The Luxe Seafood Bar & Resto (Closed)

慘過配給的＂任食＂生蠔自助餐開始左40分鐘兩個人先食三隻生蠔。同上次黎不停出的情況差好遠，而家十五分鐘出一次，一次只出三十幾隻，每人限取三隻，一分鐘無哂又要再等十五分鐘。 今次的生蠔同上次比大少少同肥DD，但數量只有八分一，抵食程度下降九成。沙律菜得一款，加粟米紅腰豆，另外有薯仔沙律，意粉沙侓都唔見左。海鮮冷盤方面，蝦細隻左，螺殼八成穿了爛了，雖然味道差不多，但令人胃口都差很多。餐湯同餐包係我食西餐的重要評分指標。可惜菜茄素菜湯只是茄膏加大量椰菜同炸過的葱，好油但唔好味。麵包亦由兩款變一款，不過由衛星包改了做牛角包。熱盤無驚喜，唔見了條魚，沒有了越式清湯腩，留下來的有室温水牛鷄翼，肥豬手，炒飯，薯仔多過牛腩的咖哩牛腩。炸物沒有了薯餅，留下了小丸子。甜品方面，麵包布丁同豆腐花水準尚可。但是，西米布丁我只見殘餘的碎片，一直沒有更新，所以沒有機會試食。其他甜品賣相一般，而且長期俾排隊等候生蠔的人運遮住，好困難先夾到兩粒，可惜食唔出係咩味道，總之係甜的＂甜品＂。

前排見luxe seafood 任食生蠔推廣，自助晚餐都係二百幾蚊，所以打去book位試試🍴book左食6點去到都唔算多人，本身間鋪主打生蠔任食，都冇抱太大奇望係其他熟食到，只不過呢，依次真係我食過咁多次既自助餐最嬲既一次😣😣😣首先講下個自助餐有咩食先，限時只有一個半小時，首先係冷盤，有沙律三款，熟凍蝦，青口同壽司，三文魚要成半個鐘先有少少，仲要勁快比人夾哂😫，我見全場每次只有一兩個顧客食到兩三片熟食食品味道一般，毫無特色可言，每樣食品食過一次已經唔想再食，連個菜湯都係水稀稀👎👎甜品款式都少，最搞笑既係自助餐只有橙汁同咖啡任飲，連茶都冇🙎😰講返個生蠔，就算熟食麻麻，有生蠔都話可以搭夠下，點知佢個生蠔唔係有個師傅即開即攞，而係每次係廚房開三十隻到再拎出黎，每人每次限拎三隻，排到第十個都已經可能冇哂😖，仲要每次上生蠔既時間都要等成二十分鐘到半個鐘🕐🕓🕝，限時一個半鐘，排生蠔都冇左九個字，都唔知點叫任食😠 最後個晚個個食客都抱住憤怒既情緒離開😤，同經理投訴經理淨係用拖字訣，試問咁樣做生意點得呢，完全係取巧，no way 😷🙅🙅🙅

前菜有三款芝士、各式凍肉、麵包及西湯。熱食有十多款選擇，有中有西，個人較喜歡這裡的中式熱食。海鮮方面，有美國生蠔、翡翠螺、蝦、青口等，也有三文魚、蝦等魚生。🎈甜品有多款選擇，而且很多也做得相當不錯。最喜歡麵包布甸和草莓奶凍，抹茶紅豆奶凍和小蛋撻也很合胃口！整體來說性價比高，試試無妨🎈The oysters and the sashimi were sooooo fresh, I knew it's already worth to come when I had the very first bite! The matcha Panna cotta was surprisingly good! It's so rich in matcha flavor yet milky enough to get a perfect balance. 🌾HK$238 Mon-ThurHK$268 Fri-Sun/ Public holidays限時1.5小時

傳說中的性價比高的一家餐廳。原舖的babycafe轉為自助形式的餐廳。這天未能預約到位子,改而walk in等位。由於當天是平日,加上已經晚上九點,所以等候約15分鐘便能入座。入座率依然十分高。眼看都有八九成滿。我來的目的是朝著生蠔!生蠔!生蠔!已經一早知道巨蠔係限量供應,都預左無。但當天所見連普通生蠔都去得好快,職員都好貼心咁非自助形式每天配給3-4隻蠔。都確保到每人都可享用。青口, 蝦, 翡翠螺都十分可口。但個人喜愛的沙律吧卻未見有很多選擇。得兩三款可選,感到失望。熟食方面,不過不失,整體來說都乎合其價格。但老實說很難會再有吃第二次的想法。

