意粉屋 (Closed)

今餐好豐富,每次食總是非常滿足的挪威三文魚沙律: 大大片煙三文魚,用料足!生果唔酸,ok甜,好fresh!田螺菠菜薯蓉脆多士: 田螺幫你剝殼, 菠菜搭薯蓉送脆多士一齊食 好味!黑松露汁意式鵝肝雲吞: 個汁較得幾好, 雲吞咬落去d鵝肝溶哂系入面架芒果雞肉芝脆pizza: 芒果酸酸地幾開胃, d黑椒雞粒同餡料好惹味!最重要個底焗得好香脆~excellent!

果日我地一行十二人揀左去呢間意粉屋食晚飯,買左個蛋糕同個同事慶祝生日,差唔多食完晒抬上面既野之後,我就偷偷地同一個waiter講幫我拎個蛋糕出黎。佢好醒目好配合,快快手收晒檯上面d食物同餐具,仲細細聲走過來問我成個蛋糕拎出黎先定切埋。之後我地影完相,吹完蠟燭之後,佢地就幫我地拎左個蛋糕入去切。有個同事唱完生日歌唔食蛋糕就走左,佢地又留意到,專登幫我地切左十一件蛋糕出黎(唔知係咪將剩低果件食左呢,哈哈~)真係好細心架因為我試過同朋友慶祝生日有好唔愉快既經歷...果次又係偷偷地同個waiter講拎個蛋糕出黎,之後佢竟然成個蛋糕連盒拎過黎問"係咪呢個呀?"...果刻真係超無奈......=.=所以覺得呢度既waiter好醒目,好配合!!!值得一讚~~

琴日同女友一週年, 聽人講呢間野氣氛唔錯, 於是去左呢間野開餐......一早book左7pm位.....7:25先去到, 好彩都唔多人....應該由於book左位, 2個人有卡位坐.....幾好.......食物依舊一流........叫左 雞肉煙肉闊條面......香芒煙三文魚飯......仲有個薯茸焗帶子......2個人都想食到飽死......真係好正........不過個香芒煙三文魚飯咸左d......頭幾啖都好正, 不過我食左大半碟, 真係有d頂唔順........3,4個人食就一流.....服務中規中距la.......係個男經理d 咀面不太好.....死下死下咁.....

好多時book lunch都full o左,佢留返好多位比walk-in 客架~!今日bf唔駛返工,12點3o黎拎定位, yeah!!食o左1個4重奏set(多o左個雞肉沙律)($55), 1個1人餐($65):龍蝦仔海鮮飯, 好味呀!有時佢會o向4重奏set入面, 就抵食d, 今次o向一人餐入面~ 除o左龍蝦仔外, 仲有魚, 帶子, 青口, 魷魚...唔欺場架!~磨菇煙肉雜菜長通粉, 呢個普通d, 雜菜有長青豆同西蘭花椰菜花, 好似幾寡下呢~ 不過都ok既~!坐得舒服, 服務都幾好~!

因為頭條日報有下午茶買一送一優惠, 於是同好朋友黎呢度試。我叫左酥皮龍蝦湯同凱撒沙律配南方炸雞翼;而好朋友要菠菜酥皮湯同焗芝士肉醬意大利粉。龍蝦湯真係好難飲, 我從未試過係餐廳飲咁難飲既湯, 湯入面d素翅都係廢既。而好朋友既酥皮湯就正常, 都係普通忌廉湯。之後上主菜, 因為我地share黎食, 所以都有試對方d野。首先講下d沙律, 得好少好少好少沙律醬, 而d生菜我食左一啖就唔想再食。雞翼都整得幾差, 好朋友一食就覺得好似有陣魚腥味...而肉醬意粉算係比較正常, 但就唔配叫意粉屋呢個名, d意粉好硬, 唔算特別好食, 但已經比其實好好多。我諗都唔會有下次。

因為有DBS優惠,所以去左食意粉屋.叫左個238套餐同其他小食

朋友仔生日6人到了意粉屋慶祝叫了2個二人套餐有沙律, 意粉, 焗飯, pizza, 小食同埋生日蛋糕!!以食物份量味道, 好像銅鑼灣比較好但以時間來說, 灣仔卻較為優勝, 因為JP 只限坐一個半小時, 但這裏卻任坐服務不錯雖然我們嘈到拆天, 但他們卻沒有眼啤啤, 還不停添水以這種西式(意大利)餐廳, 意粉屋算是不錯的選擇

友人明天離港修讀日語，臨走前來個短敍。放工時間於灣仔揾個地方傾計都唔容易，人頭處處，最後來了Spaghetti House。其實我倆之後都有飯局，在不好意思只點飲料的情況下，要了一個小食併盤。小食併盤有：腸、雞翼、洋葱圈、薯條、春卷。當中最好味係啲薯條，香脆熱辣，其次係啲腸；洋葱圈得個脆字，洋葱太幼，春卷認真麻麻，皮不脆，餡太油。雞翼我沒吃，看樣子也知不夠肥美。驚喜反而來自紅豆綠茶，綠茶雖欠了些甘苦，但總算香濃柔滑，邊喝邊吃着軟硬適中的粒粒紅豆，別有一番滋味。人生變幻，十常八九，爭取時間做自已喜歡做的事，絕對友持。最係藉此食評祝福B同學學業進步，仲有呀，記住要帶眼識人呀，知無？

