Thai Market (Closed)

今次揀左洪水橋的 Thai Market食物好味😋我地都好滿意環境舒適！圓形大飯台牆畫好靚餐廳外的裝潢都好靚當去左一轉泰國🇹🇭玩😍🎈滿意自己今次的安排😁😝最緊要屋企人鍾意🤩

🍁泰式明爐酸辣烏頭魚份量大，肉質鮮嫩而且啖啖肉，加埋配菜同酸酸辣辣既湯汁好開胃🍁冬蔭海鮮焗飯西班牙海鮮飯就食得多，用冬蔭公嘅汁去整就好少見，而且出奇地好食，味道係偏甜少少，但海鮮量多🍁泰式燒雞比預期想像嘅冇咁特別，雞肉即燒即整，係餐廳門口就會見到，肉質係多汁，但味道就偏淡

黎到生日月，約埋三五知己一齊食個飯順便慶生，今次簡左Thai Market，餐廳有分室外同室內，如果坐出面就有泰國風情啲，同埋有live band，但我地怕比蚊咬，所以都係簡反室內啦🤣可能因爲係閒日，餐廳都唔算好多人，我地總共9個人見到佢地有房有問過可吾可以坐入去，但店員話有最低消費要約$4000，咁我地都係打消呢個念頭，坐反出面算啦！泰式酸辣鳳爪味道唔錯夠酸夠辣，配搭埋沙律撈埋一齊可以解到啲辣味，仲有好清新嘅味道泰式炸蝦餅，同一般食到嘅大同小異，唔算好特別，但都有彈牙嘅口感肉碎炒四季豆，呢兩樣都係好好食嘅野，但肉碎實在太鹹如果就咁食嘅話，所以都係要搭條豆，因為豆本身個味比較清淡，同埋主要靠肉碎同個汁令佢有味道馬拉盞炒通菜勝在通菜唔會炒得好老，食到爽口嘅感覺，馬拉盞味道嘗可，不過食到底浸住汁個啲就有小小鹹泰式金袋（炸雲吞）呢個食落去同蝦餅差唔多，只係多左塊皮包住左，但炸到岩岩好，而且細細粒咁一啖可以擺落口，但其實佢同一般嘅炸雲吞分別不大軟殼蟹芒果米紙卷，入面包住軟殼蟹都算大舊，配搭一舊芒果（好似lucky draw咁樣）因為唔係舊舊芒果都一定甜嫁🤣不過配埋啲菜再點個汁，都可以中和下啲味

屈錢 屈錢 屈錢 重要嘅事要講三次！首先，每架車要收40蚊既牌收得非常唔顯眼不在話下，未食野二架車先收左你80先，門口泊車仔話食飯有得免，結果埋單計左入單，泊車仔就收左工。食物質素還可以，服務員態度非常之唔好！食一餐飯問7-8次食哂未，係咁趕客。入左餐廳成餐飯一杯水都冇幫客人refill 過，重粒聲唔出杯都收走埋人。奉勸各位步行都門口，影完相打左卡好走🙂

平時唔會寫食評，但呢一間值得寫睇其他人寫食評講到話彷“彷彿走進泰國”, “扮去左泰國”咁，只不過係門口放架督督車裝飾，其他地方同m記無分別個侍應西口西面，問多句都唔耐煩咁款你都忍受得到的話，咁你會有一個“非常享受的晚上”，食物算唔上一流，但服務一定係九流

彷彿置身泰國其中讓人鬆一口氣知道呢度都好多人黎食 咁就黎試吓係咪傳說中所講的環境彷似在泰國某一處一樣 清靜而帶點熱閙 其實香港好多值得去的地方裡面坐位舒服而寛敝 侍應 都好好服務有禮不時替客人收碟 食物方面都好有質素推介海南雞飯 大大碗 雞夠滑 湯粉面 可encore 好有泰國風 似街頭味道燒乳豬 不定時出爐 必食 熱辣辣 外皮香脆 可惜冇影相 甜品 以泰式為主 選擇都多 椰汁糕唔錯飲品 竟然有泰奶茶 我自己必推值得一提每枱都會有一隻凍蝦 美中不足熱盤比較小 但都滿足

