泰發泰國餐廳 (滿利大廈)

Open Now

Now Closed

其實已經唔係第一次幫襯啦今次過去叫啲之前冇食過嘅嘢今日嗌咗佢哋嘅午餐套餐豬手飯配炸蝦餅同埋龍眼冰另外再追加咗一杯椰汁冰豬手煮得超級腍，入到口唔使點咬非常之入味，但係奈何個飯唔好食好林好濕黐埋一舊咁炸蝦餅好好食，即時炸起好脆口彈牙蝦味濃飲品方面，杯椰汁冰唔錯，龍眼冰有啲失望，其實佢嘅味道係唔差嘅不過明明已經同店員叫咗小冰最後成杯都係冰唔係講笑真係全杯啊飲晒成杯嘢都仲有¾杯係冰 搞唔掂😩所以整體嚟講都係唔錯，不過個白飯同埋杯椰汁冰有少少扣分

又係元朗搵食，今次食呢間泰國菜，朋友之前食過推介可以一試。吾好睇佢店舖細細，不過人客頗多，所以無論外賣或堂食都需要耐心等候。由於室內坐位不多，所以我和朋友選擇了坐室外進餐。串燒最少兩串起，點了2串沙爹豬肉（$28）和兩隻雞全翼（$40），串燒非常出色，有炭火燒烤香味而又充滿肉汁，必食推介。「招牌檸檬燒牛肉」（$129），份量十足，牛肉很嫩滑，配上檸檬汁滋味非常。「紅咖哩雞」（$75）當然要配埋薄餅（$26/兩件）一齊食先至正啦，咖喱香濃好味，喜歡泰式咖喱嘅朋友一定要試啦。「木瓜沙律」（$59）和「泰國青芒沙律」（$65）兩款沙律各有特色，兩款都好想食。今日特別餓，咁就唔好諗，一於兩個都要曬啦。甜品有第二個胃，食泰國菜一個必食嘅一定係「芒果糯米飯」（$63），一大個芒果，配上三色嘅粒粒軟香糯米飯，加埋椰奶完滿。

喺元朗區住咗一段日子從來都冇諗過嚟呢一間餐廳食, 今次唔打唔撞入咗去, 估唔到有驚喜！1/ 青木瓜沙律 - 夠辣味, 木瓜夠爽, 但喺香港食嘅青木瓜沙律永遠都係差啲嘢, 一個講唔出嘅味道2/ 咖喱海鮮椰青 - 從來冇食過呢一個菜式, 佢整到恰到好處椰味濃郁😋3/ 蒜蓉包 - 整個包面都是蒜蓉, 完全冇揸流攤👍🏾4/ 泰式芒果炒飯 - 其實本身對呢個冇咩期望因為只係諗住跑肚, 估唔到有驚喜芒果鮮甜, 而且飯入邊竟然有蟹肉, 仲要係新鮮嘅蟹肉!! 總結：絕對係一間會encore嘅餐廳, 價錢親民食物道地！😋😋

檸檬燒牛肉必食推薦！牛肉燒得粉嫩，柔軟。醬汁嘅魚露味道比檸檬更突出，同燒牛肉一齊食好夾，而且份量好大！黃咖哩雞 (另加蒜蓉包)有如一般泰式咖哩，味道偏甜，比較濃稠，而雞肉質素只屬一般。蒜蓉包非常香口，塗滿蒜蓉牛油，即使唔配咖哩，就咁食已經好好食！芒果蟹肉炒飯蟹肉鮮味唔重，芒果亦只有少許，比較普通，唔太推薦馬拉盞炒椰菜苗炒得香口惹味，唔會過咸芒果沙冰，菠蘿沙冰微甜，大大杯(上枱嘅時候係裝滿)，非常解渴

早幾年成日係九龍城幫襯泰發，覺得好有泰國風味，可惜比較少機會去食，朋友介紹元朗有分店，今次就相約去食，本身不抱期望，覺得分店多數不及九龍城本店，結果幾有水準，介紹比元朗附近既朋友先。 今次同朋友2人，點了標準泰菜的必食： 泰式炒金邊粉和豬肉生菜包。金邊粉炒得很夠鑊氣，而且配料算多，泰式香料等調味都唔手軟，炒得夠乾身和微甜，唔會港式炒法般太鹹太油，係香港算是難得好食。生菜包的肉碎同樣經過泰式秘方調味，加入洋蔥金不換等等，炒得同樣夠鑊氣，酸度和辣度控制好，又唔會肥膩，調味適中，只是生菜唔夠多 ，食剩肉碎 😆

做嘢做到攰攰地，就揸車入元朗食泰菜。元朗出名多好嘢食，今次就試吓呢間小店。裝潢以綠色同黃色為主，令人感覺非常清新，座椅間隔都算舒服。先來食美味串燒，每串都只係$15 ，價錢非常實惠。💪🏼再來泰式生蝦$85 ，餐廳好有心思，將下頭全部炸香😉生蝦新鮮微甜。蝦醬炒飯$63。非常惹味啊！又夠鑊氣，最鍾意蝦米仔。飛天通菜都只係$59 ，呢個價錢配以呢個份量真係唔容易搵啦而家泰菜太濃味就需要清甜飲品解解膩，呢個時候就需要椰青$35上場。其實菜單上仲有非常多菜式，不過礙於只有兩個人食唔到咁多，唯有下次再試啦！😋

