蒸廬 (Closed)

想飲茶食點心好耐，但黃店酒樓真係少之有少，將近農曆新年，更加想飲餐茶，於是就去左紅磡分店食左個brunch，其實想試石門果間好耐，但地點冇咁方便 比較難約人去。琴日星期六三個人去試，叫左佢地推介既紫金流沙包同埋黑芝麻桂花糕，仲有點心拼盤、鳳凰糯米雞、蟲草花燉土雞湯、山竹牛肉、香煎蝦米腸粉、蝦餃。紫金流沙包：味道好好同特別，用左芋頭流沙餡而唔係傳統既流沙奶黃餡，但性價比不高，如果定價低少少去到$35更理想（現有$42）黑芝麻杞子桂花糕：黑芝麻糕同桂花糕都好出色，黑芝麻味好香好濃，桂花糕入面既杞子都好靚好大粒，但兩者拼埋一齊黑芝麻味完全蓋過桂花糕既味，改一改配搭一定會好出色，桂花糕可能要搭d淡味少少既糕點，可能椰汁糕...？點心拼盤：好豐富，性價比ok，果個抹茶叉燒包出奇地意外，包皮既抹茶味幾出，配搭上唔太怪蟲草花燉土雞湯：燉湯好足料，師傅可能想唔落鹽比我地試真個湯，但第一印象會比人好淡口既感覺，如果真係特登唔落鹽比顧客試到燉湯既原汁原味，建議上菜時講解一聲，提一提顧客可以用枱面既鹽樽自行調整鹹度鳳凰糯米雞：之前試過功夫點心既鳳凰糯米雞真係幾出色，呢一個就真係做得唔夠好，我個人想食既係糯米

好鍾意去飲茶因為有好多唔同嘅點心食成日都係大集團經營嘅酒樓加上疫情關係都好耐冇飲過茶一直聽聞呢間新式中式點心店都冇機會試近期佢開咗係紅磡分店就即刻去支持下除咗即叫即蒸點心仲有好多特別嘅點心籠仔蒸飯 燉湯 算幾有特式試咗幾樣點心 大部分都推介雲石流沙包本身想試最出名嘅黑金流沙包點知當日一早就賣晒但呢個黑芝麻流沙包都冇令我失望外皮係好靚嘅雲石紋包面唔會蒸到濕立立一咬開啲芝麻餡爆曬出嚟超！級！濃！黑芝麻味好似食緊流心湯圓咁沙沙嘅質感 啲餡食到最尾都仲有包厚薄適中幾軟熟唔會乾爭爭南瓜鳳爪排骨籠仔蒸飯第二個特式就係籠仔蒸飯勁大盤都只係$50 夠兩個人份量！將鳳爪排骨飯放係荷葉上蒸荷葉味唔係好突出成個飯偏濕 但啲飯粒粒分明索哂排骨同鳳爪油香粒粒南瓜唔算甜但夠錦密仲有啲切碎菜芯係面感覺好似均衡啲個飯整體偏淡口味隨飯附上甜豉油可以自由斟酌落唔落蟹籽燒賣皇飲茶必叫嘅燒賣！亦係大大粒個外皮煙韌唔會蒸到蓉蓉爛爛咁有原隻蝦裡面以蝦膠同豬肉攪成做內餡 好香嘅豬肉味但肥豬肉會偏多唔算好突出但同普通酒樓食到嘅無異總結食物質素的確唔錯 必試包點同蒸飯 而且小店服務態度好好 店員好細心親切 會再嚟食😍

特登入嚟紅磡新開張嘅蒸廬，就係為左飲佢嘅燉湯同點心！！！建議早少少嚟排隊👆🏻花膠蟲草花栗子燉土雞湯😻女士們見到條花膠就開心，滋補養顏啊，啖湯甜到痴線，係因為真係好足料，嗰種甜係熬出來嗰種湯嘅甜，唔係味精嘅死甜，一路飲湯仲可以一路食埋佢嘅配料👆🏻蝦春卷😼入邊原隻鮮蝦，外面炸到卜卜脆，咬落索索聲👆🏻咖喱魷魚😻由於時間關係我又食咗幾舊，魷魚爽口彈牙，肉質一啲都唔係林patpat 個種，咖喱汁好香，底嘅豆粕朔晒啲汁食仲正👆🏻菜苗餃😻呢間嘅菜苗餃我食過都算數一數二，係因為入邊嘅菜苗真係好新鮮，菜苗嘅感覺似係今朝先至新鮮整落去，有時真係好怕食到啲隔夜菜苗，加埋鮮蝦個皮又蒸啱啱好，要食！👆🏻蝦餃😼原隻蝦大大粒，蝦餃皮唔鞋口👆🏻紫金流沙包😻我本身追住佢個黑金流沙包而來，點知今日只得紫金，當然照殺！原來係芋頭啊！咬落去有芋頭溶慢慢流出黎，慢慢咬仲有少少芋頭粒粒，真係好正

