泰正 (利源東街) (Changed Hand) New Restaurant

今日落中環經過利源東街見有間叫泰正泰國小店，價錢唔算貴，有幾款套餐，店員介紹左豬手就試下，仲推薦左撈米粉比我，豬手竟然真係唔肥仲好重骨膠，d皮仲好有彈性一舊一啖啱晒女仕們口型，唔會食得好狼狽，聽店員講食豬手必定要點個辣汁， 平時我唔食得辣，既然力推就試小小啦，點左個汁食落個嘴無甘重膠質，唔食得辣既我仲覺得好惹味，有得加錢換泰式小食或者甜品。見其他客嗌海南雞飯賣相都好吸引，下次經過會再試！😋一讚👍

聽同事講有間賣泰菜外賣嘅新店開左係利源東街, 近我, 就去幫襯下.食左海南雞飯, 分量對女士嚟月講ok la, 有雞胸位, 脾位部份的雞件, 算平均. 雞肉算滑, 最緊要係D自家製野味醬汁, 好味道.另外仲有豬手飯, 焗飯等., 都多選擇, 下次試湯粉.  

昨天中午見到很多人排隊買外賣，見今無咗條龍，所以買盒嚟試下好唔好味。將戰利品「泰式去骨海南雞飯」帶回公司，打開盒蓋後勁失望吖！賣相好唔靚，D雞個款係甩頭甩骨，好似將下欄嘢放曬入去咁，而且大部份海南雞係無咗D雞皮嘅。海南雞份量好少，立眼見好似有五、六舊，但其實雞中翼切開半只，雞下面放了很多蔬菜。而味道方面，海南雞雞胸不夠肉嫩及肉汁未夠豐富。但個汁酸酸辣辣好惹味，飯唔太油，好香好夠味，份量算足夠的。