泰發泰國餐廳

Open Now

Now Closed

非常地道、價錢親民的泰國菜。餐廳分為兩個鋪位，一邊主打燒烤，一邊主打沙律及熱食。用餐當天已過了午飯時間，但仍然座無虛席。午餐泰式菠蘿炒飯 $52（+3泰式凍奶茶）配料有菠蘿、肉碎、三色豆、臘腸、雞肉及蛋，分量十足。炒飯的濕度剛好，不太乾不太濕。配合完美的泰式奶茶一個很好的午餐。招牌檸檬燒牛肉 $129 ～必食牛肉燒得乾身，配合檸檬辣醬汁食用，相當滋味。牛肉底下墊滿白灼的芥蘭，如2人食用的話，不用多點一道青菜都很足夠。泰國金柚海鮮沙律 $76 ～必食除了主要的金柚、大蝦及魷魚外。配料啊泰式蝦乾、洋蔥、聰、炸香的小白飯魚，鹹香鮮美又清新口感相當豐富。泰國空運椰青 $32椰青水非常清甜，椰肉也嫩滑。

表姐放假，相約到元朗食泰國菜，因為表姐住洪水橋。一打開門有位泰國靚婷姨姨熱情招呼我地。12：30 店內坐滿人客，剛好有一枱埋單。坐低點野食 午餐非常抵食，但我們決定單點。黃咖哩雞$88 喜歡甜甜的咖哩，點 蒜蓉包$28 好香脆好好食。 黃咖哩好多配菜而且雞肉件數好多。$88 好抵食，送白飯一流。 馬拉盞炒通菜$63 少少微辣，好夠鑊氣，而且通菜很新鮮。 泰式濕炒河$60 河粉係先炒過嘅，濕濕地不太辣好食，唔會油膩。 肉碎生菜包$65 分量好多，酸酸辣辣，好味。配一杯咸檸七，好爽。明白點解咁多客， 價錢抵食，而且又正宗。

今日落雨又凍 行出元朗西鐵站見到有泰國菜又多人食就同朋友走入去食番d熱野 🍲細冬陰功湯 $68呢個湯有好多香料 迷你蕃茄仔仲有一隻大頭蝦 好足料 飲落有層次感 開頭冇咁辣 但越飲就越出味 細碗都夠兩至三人share飲🥘黃咖喱雞 $88雞肉份量算多 仲要冇肥肉 配上雞蛋同埋青紅椒 撈飯就最夾 職員仲推薦配搭蒜蓉包或者薄餅黎食 估計有另一番風味 如果鍾意食辣不妨試下青咖喱🍚蟹肉炒飯 $65份量超大 除咗有一絲絲既蟹肉仲有青豆蘿蔔粟米 因為味道較淡 食落唔會太油 所以比較健康 三至四個人食都冇問題🍹珍多冰 $29裏面d一條條幾好食 唔係平時見到嘅綠色 如果可以多d冰就更加好 夠晒解辣

元朗都幾多泰國菜，但唯獨呢間我覺得性價比高得黎又好食，重點真心好抵食。今日放假黎食lunch，仲有lunch menu幾十蚊包野飲👍🏻.🍴泰式海南雞飯$55 (lunch)轉髀 +$5跟餐送例湯，泰式海南雞皮脆肉厚，咬落有肉汁，強烈建議+5轉髀，會滑好多。.🍴香葉辣椒肉碎煎蛋拌飯 $52辣椒肉碎份量勁多，多過成碟飯😅少少辣好香九層塔味，仲有隻重點煎蛋👍🏻.lunch set 有優惠價加配小食，「泰式炸春卷（2條）$26」、「泰式炸皮蛋釀蝦餅（1件）$30」，春卷有特色，裡面係炒絲+肉碎+芋頭，充滿芋頭香；皮蛋蝦大大隻，皮蛋甘香配蝦滑彈牙，口感不錯。.🍴串燒串燒最少叫2串起，豬肉$14/牛肉$16/雞全翼$20，串燒香味重，沙嗲汁好香花生味，絕對係重點✅.🍴泰式炒通菜 $59$5x炒咁大碟菜，無咩炸型啦，同埋我真心鍾意泰國鋪既幼身通菜，爽口唔會老。.Lunch set 仲包埋野飲，鹹檸樂加8蚊，熱檸蜜加3蚊。