試咗個川芎魚頭湯，好足料，好多藥材，個魚頭煲到綿晒，放入口會化開，一盅倒出嚟可以裝滿兩個飯碗。點心雖然唔算好平，但係大大件，食材又新鮮！最鍾意佢比較清淡，出街食飯都唔驚會唔健康😁😁已經食過幾次，一定會返轉頭再幫襯💛

無收茶芥無收加一💛值得一試既點心黃店佢哋主打點心同埋原盅燉湯😝濃香流心蛋牛肉飯 $50呢度既蒸飯同酒樓嗰啲盅頭飯好唔同😍超大籠，係二人份量😝 同埋加左好多菜粒，食落無咁膩💕牛肉多到鋪滿成個飯！黑金流沙包 $42因為黑金既gimmick相對比平日普通嘅流沙包貴少少，一搣開流沙包啲流沙包湧晒出嚟😂 係超級流質嗰隻😜 熱辣辣好好味😋影相效果都一流😌蟹籽燒賣皇 $27呢度嘅燒賣大大粒！皮薄餡靚✨ 蟹籽份量好多😘 咬落彈牙🥰鮮竹牛肉球 $19牛肉加入馬蹄粒非常爽口彈牙🤩而且肉質軟腍！抵食💕

限聚隔離之後就唔可以一大班人一齊飲茶，但唔驚～ 因為蒸廬有美點拼盤，唔會死咕咕一定要一盅四件，令我可以大飽口福，食唔同款式嘅點心，仲可以外賣，所以唔驚～～～～美點拼廬共有八件點心，（由右至左）包括菜苗蝦餃、蝦餃、紅棗糕、馬蹄糕、粉果、馬拉糕、燒賣兩粒，同埋充滿綠茶味嘅叉燒包～ 蝦餃大大粒，真材實料～馬蹄糕同紅棗糕都超煙靭軟滑～最驚喜係叉燒包。以為係普通嘢，點知食落先知外皮係濃郁嘅綠茶甜香，簡直係驚喜❣️

紅磡好食嘅點心真係無咩選擇，但係哩間點心就好唔同喇因為真係好好食呀入座之後第一件事當然要叫佢哋最出名嘅燉湯喇（溫馨提示：千祈唔好好心急碗湯一上嚟就試，會好似我咁辣親自己㗎喇）每款湯都好足料亦好入味但係如果你係唔多好中藥味嘅人就可以揀燉湯C喇，因為其他款湯都有中藥材料去燉，仲好入味添當然唔少得點心喇每款點心都好好食，唔會似某啲點心鋪可能蒸太耐，啲皮爛曬，佢哋蒸嘅時間把握得剛剛好，又夠曬熱又唔會好淋，保持到食物嘅鮮味。推薦每一位食客都要試下佢哋鋪頭嘅湯呀

黎黃埔探朋友順道覓食，竟然遇到沙田石門好出名嘅<蒸廬>喺紅磡開左分店😃 上次去Staycation無食到今次可以食返喇😆 　唔知係咪太耐無飲茶🫖 用手機scan見到個Menu嘅時候📱款款都好想叫黎試下囉🙈 開心大發現嘅係, 下午茶🫖時段(17:30前落單)價錢平ddd添架～～😝1️⃣ 抹茶流汁叉燒包🍺幾有趣嘅配搭～ 滲出一陣陣淡淡嘅抹茶味道, 叉燒肥瘦適中, 不過都係鍾意配酥皮嘅叉燒包多ddd😝2️⃣ XO醬蒸鳳爪腳趾好夠熱, XO醬同鳳爪嘅份量都唔少, 而且仲好入味～ 「選」呀「選」呀😗 3️⃣ 魚湯蟲草花鮮竹卷3件鮮竹卷都好多料, 面頭嘅蟲草, 卷入面嘅西芹同豬肉, 而且充滿腐竹味道～ 魚湯味道幾清甜4️⃣ 鮑菇蟲草棉花雞雞好大件同好滑, 「棉花」超超超厚仲吸曬d湯汁, 咬落去好爽好治癒😌 仲有長長嘅鮑菇添呀～ 滿足😌今次就黎試住幾款先～ 黎緊再黎試埋其他點心同招牌菜 - 蒸廬併美點(9件)😌 1個人過黎飲茶都唔怕😝

