肆年八月米線專門店

Open Now

Now Closed

幾年前喺舊鋪食過不過不失，唔好食不過唔算難食，但今次搬咗去新鋪之後質素極差，係勁難食，以後唔會再去，免費都唔食嗰種。招牌麥芽啤酒滷鴨片加手撕雞加雞翼酸辣湯酸辣湯死甜死辣，似就咁倒辣椒油嘅辣油味，成碗都係油，d油成吋厚。啲米線冇味，鴨片冇乜味並且又鞋又靭。雞絲無味之餘仲有雪味，放左一舊入口就無再食仲有都唔知係咪請黑工，叫左個菲傭姐姐落門面做？個侍應黑黑地，唔識聽同埋講廣東話，同佢溝通完全九唔搭八，又唔係大陸口音。順帶一提，平時唔會肚痛，但飲完佢個奶茶之後肚痛，唔知關唔關唔乾淨事。

送小朋友上暑期班，路過見到就入去試試。 味道真係一般，叫咗個麻辣豬耳同麻辣口水雞翼， 味道都係偏甜。星期三中午1:30去到,冇人等位，坐得都舒服。啲裝修已經殘殘哋， 有啲唔明好似開咗唔係好耐 🤔🤔🤔。 聽見隔離枱三位女士，每人嗌咗一碗米線，但係佢哋話食完都唔係幾夠飽， 仲喺度商量使唔使再叫其他食物。 同埋冇服務可言，自己落單，店員一啲主動都冇，互動也不需要， 一句歡迎也沒有，要自己問才知道用q r code落單。 好再我唔係專登嚟食。

舊鋪食過都叫不過不失，搬咗去新鋪之後質素極差。成碗都係油，d油成吋厚極咸，咸到中完武肺失去味覺嘅人都可以復原。米線仲要煮到淋哂爛哂總括而言，間嘢一啲都唔尊重食物千其唔好去食舊鋪食過都叫不過不失，搬咗去新鋪之後質素極差。成碗都係油，d油成吋厚極咸，咸到中完武肺失去味覺嘅人都可以復原。米線仲要煮到淋哂爛哂總括而言，間嘢一啲都唔尊重食物千其唔好去食舊鋪食過都叫不過不失，搬咗去新鋪之後質素極差。成碗都係油，d油成吋厚極咸，咸到中完武肺失去味覺嘅人都可以復原。米線仲要煮到淋哂爛哂總括而言，間嘢一啲都唔尊重食物千其唔好去食

💛喱間係大圍嘅隱世高質米線，米線控唔好錯過🍜‼️地方對於唔係沙田友尼講係有啲偏遠，但誠心推薦比鍾意米線嘅你🫶🏻私心介紹左比啲朋友，一致大獲好評👏🏻發現佢都係 #米線關注組 嘅關注對象🤣食過兩次都覺得好好食🤤I am ready for more必食秘製豬頸肉‼️好香口好juicy好正🤤手絲雞都好惹味，份量好大方，肉質good good👍🏼🥤奶茶就正常發揮，中上水準米線質地唔錯，🌶️辣度有得選擇，湯底調味得宜😋

#路過小店  #鄉村風味無仼何期待下去食，但係都有啲驚喜👍🏻基本上係見到Google Map有米線舖，所以入左去試試，見到外貌都唔錯！以食米線嘅經驗，一定唔會食蕃茄豬扒米線個啲😂必食麻辣湯底 雲南小鍋米線Feel小辣都okie走茜三餸$66蚊 價格中規中矩，唔算做平，未叫野飲，因為成2X一杯，唔捨得餸我揀咗手撕雞金菇大腸要贊嘅手撕雞好足料，米線都岩岩好整體上，都係好食嘅，當然唔會係係好突出，不過以地段黎講，即使係自助式餐廳，已經夠照！好驚喜係只收現金。

認真 曬我車費 諗住大圍美食一日點知 第一線呢間米線 已經令我失望大圍真係無嘢好食？湯水咁款 辣又好辣 香又5香 酸都係白醋味完全5融洽師傅仔係5係都係班後生？🤣後生5緊要你都要煮得好食先得架欸 浪費我時間

好耐冇出街食上網見呢間米線都幾出名所以就去試下顯徑站落車行大嘅10分鐘就到平日1830左右到鋪頭 見到開始有人環境企理乾淨 坐都算舒服落單就用QR code 🔸蒜蜜豬扒蕃茄湯米線(加蛋花) $49好大碗 食唔哂豬扒入味好食 另外啲芫茜葱都好足米線正常唔會過硬太冧 湯個茄味就唔似鮮茄個種 但係都好味 偏甜🔹樽裝招牌手拉奶茶 $12(跟餐)正常奶茶 不過不失🔸手撕雞酸辣湯泡飯 $48老公就嗌咗手撕雞 量好多味都好入味湯就酸唔突出 以唔食得辣嘅人嚟講都幾辣🔹炸饅頭 $28熱辣辣炸饅頭 脆卜卜雖疑都好味但係懷疑係翻炸💬以呢個價錢作為晚餐仲要咁大份係算好抵食

好耐之前睇ig介紹見幾吸引，一直諗住去到今日真係落住雨都過去食啦同朋友分別叫咗個手撕雞酸辣湯同招牌麥芽啤酒滷鴨片配金銀蛋芫茜湯（加豬扒）碗野黎到果陣開心左幾秒因為真係大碗同埋啲肉都大塊，係幾抵，去某間連鎖啲料份量都冇佢咁多但飲左第一啖湯之後，我對佢完全失望飲左啖酸辣湯，差啲以為自己去咗台南酸辣湯變甜辣湯（死甜）啲米線冇味，鴨片冇乜味，豬扒大塊但死甜最尾我哋食完拿拿林去左附近7仔同ok買茶飲我唔敢講人哋有冇落味精，靜係知食完好頸渴俾錢果陣，個阿姐手套都唔除，戴住個黑色有油嘅手套找錢俾我

