師傅仔 (金碧閣)

Open Now

Now Closed

收工番左屋企就懶得出街食,所以通常都叫呢間外賣,送外賣既人每個都好有禮貌重點要推介佢個((((((((魷魚煎肉餅)))))))我差唔多日日都食咁制!!!!!!!!!!!!魷魚夠香,仲有大大粒馬提,好好味AHHHHHHHH!!!!!仲有每日唔同足料老火湯,琴晚飲左西洋菜湯,真系冇落味精GAAAAAAAA!有質素同價錢合理GOOD!GOOD!GOOD!真系要特登開個OPENRICE ACC泥寫下食評,讚一讚呢間茶餐廳!!!!!!

老家附近食市林立，多國菜都任君選擇。唯喜字頭同新蘇屋開始落成，開飯價錢同樓價齊坐火箭飛升。最近搵到個師傅仔幫幫手，家常小炒，茶餐廳隔局。小菜都算做得出色，雖然人頭計都要七八十蚊，但係質素都中上，有用心製作。兩條佬, 點左個星洲炒米同豆腐班腩煲送飯.星州米係傳統茶餐廳食品, 本人喜愛之一. 一上桌就聞到咖喱香味充斥住成個餐桌. 色香已經對辦, 賣相加了幾粒芝麻, 叫做點綴下.....味道亦不俗, 唯配料比較少, 只有火腿, 沒有蝦, 叉燒亦欠奉, 略減分數....分數: 8/10豆腐班腩煲, 上枱個下氣勢十足, 而且有言茜陪襯....賣相不錯, 即叫即煮, 十分新鮮滾熱辣.....炸豆腐, 外香內滑, 富有豆香班腩多骨且較鞋口, 有點Overcook...炸腐竹是至愛,掛汁一流雖然分量十足, 但落油過多, 無想到會咁多, 最尾有點難受.分數: 5.5/10不過不失既質素, 可接受既價錢, 應該會成為間唔中的家中食堂.

今日第一次食師傅仔, 格局幾得意裝修好新淨, 左右兩排卡位就梗架啦,但中間係兩張四人椅打通變八人座, 好似真係無見過其實未入門之前見到餐牌多數係小菜, 只係午餐先有四十幾蚊點左個A餐, 黑松露牛扒雞肉串飯黑松露: 茄汁加左D黑松露, 茄汁本身酸, 有少少黑松露味道, 唔算好食但幾得意, 全餐唯一賣點牛扒: 一塊, 失敗之作, 睇紋路就知係平野, 無肥有少少筋, 咬落去淋既, 基本上無牛扒味比起快餐店D公式早餐薄牛扒可能仲差少少雞肉串: 兩串, 有少少雪味, 亦都無雞肉味, 唔講其實唔知係乜野肉飯: 份量係剛剛夠飽果隻凍咖啡: 有咖啡味, 但淡, 飲到一半變成有少少酸午餐$43 + 凍飲$2

放飯時間，去左試附近間茶記試新野同事叫左個特餐($38)，揀左蒜蓉包火腿奄列、香煎豬扒火米線和一杯熱飲食物整體素質不俗，特別係杯茶走，練奶香滑又有濃郁既茶味價格方面亦十分合理而我就叫左茄汁香腸豬扒焗飯($43)，豬扒相當厚身大件，肉質幾嫩滑，配以粒粒分明的蛋炒飯和味道酸甜既茄汁，十分好味

師傅仔除了無味精例湯吸引，其他菜式如合時羊腩煲及蜜汁牛柳粒同樣出色。今天晚餐帶了斑翅及急凍龍蝦尾讓師傅給我們做菜式，炆斑翅保持一貫水準，魚質香滑。第一次帶龍蝦來，這伊麵做得很出色，濃淡適中，保留龍蝦鮮味，席上的都食指大動，下次會試試帶大蝦來弄大蝦伊麵，大家不妨試試。

近排長沙灣開左好多新餐廳，約左朋友食飯，見無試過，就試下...約7點度去到，店員好快就帶我地入位...例湯大大煲，一行4人岩岩好...味道同一般味精湯唔同，算有誠意...鮮魷脆卜卜又入味，誠意推介...鮮魷唔會好似出面D餐廳咁軟淋淋...今餐最滿意菜式!雞肉滑嘟嘟，味道唔會太咸...連皮食..正! 呢個煲仔菜一般...兩樣野唔太MATCH...而且個菜唔夠淋，咬得有D辛苦...好鍾意食梅菜扣肉，但唔係間間都可以...咁耐淨係試過響一間茶樓食過好正既...今次都係一般，雖然都算淋，但扣肉唔係入口即溶... 雖然用煲仔熱住，但仍有待改善...總括而言，環境乾淨，坐得都算舒服...可能係平日較早，入座快，店員一叫即有反應...如果下次有機會，可以再試下其他小菜...

今天晚上選擇在師傅仔做節，因為餐廳歡迎客人自携海鮮加工。我們帶來海蝦、龍躉及蟶子皇。師傅仔的廚師將這些食材處理出色，為我們帶來驚喜。黃金蝦惹味香口，豉椒蟶子鮮甜爽脆。我們另叫了豉油王炒麵和椒鹽魷魚，美味可口。師傅仔絕對是非一般茶餐廳，食物和環境可媲美飯店，令人一試難忘!

