半島酒店大堂茶座

Open Now

Now Closed

跟朋友一齊走入呢家餐廳，心情即刻興奮咗起上嚟😄！首先，佢哋嘅麵包籃三兄弟就已經攞捧。尤其係嗰款牛油香噴噴、口感鬆軟嘅，真係一啖咬落去心都融化咗。至於呢碟閃閃發光嘅北海道帶子，配上日本青瓜、萵苣同青蘋果汁，新鮮感爆燈💡！食落去清新得黎唔油膩，真係開胃！然後我試咗嗰碗扁豆湯，雖然有啲特別，但呢款湯品味道偏重，鹹香中帶沙沙感覺，如果唔鐘意太有層次嘅湯，呢個可能要考慮下。但黎到主菜時，我又再次驚艷咗！比目魚煎得皮脆肉滑，搭上邊度嘅辣肉腸跟番茄、馬鈴薯，呢個組合簡直絕👍🏻。黃油雞雖然唔夠預期嘅juicy，但柚子汁滴幾滴落去，味道一樣非常醒神。最後嘅甜品，紅桑子荔枝慕絲同朱古力蜜糖慕絲兩款都做到口感層次分明，杏仁脆底嘅脆脆同朱古力滑溜嘅口感，千嬅萬縷。食咗好多，仲有咖啡同茶可以選，真係貼心！整體嚟講，呢家餐廳環境同菜式質素夠晒正，食得開心，食得滿足，仲想再嚟！🍴🍵

之前同屋企人訂咗半島酒店的法國餐廳老店於1950年代開業 歷史久遠 無論食物質素、環境及服務都非常高水準我地每人點了3道菜($788/pp) ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰店員親自即場向我地介紹唔同麵包每款麵包都係無可挑剔▪️Comté Gougères 🌟🌟🌟🌟🌟招牌芝士波波 帶香濃芝士味 一粒接一粒食唔停▪️ Sour Dough and Bordier ButterSour dough 味道並非一般的酸種麵包有兩款口味的法國Bordier手工牛油在旁邊🧈分別為smoked salt butter 及最為特別的橙色chilli butter ▪️ Sunflower Seed Brioche葵花籽香脆 麵包外酥內軟而不油膩Amuse-bouche開胃菜係綿密口感的鵝肝泡沫 味道偏鹹 ▪️法式肉批、榲桲甜酸醬、椰菜仔、香草沙律法國傳統菜式之一 做法讓肉汁能完整地保留旁邊的蔬菜及沙律更清新解膩▪️ 經典紅酒燉蛋、烤八爪魚、黑喇叭菌頂層的脆網令賣相更精緻 燉蛋流心▪️ 粟子濃湯、野豬意大利雲吞、煙燻豬腩肉、白菌粟子湯口感幼滑 濃稠度剛好 中間的野豬雲吞肉味濃 頂層放

之後去左半島食生日飯大堂茶座除左下午茶出名仲不嬲有做開生日優惠就係會送上原個蛋糕一個如果四個人食仲會有一人免費咁呢餐飯其實幾年前本身已經book過但係果時7婆開始興起禁晚市成餐飯就咁唔見左之後開始去staycation就無再理會直到今年先再諗番起大堂茶座呢個優惠又終於book多次但係正日果晚老婆又中左武肺最後拖到月尾過晒生日先補番呢餐生日飯收工黎到都已經八點夜晚既大堂茶座同日頭或者下午茶好唔同長期都係得幾檯客之前黎半島staycation早餐full左要上露台餐廳食所以今次真係第一次坐係大堂食野我地坐呢張檯雖然有四張凳但就一定唔係四人檯因為擺左兩套餐具已經無乜位始終係六星酒店都有鮮花擺設生日餐牌好似同平時係一樣個價錢已經由當年4百幾加到558過多半年而家23年尾仲去到628武肺呢幾年酒店加價太勁人工根本無可能追得上上次係gaddis麵包就好好食大堂茶座就好普通前菜除左湯之外其實得兩個選擇一人一個就無得爭吞拿魚他他係其實同吞拿魚蓉差唔多本身魚油充足仲要煎過我覺得係比起其他生牛肉他他好食既但係凍批我就真係從來都唔識欣賞佢檯面都有幾塊薄片可以配黎食或者用番一開始跟既麵包都得但種口感真係點都食