Intro: 有一日因為工作咁岩去到顯徑附近，附近咁岩有一間幾出名嘅米線店，聽講呢到嘅米線湯底唔錯，份量都幾多，等左一陣位太肚餓就決定坐室外嘅坐位；不過店員人數少，等位嘅程序無得攞籌有啲混亂，而app落單加飲品都冇得加配8蚊嘅飲品，希望可以改善～___________________🍽 蒜蜜豬扒米線 - 香辣蕃茄湯💰 48 ⭐️ 7.5/10✍🏻 一餸嘅米線都要48蚊，感覺比出面更貴，但勝在有唔同特別少少嘅湯底揀；✍🏻 蒜蜜豬扒都算大塊，但肉質就比較硬， 蒜蜜味道冇咁特別；✍🏻 米線煮得偏硬，但個人感覺米線份量可以更多；✍🏻 香辣蕃茄湯唔算辣，湯底都算唔錯，有一啲蕃茄粒。___________________🏠 肆年八月米線專門店📍 大圍下徑口村30號地舖⭐️ 7.5/10___________________

用QR CODE落單 方便週日中午人唔多 坐得鬆動豬扒蛋花蕃茄湯米線湯正常嘅但見豬扒咁樣浸住就知唔好味食落仲似凍肉鋪啲bbq醃肉..手撕雞酸辣米線併滷鴨片湯唔錯雞都撕得幾粗 同想像中有出入 口感麻麻滷鴨片都係正常 無乜特別

朋友推介話呢間米線成日都好多人排隊今次係附近就順便試一試招牌麥芽啤酒滷鴨片重口味麻辣米線 另加滷大腸可能我對招牌抱太大期望 滷鴨片有三片 算厚切但味道方面確實無咩特別 而大腸反而有少少驚喜 清理得乾淨而且無肥膏 滷得都非常入味至於重口味麻辣湯底方面都比較遜色 湯底感覺上好水 無咩味一入口有少少辣之後食食下都無咩麻辣味 而米線都煮得比較淋身蕃茄豬扒米線個人認為好似平時蕃茄豬扒加左湯稀釋咁湯底同樣偏油無咩蕃茄味 豬扒食落都比較乾

作為一個餃子🥟米線🍜愛好者定期就要食碗米線開心吓，我自己對米線店嘅喜愛度排名係：1. #老闆娘雲南米線 💛💛2. #肥仔雲南小鍋米線3. #肆年八月米線專門店 💛💛三間各有特色，呢間我唔係鍾意佢嘅酸辣湯，而係可以飲嘅湯，今次就照舊揀咗 #金銀蛋芫茜湯 ，好鍾意碗湯充滿皮蛋同鹹蛋碎+陣陣芫茜味！你會忍唔住飲曬碗湯！餸方面就叫咗 #沙嗲肥牛 同 #麥芽滷雞翼 ，佢有別於出要醃到微辣嘅餸，沙嗲偏花生🥜醬味，雞翼唔會係好鹹嘅滷水翼，佢哋餸未必最出色，但湯係正，我仲推介另一款蕃茄蛋花湯！最後真係清曬啲湯㗎😌！另外嘢飲叫咗 #凍檸檬薏米水 ，佢哋自家製，唔會好甜，好清新，食埋啲薏米，飽曬！

今天特意慕名而來，想到大排長龍必有其原因，吧？我點了熱賣的滷水鴨肉，加豬腸少辣蕃茄湯；女友則點了雞翼手撕雞少辣麻辣湯底。滷水鴨肉沒有鴨肉味，份量大概4片；豬腸正常，屬有咬口的肉質，份量大概4塊；蕃茄湯底也是正常的水準。雞翼正常，份量2隻；手撕雞份量頗多，但也屬一般水準；少辣麻辣湯底比較淡口。我倆也點選了所謂的招牌奶茶，味道偏甜。若選擇多葱多芫荽等，店舖都能給予相當的份量，這一點是欣賞的。只此一回，暫無重來之念頭。

位於顯徑站行十分鐘路程的米線睇YouTube 介紹的一間米線星期日好小米線舖有開見評語都唔錯甘就去試下去到竟然唔洗排隊直接可以入坐一入到去無人招待我地 我地就自己坐低左見有兩位員工食緊午膳 我地自己去拎QR code落單叫左個口水雞絲酸辣米線 小辣米線比較淋 湯底酸會多過辣 份量都幾多湯底會有酸菜 佢仲有得揀多芫荽多蒽如果鐘意食淋應該會幾鐘意本身想叫小食一口炸熳頭 不過賣曬 聽講係開舖後半個鐘就會賣光 無緣試到下次再試第二個湯底

呢間米線見好多人吹捧，係顯徑游泳池游完水就去食，但食落其實都係好普通一碗米線，無咩特別，唔係住附近或者係附近返工既人，建議唔需要專登過嚟食。因為餐廳位置都有d唔太方便，唔近港鐵閘， 顯徑站出閘都要行10-15分鐘。揀餸之後再揀湯底，叫咗秘製豬頸肉，濃香沙嗲湯底，豬頸肉都有好大片而且好厚，沙嗲雖然無我想像中咁濃厚但都有食得出沙嗲味。除咗有湯米仲有撈米，有d會有芽菜，芫茜，韮菜，花生。總結嚟講，去開附近果頭會去食，但唔會專登入嚟食，加上餐廳好多人排隊，有機會山長水遠入到嚟仲要排半粒鐘隊先有得食。