泰發泰國餐廳

Open Now

Now Closed

我同屋企人平時都鍾意食泰國菜，聽朋友話上次食過呢間【泰發】幾好味，叫我一定要去食下，我心諗泰國菜黎黎去去都係食果d嘢架啦，而且好多間都整得幾好味架啦，呢間有咩咁特別呢？🤔🤔尋晚星期六，7:30，冇book位，唔駛等位，4大1小即刻有位。不過坐低咗越食就越多人，開始有客等位。估唔到。。。菜式同平時嘅有dd唔同，feel到佢地幾有誠意，服務都幾好，好friendly，落單快，嘢食都出得幾快，仲味味都幾正!😍😍係必定再食嘅餐廳之一

同屋企人食飯點都唔可以太頹佢地鐘情於泰國菜，咁就帶佢地去試一間係屋企附近既泰菜啦。睇下個餐牌啲價錢都算幾平民😂我地第一樣野order就一定係炒金邊粉，呢間炒得適中又唔會太油，味道認真唔錯，鍋氣好夠用料都幾足。最鐘意既係有多啲花生碎一齊撈😍肚餓既話我諗我可以食兩碟🤤之後就試下佢呢到啲咖哩睇下得唔得，一碗入面都有幾多雞件。我唔太食得辣，呢個接近唔辣，嚐辣既人我諗可以叫佢調辣啲？！對我呢講呢個認真一流。

炎炎夏日成日都冇咩胃口, 諗起泰國菜應該會開胃D, 梗係即刻約幾個中學同學一齊去開餐啦!平時見泰發開埋枱係出面, 應該都幾多人幫襯, 唔會係伏掛,我地就走左入去啦泰式雞腳雞腳數量都算唔少, 食落去酸酸辣辣帶點甜味, 幾開胃, 令我地準備同黎緊既食物談一場胃之戀! 生菜包肉碎都算幾香, 但都係唔夠辣, 咸就有少少過咸, 而且生菜唔係幾夠新鮮, 有點失望馬拉盞炒通菜個通菜都幾爽, 但唔夠馬拉盞味, 同埋都係一樣唔夠辣度泰式炒河算幾有鑊氣, 河粉, 配菜既比較合適, 但係食落D間鋪頭既老毛病都係存在, 唔夠味同唔夠辣蟹肉炒飯D碟應該係全晚最好食的, 蟹肉算幾多, 而且都仲保全到蟹肉既鮮味, 值得一讚, 而且終於冇唔夠味D個問題出現了, 鑊氣又夠, 好味泰式炒金邊粉今次D個既茄汁味就過左火, 茄汁味搶過晒其他材料既味道, 三個炒粉同飯中最差D個, 個個都邊到你推我讓咁比人食蒜蓉法包乾到吸晒我D口水, 又硬, 蒜蓉味又唔夠, 又黎多次你推我讓後都無人食而比我捕捉到D塊蒜蓉法包既孤獨身影總結味道一般, 但算幾平, 每人食左120到, 但如果想食泰菜下次會食第二間

又係一個Happy Friday，要對自己好d 既時間喇～ 🙈🙈🙈🙈一直鐘情泰發（平時會山長水遠出九龍城食）而家屋企附近都有心情好滾動呀🎌.例牌要叫泰式酸辣鳳爪呀（My飛佛呀）要酸有酸要辣有辣 唔係講笑 我覺得非常正 好爽口又開胃～ 完全將我個胃門打開😆.仲叫左串燒 兩豬兩牛不論牛定豬都好 肉質皆嫩配搭埋個沙嗲醬真係一流👍🏻.馬拉盞炒通菜都係泰菜必食之一超有鑊氣呀 香口又爽口！有小小微辣 .泰式炒金邊粉濕度岩岩好唔會好乾 由相可見十分足料呀！蕃茄味好濃，酸甜夾雜 齒頰留香呀😋.但其實我最鐘意都係Thai milk tea自從係泰國飲過地道泰式奶茶後一直對佢念念不忘 個陣味真係令我好難以忘懷而我終於可以係香港搵番個味道仲要係屋企附近我極度推薦 呀📢📢📢📢📢📢📢📢