講價錢若諗住食生蠔的話，我只可以講不如比多兩舊水去酒店。生蠔大約每十五分鐘出一次，每次大約三四十隻，客人通常一攞就半打至一打不等，排隊人數七至十多位不等。最大問題係refill得太慢，搞到客人差不多要去搶，好似饑民。客人食唔到生蠔就轉戰生蝦，因為再無其他貴價野食。生蝦一出，客人一夾，十幾隻生蝦蝦頭落地。不出十分鐘，生蝦都無哂！諗住食煙三文，真貴到得幾片用來做點綴。放在火腿上面。但記住三文魚並不是主角！食熟食，唔知有乜好食。唯獨甜品都有幾款好食的。最後若隻眼開隻眼閉，單以自助餐價錢去睇，咁算係抵。不過唔好諗住生蠔，三文魚，生蝦或其他貴價小小的食物。心理上會好過好多！你問我會唔會再去！我只能……哈哈哈！

呢篇食評冇相㗎，食物冇令人想影低嘅衝動～聽先到嘅朋友講，門口個侍應生態度好差。因為未齊人，要求我朋友打電話催其他人快啲嚟。餐廳裝潢唔錯。但係擺放食物嘅area其實用十幾步就行得完，加上通道又窄，好易轉身就撞到人。最神奇嘅係～ 我從來未見過自助餐會唔夠碟用，啲碟櫃係吉㗎。另外食物種類算少，又其係頭盤同冷盤。印象中三文魚魚生味道味道唔錯又新鮮，但啲水果就唔夠新鮮啦。熟食當中好食嘅只有三四樣，食到個牛柳炒烏冬仲有好大陣燒焦味。好多人嚟係為咗食生蠔，但其實又係噱頭嘢，旺場時段排十五分鐘先有一輪（三十隻到），生蠔食落口有苦味，所以本身話要食兩打生蠔嘅朋友都食咗兩隻就止步。甜品不過不失，個燉蛋ok，朋友就話個桂花糕係全場最好食嘅嘢。食完啲碟放一陣堆埋先有人整理，收碟好慢，找錢仲慢，等咗十幾分鐘。呢間自助餐其實令我幾覺得幾「新鮮」。

行尖沙咀，係I square發現Baby Cafe執左，轉左Luxe, $118食自助餐，90分鐘，好似好抵，門口望入去好似好多野食，即刻入去試下。入到去發現，原來食物唔多，門口睇到既係假象，海鮮得門口兩種，食物款式唔多。有豬頸肉，火腿，炒飯，炒麵，咖哩角，炸春卷，雜茶湯等，味道全都一般，食得落口，但唔會覺得好食，亦唔多有意慾食多啲。飲品有咖啡奶茶檸檬茶同橙汁，甜品有豆腐花檸檬撻同桂花啫喱，味道都一般，豆腐花隔離有碗糖水，但好混濁，好似洗碗水，唔係好敢加，淨係加左黃糖，搞到好乾，一啲都唔好食。山果有西瓜菠蘿同哈蜜瓜，全都唔甜。雖然平，但整體質素不太好，無下次～

一分錢一分貨，二百幾蚊位～ 行開呢頭是但食，所以都無太大期望～ 種類唔多，但都算ok～沙律：粟米紅豆菜等算新鮮～生蠔：朋友同老公話第一碟個轉還可以，雖然唔係特別新鮮；但之後個幾轉就苦苦地～壽司：無三文魚，主要係蛋/蟹柳/腐皮，之後突然出咗一轉三文魚，ok啦但無乜味～熟食：幾多係泰式辣嘅；開心有辣花蛤，牛坑腩，木耳芹菜，呢幾樣好味～甜品：d cakes反而唔吸引，食咗豆腐花同桂花啫喱ok，西米布丁一pat無乜西米～飲品：橙汁咖啡茶任飲，算係咁～

