指天椒泰國餐廳 (Closed)

Date: January 7th, 2009Table for 6Total of 8 dishes and the portion for each dish is enough and acceptable. The food taste normal. The Environment is normal. Service is average as it took them 15mins to bring you a bowl of rice. Please don't drink their glass water as they really serve you tap water (please, you can at least mix with some lemon juice ...).Dinner : $515 Nett for 6 people (after 15%)Remarks:1. 10% discount if paying by any credit card2. 15% discount if paying by cash

德福內食肆多蘿蘿,什麼菜式都俱備,真係眼花撩亂。在千高挑萬選下竟撞入thai chilli,哈!環境很舒適、精緻,單是水杯已經非常泰式了。前菜:青木瓜絲沙律蔬菜:馬拉薑豬肉炒菜主菜:泰式雞肉炒飯沙律好fresh!木瓜絲好爽,而且有少少辣,酸酸辣辣好醒胃!炒菜的豬肉不是肉片,而是烤豬肉,同中國的乳豬非常相似!都是硬皮的,但就冇乳豬咁好食啦!炒飯的份量少左d,但味道不錯,啖啖都非常有味道,好似濃縮左咁!味道頗濃,如果俾太多你真係食唔晒架!後來才得知原來thai chilli是由來自泰國皇室的主廚主理。單是呢點已經信心十足,事實上又真係泰式風味!

這幾天，做冬前後，中菜迫迫人，唯有試新地方，幫襯了這間泰國菜。點了：一、生蝦刺身－－好味，蝦算新鮮，蒜頭辣椒份量夠。二、粉絲蟹煲－－好多粉絲，鼓油色，有點得人驚，好在蟹還算新鮮，但調味及鑊氣就麻麻。三、泰式烏魚－－肉嫩，醬汁好味，只弊在劏魚不清內臟，見到有點唔開胃，但說魚味，其實不俗。四、泰式通菜－－一般啦，都是普通貨色，味不太濃，不太辣。五、油酥餅－－薄薄的，不夠睇頭，但仍香口，不錯。說來說去，都是中規中矩，勝在裝修格局好，人不多，兩個人可以坐到四人檯，檯又不濟，環境算是不足，而且，侍應有禮啊，所以，都會支持一下呢。當然，連兩杯飲品，埋單４９０，略貴。

唔睇都唔知道呢間店竟然一個笑笑樣都冇…我個人食過又覺得唔係真係咁差姐..我覺得ok丫～行開德福~男朋友鍾意食泰菜…咁啱見到呢間店喎…於是就去試試`算係等一張檯就ok了叫左豬頸肉, 通菜,冬陰公湯, 三味倉魚豬頸肉幾香口啊~不過呢碟醬就真係超級辣…如果唔食得辣就千萬唔好點…會噴火的!飛天通菜…幾好味不過好似有點細碟…算係2個人食啱啱好囉…多d人都一定會覺得唔夠冬陰公湯…好味 不過都係覺得好細碗…似係一個人飲一碗既份量…不過唔緊要啦我同老公share飲都夠飲~都係試下姐三味倉魚好正 個汁整得不錯…不過係唔多肉…好快好快就成條食哂luuuuu.overall我覺得全部都幾好味呀..係有d份量比較少d姐~

今日同女朋友去左德福行街,晚飯原本想去食日本菜,不過和民同元氣都好多人,要等好耐,而別府又close左,咪食其他野!結果去左食thai chili,見唔洗等位,咪試吓!我地食左個飛天通菜、冬陰功、炒金邊粉同炸春卷。個菜都好大碟,幾好味,又唔會好鹹好辣,兩個人食都食唔晒。另外,個炸春卷好好食啊,又夠熱、又夠脆,有5條,$30都唔貴啊!個炒金邊粉有層金黃色既蛋放係上面,好似有個網包住咁,好靚,好唔捨得食,雖然只不過係普通既炒金邊粆,有點甜味,又唔係好油,都幾開胃,個份量好大,每人可以食2-3碗,唔錯!比較差d係個湯囉,係有好多餸有魚、有蝦...,不過個湯一d都唔熱,份量好細,一人得一碗多d,個味一d都唔似冬陰功,唔得!真係要改善吓~不過個價錢就有d貴,平d就好啦!

去EMAX鬼屋之前過黎食個晚餐先.入到去覺得環境都幾唔錯.光暗調校得好好.枱同枱之間都唔會迫.meau選擇都ok啦.價位中上.我覺得可以有減價既空間.我地叫左酸辣海鮮湯.燒豬肉炒芥蘭,素春卷,波羅焗海鮮飯同埋小食併盆.酸辣海鮮湯個種酸辣係好東南亞個種感覺.有好重既香料味.唔係雲貴風味個種.未必人人接受到.但我本人都幾中意.海鮮都好足料.小食併盆有4樣野.燒單骨雞翼,蝦餅,魚餅,素春卷.魚餅食落去既質感好粗糙.味道都唔太討好.蝦餅普通啦.無乜特別.素春卷雖然無肉.但味道都唔錯.熱辣辣.雞翼其實都幾難整得難食...依個都係so far啦.波羅焗海鮮飯係全晚最好既1道菜飯面有肉鬆,腰果,泰式香腸同其他海鮮.因為飯入面有提子乾.所以會有少少甜甜地.但味道又好match.口感豐富.值得1試!燒豬肉炒芥蘭.我覺得成個菜都偏咸!個燒豬肉有少少似中國既臘肉咁.又硬又咸.但芥蘭都算幾嫩.我覺得如果35知己想食1餐傾計飯既話.依度都算係1個唔錯既選擇既.但特登黎食又無必要啦.