泰發泰國餐廳 (元朗)元朗鳳群街2號年發大廈地下3-4號舖串燒 $15/串 （雞牛）傳說笑得非常惹味，雞肉串和牛肉串香口有BBQ風味，雖然燒到乾身，但裏面還是很有肉感。馬拉盞炒通菜$63通菜爽口，馬拉盞香口，馬拉盞炒通菜視為必食。泰式海南雞飯$55 （轉雞髀加$5）成碟海南雞飯的精髓就在於雞油飯，雞油包裹着每一粒飯！非常香口，加上雞件滑溜，外皮有咬口，一碟飯，有整隻雞髀，吃的時候很滿足。跟餐泰式雞卷$30 （六粒）泰式雞卷啲雞肉彈牙，外面炸得香脆，很是特別，我還是第一次吃。泰發地到船河$45 （雞或牛）泰式船可的湯底非常濃郁，有淡淡的肉蝦我呀香料味，牛肉件滑溜，河粉吸收了湯頭吃的時候滿是滋味。泰式蝦餅跟餐加$30泰式蝦餅炸得香脆，蝦肉新鮮。哽親叫很大，都只是$30。

經開元朗，隨便試左一間泰國嘢佢竟然我哋想像中嘅好~但最唔方便嘅係唔收信用卡本來諗住想請友人食飯，但由於無現金 所以最後尷尬收場😂✨3人份·今日叫咗個泰式酸辣鳳爪、生菜包、燒牛肉、馬拉盞椰菜苗、海鮮炒粉絲✨•泰式酸辣鳳爪失望的 完全入唔到味 太淡啦•生菜包味道係好的 但佢既辣度我諗係中辣咁～食開小辣既我係完全食唔到的😔•燒牛肉正呀😋👍🏻推介的 份量都好多下～肉煮到半生熟咁 夠晒嫩！佢仲要有埋蒜片夾埋一齊食係完美！😌•馬拉盞椰菜苗ok 味道岩岩好•至於海鮮炒粉絲絕對係港式style😂不過港式得來 佢又煮得幾好味 所以放過佢啦～

啱啱落街買咗個蝦醬炒飯好好好好好好食............正當食得忘我之際 然後咔一聲一睇有粒石仔係度！！差啲食到甩牙！！唔知會唔會再食下一次，但希望改善一下。

同yoho mall距離唔夠3分鐘步程，就會見到呢間泰國嘢。呢間從外邊睇裝修好一般，入面座位都好少，坐得就唔係好舒服，佢都魚餌當快餐咁，但勝在嘢食平、靚、正！點左餐唔使10分鐘就上晒菜！周日午餐，一個海南雞飯（連湯）$55！雞的份量尚可，雞比較實，不算好滑，但雞味都香！另一碟菠蘿炒飯（$48）又係好抵食，有鑊氣，不過食完發現碟底好多油。今次試左泰或奶茶，茶底似乎唔係用泰國好出名隻ChaTraMue，略欠香味，茶味都欠奉，下次唔洗再試。

之前喺附近返工食過呢間，之前因為佢落場所以食唔到，有次終於見到佢開左🤣佢個泰式金邊粉有鑊氣，好香，好好食👍🏻佢都幾足料，有花生碎點綴下，味道偏甜。香葉辣椒豬肉碎拌飯都正有鑊氣，辣辣地拌飯一流😋😋豬肉碎份量較多👍🏻

今年真係好懶，E家先再出post, 先忠告大家要好好做足預防措施，對抗目前緊張既疫情，有好既身體，先有空間再食多D好野，大家一齊加油 !!!言歸正傳，今日悶悶地，行左去雞地， 見到有間食泰國菜既餐廳， 嘩....見到佢地租左兩個舖，林住實無死嗱，點知......食完之後，要再搵其他野食(未食得飽)，因為味道真係好麻麻麻麻麻，點解麻麻， 一陣再同大家講，先睇睇相先: 食店位置：方便，係元朗西鐵站出，由Yohx mall(x 茶嗰個出口) 行過去，5分鐘內到職員服務：職員服務係好既，一舉手，唔洗等，好快就有人黎幫你，Good食物質素：我都係點左D好大路既菜色，如下1. 木瓜沙律 > 分數 5/10, 淨係得木瓜 + 花生 + 醬汁 + 蕃茄嘅一碟前菜，如果個醬汁做得好食係冇問題，但係佢地偏偏就係做得麻麻麻地2. 咖哩軟殼蟹 + 薄餅 > 分數 3/10, 大家食之前， 試吓做一個實驗，就係蒙住自己隻眼，去估吓呢個餸係泰式咖哩 定係 普通茶餐廳咖哩.... 你就知道我當其時嘅感受，而最大鑊就係軟殼蟹， 我第一啖入口就係一pat嘢 + 好林既感覺，抱歉，我已經食唔到第二啖嗱，所