今日約了老死食泰菜，佢力推一間 「平！ 靚！ 正！ 泰國餐廳」，👉👉👉元朗嘅「泰發泰國餐廳」！ 叫咗個《泰式拼盤》， 我哋最鍾意叫拼盤，因為樣樣有少少，可以試吓唔同食物口味，包括有，炸皮蛋、春卷&炸蝦餅， 仲有串燒添！ 我最鍾意炸蝦餅同串燒， 炸蝦餅炸得香脆，仲好有口感， 煙韌彈牙。 串燒惹味可口， 肉質juicy, 加上沙嗲醬，正呀！炸皮蛋都好鬆脆㗎，正呀！👇👇👇值得推介《泰式海鮮炒泰國粉絲》， 粉絲炒得有鑊氣，炒得好香，仲有多種海鮮材料一起炒， 味道特別豐富，味道一流！ 叫咗《魚露雞》，大大份， 雞肉嫰滑， 帶點鹹香味，幾特別， 配上秘製醬汁，就更加惹味啦！ 夏天必叫《芒果沙冰》，非常清新， Fresh !

💖喺元朗成日經過呢間泰國餐廳，今日想食東南亞菜，所以嚟食晚餐🥣餐廳內部似茶餐廳咁，餐牌都幾豐富。1⃣️泰式拼盤🇹🇭 $158💖大大盤好多種類，一齊share最開心🥳包括泰式皮蛋🥚釀蝦餅、泰式炸蝦餅🦐、泰式炸雞卷🐔、雞肉串燒🍢、豬肉串燒🐷同泰式自家製炸春卷。炸物熱辣辣🔥，好香脆。最鍾意皮蛋同蝦餅🦐，串燒都好味。呢一大盤有齊咁多野食唔錯！2⃣️芒果糯米飯🥭 $63💖最鍾意嘅甜品，份量勁大，成大嚿芒果🥭同5嚿糯米飯🍚。糯米飯口感軟糯，椰汁🥥味香甜，配上多汁嘅芒果味正😆3⃣️泰發船湯河(牛)🚢 $48💖呢度有船湯！即刻試下，湯底好濃郁，顏色深。食落有啲辣，香料味道濃，比起其他船麵份量都幾大下。配菜有牛肉🐂、牛肉丸同通菜🥬💖口痕想食辣野泰國野黎呢度，價錢都唔錯。今次冇乜嗌正餐，下次要來試吓佢哋嘅炒飯🍚同海鮮🦐。聽講豬頸肉🐷都好出名！

招牌檸檬燒牛肉($123)🥩 好大碟嘅燒牛肉，舖滿醬料同蒜片。肉心呈粉紅色，鬆軟易嚼，肉汁香濃令人回味。🦐 泰式生蝦($85)膠著黏牙，帶有彈性，點醬汁或配蒜吃都好鮮甜！！來貨新鮮，真心高質 😋🥬肉碎生菜包 (豬/雞$65)半肥瘦豬肉帶油脂，入口夠滋味✨肉碎混入檸汁提鮮，甜酸平衡很好。🍜泰式炒金邊粉($58)金邊粉炒得爽身夠鑊氣，火喉控制相當好，就連個炒蛋都仲好嫩滑。粉身調味偏酸，食多幾啖都唔覺飽滯。豆干同大蝦又係足料又大隻，配上舖面嘅炸蒜、花生碎，香味迫人。泰發在九龍城已經長旺了好多年，元朗分店才開張幾個月，同樣高人氣。有泰式 🇹🇭 街頭風味，大碟又好食，性價比好高！難怪平日夜晚七點幾，小店已幾乎滿座啦🈵

中餐西餐又食過，夏日熱辣辣，緊係要食d泰國菜，涼一涼佢！先黎同大家睇睇個餐廳內外樣貌先再黎緊係睇睇個餐牌啦(有好多頁,show唔晒比各位),其實我見都有好多選擇真係樣樣都想叫黎食呀!頭盤就緊係食泰式生蝦口感好彈牙，個醬汁真係一流，推薦！之後就係泰式炒金邊粉你睇下個份量幾多！食泰菜，點可以冇馬拉盞炒通菜！辣辣地勁開胃！最後壓軸出場的就係檸檬燒牛肉！唔係講笑，d牛肉由生至熟咁放上去，每片都唔同口感！牛肉都唔係普通牛，勁多肉汁！極力推薦！最後兩個人食飽飽，都係$397埋單，CP值極高

