泰式名廚

Open Now

Now Closed

朋友成日係facebook post 相讚平靚正,終於好唔就腳但忍唔住都去試一次,到達見舖面奇細,等左一陣唔對路要求坐街邊,雖然係泰國人但簡單對話冇難道,老板過左繁忙時間仲出來請我地飲左支有椰青水味的東西餐牌港人愛點的大路泰菜都有蒜蓉炒椰菜苗-炒得好夠鑊氣蒜頭味好香,椰菜苗夠嫩冇渣蝦醬炒飯-一般泰菜炒飯都比較油但佢冇好乾身,飯粒粒分明,蝦醬味就唔覺,撈肉鬆食好好多咖哩軟殼蟹-咖哩加左蛋好滑又香唔辣帶小小甜夠杰身點包食一流軟殼蟹好大隻炸得好脆,入面仲有膏好味炸蝦餅-面頭點左麵包糠炸夠脆，蝦膠好滑但食唔到蝦味生蝦刺身-鮮甜味普通但夠新鮮又大隻,個辣汁係靈魂所在就算點蝦餅都好食鹽燒鯽魚-魚燒得剛好好滑,魚肚香料入足,除左骨一啖都冇剩地點雖然唔就腳但真係抵食又用心做菜

大角嘴鐵樹街上食肆林立，部份食店的午市時段由中午12 時開始，包括泰式名廚。舖位就在毛國界動物醫院對面，帶毛孩就醫後往開飯，非常就腳。雖然店主公告禁止動物內進，幸好兔兔乖巧，加上在非繁忙時段入席，獲網外一面。店內地方細細，裝修簡潔整齊，泰國店員見天氣寒冷，送上熱水一大杯暖身，非常窩心。假日不設特惠午餐，只提供單點膳食。餸菜屬大路款式，一般泰店應有的都有，牆上貼有多幅食物靚相，方便選菜，價錢較九龍城便宜。飛快望過餐牌，二話不說點了海南雞飯及炒金邊粉（Pad Thai）。乍見店員送上海南雞飯，第一印象是飯多雞少，擔心吃不飽，直至吞下最後一口飯，發現份量剛好，沒製造廚餘。雞件肉身單薄屬實，不過入口見真章，雞肉滑嫩入味；大大碗油飯香氣濃，具飯味兼夠熱，可口。還有那一小碟酸辣醬汁，充滿泰國地道風味，可令雞肉份外惹味，越食越辣卻越愛。論辣度，最厲害反而是熱湯，內含大量胡椒，宜淺嚐。炒金邊粉的外觀，跟在曼谷吃過的非常相似，味道則更勝一籌，不知不覺全碟掃光。其鑊氣十足，粉條給炒得分明，顏色均勻，蝦雖非新鮮貨，但未見分體爛肉，若加半個青檸供擠汁更佳。以街坊價食到泰國廚師的誠意出品，有驚喜。

小妹菜蟲第一次寫食評 成日食到一半先記得影相 請各位家庭觀眾唔好見怪喺豪華戲院睇完戲去咗富多來商場覓食食新疆菜食到成肚火 轉戰隔離嘅泰式名廚門口有大大個menu 清清楚楚 明碼實價而且價錢十分合理 有d甚至十分驚喜珍多冰喺十蚊雞一杯 喺十蚊雞啊 向左走向右走你！！！(食到一半影嘅><)喺炒飯嘅話我會更開心.....可能我重口味 我覺得香葉可以再多d但辣味足夠 越食越辣 爽！！3份之2嘅青木瓜沙律 可見原先份量好足！可能為咗迎合香港口味 唔夠青檸汁辣椒同魚露沙律入面放咗紅色嘅蝦皮 無泰國人鍾意嘅臭魚或蟹仔食開正宗嘢嘅觀眾可能會失望(呢d我無食)貼喺玻璃門上面嘅特別推介 算幾抵食聽到隨離枱大大力推介個冬陰功同泰式炸蠔餅喺咁話好食另外一枱海南雞飯 雞量略少 芒果糯米飯 份量足 賣相唔錯下次要試下吓用心小店 值得回頭

食完個中伏京x會⋯心情好差⋯但其實仲好肚餓⋯行前少少就發現咗「泰式名廚」。店內面積雖小，但裝修同擺設都企理，擺咗幾張雙人檯，一坐低都未點餐，店員便好有禮貌遞上一杯凍冰冰嘅飲品，甜絲絲，好清涼，窩心喔～香葉肉碎飯味道尚算ok,但肉碎炒得偏乾，冇乜肉汁，唔夠辣。伴碟青瓜唔新鮮，鋪飯面隻蛋煮得唔錯，蛋白已熟，但蛋黃仲好流心。珍多冰椰汁味濃，消暑解渴。芒果糯米飯又與menu圖片不乎⋯紫米變成白米，兩邊芒果變單邊，幸好芒果夠甜，椰汁夠搶眼，因為經過特別調煮再淋上飯上，似足蛋白一樣，椰汁好香，質地杰身，驚喜之作。