意無左一半有多﹗星期五六日直頭爆都唔爆，真係好難做得住﹗近期迷上黑啤，阿哥推介brooklyn，顏色不深麥味卻相當出眾，入口先是濃郁的麥香再轉化成花香，一試愛上﹗工友要了白酒，house white happy hr只係$29，大大杯抵飲﹗政府有時做事真的相當反智，有酒又點可以無煙？煙酒的果效是相輔相成的﹗入酒吧有多少人是不吸煙的呢？十個我估都無一兩個吧......而家搞到酒吧0的生意咁慘淡，尤其是呢隻開在地庫的酒吧，咁樣即係趕絕人地做生意﹗而家要0的客走出走入食煙，咁不如去7-11買兩支啤酒企0係街飲一樣﹗有相為證，人影都唔多隻，真係多得香港政府﹗

星期五晚放工去完狗毛吧，十點幾再轉戰呢度等埋大陸落黎既工友﹗一坐低竟然俾人阿仔哥問我地邊個係小連，原來佢地都有睇openrice既食評，知道係得我地六個人會咁不知所謂來睇巾幗梟雄，當然唔話俾佢知啦，小連是一個迷嘛.......知道仲得了既？一人要番杯啤酒，先發現自己原來成晚只係得個飲字連飯都未食，就要左個pizza﹗pizza焗得夠薄身，批底薄脆程度有如吃chips，芝士香濃雞肉亦夠多，真材實料不欺場，一人兩件吃得滿足暢快﹗之前飲得太多，個肚濟住濟住，一杯夠皮了﹗經阿仔哥介紹原來有隻酒叫做151，成70幾度酒精，超勁，現場所見有一位話自己飲極都唔醉既男子飲左小半杯，即時嘔吐大作全場噴射並坐立不安，勁勁勁﹗

今日難得成班老友出來食飯，食完飯先八點，大家都覺得意猶未盡，於是又來TJ飲番杯﹗呢度已經成為我每星期必到既主場，一行六人，好不威武，來呢度既原因係因為可以一齊睇到巾幗梟雄﹗由於同個supervisor Amber熟絡，對上一次來已經叫佢將電視轉台俾我地睇巾幗，今次來到當然不例外，平日無咩客，我地直頭霸左一邊既電視位，好不霸道﹗工友是巾幗fans，睇得夠哂投入緊張時更手舞足動，有班老友一齊睇，更大叫大嚷緊張非常﹗我就鍾情於白朗大夫，每次見親都想影低佢，終於俾我影到了﹗簡簡單單要杯啤酒，邊飲邊睇﹗雖然只可以睇字幕，不過咁多人一齊睇心愛的電視劇確是過癮，得一個鐘既時間確係到喉唔到肺，只有等明晚大結局的兩小時加長版吧﹗

食完kebab先至八點半，邊有咁早返屋企，當然係飲番杯，見仲係Happy Hour時間，就去左老地方TJ﹗呢度真係越來越旺，平日都有半爆，我想原因當然係價錢平質素同服務都不錯，又有免費既墨西哥chips食，好過去其他酒吧齋飲啦﹗今日試左好多人都點既chimay，八十幾蚊一大支，酒精度9%，入口麥味濃，帶點點甘甜味，氣比一般啤酒強，我自己就覺得麻麻地﹗都係飲番singal hill好0的﹗幾杯到肚，點點醉意，回家好安睡﹗

Decided to come here after work, after reading an artticle aboot their Steak Saturdays in HK Magazine.$88 for 10oz. US Prime is a very sweet deal!As my friend wasnt that hungry, we decided to order the steak special as well as the add-on Mexican Soup (+$18 on Sat) and Mexican Salad (+$18 on Sat) to share.As they also have Happy Hour till 9pm, we decided to each ordered thier EL GRANDE Margarita (Mango and Strawberry) only $55 each.They also give u a warm basket of Corn Tortilla Chips with fresh

都不知有幾多個星期二會來呢度happy hour，好似近幾個星期都係﹗收工就近，放工就想來坐下，唔洗諗飲既野都係呢度既Magarita。來呢度飲野唔洗食左野先過來，因為有墨西哥chips免費任食，最緊要係佢個醬汁，以大量蕃茄及辣椒仔加工而成，既辣又鮮，一個人食哂成籃chips也不算過份﹗呢日我終於都認識埋店長Amber，佢不失店長風範，話星期六情人節會有特價牛扒餐供應，$88超值，仲話抵過茶餐廳，真有趣﹗星期二來有著數，就係佢地既牛肉Taco只係$9.9，平日吃好似成30蚊先有交易。食番個當係晚餐，墨西哥餅皮內是充滿醬汁牛肉碎、生菜絲及芝士粒等，相當惹味份量亦足，吃一個都已經半飽$9.9﹗真的相當抵食﹗怪不得Amber話好多人特登星期二來就是為了這個Taco﹗不無道理﹗