上一次來，已忘記了在那個世紀。是晚要找一處地方，不太貴又要適合幾小時的傾談，不知怎的，大家也想到來這裡。當然吸引的，還有用BOC信用咭的指定晚餐的半價優惠。食友們己代點了菜，是兩個指定晚餐，卻因為時間關係，只忽忽吃了幾口。炸帶子及龍蝦仔絕對是神奇，無論帶子或龍蝦仔都細如指甲，硬是無味，完全唔掂；燒豬肋骨肉韌且味道酸，不是個人喜歡的味道；白汁蘑菇意粉濃濃的，想像等到熱的時候會是不錯的；肉醬寬條麵是在座食友的一致推介，寬條麵凍了也不變硬，加上肉醬，都同意是席上較為可取的一味；到了甜品環節，食友再發揮其「二段衝刺」，叫了朱古力蛋糕及焗紅豆西米布甸各兩個。朱古力蛋糕淋上熱熱的朱古力醬，幾濃香的朱古力味，配上云呢拿雪糕球，沒有不受歡迎的道理，三扒兩撥已清了碟；焗紅豆西米布甸要了一個熱一個凍，熱的絕對比較好，中間的紅豆餡及焗西米都香甜軟滑，凍的實實的，又沒有那麼香甜，吃這一味要吃熱的。環境雖然casual了一點，但作為一班朋友傾點東西，也很適合。亦見有不少的二人卡座，二人來吃也不錯。侍應們服務很好，連我們麻煩的要其將那凍的焗西米布甸整番熱，也立即照做，值得一讚。埋單每人96元，坐了一整晚，由頭盤吃

個幾月前生日,,女朋友就帶左我黎食意粉屋既芝士火鍋~之前食過大家樂既39蚊芝士火鍋..得o個幾塊肉..真係一分錢一分貨..聖誕o個日曾經想黎試..但又剩係得聖誕大餐..所以就生日食喇!!呢間意粉屋真係唔錯!!好靚好有feel~~環境一流,服務亦即叫即到~我地兩個嗌左個原咪芝士火鍋,,另外嗌左杯朱古力同埋朱古力奶昔,,先講火鍋,,真係無得彈..喜好芝士既我就更加係停唔到口..先係吉Ｄ麵包加芝士..超香超好味其他既肉都好好味,,夠晒我地兩個人食!!而價錢都算叫做合理..跟住杯奶昔真係無得頂...但杯朱古力就差Ｄ..下次要試埋個芝千層闊麵!!

和男友食dinner. 他知我喜歡食西餐，好野!我們點了baby back ribs及芝士西蘭花。baby back ribs 跟caeser salad, 炸薯角。碟ribs 一上，嘩一聲，成排ribs, 烤得剛好，個汁亦好好味，肉質好淋，可能係baby ribs關係，嫩滑。caeser salad亦好新鮮。芝士西蘭花個白汁好豐富，幾多，好好味。

今日同同事美女J同美女C食晏，嚟咗呢間成日都訂唔到檯灣仔意粉屋。嚟到又唔係好多人，唔明點解成日都訂唔到檯。要咗個茄汁豬肉腸意粉、pizza同埋個菠蘿雞肉炒飯。個意粉個汁同埋啲腸都幾好食，意粉稍諗；個飯就真係好似普通菠蘿炒飯，無乜特別；反而個pizza就最好食，香、足料得嚟又唔乾。一如我一直以嚟所相信咁，Pizza Hut意粉比pizza好食，意粉屋pizza比意粉好食。侍應服務態度唔錯，有禮貌，亦主動關心顧客需要。另外，環境亦相當舒適，我掛住同兩位美女吹水吹到過晒鐘都唔知。

近來有一次放工朋友邀約食下午茶，無意中發現意粉屋的茶餐幾抵食，加六元就有第二份，不過唔知係咪只係維持一段時期。以往我喜歡和同事去那兒食晏，套餐約五十元，份量好充足，款式也時有轉換。這間分店環境不錯，地方頗大，即使午間比較多人，但流量同服務都快，因此也能趕及在午時間內吃完。我唯一不滿的地方是那兒的冷氣頗凍，如果坐角落位就更加明顯，或許依個係佢人流快原因，是關無人想坐得耐。以前食晏凍飲可以揀橙雜唔使加錢，但現在好似沒有了此選擇。

睇完花車巡遊, 要搵最鬼快到的餐廳就緊係意粉屋, 坐下先發現餐牌的set都是2人set, 4個人去食唯有叫一個set加a la carte啦, A la carte個芝士火腿煙斗粉, 呢個係我個favour, 個cheese好濃好正啊, 火腿唔夠, 但係煙斗粉都好索汁, 好正, 不過略為唔夠滑啫set內的忌廉帶子湯好熱好熱, 個味好濃但唔夠creamy, 料都多喎, 咸左少少但都ok啦! 珍寶熱鍋的牛尾長通粉個牛尾好腍, 都幾好食但就好鬼油, 真係好油個隻, 長通粉好多油…好多油……..但其實個味都係無咩, 得個咸字同油字, 好唔掂super deluxe pizza只得薄批, 唯有接受, 個pizza都多料, 有pepperoini, tomato又有青椒肉碎咁啦, 但係個批底真係好薄同好硬, 而且超乾, 好難食喎….從來未試過係意粉屋食到咁難食的食物…….以後唔會再去呢間啦

晚飯一家四口去了意粉屋,由於有九點半後「夜宵盛宴」的優惠,加上生日折扣,非常便宜的吃了豐富的一餐。菜單如下:乾番茄野菌天使麵白菌汁雞肉意粉菠蘿雞柳炒飯再加五款小食(田螺, 雞翼, 茄子, 肉丸, 椰菜花)天使麵同炒飯都ok 啦,不過個意粉出奇地好食.....其他小食都唔差食到好飽好飽連加一, 先208,以意粉屋黎講,真係「抵到爛」。