每年指定動作🤣 食物質素差唔多，但係價錢就越黎越貴… 環境依舊非常有聖誕氣氛，同埋可以望住聖誕樹食飯，打卡一流👍🏻 今年嘅live band 都幾好聽，記得有一年好失準🤭/3-course Festive Set Menu $828/頭盤方面試左個香煎帶子同埋龍蝦湯，香煎帶子彈牙，加埋d 配菜酸酸地非常開胃！龍蝦湯味道濃郁，入面仲有好多龍蝦肉🥹主菜就有火雞、香煎三文魚、澳洲和牛柳及鵝肝！牛柳最驚艷，非常軟熟，牛味濃郁，其他就正常發揮👌🏻甜品就有朱古力香橙撻同埋焦糖蘋果蛋糕，朱古力撻比較濃郁同埋膩，個人比較鍾意個蘋果蛋糕，中間有層蘋果蓉，加埋d 肉桂焦糖幾好食🍎

去半島酒店lobby食tea要排隊是常識吧! 但而家lobby tea set隨着聖誕節日來臨伸延至1/F - 半島節日限定列車, 可先預約🥳基本上一樓裝修設置為古董蒸氣火車, 車廂內可容納24個座位, 屏幕上播放住倫敦及伊斯坦堡景色, 感覺置身歐洲般🤩餐牌則沿用返lobby節日下午茶menu, 以及半島經典精選名茶, 份量十足比較突出嘅係鵝肝薑餅板栗, 厚切煙三文魚配魚子醬, 開心果聖誕樹蛋糕同scones; 唯一美中不足嘅係有時間限制, 15:15-17:00 (最多可以坐到17:15), 同朋友食完傾多兩句就要走人, 有點煞風景🥲另一景點就係佢哋喺大堂放置咗一棵大嘅Chanel聖誕樹🎄, 吸引大量客人打卡

朋友在英國🇬🇧返嚟，生日到半島the lobby食3 course sets The lobby非常有節日氣氛，我地前菜分別叫咗煎帶子有藜麥，我朋友的就好似火腿主菜我就叫咗香煎三文魚，南瓜蓉，我朋友叫咗火雞，味道唔錯甜品🍮就叫咗朱古力香橙撻朱古力脆脆，蘋果焦糖布甸蛋糕🍰，脆餅底有少少似爆炸糖咬落去脆卜卜，但係稍為朱古力比較甜，如果唔鍾意甜的可以是焦糖布甸蛋糕，味道比較清甜，唔會太流，整體嚟講環境唔錯會再嚟。

兄弟姊妹，喺呢間小店，我食到一個咁嘅芝士通粉，真係話晒唔好意思，口感滑溜溜嘅，芝士濃郁得嚟又唔膩口，仲有啲啲嘅牽絲效果。真係嘆為觀止！同埋，哩家撈麵？我梗係要點份嚟試吓！啖啖肉感，啲麵Q彈得黎唔會太硬，啱啱好咁啱我口味喇。而且佢個湯底厚味夠，喺個嘴裡團團轉，留低一陣淡淡甜意，完全令我回味無窮㗎。飲品方面，就唔少得一杯特色奶茶喇，咖啡色得嚟混合得剛剛好，飲落去順滑，微微甘甜，真係解渴又開胃。總之，呢啲街邊小食簡簡單單，卻一啲都唔掉色，相信我，你有機會嚟呢度，一定要試下啊！啲菜式百食唔厭，每一口都有驚喜🥢🍜🍵。