見90分鐘放題有蠔有過40款美食幾吸引。入到去不停見人在甜品位排隊, 原來係等生蠔出。 蠔每15mins 出一次, 每次大約10~15隻左右。 通常排頭3名已經攞曬。 排第4個的, 要再企15mins 等下轉。 等等下90mins 好快完。 如果唔等的。 成餐都唔洗食到生蠔。佢d蝦賣相就好靚。 但一打開條蝦屎大條到呢要自己慢慢整走。太花時間, 食左幾隻無再拿。三文魚無味~惠康百佳買的質素會好d~都要排隊等佢refil。熱食就來來去去8~10款, 不停補貨。 個日出個d就係refil個d。 岩食就ok, 唔岩食, 今餐自助餐的選擇就更少。當晚, 有雞亦, 豬手, 炒飯, 豬肉,魚, etc。自助餐必有切切大舊肉。 佢切時舊肉已經想碎開咁款。 食落太乾了。煲湯肉都好味過佢。近門口沙律吧都ok. 一般水準。甜品得果幾款: 朱古力粒。 蛋撻形檸檬撻, 綠茶粒, 奶凍Overall: 食物質素~差;食物款式~少;回本度~不高;90mins 時間~不夠排隊;排生蠔人龍擋住甜品位, 想拿都唔易, 建議:見到有位入到去甜品位, 可以拿左先, 反正refil 的都是一樣款式Comment:不會有下次

今晚慶祝大細佬生日， 共6人與家人一起食。到了這餐廳食，真的無期待，因見價錢二百幾，點會好食呀？!？ 望一望食物種類未至於好名貴， 又未至於好多款~ 我仲笑住講唔講係 Neway 級數 大家拎第一輪食物， 竟然已有人拎炒飯， 而生蠔及刺身剛剛派完。驚喜:1) 有3人拎左炒飯都話好味。2) 我拎了冷盤 ｛螺及生蝦爽！ 還有青口都幾正， 食得出好新鮮｝3) 之後再拎甜蝦， 好多春， 幾大隻， 鮮甜!4) 我可講十幾款熱食一定有一半以上係好味既 蝦餅: 有少少薯蓉，炸得好脆， 全晚我最like! 90分水牛雞翼: 大家覺不錯， 唔辣的， 對我來說辣就更正! 75至80分鼓汁炒蟹: 媽媽話好正! 我出去拎幾次， 次次都拎唔到，太搶手了！90分 生蠔: 80分， 任食，約半小時出1次，要等師傅開。有兩款的， 第1輪好鮮，淡身， 第2輪海水味重d, 略帶苦。 ｛唔like 既就學下我細佬妹， 食完後即食西瓜， 即平衡晒!｝炒米及炒飯: 好味道， 大家有 encore 添! 90分 {{炒飯與文華酒店水準不分勝負}} 我平時專攻甜品部， 但質素算普通!

之前在雜誌見到介紹已經很想來，二百幾一位既自助去邊度搵。見食評話好，終於來了，星期四訂星期六食。來之前是有一點期望，幸好被編入較近生蠔counter位置，否則肯定食唔到。生蠔-每次只有10至20個人可以成功取得，每人限3只，serve完要等10-15分鐘，期間聽到有好幾個客投訴，其中一個話出來5次都取不到生蠔！味道方面，沒有鮮味，還帶點苦。如果你是會比錢單買生蠔回家食的那種人，不用來這裡食。因為一定會不滿足海鮮-蝦，螺，青口同上，沒有海鮮味，很淡沙律-一般、其中粟米變了味，通知左個waiter, 無理亦無收起其他熱盤，水牛雞翼，炸蝦餅，牛排，羊肉，酸魚......非常一般，湯有羅崇湯，快餐店好飲些提醒一點是很大部份熱盤是辛辣的，如帶小朋友真的不而

整體環境尚可，款式極小，味道欠佳。1. 海鮮：款式只有2款，不新鮮。2. 甜品：款式較少。3. 肉類：汁醬較濃，味道極咸。4. 炸物類：整體沒有驚喜，惟薄餅可一試。5. 湯：只有一款雜菜湯，味道極淡。6. 飲品：有改善空間。7. 服務：10/100。註：入座起計90分鐘任飲。