  放假同朋友去咗長沙灣行街, 順便去左呢間新開張既茶記食個簡單晚飯~叫左三個餸, 海南雞又滑好味豉汁蒸倉魚新鮮, 蒸得剛剛好~牛肉炒通菜夠鑊氣, 好惹味~環境四正舒服, 位置又方便, 會再去

一行9個人..諗住搵個地方開開心心傾下計，行下行下就來了師傅仔! 點知有驚喜!我有幾款都好鍾意，好好味!! 沙拉骨---好特別，其他店的沙拉骨是用白色沙拉醬弄成的，而這裡用的是千島醬，而且肉質鮮嫩!讚!牛仔骨---好入味，牛肉好滑，唔駛點咬!讚!南乳炸雞--未試過，好有創意!仲有南乳汁點來食，好味好味!椒鹽九肚魚--好好味，我最鍾意食魚，仲要炸到香香的，搞到我食左好多塊!見到個餐牌，有好多款菜式! 試唔晒! 下次想再來試下其他小菜!呢度的小菜價錢十分合理,值得再去!

師傅仔位置在我返工附近，所以去了試試。例湯是蓮藕豬骨湯，唔似味增湯，好喝！好大盤的腐乳通菜煲，一啲都唔油，味道剛剛好！椒鹽九肚魚，唔夠脆，麻麻地。手撕雞，雞肉很滑，但我唔鍾意上面的花生醬（它味道是似花生醬，唔似平時的麻醬）。唔點醬仲好食！生炒骨，味道甜酸適中，粉不太厚，好食！服務OK，小菜OK，下次lunch再來試試！

工作需要，令我可以去到邊食到邊，今日就黎到長沙灣元州街街尾附近，同事就帶我試新茶記，抬頭一望@@，原來係師傅仔，之前我係元朗雞地都試過，估唔到原來係度開左分店，二話不說就入去食個lunch先！午市飯餐$40，凍飲+2蚊個人認為十分合理，去大型連鎖快餐店而家差唔多都要四十幾蚊先埋到單，仲要自己拎，又要搵位，呢度又有侍應哥哥姐姐服務，上菜又快，裝修又乾淨舒服，座位又闊落，唔錯唔錯！聽侍應哥哥講呢度夜晚有個招牌小菜海南雞飯，手撕雞，等我下次試完再出post分享下先！

屋企樓下開左間新餐廳，見到裝修整潔。我哋一家人以不妨一試嘅心態，入去叫咗幾個小菜。店內侍應介紹海南雞同埋椒鹽九肚魚。海南雞雞身滑！有鮮味！椒鹽九肚魚不錯！外脆內軟！魚身入口有即溶感覺！另外，我哋叫咗個蒜子菜心感覺普普通通！牛仔骨好味！菠蘿生炒骨色香味俱全！甜酸度啱啱好！整體來說，出單都幾快，小菜有鑊氣，位置坐得舒服，侍應態度也良好，懶得煮飯嘅日子會再嚟食！

今晚落街同輕輕鬆鬆食餐飯，見開左間新餐廳，見到裝修都整潔舒服，我哋一家人以試一試既心態，入去叫咗幾個小菜^3^初初都唔知叫咩好，諗左好耐，呢到d侍應都幾好，介紹左手撕雞俾我地。雞身滑！有鮮味！真係必叫呀! 同埋呢個椒鹽九肚魚唔錯唔錯！外脆內軟！魚身入口有即溶既感覺！正呀！另外叫左個啫啫通棻煲有風味！好惹味呢！呢個蓄茄紅衫魚就不過不失啦，茄味唔夠呀不過個老火湯真心正，菜乾南北杏豬骨，$18，好似呀媽d靚湯^3^整體黎講，我同屋企都幾中意，坐得幾舒服，出單又幾快，小菜好味，一定再黎！！值得再幫襯呀

周末懶得煮飯就落街搵野食, 見開左間新餐廳, 黑tone門面裝修頗特別, 就咁吸引左我哋入去試下 我自己點左票米魚扒飯($40), 待應見老公心大心細, 就介紹左雲耳蒸雞飯(唔記得幾錢), 另外點左個老火湯($18)滋潤下。魚扒飯夠哂大碟, 塊扒成隻手掌咁大, 煎得好香, 汁份量岩岩好; 蒸雞飯都唔錯, 雞身幾滑同嫩; 最想讚係個湯, 原本冇嘜期望, 估唔到好足料, 一啲都唔馬虎, 有驚喜!Overall成餐飯都頗滿意, 食物質素中上, 侍應態度都好好, 新店都冇令我失望, 希望Keep住水準, 會再幫襯

放工去長沙灣搵朋友食下飯吹下水，見到新開張所以試下。雖然話係茶餐廳，不過地方企理又光猛，而且好多卡位，十分乾淨!睇餐牌先知選擇好多，原來好多小菜款式揀。兩個煲都好足料，斑腩同牛肉都好夠份量。而且夠晒熱味道又岩岩好。南乳炸雞同椒鹽肉排都好蘇好香，唔會炸到好乾身。炸雞D南乳味好夠真係幾特別。涼瓜炆倉魚煮得岩岩好，肉質好滑。夠晒大條幾抵食。