THE CAPTAIN'S FISH & CHIP BAR

Open Now

Now Closed

💂🏻‍♀️《雙皮奶雞蛋仔》 試食價$38雞蛋仔食得多，雙皮奶雞蛋仔真係第一次試！撳落去粒雞蛋仔啲雙皮奶爆出嚟💦淡淡嘅奶香味飄出嚟🥛越食越濃郁，而且唔會好膩，令人想一啖接住一啖咁食！評分：92/100💂🏻‍♀️《船長炸魚4oz配白汁意粉》$20大過手掌嘅炸魚，一見到已經好誇張😂炸粉好薄，外皮好香脆，但係入面嘅魚肉好嫩滑亦都好多汁🐟炸嘅火候啱啱好👍🏻而且配埋份量超級足嘅白汁意粉，兩個女仔都夠食，抵！評分：92/100💂🏻‍♀️《燒賣系列（蒸/炸）》$25+1️⃣魚蓉燒賣 經典之選2️⃣干蒸燒賣 牛肉球愛好者可選3️⃣香菇豬肉燒賣 口感彈牙有油脂香4️⃣蟲草花雞肉燒賣 健康之選又少有 推薦👍🏻5️⃣花椒麻辣木耳豬肉燒賣 辣辣地好過癮 又有木耳絲同豬肉油香 推薦👍🏻另外兵仔食蒸燒賣揀咗佢地啲XO醬，仲要係無添加冇味精！XO醬配燒賣係一個永遠唔會輸嘅組合😂評分：90/100💂🏻‍♀️《金橘熱情果原個檸檬果汁/士多啤梨原個檸檬果汁》$2828蚊大大杯原個檸檬嘅果汁，就算行過口渴頸渴都值得買一杯試吓，果汁味幾甜，好解渴🙆🏻‍♀️評分：90/100總結：啟德Airside好多嘢行，但係都好多美食🔥尤其是天氣涼涼哋喺露天廣場食嘢放狗

自從啟德呢邊開咗Airside , Sogo, 啟德體育完之後呢區多咗好多嘢食 今次試嘅係特色小食 CAPTAIN嘅雙皮奶雞蛋仔✨雙皮奶雞蛋仔 $38全部都即買即整人龍都好長 都等咗十分鐘左右估唔到雙皮奶配合雞蛋仔軟糯嘅質感都好夾😎小店仲有其他港式小食埋好似炸魚薯條🐟、魚蛋、意粉等等THE CAPTAIN'S FISH & CHIP BAR📍九龍城啟德協調道2號AIRSIDE G樓G014號舖

呢間位於airside既小食店，周末下午已經見到超旺人氣，好多人龍排隊買佢最出名既雙皮奶雞蛋仔！店內都有位置堂食，我地就點左一份雙拼炸燒賣、炸魚意粉、單骨雞翼同埋雞蛋仔，仲可以加$12蚊有大大杯茶飲，好開心！雞蛋仔內餡我哋選擇香甜雪白既雙皮奶，令人忍唔住一口接一口，我地堂食留意到差唔多每個入嚟落單既都會點雞蛋仔，證明真係名物嚟。炸燒賣都有好多款，可以揀雙拼同埋配一種醬，我地揀左蟲草雞肉燒賣同花椒麻辣豬肉燒賣，意外地同明太子沙律醬非常夾，大推！

炸鱼明太子意粉是一道结合了意大利面与日本风味的创意料理，近年来逐渐受到食客的喜爱。这道菜的最大亮点在于其独特的风味与丰富的口感。首先，炸鱼的外皮酥脆，内里鲜嫩，能够很好地增添意粉的层次感。鱼肉经过炸制，保留了鲜美的海味，搭配明太子酱，形成了一种独特的咸香味。明太子的独特风味与意粉的柔韧相结合，使得整道菜品既有海鲜的鲜香，又带有浓郁的酱香，令人垂涎。其次，意粉的选择也很重要，通常使用的是细长的意大利面，能够很好地吸附明太子的酱汁，使每一口都充满风味。食材的新鲜程度直接影响了整道菜的口感，因此高品质的食材是制作成功的关键。然而，部分食客在品尝后可能会觉得这道菜的味道偏重，明太子的咸味可能会掩盖鱼肉的鲜香。此外，对于不习惯明太子味道的人来说，可能需要时间适应其独特的风味。总体而言，炸鱼明太子意粉是一道新颖且美味的创意菜，适合喜欢尝试新口味的食客。虽然存在一些小问题，但整体上仍然是一道值得推荐的美食。