鬆餅scone係半島最出名既食物，但係今次去食好失望，唔肯定係咪淨係我地個枱係咁，佢麵粉味好重，而且唔香脆，佢係好似麵包咁。個牛油同jam一d麵唔香，唔好食個開胃小食係ham包著空心既脆脆，不過不失三文治好普通，青瓜味，鵝肝唔錯，唔會太腥錯，蝦包唔錯，夾埋入面泰式既配料幾好食，煙三文魚麵唔錯，總結咸點唔錯甜點方面唔錯朱古力mouse cake唔會太甜但就有d漏，但係好香既，好食既橙型既mouse cake好清新，係好味既raspberry mouse cake都唔錯，唔會太甜，略帶少少玉桂味白色嗰個係一啲都唔甜入面係有驚喜嘅，亦都唔會有陣假味最尾送嘅朱古力就麻麻哋喇熱泡沫咖啡竟然冇拉花，好失望，半島下午茶就配埋鮮奶俾你，但係茶味唔特別香安排最唔好嘅就係要人企喺門口度等好耐，唔俾人book位，其實根本唔使提早去排隊，就算入面有晒空枱，佢都唔會俾你入去坐，一定要等到兩點先開始慢慢逐個人放入去

之前食過2次afternoon tea 都覺得ok但今次食個dinner tea 除左個甜品 個歺湯同包好食Appetiser只係正常 但都覺得hea hea 地個main course 真心好難食擺盤唔靚 肉質又鞋 仲食淨左 十分唔推薦再食唉 😮‍💨總之就垃圾啦 其他同grade 酒店或餐廳好食好多

今年是香港半島酒店95週年及天星小輪125週年，兩個歷史悠久的牌子合作推出海上下午茶，以慶祝週年紀念！船上用了半島酒店的設計，環境漂亮，寬敞舒適。船上有Live Band演奏，可以一邊享用半島經典下午茶，一邊在現場音樂表演下欣賞維港沿岸美景。最底層放的是英式烘葡萄鬆餅，scones一如既往的好，吃起來不會乾，clotted cream很順滑。中層裡面有三明治，包括蛋沙律三文治、鯡魚魚子醬、加冕雞三文治、煙三文魚三文冶、傳統青瓜三文冶。三明治麵包鬆軟，不會乾！青瓜清爽，煙三文魚鹹香味適中。最上層放的是有天星小輪特色的甜點，包括有草莓卷配蛋白馬令、香蕉焦糖批、玉桂蘋果蛋糕、伯爵茶蛋糕配檸檬奶油醬。甜點賣相精緻，色彩繽紛，每一款甜度到恰到好處。

生日套餐，四人同行，一人免費經典餐前面包堅如盤石，一般牛油，不如"outbaXk"，充饑小能手，係你可以好飽咁離開半島嘅主因。前菜，鴨肉配鴨肝都幾濃鴨肝味，唔係腥都唔係臭，係獨特嘅味道，我本人冇話特別鐘意，不過絕對唔算差。吞拿魚他他 配 奇怪草 配 辣椒粉起我眼中，吞拿魚只係配角，毫無特色嘅二打六。D辣椒粉同奇怪草先係主角。D辣椒粉好鬼香，D草都好有香味(不過只限綠色嗰隻草，紅色嘅唔香)加錢嘅牛柳雖然我知牛柳出名淋，而又出名冇乜肉味，但呢舊牛柳實在太過冇味，不建議加錢叫by the way，佢隔離D蔬菜真係幾麻麻，又白蘿蔔又細紅蘿蔔，D配搭同D味道都有啲奇怪同行人嘅魚相當健康，好似白烚咁，搞唔掂羊架加羊肉醬相當推薦，羊架相當豐滿，有羊味有肉汁，羊架羊味唔算重，個羊肉醬就反而有好重羊味，相信唔係人人接受。甜品！高級version_金莎_pro_max味道猶如其名有特色，但食唔太落嘅ram酒蛋糕+cream反正你地二人或以上黎必然都叫架啦，到時你就知點解食唔係幾落。PS !!!!!!!!!!!!!!!!!!!最後一定要叫熱茶！！！！！檸茶又好，純茶又好，佢有一壺茶比你自己玩，好過咖啡就咁得