九月十九‧陰天之前約了傳謀人，之後又約了朋友吃飯，要找處地方坐下寫點東西，見這裡地方不錯，有生啤，歡樂時光16安士啤酒也只賣29蚊，就來消磨一下時間吧。在吧檯旁坐下，面對播著ESPN的大電視，這裡可以吸煙，空調不太強勁，還好天氣已較涼，坐落也幾舒適的。生啤三款，分別是生力、Stella Artois及Signal Hill，就來未喝過的~Signal Hill。麥味幾重，夠凍，爽口又順喉。16安士份量不多，喝幾口已喝完，又多來一杯。這裡附上的下酒小吃很認真的，是一大碗熱熱的nachos，還佐以鮮蕃茄醬的，比平日吃到的花生薯片是高級了很多，非常滿意。南亞裔侍應們笑容滿面，輕輕鬆鬆的，服務也勤快。埋單64蚊，喝得滿足，加上豐富的下酒小吃，實在是個hh的好地方。

年廿七去完花墟行花市，見仲係十點左右咪搭車過來飲番杯野﹗三條友叫左一pitcher magarita，照除番開一人都有三杯左右，$160蚊尚算抵飲﹗自上次認識左阿John名埋Edward之後來呢度終於都有人同我地玩下喇﹗不過佢地兩個今晚都無返工，得番阿Boobs 0係度，有點失色﹗由於夜左來，今晚無得R happy hour，有就真係平好多，飲多幾杯都唔怕﹗第二日要返工飲到十一點幾就走人，出左bonus的工友話今晚佢請客，早知飲多兩jug啦﹗

自從阿士厘度castro人面全非之後，飲酒的場地已經轉左來呢間了﹗一個原因，就係happy hour夠哂平，$29可以有生啤、支裝啤或者紅白酒選擇﹗除此以外係小食墨西哥片無限免費供應，酒又平又有免費小食要在尖咀搵去邊到搵呢？九點last order仲會問你留幾多杯，係留幾多杯都得，夠哂friendly，岩哂我呢0的長氣又貪玩既地盤人士，一大班friend由六點飲到九點傾飽飲醉一人都唔洗一百蚊就埋到單，其他酒吧一定唔得啦﹗呢日來到見到有個飲醉了的橙衫中年漢周圍鬧事，異常有趣，大叫大嚷，頓時成為全場焦點，待應老外本地薑個個笑得不易樂乎，來呢0的清吧又洗咩飲到咁醉呢？

只得半小時的午餐，沒時間閒坐新開的秋燒吃日式定食，見這裡新開了掛著墨西哥簡食的酒吧，感覺可以在半小時內充電，試試新店也是好的。看過是日餐牌，前菜三選一，分別是Margarita of the Day、Wine of the Day或餐湯，幾得意，幾款主菜中唔多覺有墨西哥特色，唔要炸魚薯條而改選墨西哥燴牛柳，配菜可選墨西哥炒飯、豆蓉或沙律，這方面倒是充滿著墨西風格，要了墨西哥炒飯。一人包場吃飯，看著ESPN暫將累人的公事放下，喝杯西式檸茶，是做鬼佬生意的酒吧。喝過濃郁而帶小茴辛苦味的雜菜湯，雜菜．洋蔥煮得軟腍，下了些墨西哥脆薄餅，好味。而餐包烘得暖和軟熟，有誠意。主菜墨西哥燴牛柳用精美的瓷碗盛載，是煎過的牛柳加入辛而微酸的醬汁而成，這裡的特色是下了很重的小茴，幾苦的，卻見不著Tarragon及番茜的影子，是比較平宜近人的口味，而牛柳煎得香口，可惜汁是後加的，兩者各自成文，絕非餐牌所寫的stew。是日腸胃不佳，放棄豆蓉取墨西哥炒飯，當地的細長白飯，黏度不高，配以番茄汁用作炒飯乾爽美味，撈以碗中的墨西哥汁吃，又是另一番滋味。異國風味要打入本地市場的確不易，有機會來HH喝杯生啤叫些Tacos、