同同學到此Lunch同學x 2叫了雞絲+我要了豬肉丸湯金邊粉, 轉set要成$50 (連Drink+青木瓜Salad)Salad難食到嘔, 大家都只吃了一小口" ,, 湯粉完全無味.. 色香味一樣都無雞絲也是無味.. 豬肉丸有d黑椒味(但本人不like黑椒味)最可以接受的是我的花茶同學叫的什麼柑桔冰 有種怪味, 一點都不柑桔... 絕對bad list + 劣評的店!!!!

同女朋友兩個人食過軟殼蟹沙律, 青咖哩雞同飲左杯青檸紅茶.軟殼蟹沙律 - 比期待既味道差少少, 軟殼蟹油騷味太勁, 沙律太酸.青咖哩雞 - 咖哩汁略厭太稀, 不過味道不錯, 如果汁可以"kit"d 會好d.青檸紅茶 - 比想像冇咁好飲, 總之要青檸梳打好過.Remarks: 此店推介係"爆炸蟹"可惜人少試唔到, 可惜...

尋晚同男朋友去食飯, 叫左老虎蝦粉絲煲, 椰子雞湯同小食拼盤。小食拼盤有4樣野, 雞翼2隻, 蝦餅, 魚餅, 春圈各2件。4樣都係炸野好多油, 不過味道都ok既。椰子雞湯好多料, 我覺得幾好味, 唔太辣, 雞都好滑, 不過就幾細碗。老虎蝦粉絲煲, d蝦唔太新鮮, d粉絲有d好乾, 乾既又無味, 有汁o個d又好咸, 即係點?3樣野都食左300幾蚊, 我真係眼都突埋。咁既價錢我去九龍城食得好味又地道啦!!

其實味道還可以 但價錢唔值!!!九龍城抵好多1. 冬陰公 : 真係好陰公 ， 2個人份量細過個湯面碗 , 但好辣好好味2. 飛天通菜 : 一個通菜都要58蚊 又咸 FRD就話好好味 ，我覺得一般3. 青咖哩 豬 : 青咖哩好香口 ， 但D豬肉太UN，好難食 D汁我地見仲有淨打包 , 但睇戲果時漏左4.老虎蝦粉絲煲 : 初頭以為係細煲 原來份量好多 但求質飽你 , 2隻老虎蝦出左邊 ，煮到老哂 浪費左隻蝦 埋單 三百幾 講真 咁既價錢 食物成本又低 我去食日本野冇咁嬲。可以讚下既 係環境幾令 不過我不嬲都唔係食牆灰既人 又唔係係咁訓 食完就拍拍羅友走架啦 要咁令做咩.哈!

二時多, 此店無需等位, 一試之.串"燒", 一碟六串, 三雞三豬. 此店應將此菜改名為串"炸". 我實從未嚐過炸的串"燒". 不幸非常難吃. 細心觀察品嚐亦難分雞豬. 心中一凜.黃咖哩牛. 顏色對了, 是黃色的咖哩汁. 但廚師一再令我吃驚. 能做到全無咖哩味的咖哩, 委實不簡單. 牛肉用上肉片而不用牛腩, 牛肉跟黃色"疑似"咖哩汁肯定上碟前才"溝"在一起.海南雞飯. 平平無奇, 不算好吃.此店前身的法國餐廳已經令我"怕怕", 不知兩店是否屬同一老闆?

上星期三兩個人晚上八時去到，都有八成滿。兩個人吃不了多少，就簡簡單單的吃。點了柚子沙律，蝦餅及雞肉炒河。如之前食評所講，食物不是太地道，應是遷就了香港人的口味。當中柚子沙律及雞肉炒河都應該是辣的，不過個人覺得只是微辣，下次要叫他們做得辣一點 。(還要是指天椒泰國餐廳?)柚子沙律酸酸的很開胃，用料亦新鮮。蝦餅熱熱的，很香口，但油多了點。雞肉炒河，雞肉太少，也是太油，只有微辣又帶點甜，過得去而已。環境不錯，服務亦 ok。

這間餐廳都是唔錯的，不過，晚飯時候就超多人，當安排你入座及落單後，基本上好似沒有人再理會你，我們叫待應幫我們拍個照，都要等十分鐘才回覆你。我們吃了一個沙拉，我覺得幾特別，但可能係因為有點辣，所以好像怪怪的，不是地道泰國口味，像是為香港人改良了一點，但還可以接受。另外，我覺得那個「蒸烏頭」可以講講，由於蒸烏頭如果凍了的話，會比較有「聲」味，所以它們上碟時，是會用火熱烘著的，可以保待魚的熱度，可惜火用完了，但魚還未吃完，就沒有人幫你更換，魚就變「聲」了，不過，隨魚有個熱湯，可以放上去吃，味道都不錯，這個湯還可以用完再加，我湯個這個湯汁，感覺上比蒸烏頭更好味。椰子雞湯就不錯，但很細碗，餐牌寫一至兩人用，都要55元一碗，不過都幾多料，值得一試。