收工返到屯門，友人話食泰菜，就近近地系附近間泰發食算，廢事去到咁遠。餐廳空間不大，坐位算是舒適唔太迫。室外亦有數張枱(不過可能有蚊) 。檸檬燒牛肉推推。。在半生熟牛肉上加上酸辣汁好鬼野味，肉質好有咬口完全唔靭無渣，仲有菜菜子墊底添！超再加個泰式炒飯 份量夠晒均衡下次試下隻咖喱蟹先~~~

發現好泰菜，水哥及蜜糖豆推介。每道菜都令我十分滿意，就連定春哥都識欣賞，全家都食得飽飽又滿足！坐露天座位定春大少就唔洗困係布袋入面，可以出黎一齊坐一齊食，悶悶地仲可以落地跑兩個圈添。不幸地突然殺出檯地盤佬坐正係隔離鬼殺咁嘈兼無禮貌，對姐姐、妹妺、嬸嬸侍應粗聲粗氣。而且不停煲煙，二手煙吹晒過黎，勁討厭 ﹗大煞風景，即時變得品流複雜，環境惡劣！坐大圓檯真舒服又寬敞，叫多幾道菜都唔洗怕迫迫夾夾，爽呀 ﹗已查詢過多次螄蚶，今晚同樣無得供應，侍應哥仔話從來未見過呢。發現有位美女著住裙仔走來走去喎，原來職員來的。其實美女只係樓面幫手，寫下單、傳下菜。有著美麗笑容及聲線，皮膚白白淨，留著長直黑頭髮，感覺斯斯文文，衣著大方得體又吸引，必定客似雲來啦。定春最愛食蝦食魚，聞到燒盲曹即刻企上張檯望實條魚眼都唔斬呢。定春一早坐停停等食喇，似乎記得每次到泰發都有靚魚食呢。Singha，經過一日辛勞工作，來口冰凍啤酒舒緩舒緩，吐出悶氣，嘆到爆啊 ﹗食韓燒飲真露、食越南河飲 333、食泰菜當然飲泰啤啦。泰式生蝦，新鮮度非常滿意，做定不是即劏的生蝦從雪櫃取出冷冰冰，肉質爽彈微黏，但個心太冰凍，凍到打冷震呢，影響味道。

今日經過盈豐見有新食店，剛轉手做泰國菜，因這位置只有一間泰菜所以好興奮，誰不知中伏了，難食到一個點......首先點了明爐烏頭，賣相一般不算十分多料，湯底淡而無味，食一啖烏頭魚，好腥！同行友人異口同聲說「好腥」「淡貿貿無魚味無鮮味」。這道菜只是很一般的泰菜，竟然煮到這個質素，實在令人失望，$148送俾我都唔再食。這時第二道菜「蟹肉芒果炒飯」剛好上菜，芒果粒算多，但味酸，而且食完整碟飯都吃不到一絲蟹肉，收你$58真好賺。本來等兩道菜上菜後才繼續order, 但一行幾個朋友都寧願快快埋單走人，去第二間再食好過！

泰發餐廳室內座位唔多，原來晚市可以喺外面加枱。今次帶朋友來試下海南雞，餐牌只見到炸雞，問左侍應姐姐，原來海南雞製作需時，晚市只供應炸雞脆肉炒椰菜苖椰菜苗幼嫰，鮮甜，脆肉其實喺燒肉，有5-6 片（厚厚地）少少咸，都幾香鹽燒盲鰽上枱時真喺有喲意外，好大條，肉質雪白，好滑，新鮮，雖然魚味偏淡，但廚師喺魚肚位加入香茅，而香芧喺碎粒，唔喺條狀，所以特別出味餐廳唔需要加一，只收現金

讚美主賞賜豐富的晚餐舌尖上的美食感謝泰文「水晶晶」，D.D介紹預訂殿堂級巨型海蝦，泰魚露雞，泰式鳳爪，配紅酒。感恩，啊門。我和朋友相當滿意，蝦膏咁香，肉質翠嫩彈牙一食上引。