葡撻雞蛋仔食得多啦～雙皮奶雞蛋仔食過未呀？係Airside 見到一間特色既鋪頭賣啲幾特別既小食除左有雙皮奶雞蛋仔外仲有炸燒賣同超長薯條雙皮奶雞蛋仔 $38即買即整夠哂熱都幾香可惜既係唔夠脆口同入埋無太多雙皮奶如果可以再滿啲就好啦🥹依加仲有得優惠價$12加配烏龍茶一開始以為係一支支既點知原來係一杯杯仲要都幾多冰有啲失望 因為睇 menu個陣係支裝版THE CAPTAIN'S FISH & CHIP BAR九龍城啟德協調道2號AIRSIDE G樓G014號舖#Foodie_aki #yum_yum #foodie_aki啟德#啟德美食 #airside #雙皮奶雞蛋仔 #雞蛋仔#港式小食 #香港小食

住附近食過一次佢嘅雙皮奶雞蛋仔，今日1月1假期去到多人都預左等。幾乎個個人等左好耐都問佢幾時得，每次店員都冇應確實時間。然後見到店員比左雙皮奶雞蛋仔排我後面果個人，我問店員點解比佢先，佢話唔同味道個出餐次序唔同。.我問排我後面果個人買左咩味，佢話係雙皮奶雞蛋仔，我再問個店員，點解會比佢先？店員仲吹水話個味唔同，我話問左佢係一樣味，佢冇正面回應，我問收銀店員我果份仲有幾耐，佢將同一句嘢問廚房，問完都係冇回應，店員都係不斷出餐比其他人。我就話姐係幾耐？如果耐過5分鐘就要退錢，果時已經半個鐘，佢先至話兩分鐘，最後出到。最尾先話唔好意思撈亂左單，送返杯熱茶比我，但sorry我冇手拎，冇要到。.好啲嘅做法：出錯單已經要講句唔好意思我而家整比你+講個時間要幾耐，收銀都可以講句麻煩你等多陣，唔係次次都將客人同一句嘢轉述廚房但係冇應過客人，其實冇乜禮貌。我都唔想講得咁難聽，其實handle唔到可以唔好接咁多單。開得起商場就要接受到商場嘅人流，或者其實棟個牌係度，寫「雞蛋仔要等30分鐘」已經得，想食嘅咪照等。.再講味道，其實ok，味道創新，本身等緊果時仲諗下次食咩好，但係可能遲啲先喇。

今日嚟到啟德Airside雙皮奶雞蛋仔，非常好食，最欣賞個雙皮奶唔係太甜，好適合關注糖尿問題嘅人士。個人建議熱辣辣食嘅時候真係非常好食，攤凍咗雞蛋仔會厚身。老闆好好人，喺我哋等待食物期間送咗一杯熱紅茶同埋燒賣俾我哋食，燒賣裏便係好多真材實料，食得出蟲草清香同埋雞肉嘅味道裏面一啲都唔粉，大家過來Airside不妨一試！

初試雙皮奶雞蛋仔！第一次食雙皮奶雞蛋仔，都幾特別幾有驚喜既，老闆都送野飲！好好人，hehe 不過真係要立刻食，一凍左成個都會林晒，拎左返公司已經林林地！奉勸大家一定要趁熱食

經過airside出面大公園 見到一間都幾多人排隊嘅小食店原來有雙皮奶雞蛋仔😍🧇 雙皮奶雞蛋仔 （朱古力味） $38上2星期食 有試食價$38 原價$45 唔知依家仲有冇🙈雙皮奶呢個味道好有新意😍我將雞蛋仔味轉左做朱古力味😝多人排隊 等左20分鐘先有 等個陣係公園坐下睇下狗仔😆一拎上手 雞蛋仔好重手 好香奶味😍咬落去入面充滿雙皮奶餡 有啲仲爆左出嚟🤣 好重奶味 好食👍反而朱古力味有少少蓋過左 但唔大問題🤓不過因為餡多 佢會快淋少少 鍾意脆口嘅人要留意❣️自己食一底都會幾飽 真係太足料 都係建議2個人share🤩試食價都幾抵食 不過唔知完未🙈🖐️大力推介