朋友替我慶祝生日，帶我來到isquare吃lunch buffet，要不是友人告之，我也不知道isquare居然有餐廳全日也供應自助餐的，包括午市、下午茶以及晚市也有，價錢也是不同的. 至於星期日，午市收費為$118，另收加一，限時1.5hrs.友人提早預約，我們於中午十二時到達餐廳，內裡已有不少食客，原來餐廳於11:30am已營業.店員安排我們坐2人枱，店內的食客大多是內地人，坐鄰枱的正是一家三口的內地家庭，還有一個5-6歲頑皮的兒子，不斷在翻倒食物，坐他旁邊的我，實在很恐慌，深怕會殃及池魚. 到外面看看有甚麼食物供應，近門口的沙律吧有青口、凍蝦、有密瓜、菠蘿、粟米、沙律菜等，以及各式凍火腿，可自製一碟健康沙律.熱盤約有10款，包括炒飯、炒雜菜、咖喱牛腩、炸春卷、咖喱角等. 甜品則較少，只有4-5款，包括豆腐花、麵包布甸、小巧窩夫、抹茶木糠布甸以及檸檬撻.先來一碟冷盤，青口size小小的，但味道正常; 粟米加上紅腰豆及千島醬，開胃醒晨; 火腿片、煙鴨胸也不錯. 平時在buffet絕少出現的平價炸物，春卷、咖喱角、麥樂雞，這裡也有供應，雖然明知是現成貨，但可以解解多月沒吃油炸食物的心癮

係OPEN RICE度睇到D食評，見到好多人upload手機咁大隻既生蠔，搞到我好期待，帶埋Daddy Mammy黎一齊食，結果好失望。生蠔只係普通size，我望左好多轉都無驚喜，亦唔覺有分美國日本，可能我唔識啦。食落好多沙，不過好彩唔腥，都算新鮮既。而生蝦刺身好唔掂，霉既，一剝就知，咬一啖就更唔想食。除左生蝦刺身，就只有三文魚刺身，仲要輪流咁出，位置係生蠔附近，refill得好慢。熟食有呢款即整既奄列，幾唔錯，幾好。其他熟食樣樣試左Ｄ，係覺得個辣豬手辣得黎又幾好食，同埋辣蟹唔錯，但就剩返晒Ｄ蟹鉗，現場又唔多覺有工具食，難怪。甜品都好一般，但個豆腐花幾滑，屋企人有encore。其他都好一般。綜合黎講，只有90分鐘食好傖促，食物款式的確少，無乜選擇，湯都只有雜菜湯，仲要refill得好慢，好似唔夠人手咁。 如果同樣比200幾蚊為左食蠔，我寧願去八幡屋食日本放題加錢，至少有帶子刺身先。

近年每次去自助餐都寧願去Brunch的一來前菜小食甜品還可以選擇二來Full Buffet幾乎都是蝕本收場上星期跟着姊妹去尋食一於平平地去The Luxe食個Dinner Buffet餐廳座位空間足夠 一家大細也可坐得舒舒服服食物款式大約有40款左右究竟有幾抵？$238有冷盤熱葷任食重點！冷盤有無限量生蠔魚生 抵唔抵先！任食生蠔吧基本上每次師傅一放出來好快就清架因為大隻的關係 每次出不到廿隻就放滿了究竟有幾大隻？有圖有真相！注意！無限量供應也有限量的貨源大號美國蠔售罄後就會轉做中號日本蠔(平時的大小) 另外三文魚刺身和蝦刺身會輪流替換不過Aminn大愛的沙律吧幾乎沒有(有點失望...)另一邊的熱葷種類不少囉！而且食物類型大眾化 點都有幾款合心意就算以上這些都太普通不合胃口即切燒牛肉和羊架又如何？最後怎能缺少甜品必殺技是每款要一件大家Share再按自己喜歡的再出擊！推介Brownie和Apple Crumble不過Apple Crumble就是欠了雪糕球！另外餐飲是設有咖啡機和檸茶等任飲的今晚幾個朋友一圍枱一路食一路笑好開心喔～一個價錢食到尾 性價比好高不過要注意一下 平日已經幾乎爆場建