The Stadium (Closed)

一班朋友在觀塘吃飯，一定會提議Stadium（尤其球季，非常好氣氛）。這裡有很多電視機不停播放球賽，一邊看一邊吃一邊喝啤酒一邊聊天，很爽！另外，這裡有飛鏢機，桌上足球機和美式桌球枱提供球迷玩。記得以前在觀塘上班都會時常和同事到Stadium吃午飯，喜歡這裡環境和座位設置寬敞舒適，而且更有室外坐位，空間感十足。❈ 晚市套餐 - 原隻鮑魚海膽醬燉意大利飯 HK$258只是原隻鮑魚已經夠吸引，加上海膽醬燉意大利飯真的不得了。鮑魚新鮮，而且爽彈不韌。意大利飯外表軟滑，中心保留一點點硬度，加上海膽醬相當creamy香濃。值得一試！所有晚市套餐都包餐湯和飲料。❈ 晚市套餐 - T骨牛扒 (16oz) HK$388T骨牛扒上的烤紋非常吸引。牛扒厚身，烤至8成熟能鎖住肉汁非常juicy。❈ 斧頭扒套餐 (4-6人) HK$1480這個套餐非常豐富，包括4個湯，沙律，斧頭扒1.2kg, 半份豬肋骨，水牛城雞翼，4杯Mocktail。斧頭扒的肉味濃郁，肉質軟嫩juicy， 絕對有驚喜！

觀塘出名好多野食，今次揾到呢間運動主題既餐廳有好多好評，所以諗住試下，一上到去餐廳環境好大，係黑黑暗暗既feel，眼見到餐廳有好多吉位，但我地比waiter帶左去一個比較細既二人位，免得嘢食嚟到冇位擺，所以我哋唔敢叫好多嘢食。(不過食到最後發現，啲吉位一直都冇人坐)蕃茄肉丸意粉 其實同ikea差吾多烤爐魚配蜆雖然賣相幾靚，但食落冇咩味，好彩肉質吾(鞋)。旁邊啲蜆襯埋個汁係比較有味。呢杯啤酒好扺飲 。整體嚟講，冇OpenRice啲食評講到咁好食，性價比吾高，下次去觀塘都未必再食。

來過stadium 食dinner都好幾次，今次就係啱啱係附近試完姐妹裙，夜晚觀塘又冇咩選擇，於是就來食。食物水準都仲保持得唔錯，而份量來講都正常主菜：番薯肉丸意粉番茄肉丸入味，我就覺得幾好味，朋友就話略咸小食：沙律，有個吞拿魚小食凱撒沙律正正常常，吞拿魚小食幾特別所以食左先唔記得影相😂😂另外，服務態度都唔錯👍🏼環境氣氛都ok，不過平日夜晚通常都比較靜啲。如果平時有得睇波，可能氣氛會高漲啲？哈哈

屋企人生日，諗住搵間坐得舒服餐廳食餐好既環境係舒服，坐低後職員圍埋吹水督波想落單Fing左好耐手先有人睬屋企人想飲水，已經好有禮貌問佢可唔可以俾幾杯暖水職員聽到好似好錯愕，反問我，你要水呀？食物黎到，賣相幾好，但鹹到xx已經唔敢再問職員可唔可以加小小水埋單都冇職員理同時段只有2-3枱客，都係咁既服務態度唔會再有下次

我吃了這間餐廳的牛扒已經有五年，每兩三個月過來吃一次。今次質素太差了。跟茶餐廳的冇分別。有用生粉醃製過的味道，又用黑椒遮蓋。完全沒有炭燒味道。簡直係太失望，我明白在香港做食肆很難做得很好的味道，但現在連這個特色的午餐也沒有了。我情願他加價，給回我那個炭燒牛扒味道。

朋友介紹，一向鍾意食牛扒嘅我，就一於試吓！入到餐廳，感覺好寬敞，估計總面積應該有1500尺， 座位好舒適， 如果一大班朋友gathering，可以book大枱，唔會覺得擠迫👍🏻餐牌嘅食物，多元化，因為我自己鍾意食牛扒，所以就點咗牛扒set😍結果覺得好滿意，肉質鮮味， 配菜份量大，如果幾個人食，都會唔擔心， 唔夠食期待下一次，約幾個朋友，就可以試多幾款菜式🥰店員嘅服務態度良好，上菜時間，唔會等太耐，食物嚟到嘅時候，仍然熱辣辣今晚過咗一個開心嘅晚上