好耐冇食過有驚喜嘅泰菜！機緣巧合喺又新街搵食，見到呢間泰菜感覺幾正宗！門口仲擺住好多泰國小食添！一揭開餐牌number one：檸檬燒牛肉 本著一次嘅心態結果有驚喜🤩一上臺，成座山丘🤣🤣泰式醬汁拌上燒牛肉，粉紅的！久違了泰菜，牛肉拌上醬汁非常開胃，牛肉外焦內嫩口感一流，夏天食最fit🤩🤩串燒即叫即燒，全日大大隻眼皮燒到脆卜卜，雞肉嫩滑，正宗泰國串燒style👍炒金邊粉，分量同樣多，好香口，個人口味略嫌濕咗少少，味道不錯！芒果沙冰飲咗第一啖，即刻encore多一杯😜用上泰國芒果然現打，好香好smooth芒果糯米飯同樣出色！五種顏色糯米飯配上泰國鮮芒果，芒果好清甜！糯米飯食吾晒🤣🤣今晚遇上食完好想再食嘅泰菜😌

啱啱喺元朗買完老婆餅，有啲肚餓，但又無理由用老婆餅充飢㗎！見到有間叫泰發嘅泰國菜。青咖哩牛肉，青咖哩香氣撲鼻，一嚟到就聞到香味，而且好足料，牛肉大大舊，食極都仲有，茄子同一般嘅茄子唔同，係綠色嘅，咬落好爽口，唔錯！印度薄餅，食泰式咖喱點可以冇薄餅，酥脆嘅口感配上淡淡嘅奶油香，再點埋青咖哩，絕配！泰式芒果蟹肉炒飯，師傅火候控制得好好 ，炒飯粒粒分明，調味得宜，就咁食又得，撈埋咖哩嚟食亦得，得咗！芒果糯米飯，糯米飯整得好有心思，每隻顏色都係唔同味，白色係原味，紫色係紫米，淺藍色係碟豆花，綠色係斑斕味，黃色係芒果味，同隔離嘅新鮮芒果相比下，芒果味冇咁重，有微香。椰汁冰，食完濃味嘢，再飲啲一樣咁濃嘅椰汁冰，正！龍眼冰，清涼解渴，可以中和返。

平時真係好鍾意食泰國菜，因為又平又好食😋最近見附近開左間泰國菜小店，而且好似係九龍城開黎元朗既分店😍咁一定要試下啦🌟香葉辣椒肉碎炒河$58超級惹味，好夠火候，香料味同辣味十分有層次！重點係唔會感覺太油膩，有時好怕d炒河食到成口油既感覺🤔🌟蒜蓉雜菜粉絲煲$65雜菜比想像中清淡呢！如果不喜歡太濃味既青菜可以試下呢款，粉絲比起菜會更入味，蒜香十足。🌟泰式黃咖喱豬頸肉$108咖喱係偏奶偏甜的口感，好易入口，豬頸肉好厚但唔會韌，好好食😆🌟泰式椰汁沙冰$28濃濃的椰奶味變成沙冰口感，清涼又滿足食甜品既心😊呢間小店比想像中好食好多！而且又夠平，應該會成為我長期飯堂🤣🤣推薦❤️

之前喺九龍城食過呢間泰國野 而家元朗都開咗分店 一於試下泰式生蝦刺身擺盤好靚 有埋炸蝦頭😍 生蝦有7隻 每隻都好大隻 生蝦幾新鮮 肉質好彈牙 每隻生蝦上都有蒜片泰式拼盤泰式拼盤有皮蛋釀蝦膠、蝦餅、雞肉丸、串燒同春卷🥰 皮蛋釀蝦膠整得唔錯 蝦膠份量幾多 同皮蛋好夾😋 雞肉丸同春卷好香脆🤤 蝦餅都好爽口彈牙 串燒分別有兩串雞同豬 抵食😎泰式蝦醬炒飯 炒飯份量好多 兩個人share都得😆 入面仲有炒蛋、蝦乾、豆角等 蝦醬味香濃唔太鹹 成個炒飯都好惹味😋

想食泰國菜好耐，今日經過見午餐幾抵就同屋企人試食呢間泰發泰國餐廳。餐廳地方唔算好大，但裝修企理，牆邊貼住唔同菜式嘅相片，好多都好吸引。泰式炒金邊粉$52我哋叫咗佢午餐嘅金邊粉，份量好大碟，好多花生碎、蛋及好大舊既雞肉，好足料， 味道就酸酸甜甜咁，十分開胃。椰青咖喱海鮮 $138呢個餸係我哋比牆邊嘅相片吸引咗所以叫，果然冇令到我哋失望，咖喱好香好有椰汁味，送飯一流，海鮮亦好多，大大隻青口，入邊仲有好多魷魚。通常出面嘅泰國餐廳咖喱都會比辣，但呢個咖喱就唔辣反而比較重椰汁味，好岩我哋口味。如果唔鍾意食飯嘅亦都可以叫蒜蓉包或薄餅再配咖喱食架。炸蝦餅$30呢個跟餐蝦餅只係加$30，即叫即炸。熱袖子蜜$3午餐跟餐可以有嘢飲， 只係加幾蚊，好抵呢！ 離開嘅時候見到佢門口仲有甜品櫃擺左好多甜品、小食例如椰汁糕、炸蝦片等等，鍾意食泰式甜品或小食嘅都可以嚟試下啊！