岩岩冇聊去行下盈豐，估唔到呢度已經同往日唔同，最大發現係既係九龍城既泰發泰國餐廳 居然會係屯門開😱試下呢度既水準同九龍城有冇乜差別。正當大家都食咖哩，金邊粉同海南雞既時候，我就食豬肉炒河粉，呢度炒河粉唔係用幼果款，不過都好滑身。同港式炒河唔同既係泰式有菜心，蘿蔔炒，菜心清甜度一般，所用豉油則為甜豉油，炒河粉唔太鹹之餘而且香氣十足。豬肉都幾嫩，宜多調味一番會更好。加5蚊就有龍眼冰，甜度適中，龍眼份量頗多。

晚餐泰國菜預訂燒烤巨蝦皇+泰式抄金邊粉正呀!泰北秘技燒烤巨型海鮮蝦皇，蝦膏，蝦肉，絕對頂級。一試忘不了的味道，加埋秘制醬汁，令人回味無窮。泰式金邊炒粉，酸辣味道，材料海鮮加上雞蛋的甘香，鑊氣十足。椰青很清甜一個是不夠喝的，還柯打多一支啤酒才成。值得一讚再讚發揚人類幾千年飲食文化使命。還有很多的「泰語」「水晶晶」樓面服務員人生享受，舌尖上的美食。讚美神的恩賜。

行過盈豐商場發現左一間新既泰國餐廳，原來係泰發係屯門既分店。係屯門既泰國菜少之又少，所以覺得新奇就就去試下。 一入去見到牆身痴住好多食物相，第一時間叫左個黃咖哩肉蟹（4.5/5），好吸引！隻蟹都幾大隻，4個人食都夠！連蟹有3塊蒜容包，略嫌太少！咖哩味好濃，但唔夠辣，配一碗白飯應該好正！價錢差唔多要300蚊，貴定平自己定奪😂之後仲叫左菠蘿炒飯（4/5）及炒金邊粉（3.5/5），炒飯好足料，有肉鬆係面，有少少海鮮，幾好味。金邊粉都唔錯，正正常常，都好多配料，酸酸地好開胃，但細碟左少少！之後仲叫左個馬拉盞通菜（2.5/5），可能唔係通菜既季節，所以食落有渣要扣分💀。不過佢炒得好入味，落埋咸魚落去炒，好有趣，好少見馬拉盞通菜有咸魚，都幾惹味！不得不提，環境方面就有啲污穢，好多蚊，兩隻腳都俾蚊釘左好多粒！建議去果陣要著長褲！

這間泰國餐廳小店是新易手，前身為中餐店內裝修簡單，座位不多叫左個泰式海南雞飯，海南雞好多，而飯好似一個小山，只需45 元s重包飲品海南雞好嫩滑、有雞味，不用蘸汁，已經夠味

以往多數去平常吃開的另一間，因已結業，所以轉到此新開的餐館，知道這間是九龍城泰國菜分店，心想也正宗，而經廚房見都是用泰文的，就更肯定，今晚與家人共6人，6時半入坐，不用等位就有得食：泰式金邊粉見人推介，便跟著叫，甜甜酸酸，好味泰國串燒（豬，雞）肉質鮮嫩，夠熱，醬汁不過不失。泰式燒豬頸肉加埋隻泰式辣汁，正，不過個邊有些過熟。冬蔭公有細中大，建議我們要中，見中和大的價錢只是$108 & $120之差，便叫了大，有火慶住，夠酸辣，料又足，有好幾隻大蝦，蝦肉又爽。明爐魚吃開烏頭魚卻沒有，改叫盲鰽，骨不算多，熱住上；汁料有酸辣味，肉質嫩滑波蘿炒飯 & 海鮮炒飯正常，就是普通炒飯

第一次吃了青咖哩雞飯及蝦餅覺得不錯，今次第二次來吃泰式海南雞飯不錯，醬汁惹味，雞滑，如果可以走翼會更好。椰汁海鮮飯，椰汁過杰，可以說是椰漿，杰到有點難入口。海鮮只有一隻青口，兩條魷魚及兩隻冷藏蝦，其餘都是椰子…嗯…下次還是吃青咖哩雞飯或者海南雞飯算