朋友想係觀塘區搵個地方傾計、食下嘢，第一時間諗起佢！呢到小食、正餐、酒水應有盡有，十點半左右食物last order，但酒水仍然可以繼續叫！不過呢到都有差唔多7年歷史（可能更耐），啲座位都有啲舊了，但呢到仍然會係睇波、吹水地首選！😌👊🏻

🥗吞拿魚配鮮果莎莎醬 $138我哋揀咗個吞拿魚沙律，吞拿魚外邊口感係脆脆，而入面亦都保留到肉嫩滑。配合埋佢嘅醬汁，非常開胃🤤🥔芝士焗薯皮 $88呢一個係一個素食之選，雖然冇肉香，但係呢薯片焗到外脆內軟，加埋啲醬汁，令人食唔停口呀🤭🍕夏威夷特色薄餅 $188Pizza係脆底薄批，唔算好特別，但味道發揮正常。🥘美式芝士通心麵 $138呢個美式Mac and cheese上枱真係幾大碟，但食落就無想像中咁膩。食食吓又俾我哋食晒喎😂

今年父親節正日無辦法陪家人唯有後補慶祝🥹本身諗住去同一座裡面某間餐廳點知去到先發現無開門定唔知裝修意外驚喜發現新餐廳可以值得試下 😗The Stadium Combo 特色炸物拼盤呢個小食拼盤黎講真係夠哂大份同多款式有水牛城雞翼 洋蔥🧅圈 芝士條 薯波…仲有四款醬點黎食 唔同享受😋用黎送酒睇波真係一流既選擇 🥹Sausage Platter 烤香腸煙腩肉拼盤 $188Pork Knuckle 火山石烤豬膝都比預期中大件 😨外層燒得好脆身裡面既肉質無因為焗太耐而變得硬或乾柴肉質仍然夠嫩配菜有些小酸椰菜同沙律🥗薯仔🥔美國特級肉眼扒好有炭爐燒香味而且好大份肉眼扒黎講脂肪比例都算唔多但多筋要比較費力氣切 🤣不過叫左三成熟都好滿意👍🏻牛味好濃配埋薯角夏威夷特色薄餅Pizza餅底本身比較薄 食落好趣口 絕對係飲酒絕配🍕布朗尼蛋糕

【雷門為食街 Layman's Yummy Guide】 閒日放工後約朋友一齊去觀塘覓食～搵左好多間都收9點／9點半，見到The Wave呢間開得晏少少就打算試一試......點知兩個Set Dinner都好鹹!!!!! 😣我哋估計飲啤酒應該會OK(?) 但第二日仲要返工無叫酒, 就鹹到食唔到咁滯......👧🏻🍴The Stadium@觀塘興業街4號The Wave 4樓1. 三文魚子軟殼蟹扁意粉    2. 鯷魚Anchovies Pizza 因為我哋叫2個Dinner set，所以有餐湯，仲有飲品 (我同朋友都叫咗最普通的凍檸茶)餐湯味道正常，不過不失～因為搵唔返餐牌已忘記全名...呢個意粉好足料，大大隻軟殼蟹原隻上，啖啖肉👍🏻 不過食咗一半，我同朋友已經覺得有少少膩同鹹(個汁偏heavy)... 上埋Pizza，賣相好靚亦打卡-able，不過食落真係太鹹，低估咗鯷魚嘅鹹味...😭 但食面頭的鯷魚一啲都唔鹹...最後埋單每人$273...餐廳好chill好多人睇波、飲啤酒～ 