估唔到呢度有雞蛋仔😆見有人買左雙皮奶味，我哋又跟風😛而家優惠價$38，即買即整，買完要等6分鐘，附近有展覽/市集可以趁空檔去睇吓👀雞蛋仔外皮比較厚身，咬落去幾軟熟，雖然唔似平時嗰種外脆內軟，但係味道幾好，食到奶香，甜度適中，呢個配搭幾特別除咗雙皮奶，仲有蛋撻同朱古力撻味，下次經過會再試吓😆

行過幾次睇門面都以為冇得堂食 終於望到原來裡面其實有位🤣—————————————————點左個意粉 薯條同燒賣+兩杯飲品 然後見到雞蛋仔有雙皮奶味即刻叫埋 ，好似第一次見到呢個搭配 而且睇落都唔會中伏 ！ 燒賣出色 我點左明太子味 好想encore 但食唔落 雙皮奶雞蛋仔出爐唔駛5分鐘比我k.o 佢地個味真係好夾 同埋好鍾意果陣奶香味意粉都係做得好食 下次會再點 薯條就… 食同打包都好唔方便 🤣🤣 主要係唔貴 兩個人食都食唔哂其實 份量多.. 如果地點再就腳啲就好 會再幫襯～～～

成日行過Airside 都會見到呢間橙橙藍藍好吸睛既FISH & CHIP BAR店，今次就試試佢炸魚薯條🐟🍟 呢個炸魚真係出奇地大份！一份足夠兩個人食，真係非常抵食！魚肉預先醃過，用咗英國進口油炸，外脆內嫩，香口得來又唔油膩！我擺左好耐都無變淋，依然保持住新鮮感，真係好正！奇異果Lemonade🥤 呢款飲品清新可口，酸酸甜甜，超解渴，搭配炸魚薯條一齊食，真係無得輸！店內雖然唔大，但好乾淨，員工態度超友善，感覺好有親和力！😊

同朋友行airside 發現呢間餐廳Walk in入去食好有驚喜 ！！！野食價錢超平民化 似係家庭性營運既店鋪 感覺到店員好友善同落力去招呼客人 好有人情味既店舖 會留意客人需要 再幫忙客人叫左三樣野食 有fish and chips, 單骨雞翼白汁意粉， 雙皮奶雞蛋仔 同兩杯野飲三樣野食都好味！最驚喜係 雙皮奶雞蛋仔！好夾既味道 雙皮奶好滑 雞蛋仔夠脆身會再encore同介紹朋友黎既店鋪 加油！而且店舖仲好細心 仲有準備 凍乾餐比寵物 照顧寵物既需要

同女朋友行商場行到攰 ，本身諗住飲杯咖啡，點知見到嗰間快餐店，又見有啲肚餓，就入去試試炸魚薯條店，賣雞蛋仔都係第一次見老闆推介我哋食招牌雙皮奶雞蛋仔超好食，勁Creamy冇諗過雙皮奶同雞蛋仔可以咁夾原來新鋪開張冇耐，老細仲俾我哋試食咗其他嘢食 ，真心推介個炸魚薯條，又係世界第一，第一次食到炸漿唔厚嘅炸魚，唔會成口油，薯條又比勁多炸魚一定要襯啤酒，可惜佢地無賣啤酒，附近又居然冇7–11另仲有意粉同埋燒賣都好好食大家一定要試吓

金橘熱情果原個檸檬果汁（$28）個包裝幾靚，但杯野真係超酸🤣🤣原汁原味，但真係太酸朱古力撻雞蛋仔（$40）個餡入面係軟心，但無乜朱古力味，甜味都比較少。❤️‍🩹餐廳入面無冷氣，夏天嚟講真係差啲，雖然見到有部風扇，但係都只係吹住門口嗰兩位，而且餐廳入面部投影機影片一直播整蛋糕畫面有啲不明所以，老闆加油啦😂見到你身水身汗又要收銀又要整野食一腳踏。下次可能會再嚟試fish and chips 🍟 之類，希望到時有改善🤣🤣