💛#支持良心餐廳💰雲石芝麻包$23💰蒸蘆拼美點$60💰鮑菇蟲草棉花雞$27💰印度椰子合桃腰果燉上肉湯$56‼️雲石芝麻包好好味🤤🤤🤤話說自從冇得食唐記之後 我最念念不忘係佢嘅芝麻包😶 所以今次搵到一個好好食嘅黃店芝麻包 心情真係十分之咁滾動 不過佢係同唐記唔同 唔係走好濃郁芝麻味嗰隻 而係溝咗啲奶稀身啲 而重點係食得出有花生味😍 食落就好似食緊芝麻花生湯圓咁嘅餡 個餡好爆😂 再配以鬆軟嘅包身 好食到食完要再encore😂不過偏甜 唔好甜嘅朋友留意下啦‼️佢嗰碗燉湯係超級足料😂可能合桃同腰果 煲得都算幾入味覺得如果黎嘅話一定要飲吓佢啲湯其他嗰啲我覺得個係正常水準 粉果一般抺茶紅豆叉燒包都幾正 抹茶味回甘 幾個癮 可以一試😆

嘩！呢排好忙呀，又煮嘢，又煲湯咁，好耐冇介紹紅磡美食啦！😅😅😅早排新開咗間燉湯飲茶嘅鋪頭，網上介紹就話好正，湯冇味精，點心好食，但始終每人口味都唔同，點都要親身去試下先知龍與鳯。🤗🤗🤗The Steam Hut 蒸廬 地址：紅磡船澳街99F號黃埔新邨佳富樓地舖花膠蟲草花粟子燉土雞湯 $60好清甜，足料，可能燉雞問題，所以比較油少少，飲嘅時候，接受唔到就要自己撇吓油先飲啦！🤣🤣🤣印度椰子合桃腰果燉上肉湯 $58嘩！呢個不得了，一嚟到已經聞到好香椰子味，好甜，都係好足料，佢燉上肉，所以比燉雞冇咁油，清清甜甜，好味。😋😋😋溫馨提示：佢全部燉湯都應該冇落鹽，所以大家可以因應自己口味自己落。👍黑金流沙包 $40好流沙，鹹鹹甜甜，好香奶皇同鹹蛋黃味，超級正👍👍👍雲石芝麻包 $26呢個比黑金流沙包甜d，因為佢冇咗鹹蛋黃味，但都係好流心，黑芝麻好香，而家係茶樓真係好少有，呢個都係超級正👍👍👍整體嚟講，呢個款，都必須要試🤣🤣🤣晶瑩蝦餃皇 $33皮夠薄，全部都係蝦，彈牙🤗🤗🤗蟹子燒賣皇 $30肥肉唔多，材料夠新鮮，彈牙，粒粒都好飽滿。😚😚😚XO秘醬蒸鳳爪 $26可能食慣咗茶樓果d，所以相比下呢個冇咁出色，

冬天凍冰冰，想吃些暖笠笠的食物。城中不乏良心點心舖，今天找到這間是在紅磡新開的分店。看餐牌有蒸飯加燉湯加點心的Set，但我倆計劃了之後去吃甜品，所以決定散叫。點心舖有龍蝦蒸飯，很是吸引。來到的時候見到半邊龍蝦肉厚又有膏，非常歡喜。加上蒜蓉蒸，能帶出海產的鮮甜。另外點了三款點心，牛柏葉、蝦餃、炸魚餅，水準不俗。牛柏葉不會過淋過靱，蝦餃足料沒有用豬肉充數，魚餅香口彈牙。此店價格合理，包含海鮮蒸飯埋單才約$200，非常推薦大家幫襯。

📍香港📍紅磡📍蒸廬 The Steam Hut📍紅磡船澳街99F號黃埔新邨佳富樓地舖📍星期一至日 11:00~22:00店舖唔大但坐得都算舒服乾淨，幫襯過幾次店員態度都超好，食物好足料大大份，上枱都熱辣辣系平價飲茶之選，整體食物質素性價比好高👍🏻👍🏻 會再為咗佢個紫金流沙包再嚟食😋😋🦄 黑金流沙包 🦄 評分: 7/10真系好彩先會有得食黑金流沙包😂😂 3大個🥯上枱熱辣辣 超多奶皇流沙 系邊食邊流岀黎😹😹 好足料好香奶皇味😸😸 好食👏🏻 不過個人比較鍾意食甜，更喜歡佢個紫金流沙包😋😋流心紫薯蓉同芋頭粒甜甜地好好食👍🏻👍🏻👍🏻