已經第n次泥食 今日星期二8:00泥食 walk in就入得 感覺好難得今次同樣地叫左兩杯hogarden 一份水牛城雞翼 黑毛豬 同埋雞肉pizza- 水牛城雞翼：個醬係好食既，夠辣 唔會太酸，但略嫌個雞翼啲肉質比較柴，唔夠juicy，雖然一份雞翼有六隻每隻都大大隻，而且個炸皮都幾好食，但係肉質都比較乾同少肉汁，所以覺得普通-黑毛豬：覺得係比較好食嘅主食，唔唔會太乾身，播放位置都有肉汁唔會好柴，而且油脂分布都幾平均，每一啖都唔會食到油脂味，識落口都會feel到有少少油喺個口度爆開感覺都唔錯- 雞肉pizza：偏普通，pizza嘅餅皮係屬於薄既種類，又唔算好脆口，個蕃茄醬都正正常常，芝士好夠，雞肉粒每塊都有3-4舊，我覺得可以唔需要叫，唔算難食，但就係普通

有一次想和朋友慶祝生日，去觀塘找一間餐廳，便找了這間The stadium，第一次去試，便深深被它吸引，因為無論食物、環境、氣氛，都是非常令人滿意，值得推薦給大家❤️👍🏻❤️👍🏻先講食物方面，食物的賣相和味道非常好，我們點了黑松露野菌薄餅、薄餅味都好，而且材料足！另外我們都點了白汁煙肉闊條麵，闊條麵上的白汁，令到麵條味道非常豐富，值得一試！另外老公喜歡食漢堡包，因此我們都點了一個安格斯牛肉漢堡，漢堡包多汁，非常Juicy，喜歡吃漢堡包的人可以一試❤️❤️❤️❤️

💛 #觀塘 #TheStadium之前同朋友喺觀塘聚舊，揾咗間坐得舒服，口味大眾化嘅西餐廳「The Stadium」😋 呢度仲係一間bar & restaurant，可以飲吓嘢、睇吓波、吹吓水😆🐣 火辣脆烤雞翼 （$88）醬汁好香濃, 但又唔會話真係太辣, 食得幾過癮!🍝 海鮮扁意粉 （$148）海鮮份量好多又香口, 意粉軟硬度啱啱好, 醬汁好味又唔會太heavy~🍕 燒烤雞肉薄餅 （$188）鍾意雞肉薄餅! 薄批之餘超多配料, 好正!🐷 美國極黑毛豬 （$168）黑毛豬好大件好厚切! 肉質軟腍又入味~

觀塘工廈裏面有個商場The wave，4樓有一間美國主題嘅餐廳，裏面嘅氣氛好好，有足球機可以玩。我哋一行四個女仔，叫咗四杯唔同"顏色"嘅飲品🤣🤣🤣👍🏻今晚嘅重頭戲就係斧頭扒👍🏻$1288 果然好似斧頭咁大塊，有1.2kg！！我哋四個女仔share食，都係食唔晒🤣🤣裏面有水牛雞翼、烤粟米、焗薯仔、燒豬肋骨😋😋水牛雞翼辣辣地幾開胃，燒豬肋骨又好林出面好少有餐廳可以食斧頭扒，餐廳嘅氣氛都好好，我好推薦大家過嚟試一試。

同同事聚舊， 挑選咗呢一間餐廳勝在佢好評多。好多年前嚟過一次覺得感覺唔錯，值得再一試，今日再次。 失曬望。Set Dinner 的Pizza 依舊餅底鬆脆，用料十足， 芝士味濃。 可以一試再試。 但服務就大不如前。成班Server 企係度唔識得走來跟進同事and 廚房犯下的錯誤。 1。 落錯單。 明明叫左Pizza and 燒春雞。就送左碟意大利雲吞燉牛上枱。 我仲喺度懷疑人生究竟佢咪將雞煮到變成牛咁深色。 咬左2 啖原來先至真係牛。 無計， 唯有再叫過隻燒春雞，亦無諗過要佢地換走碟牛。牛and 雞的錢係會照比的。同waiter 講其實係佢地同事錯單，但係就一句唔好意思/ compensation 都無。 算。 2。但後補隻燒春雞，有一邊雞髀同一邊雞胸係8成熟就上枱Serve 比嗰客。 我無諗過要當下同佢地理論啲咩 。 我食完熟的雞肉， 趁佢地收碟先反映話隻雞未完全煮熟就上枱， 我指住啲淺粉紅血色啲雞肉比waiter 睇， 但佢就好似唔識應對咁。 照收走碟野。 結果， 結果就係， 再無人跟進連嗰team leader來講佢唔好意思都無。 我就今晚睇下我會唔會肚痛入醫院☺️。 3。 侍應收