食品種類都多嘅🧐，冰鎮海鮮有：青口、凍蟹、凍蝦、螺、白蜆⋯⋯有大排檔十下十下；有煙三文魚、不同類沙律、海南雞⋯食物黎講都會不停上貨，嗰盤清晒，轉個頭都補番晒；但枝裝飲品就嗰櫃有幾多就幾多，好似檸水一小時左右就冇晒，都唔會補番既。而味道黎講，我唔係食神級數，但大致黎講都叫OK既；有師父會即切德國咸豬手、燒肉咁～都幾香脆。甜品倒算多選擇、泰式甜品外仲不缺西式芝士蛋糕🍰，仲有杯杯楊枝甘露，惟雪糕只係單一「雲呢拿味movenpick」、同DREYER’S REAL DELIGHT 雪條。我坐房，座位都坐得舒服（但大廳位行經感覺就迫啲）。丫，每位仲送一隻龍蝦🦞，相信黎到都會有不錯既用餐經驗

一行10人去到呢間位於新界嘅泰國餐廳食自助餐，呢間餐廳係屬於King Parrot group 旗下，家人有會員卡，而且就嚟到期，所以拉大隊食一下。一定要幫襯佢泊車，承惠$40。其實之前已經食過幾次，佢前身係一間德國餐廳，轉咗做泰國菜之後都有部份德國菜提供，包括係豬手，燒乳豬，德國腸等等。之前食過幾次感覺都幾ok，係啲服務差啲。佢嘅用餐時間好長，呢個係賣點，由11:30 開始，坐到3:00 都可以。餐飲部份由以前只提供一杯飲品，變咗係雪櫃嗰度自己拎，有水，薏米水，同其他泰式飲料。每人會附送半邊龍蝦。（非任食）龍蝦肉質唔錯，但就冇咩鮮味，同埋都比較瘦削。食物種類算多，泰國菜為主。最好食就係泰式豬手同埋海南雞。凍盆有啲凍蝦同好細隻嘅凍蟹仔。沙律….等咗成朝都冇出青木瓜沙律（之前有），亦都唔會有柚子沙律（從來都冇見過）。泰式鳳爪就有，不過我冇食。糖心雞蛋好食。連蝦餅都冇，得魚餅（唔好食嘅，啲味道好似超市嗰啲）咖哩炒蟹就冇啦，只有咖喱炒蝦。啲咖喱味係入唔到隻蝦裏邊。門口德國嘢方面，全部都又乾又鞋….嘥Quota。仲要有一個女人係超級乞人憎，出去拎豬手，個男職員幫我切，咁啱佢只切肉，我話：唔該連

與很久沒有見面的朋友聚餐，都是家人介紹，好味👍🏻有水準👍🏻份量足👍🏻會介紹朋友，也會再來。可惜自助餐只在星期六日，如果平日都有就好。🥰👍🏻環境乾淨，好舒服，座位都寬敞，服務態度有用心，又會介紹優惠的食物和飲品，靜靜哋傾偈真不錯👍🏻我們食下傾吓都差不多超過三小時，食完主菜，最鍾意係豬手，好入味👍🏻軟殼蟹芒果紫米卷非常清新好味😋鮮蝦柚子沙律好味唔辣😋有些地方是做辣的😅傾吓傾吓又再叫甜品繼續傾😘芒果士多啤梨拿破崙，哇，啱啱好的甜度，外形非常吸引👍🏻，朋友讚口不絕。希望繼續保持水準，態度。🙇🏻‍♀️🙇🏻‍♀️🙇🏻‍♀️

呢間餐廳🍴好方便自駕人士有得泊車，前身係德國餐廳，而改頭換面轉左做泰國餐 Brunch Buffet$278@成人，長者有優惠價，所以眼見都好多上左年紀嘅叔叔阿姨嚟食🤷🏻‍♀️裝修好有泰國風情，門口仲有架篤篤車添，不過野食種類唔算多，質素正常涷海鮮有青口、蝦、螺、蜆、蟹，全部size都偏細隻，味道正常，無生蠔龍蝦之類嘅回本食物熱葷有雞肉串燒、炸春卷、海南雞飯同咖哩蟹等，同有烤肉，不過就係門口位，要行出去拎，通常都要排隊，有小小熱甜品有movenpick雪糕同法式焦糖燉蛋，同有一杯杯奶涷揀，仲有爆谷添

