一品雞煲火鍋

Open Now

Now Closed

經常性去一品食雞煲，黃埔分店今次係第二次去，第一次味道幾好所以先會有第二次，第二次去嘅時候我哋嗌咗半隻雞煲，一個大手切牛，四寶丸，窩筍，炸魚皮!開頭食個雞煲都正正常常，點知加湯後淥四寶丸時...不滿嘅情緒嚟啦!真係頭一輪嘅墨魚丸尚算正常!點知食到鯪魚丸時竟然食到酸酸宿宿嘅味道!咬咗一啖即刻吐出嚟!即刻向侍應生表示變壞!佢哋即刻換咗墨魚丸俾我哋!呢樣嘢要讚!佢哋變應能力都幾高!!可惜食到蝦丸同牛肉丸有一陣勁烈嘅雪藏味!牛肉丸勁有山竹牛肉嘅口感!換返嚟嘅墨魚丸都係勁雪藏味!要講大手切牛!呢碟牛好似雙拼咁!大部分都好似係美國雪花肥牛咁!無味無道只有其中嘅四塊先係手切牛!呢四塊就真係好食!有真正有手切嘅紋路!牛肉味濃郁同鮮嫩已有咬口!窩筍正常份量足夠，魚皮夠簿夠脆口!!

今日食雞煲嘅癮又起，去咗一品雞煲入邊，因為好掛住佢個金蠔雞煲我哋一行兩人只係叫咗半隻金蠔雞煲，冇加其他配料，不過都食到好飽。所以我覺得兩個人食嘅話就食唔到咁多野。至於個雞煲，味道好濃，好夠辣同埋咁好嘅味都好香。一路食就一路流汗，不過都食得好滋味。另外一品既服務都唔錯，侍應幾Nice，都會幫手煮一煮個雞煲。

每次同男朋友食雞煲，十次有八次都係食一品嘅麻辣秘製雞煲，今次就試下一品嘅其他煲。今次同男朋友兩個人叫咗個中辣嘅半煲金蠔雞煲。個金蠔雞煲半煲有六隻蠔，一煲就得八隻，所以兩個人食半煲都幾抵食。待應話其實個汁係一樣，只係多咗啲蠔。唔知係咪因為今次叫咗中辣，加多咗咗啲生辣椒落去，個汁明顯無咁濃同麻，無咁野味。啲蠔雖然同埋啲雞一齊煲，但好好味，一啲都唔會韌。我哋另外仲叫咗萵筍、粉絲、水魷同埋凍豆腐，全部吸哂啲湯底味，一個字，正！另外因爲我同男朋友揸電單車去，拎住個頭盔入鋪頭，坐低都未叫野食，已經有個姐姐主動拎咗張櫈俾我哋擺頭盔，今時今日仲有啲咁嘅服務質素，的確抵讚，真係抵一品咁好生意同我哋經常幫襯。👍🏻👍🏻👍🏻

本來想喺隔離食，但冇咁快有枱，咁當然係兩間都排隊，邊間快D有位就喺邊間食，最後這間等了大概十分鐘左右就有位。其實好少食雞煲，不過如果講起雞煲，就會第一時間諗呢間，嗰日店內同等位的很多都是遊客。🎈環境🎈店內枱與枱之間，沒有太多的空間，但又未至於很擠迫。🍊食物🍊首先一坐下，服務員就會即刻問你要什麼鍋，我點了半隻麻辣秘製雞煲及一些火鍋配料。麻辣秘製雞煲 - 微辣 好香口，好好味，份量也不少 美國雪花肥牛 - 一碟裡面好似有三款不同種類牛肉的感覺 手打墨魚滑 - 普普通通韮菜餃 - 上枱時賣相一般，但皮薄及味道不錯，不過一定要快食，如果唔係塊皮會溶魚皮 - 香脆可口響鈴 - 份量有點多，眼見每枱都有餘，其實一半份量已足夠豆卜 - 是硬，不是我喜歡的軟豆卜 兩個人食真是太多了，下次應該只點雞煲及加一點配菜，已經足夠及經濟實惠。💁🏻‍♀️服務💁🏻‍♀️可能是限時及星期五晚上的關係，服務比較快速。💰價錢💰如果只是食雞煲加一點蔬菜，可能每人百多元也可以了。