好多朋友都推薦話黃埔新開嘅蒸廬好高質，今日忍唔住即刻同男朋友去試下午茶！感覺到佢哋用心做點心，又有相同嘅理念💛，連唔鍾意食點心嘅我都覺得一定要黎幫襯。-下午茶時段人比較少。鋪頭乾淨企理，佢哋防疫措施亦做得好好。好多點心專門店都唔平又「的式」，但蒸廬價錢唔算太貴，下午茶點心由小點$15至特點$31不等，唔經唔覺兩個人叫左好多款。-💛美點一份有9款，燒賣粉果全部大大粒。食晒成盤都唔覺油膩，感覺到的確較少人工調味同脂肪。-💛抹茶紅豆餅超好食，外皮煙煙韌韌，兩邊煎過後帶點脆身；內餡嘅豆沙唔會過甜，完美。-💛菜苗餃外皮煙韌透光，入面每粒都有成隻鮮蝦同滿滿菜苗，脹卜卜好滿足。-💛叉燒包竟然係用抹茶皮做，入面嘅叉燒香甜嫩滑，食完都唔覺滯！-💛芝麻包外表好雲石可惜影得太衰⋯⋯芝麻餡係流心，一搣開已經好香芝麻味，餡多唔小家。-💛蛋散偏甜，適合甜食愛好者，上面仲有椰絲、花生同煉奶，而且食到最後都keep住脆！-💛最精彩嘅一定係呢個黑金流沙包🤤食到最後一個先記得影相！趁熱食奶皇流沙餡甜而不漏，超流沙極邪惡。而且仲係限定，今日我哋勁好彩剛剛食到最後一份！-💛比較驚訝竟然會有白咖啡飲，飲左一啖就知道，係星馬飲到

這家店由我在石門讀書時剛剛開店時食到而加，記得開初剛剛開業他們準備不足有點混類到現在開多間分店。非常欣賞以街坊價都能品賞現場精製點心，有心好食。個時已經大排長龍，同一鋪位由一間良心店變這間良心店，幸好同區有多一個選擇。全日套餐~優惠價加配燉湯.南瓜鳳爪排骨飯 👍粒粒分明 有油香味及荷葉香 飯黏口濕潤 飯一家唔係分開處理👍南瓜係精華吸曬鳳爪排骨油香 分量都係大份 唔落豉油都好食👉可唔可以冇咁多菜心粒 我中意分開放2條推介指數: ⭐⭐⭐⭐/5.花膠蟲草花栗子燉土雞湯👍冇味精 好清甜 我覺得鹽都冇落👍花膠仔 栗子圓肉好甜 好潤 冬天好滋潤 👍原盅上 所有既精華都唔會流失推介指數: ⭐⭐⭐/5.蝦餃皇 👍脹卜卜 好飽滿 有鮮味 好食.💁服務: 岩岩開店同個時都有少少亂 不過可以⛲環境: 冇石門咁靚 主要食番上手裝修

『蒸廬』食點心要好食已經可貴，要好食又要有良心就更難能可貴。紅磡 蒸廬 係佢哋第一間分店，今日星期日中午1點去到，門口都唔少人第緊外賣。門口有自動取票機，等咗5分鐘就入得喇。坐位唔算好多，舖位係L字形，望入廚房見到都幾多後生仔👍🏻👍🏻加油年青人！呢度主打手工即製點心、原盅燉湯同埋荷葉蒸飯。一輪狂點猛剔，2個人叫咗10樣嘢，眼闊肚窄，食到最後真係好辛苦😂見到台台都有嗌燉湯，就嗌咗呢一款花膠蟲草花栗子燉土雞湯試吓。湯料幾多，飲落幾清應該冇加味精，而且少油，抵讚。不過我搵嚟搵去都唔見有花膠，但有些少螺片。春卷入口好香蒜味，個皮夠薄同脆。蝦餃大大粒，熱辣辣。皮薄，蝦肉爽口新鮮又大隻，抵食啊。燒賣上枱時我同男朋友都嘩左聲，真係粒粒都好肥仔飽滿，蝦肉豬肉比例都唔錯，又係抵食必嗌！煎蝦米腸食落香口，附上麻醬甜醬同自家調製嘅豉油，邪惡之選！菜苗餃亦係我飲茶必嗌嘅點心。翠綠嘅菜苗帶自然甜味，配埋爽口蝦仁，煙韌嘅餃皮，值得試下啊。鳳爪已經係一咬就脫骨，醬汁入味，都唔錯。牛柏葉唔醒，底下墊左豆卜，清清地都幾好食，不過我覺得牛柏葉都係配蠔油或者沙爹汁好食啲🥴其實仲嗌左上湯娃娃菜同埋鮮竹卷，但係實在太飽喇，最後