而家香港食嘢真係好貴，元朗食肆特別多，今日揀左呢間泰國菜試試，呢間開左一段時間都無嚟食過，原因係成日爆場，見到咁多人食，都諗住穩陣就試下，點知一嚟太晏，原來會落場，所以第二日再去，終於俾我食到。坐就一定唔太好坐㗎啦，因為鋪頭好細，我地午餐時間嚟，叫左個泰式船河同泰式炒金邊粉。船河都幾似泰國食果啲，濃濃嘅湯底最吸引，食完先有啲辣辣地，好食，河粉正常唔太冧ok.泰式金邊粉就料算多，花生碎也多，但偏甜同一般啦。可以再嚟嘅，但又唔算話超級好食囉。

今天是星期日，中午特登去試一家新嘅元朗泰菜小館，🎈泰發泰國餐廳，此店號稱九龍城分店，好似有D來頭，但祇是一家小店，無装修。坐底睇一下餐牌，價錢不太貴，就點了两個餐✨海南雞湯河，雞肉無骨，入味，皮也不厚，湯水清而濃厚，配菜如芽菜也豐富，份量也大碗，估吾到小店都有水準之作👍可能此店應該真係泰國人經营，有些店員也是講泰文，單也有泰文，應是方便厨師出菜用。✨泰式雞肉金邊粉，呢個粉食落幾得意, 酸酸甜甜🤔，有D似中式的夏門炒米，但我两都是比較喜歡海南雞。此店雖然是小店，但服務都好好两個餐配飲品共$106, ok啦👌由於對面take away的小店也是泰發，專攻燒烤，下次可幫襯試下佢地嘅燒羊架$35,好似幾抵。

原本想吃另一間的餐廳，可惜那間有很長的隊伍，所以早早放棄了。這間也等了差不多十分鐘左右，地方不大，有室外同室內，室外比較適合人數比較多的客人，室內可搭枱坐，故翻枱率比較高。我們點了蒜蓉包，馬拉盞通菜和泰式黃咖哩牛。蒜蓉包好快就送到我們面前了。它們的廚房有兩個，一個是在對面的鋪頭，專門做燒烤的。接著馬拉盞通菜也到了！馬拉盞通菜也有鑊氣，好味道。我們吃完馬拉盞通菜，可是泰式黃咖哩牛還未到。原本打算蒜蓉包跟咖哩一起沾著吃的。但人客太多了，廚房做不了那麼快吧，所以決定先吃蒜蓉包了。蒜蓉包蒜蓉可以放多一點，蒜蓉味不太濃，有點可惜。幸好，泰式黃咖哩牛也上菜了。泰式黃咖哩牛加了雞蛋去煮，整體甜甜的，很順口。吃完了蒜蓉包，加點了白飯配咖哩吃，好滿足的一餐。

星期天的中午在外走走沒有什麼目地的在找午餐😉突然發現有一間陌生的泰國餐廳，那我們見到餐牌也覺得不錯，所以決定來試試先😊店舖內很細小大家要坐得比較親切，因為我見到他的碟很特別令到我想去試吓！我點了泰式炒金邊粉，我覺得好好味好有鑊氣👍🏻另一個點了泰式豬手飯！味道都唔錯，另外午餐包了椰汁冰！幾好呀！

價格和服務還可以。 最重要的是，就我個人的選擇而言，無論是烹飪技巧的真實性還是新思想的豐富，對我而言，它們的品質和令人愉悅的口味。 總是很受歡迎。 他們很好很熱情。 非常重要，也很衛生，必須如此。 我經常旅行，但也吃很多東西。 我本人曾在這個行業工作，特別是在酒店業，所以我很批評。 我喜歡經常回到他們身邊。 至少像你自己的家人一樣，給我一種很棒的感覺。 傳統上被視為亞洲人。從元朗yoho購物中心1可以很方便地到達，也可以從隆坪到地鐵站向元朗走一點。 一般來說，亞洲人是健康的人，所以在做有趣的事情（如美食）時，很少的精力和極大的樂趣。它很小，但很好，或者與我們巧妙地描述過。 有些餐廳是排他性的，價格昂貴，但多年來卻無法保持其質量和數量，我認為這是一個遺憾。 這與金錢無關，與良好的感覺有關。 要保留的東西作為快照。 學習生活和分享父母養育您的方式。 就像從口袋或錢包裡拿出另一張寶麗來照片來代替手機一樣。 這就是我描述的方式。 每個人都不一樣。 即使時光流逝，只要這種感覺持續存在。