去開紅磡想食雞煲, 無乜選擇, 就試一試一品雞煲火鍋。等咗75分鐘。坐低即刻叫咗個麻辣雞煲半隻！麻辣雞煲半隻 - 好香, 雞肉惹味好食, 揀了中辣, 辣道剛好, 雞都叫做多肉, 紫洋蔥加辣汁同雞汁同吃令到紫洋蔥更為鮮味好吃。待應哥哥好有心機咁幫我地兜呀兜同話我地要煮幾耐。中辣又麻又辣好惹味。豬紅 - 淥完都唔散, 結實, 明顯靚貨。炸響鈴 - 有7件, 7件都係大大件, 無乜油憶味, 新鮮炸起好食。手切牛 - 好食, 但$150得12片,  唔係話唔好食嘅, 係唔抵食, 價性比不足。牛肉味係有但唔夠濃。鮮魷魚 - 唔係就鮮貨, 係劏咗有一段時間, 食落好粉, 無咗魷魚嘅彈牙, 唔好食。日本蠔 - 一般超市急凍貨, 無乜特別。西洋菜 - 叫做揀過吓, 都叫新鮮同洗得乾淨。凍檸茶 - 大大杯, 但要40蚊。整體嚟講食物係合格, 但啲價錢有啲貴, 待應哥哥都叫勤力反應快, 但就絶對唔係有禮。

星期六突然好掛住一品雞煲嘅味，所以即刻約朋友過幾日一齊去食。以前食開都係旺角店嘅，咁因為大家都係港島區返工，所以就決定揀間近啲嘅。不過真係好失望。6點幾上到去，問有冇限時，店員話平日冇限，所以未齊人我都可以入去坐住等。好彩咋，如果唔係有排我hea一嚟要嘆杯大檸茶先得。其實個雞煲都唔錯嘅，味夠，都叫做係食開嘅味。但之後變打邊爐就真係好唔掂，加咗湯落去，但啲湯好似水咁，搞到放咩落去都好以白洽咁，完完全全冇味。食材都真係唔得，墨魚滑係酸嘅，我哋之後已經唔再落落去。黑毛豬肉片仲驚，份量已經唔多，面頭4塊左右係好梅咁，我哋又再次要浪費食物喇！總括嚟講，雞煲係正常好食嘅，但邊爐嘅食材就真係要改進下。

門口係幾香 等咗半個鐘入去 叫咗半隻雞 話半隻雞 但d雞就無比位 都係骨啊件啊 少少偷工減料 個汁都惹味 偏甜 但食得多都係鹹 配料都大份 食物就咁 最重要都係服務問題 食火鍋緊係想環境舒服 大家坐埋傾計開心食咗個半鐘 有d 菜嘢飲未食完 佢就趕人走 明明餐廳係有空位 出面無人等位 舖頭又未收檔 咁想引負評 我咪俾你lo 還你心願 LOL可能佢覺得我地埋單四百蚊係少錢唔比坐掛 咁不如轉做茶餐廳啦 所以呢間嘢 我覺得係不了 同等價錢 we deserve more

經常聽到朋友吃雞煲都會選這間, 究竟它有什麼過人之處呢?為什麼會那麼多人去等位呢?這天, 我跟兩位朋友一起到這間店取號碼籌等入座。等了30分鐘, 我們差不多想離開時, 就聽到前台叫我們的號碼。"機會來了, 飛雲!" 終於有機會親身試試這間雞煲的威力了。一進店時, 我們被安排搭枱, 雖然不太喜歡搭枱, 但是沒辦法, 因為沒理由為不搭枱而要等更長的時間。因為搭枱有樣不好的地方, 就是大家都是叫到枱上沒有位置, 很麻煩的。這個大檸檬茶都算還好吧。黑豚肉是值得點的, 性價比之選!這個雞煲我們叫了半隻雞, 因為三人吃半隻就剛剛好, 而且又不用加那麼多錢, 好讓我們在餐牌上可以點更多配菜。這間店吸引之處可能是雞煲的雞好吃吧, 但我個人不喜歡就是要等很久, 以及要搭枱。雖然號碼籌上提及可能要搭枱, 如果有得選當然盡量不搭吧。下次應該有機會再吃的, 不過要叫更多人而且要早點去。

好即興嘅晚餐，見到朋友都鍾意食辣就提議去食一品雞煲。星期六嘅晚上，等15分鐘其實係好好。一坐低即刻叫咗個雞煲先，今次我哋食普通雞煲半隻！中辣其實都唔係太辣，但係個雞煲就好香，我自己鍾意食個雞皮有少少燒焦味。所以我開咗大火去煮個雞，等左八至10分鐘到可以食個雞先。我自己就好鍾意啲紫洋蔥配埋個雞一齊食。食完個雞可以加湯打邊爐啦，到時先叫配料都未遲。一品雞煲選擇嘅配料都叫多，不過價格偏貴我哋一個雞煲，再加唔同嘅配料（手打墨魚丸，手打蝦丸，桂花蛑，西洋菜，唐生菜，手切肥牛等等）加埋都要一人$500。但係真係一分錢一分貨，大部份食材都新鮮好食但係我哋都係食唔晒㗎，好浪費可能係因為杯大檸茶實在係太大杯，不過都係一品嘅特色嚟嘅 haha

