星馬茶室 (Wetland Seasons Park)

Open Now

Now Closed

星期六 2點多 餐廳好靜🫣抱住一試既心態我本人好鐘意飲 肉骨茶，但出面好多餐廳都好重味精。反而呢間個肉骨茶米粉淡淡地 但有肉骨茶味食完個口吾會好咸最驚喜系 班蘭味鮮油多士好邪惡 但好好味 有驚喜但奶茶一般

濕地公園呢個新樓盤樓下嘅幾間食肆其中之一，我諗除咗住客之外，都有唔少途經嘅單車友停低入去搵食。見呢間唔洗排隊就入咗去，由於算係新開，地方乾淨，光線充足，座位都坐得幾舒服。兩點開始有下午茶，選擇都好多，最後叫咗個招牌無骨海南雞飯，油飯好好食，$45加$3有凍飲，免加一。海南雞飯d油飯好好食，值得一讚，海南雞有5-6舊，都算唔錯，杯凍檸茶正常質素，總括嚟講質素正常，而且價錢合理。下次會再試下喇沙/湯麵類。

朋友新屋入夥當然要參觀一下啦參觀前先醫好個肚先地方光猛清潔還好下午茶選擇都好多，價錢都合理份量唔算好細特別係個印尼炒飯，簡直係同午餐同一個份量個飯好大碟，有少少辣，好惹味個串燒就瘦咗少少🤏又得一串飯嘅餡料唔算多，有少少肉鬆、有幾隻雪蝦、少少菜無骨海南雞飯，個飯好明顯唔係靚米，好鞋，個飯唔油同冇乜味，啲雞都尚算份量多，靠細三碟醬料頂住牛肋條，牛係夠林嘅，份量正常，但絕對唔會再叫囉下午茶，粉湯底好淡，銀針粉就大路，魚蛋冇食冇comment，個多士應該係全餐最好食㗎喇！牛油夠厚夠多，但可惜個多士唔係熱嘅。斑蘭醬可以再多少少，但係整體係好食嘅所謂嘅奶茶都係普通茶包貨色，咖啡亦係即溶咖啡有少少失望囉

屋企要去最近嘅大型商場都要六七分鐘，平時想食茶室唯有揀屋企樓下個商場。 會提供早餐嘅食店唔多，星馬嘅餐唔算貴，真係大件夾抵食。 平時食茶餐廳，食完個粉都仲食到配料（蛋、腸、多士）。 每次食呢間，食完個粉，食埋蛋差唔多都極限。 本人鐘意飲奶茶，但係呢間就無，得拉茶，飲落都唔錯，本身已經甜，唔洗再加糖。入面嘅侍應姐姐都好好禮貌。好少茶餐廳提供銀針粉，呢間反而有。次次都會叫，咁嘅價錢同方便度，整體夾埋我就覺得好好味。

聽講濕地附近開左d新餐廳諗住黎食lunch點知2點已經有下午茶嗌～雞翼喇沙摻摻下午茶黎講份量算多不過湯底太辣太咸～豬肋排肉骨茶米粉？？？？？肉骨茶？？？豬骨湯黎咋喎呢個湯同平時叫餐跟嘅例湯一樣嘅個味🤨而且同menu爭好遠一問之下原來俾錯湯，職員話同我換算啦唔洗咁麻煩喇，直接俾番一碗湯我沾住食啦但呢個煲湯豬肉算唔算係豬肋排肉我就唔知喇但賣相😑見人見智啦補番嘅肉骨茶夠濃味，但好重味精不過睇番呢個價錢算啦⋯～馬拉盞通菜好大碗，份量超多，味道正常，抵食～蝦餅$13兩大塊邊度搵香脆可口正正常常～餐飲份量正常，夠飲不過我井底之蛙以為恐龍係會再加美祿粉喺面～總結：唔知係咪因為附近施緊工嘅關係Target左班客係就近嘅地盤大哥食物份量好多，抵食