今日端午節，趁假期尾，出去搵食，記得每次揸車都經過好多次，每次心諗都係下次黎試，今日終於的起心肝去試下，17:00到，入到去車位，原來要比$40泊車費，又好似唔係好化算，不過一場黎到，就當係泊商場，不過商場都會有消費泊車，但呢度無，硬收左$40先，呢個時間入到去得幾檯，一坐低就有人拎住個牌黎推介二人套餐好似$588，但睇落又唔吸引，所以最終散叫左，泰式鳳爪$78，泰式生蝦$168，紅咖喱雞$96，配餅$46，炒金邊粉$96，仲叫左兩杯飲品，但飲品一到發現同我叫既唔同樣，叫左個男侍應問，佢話無錯，但Menu係黃色，佢比杯紅色既我，所以我叫個侍應返去問清楚，最後另一個人黎話做錯左，問我需唔需要換，我其實唔洗換，只係驚佢比錯左人地果杯我啫，食物方面，全部都好食，值一得一讚，係喺獨覺得生蝦$168（5只）係偏貴，因為我都食唔少泰國菜，呢個價錢5只黎講性價比低啲

看到有比較多少少負評，又話服務差，抱住不防一試心態，即管去試吓，去到環境不錯，係冷氣比較凍。即日下午4:00打去想book 5:30，接聽電話位姐姐都好有禮貌。當晚侍應服務不錯，佢見我哋食海鮮，留意到碟上一有穀就幫我哋換碟，整晚換咗3次。 餐牌上冬陰功湯是一位份量，我哋3位都想試試，就叫2碗試試，落單後，有位資深侍應走來講解，1碗份量都可以夠3位飲，問清楚我哋想要2碗還是1碗，真係好彩佢問我哋，否則太多了。食物味道不錯，有下次。

天氣好熱阿, 但因為佢OUTDOOR AREA好多位,因為帶住狗狗, 所以都來左呢度食thaifood男朋友揸車來, 本身以為要比停車錢,食飽個陣用單去簽, 原來就可以free parking甘都係一個advantage! -叫左一大杯BEER, 你可以叫1L OR 0.5L我唔想飽到食唔到野只叫了個0.5L(.___.)下次可以挑戰下1L !!!-食左個炒菜加腩肉,好好味, 好香口, 菜好夠爽脆!又有D泰式風味-第一次食蝦餅係有香茅味好香, 覺得好特別, 呢個係必點的!好中意食, 好彈牙的蝦餅!-青咖哩雞, 本身以為無乜味但原來愈食愈好味加左個薄餅, 點D汁來食, 好正好足料食極都仲有好多<3-叫左個燒魚, 好好味D 汁好夠味, 索哂入D魚度辣度岩岩好, 唔會太辣搶左條魚既鮮~個度環境都好好, 好岩大人細路同埋狗狗一齊來

燒烤海鮮拼盤-餐廳會根據當時時令嘅海鮮 就有唔同嘅海鮮配搭😊-嗰時我哋就有魷魚 燒大蝦 扇貝 等等-個人嚟講就最鍾意個燒魷魚😛燒完之後肉質仲係好彈牙😍唔會話變得好乾身-雖然價錢唔算特別平 同平時嘅燒海鮮拼盤價錢差唔多 但係我覺得好值得一試😊🔥泰式燒雞 (半隻)-嗰時我哋係得三個人去 所以淨係嗌左半隻試吓 上菜嗰時都有啲surprise 因為冇諗過個份量真係咁多🤣-隻雞燒到個皮卜卜脆🔥 -點埋泰式辣醬真係好惹味🤣

位於洪水橋的這個位置，最記得是當時仍是香辣屋的時代，阿媽成日帶我同細佬去聽住live食泰菜，之後出黎做野，又自己帶朋友去過一兩次；對於這個地方、有滿滿的回憶啊～後來香辣屋執左，變咗帝樂德國餐廳就好少來了..上年駕車經過見到變番泰國菜，係一間叫Thai Market既泰國菜館，yeah～ 即刻搵機會來試～駕車的話，十分方便，泊在餐廳外便可。餐廳外景觀：我地叫左幾樣野，都唔錯：去年(2020年)7月頭下午兩三點來吃，仲記得當時坐了很多人，呢餐係難得的堂食，當時疫情好像已放緩；但到了去年既7月中香港又再爆發新一波疫情，呢餐之後又繼續外賣生涯…