本人從未打過壞review不過真係睇唔過眼紅磡店晚晚排大隊入去對住班態度勁差嘅樓面。疾住哂不得止仲要點返我地做嘢。平時工作壓力大嘅香港人可必食餐飯都要受人氣呢？食物係好正不過其實土瓜灣分店食物品質一樣，但員工好好多，時間限制都無咁死，而且又大又闊過紅磡。我住紅磡都會專登去嗰邊食，所以極力推薦大家移小小食得enjoy啲如果要黎嘅話，有啲價錢可以share吓:加辣汁 $16開瓶費 $100........

The restaurant is awful, service is terrible. The waiters set their own rules and treat the customers like idiots. The shop is dirty and I doubt of their hygiene and cleanliness standard. Absolutely not worth to try. We are refused to be served even with the registered tag, empty tables and the time-limited to occupy the table. We went to the next shop for Spanish food with good environment, helpful service and good food.

態度 十分惡劣，100%超差！勁不知所謂！每一個員工好似趕客走，我們三個人三對筷子，要多一對就話你們唔係三個人咩，筷子都唔願俾，我們話要公筷-才比、超有問題！黑口黑面

散水farewell ，唯有請佢地食雞，唔係無情雞，係友情雞。一大班人嗌兩煲，有辣有唔辣，任君選擇。大部分人鐘意食辣，小部分人食唔到辣，所以嗌左一隻一煲辣雞，半隻一煲唔辣雞。大家食得好開心，無食到發脾氣㷫到辣雞。侍應阿哥好有心機咁幫我地兜呀兜，教埋我地要煮幾耐。微辣雞煲又麻又辣好惹味，唔辣雞煲惹隱惹現神秘極小極小麻辣，偏重香蠔油豉油醬料。食完煲雞，梗係加湯打邊爐。餸料選擇多，而且幾新鮮，其中牛肉、響鈴真係要推介，大件好食夾抵食。大夥人開動就係開心搶食，唔怕邊個左手邊邊住個煲😂學做米奇low mays除左食，唔少得飲野解渴。有啤酒，竹蔗矛根，大杯葡萄籽、大檸茶等，好多野揀。所以各有喜好鐘意揀乜就乜，非常自由。而呢D散水時刻，我梗係揀極具代表性既大檸茶。真係祝散水既同事All the Best~

今日同朋友慶祝生日🎂🎂🎂，一班人去咗食一品雞煲，好耐冇食過我哋差唔多10個人叫咗一個中辛辣嘅叫咗一個唔辣，因為同行有小朋友，服務員有比到BB chair,good!我哋都叫咗幾多嘢食，牛肉呢我哋就食晒三款嘅，由最普通食到最靚嗰個，其實靚啲個款牛肉同埋本地手切嗰個都值得推介！好開心！❤️我哋叫咗好多酒飲，邊食飯邊吹水其實食雞煲真係好好嘅選擇！不過美中不足就係食雞煲會冇甜品同埋個地方比較嘈一啲！真心覺得開心嘅，同班朋友去食下飯，飲下酒，打下邊爐，應該都會再去🎈👍🏻同場加影，勁大杯，凍檸茶！

復活節揾阿哥阿嫂食餐飯，突然想打邊爐，但阿嫂就想食雞煲，咁無所謂喇，食雞煲最後都係打邊爐啫。佢有幾款雞煲揀，最衰我唔知佢有牛肺食，唔係一定揀牛雜雞，最後揀左麻辣雞煲，麻辣都係我至愛，叫左個小辣都幾多（唔好意思，我成日掛住食唔記得影相😂）都辣，食食下都要叫飲品，我兒甥都犀利，佢得8歳都食雞煲，所有嘢要浸下水先食得原來衣度啲嘢飲全部係加大版👇🏻（莫非人人都知，係我大鄕里出城🙊）我其實係飲竹庶茅根，唔係糖水，清甜，解辣啲伙記都幾好，見我地就燶底都會過來幫忙，有啲真係睬你都傻食完雞煲加湯，辣味都無退減，唔錯邊爐料都新鮮同份量ok ,唔會話太少整體唔錯，會再去