🫖 𝗛𝗶𝗴𝗵 𝘁𝗲𝗮 位於尖沙咀既半島酒店既大堂餐廳相信大家一啲都唔會陌生，非常難book既情況下竟然係同朋友慶祝生日當日打電話訂到位仲要係餐廳正中位置，非常之適合打卡📷能夠係一間超過半個世紀既英式酒店度嘆下午茶已經夠晒chill，食物質素好好，鬆餅好鬆化，三文治雖然係好簡單既食物，但麵包同樣好新鮮軟熟。最欣賞佢既英式茶，完全令我感覺自己唔係置身係香港😍💰$868+10% for two📍HKG半島酒店大堂茶座 (尖沙咀)尖沙咀梳士巴利道22號香港半島酒店大堂

環境很好，非常乾淨潔淨，食物不僅外型美觀，仲要是色香味俱全一下單了，立即有熱騰騰的麵包，上菜速度很快主菜方面，魚扒很新鮮，味道鹹淡適中，火候掌握的剛好從擺盤到食材口感都符合預期

對上一次來半島酒店吃午餐應該相信是差不多兩年前，屬於自己的生日午飯，今次我不會選擇午市套餐，而是直入自己心目中今日的目標海南雞飯。。。今次的（海南雞飯）應該是屬於我，現時在香港吃過最昂貴的【一個海南雞飯】做價HK$385未連加一，相信這個價錢，我吃了半世紀也未曾試過，所以很想真真正正的享受一下這個價錢的海南雞飯～早在網上預約位置，所以輕鬆便可入座，等候雞飯來臨時間我也略略看過餐牌，由HK$二百多元的沙律以至到四百多元的西班牙黑毛豬以及美國頂級肉眼牛扒七百多元，均可在大堂的餐廳吃到~在等候期間餐廳職員給了我一杯和暖水，緩緩地大概等了十分鐘左右雞飯終於上場，質量均等，油飯相對俾得很慷慨，叫餐時職員問到（需要雞髀位？及去皮 ）這一點，我覺得蠻貼心，猶如(文華x方酒店和文華x地酒店)一樣,雞髀位當然啖啖肉，而且幼嫩，感覺上比我慣嘗食開的（入味），跟餐的湯我就真的嚐不到是什麼來烹煮，而且清得連湯底裏的渣都看不到，餐名寫着是星加坡海南雞飯相信應該用肥芽菜比青菜更為適合墊底~★整個用餐體驗，我覺得可以一試，未必是最好但絕對不會令你搖搖頭失望，而且可以（身心）都感受着半島酒店的氣派與及服務，這一個價錢

FD定咗大唐茶座比我慶生，其實係有少少失望。之前食過下午茶，完全唔覺得有乜特別，對佢印象麻麻，不過FD推薦，咁再比機會佢啦。小麵包，焗得熱笠笠送上來，唔夠食都可以再加，OK。鴨肉及野菌凍批，橘子及鳳梨醬，鴨肉食落好幼滑，應該加咗少少鴨肝，食落似鵝肝多D，好味。香煎吞拿魚他他配水晶菜，墨西哥辣椒，醬油蛋黃汁，吞拿魚基本半熟，調味好複雜，食落唔錯。黃鱸魚配茄子醬，青蘆筍，海菜豆，茴香酒汁，鱸魚先烤再煎，魚肉好嫩，魚片煎到好香脆，同埋茄子醬好得意，好似印度果款，勁好味。羊扒及羊肉醬配小蘿蔔，薄荷牛油，油封馬鈴薯。羊扒5成熟，冇膻味，唔錯。羊肉丸好特別，食落好重印度香料味，同埋羊肉味都好重。牛奶朱古力輕忌廉，蛋白蛋糕，焦糖榛子，食落好似拿破崙，口感唔錯，不過有少少偏甜。朗姆酒巴巴，馬達加斯加雲呢拿忌廉，雜莓，哩個甜品好難食，朗姆酒倒落唔均勻，有D好重酒味，有D又好酸，唔鐘意。全晚最出彩嘅係送啲生日蛋糕，應該係香蕉椰子慕斯蛋糕，蛋糕香蕉味勁香，慕斯同蛋糕中間夾咗椰子cream，椰子和香蕉搭配滿分，食落幼滑又唔甜，超級有水準。茶同咖啡都有多款可以揀，唔錯。食完真係對大堂茶座改觀，晚上得4-5台，環