添好運點心專門店

Open Now

Now Closed

係奧海城添好運飲左個茶，要提既係試左豉油王炒麵，雖然係普通材料，但每樣食材都配合得美味無比！麵條炒得金黃，彈牙入味，色香味俱全。價格可以接受，一啖面，一啖茶。還能喚起我對香港的美好回憶。都是完美選擇！特別推介配合馬拉糕食，鹹甜夾埋真係冇得頂

新都城近我屋企，每逢放假 必出黎新都城商場搵食，今日去睇戲，買左2點20分既戲。睇仲有成個鐘時間，不如食下野先拉，間野就係戲院左邊，食點心與茶樓既地方，比吾上正式既茶樓，但都有少量茶樓既野食，茶費10幾蚊 加一 各食品價錢中等 吾算平偏少貴小小，點左叉燒包同一碗皮蛋瘦肉粥，計晒茶位加一等埋單105蚊。就倆樣食品算中等。叉燒包表皮脆脆地，就係入面個餡有啲鹹，皮蛋瘦肉粥就ok 。邊食邊等邊吹水，得閒就甘嘆下飲茶拉。

一直都想試吓添好運,今次外地來旅行的親友來港想食點心,因為食夜晚就藉機去食下🤣每樣我哋都差不多係兩碟兩份咁叫,覺得炒麵真係炒得唔錯唔會太油太淋味道又啱啱好另外酥皮焗叉燒包都外皮脆熱辣辣好好味,最後encore多一碟,小朋友一個人食左3個另外都推薦魚滑釀尖椒,彈牙魚肉加少少辣的尖椒好惹味💯我地仲叫咗牛肉腸同烏雞燉花旗參湯冇影低,親友都吃得好滿足黑芝麻蒸糕都不錯,熱辣辣可放一陣再食仲有,茶有比一段茶樓多其他選擇,例如冷泡或者特色茶：白桃烏龍，荔枝玫瑰茶等

添好運是米芝連一星多年前推薦食店。現在全港差不多有八家分店，東南亞和國內也有分店。他們的招牌就是所有的點心都是現場製作，非中央廚房做的。這一點可以吸引了很多對美食比較要求的人，前來品嚐這次。我也衝著他的新菜式：鮮蝦多士以及他們的傳統名典酥皮叉燒包，雖然不收服務費，但是現在茶位費也加了價不少，每個人$6。出品還是有保證，比很多大集團大酒樓，好很多，吃得出不是毫無變化的工場產品。如是對廣東式點心有要求的朋友來港也會推薦再來。

因為今年很多人提早拜山，我和家人一起去完拜山後駕車前往寶琳的「添好運」享用午餐。這家「添好運」的裝修很有特色，門面頂部用綠色為主色寫著英文Tim Ho Wan和中文添好運，而右邊是櫃檯，另外上面是一個大圓形的橙色假天花，以及綠色的T字和➕字號磚，給人一種色彩豐富的點心店的感覺。因為他們的新菜單增加了一些新的點心，所以我們便點了「懷舊鳳尾蝦多士」、「晶瑩鮮蝦餃」、「鮮蝦燒賣皇」，還有「酥皮焗叉燒包」和「陳皮牛肉球」。「添好運」的食物質量一向有保證，他們新出的蝦多士味道不錯，只是份量稍少，蝦餃很好吃但份量稍少，而燒賣真的做得很出色，非常值得推介，另外酥皮焗叉燒包，外皮酥脆，內裡的餡不鹹，味道剛好。至於牛肉球味道還可以。之後我們又點了「香煎蘿蔔糕」、「鳳爪排骨飯」，他們的蘿蔔糕保持水準，味道很好，鳳爪排骨通常是「添好運」最受歡迎的蒸飯，所以強烈推薦👍🏼。總體而言，服務員的服務態度都很周到，所以有時間可以來寶琳的「添好運」品嚐點心。人參烏龍 每位 $8懷舊鳳尾蝦多士 $35晶瑩鮮蝦餃 $36鮮蝦燒賣皇 $34酥皮焗叉燒包 $30陳皮牛肉球 $25香煎蘿蔔糕 $23鳳爪排骨飯 $35添好運地址

對於晚間先出動嘅貓頭鷹，好鍾意夜晚有點心揀嘅食肆！真係好耐好耐冇食添好運，對上一次真係以年計...今次去新都城睇戲，見隔離有添好運，晚市8：30好多已經準備收爐冇咩選擇，見佢有秋季系列，就再幫襯添好運試下！今次點左5款食物，對我地黎講咁快上到菜喺好肚餓嘅情況下覺得好好味！本人很喜歡吃紅油抄手，呢個有蒜蓉好香口，加上辣度適中！👍😋再點左杏汁豬肺湯，杏汁香甜幾好味！😌紅燒豬軟肉撈粗麵我一見到就想點，感覺會飽肚，個豬軟骨肉煎香左及煲到好腍好入味！而油炸鬼入面釀左蝦肉，上面再淋左蟹膏汁，好香脆，個人覺得幾好味，可惜只得三件...😅臨尾仍然想試多次個酥皮焗叉燒包，我地算最後一枱客，個包唔算好熱，但表皮keep 到香脆，內面叉燒及肉汁滿瀉，好感動...仲要見到like 社交平台有桂花糕送，即like! 9點後已經冇咩人，我地已經係最後一枱...

Tim Ho Wan is a legendary dim sum restaurant that has gained international fame. Despite its humble origins as a small hole-in-the-wall eatery, its dedication to quality and flavors has propelled it to great heights. The highlight of Tim Ho Wan is undoubtedly their signature dish, the BBQ pork buns. These buns are a perfect balance of sweet and savory, with a fluffy exterior and a delectable BBQ pork filling that melts in your mouth. Another must-try is the shrimp dumplings, which are meticulous

📍添好運點心專門店🇭🇰 將軍澳貿業路8號新都城中心二期地下G03號舖成日同屋企人去呢度飲茶覺得佢比傳統茶樓性價比高啲本身將軍澳個間搬左去寶琳🤣 一樣咁旺場😋 酥皮焗叉燒包(3個) $30去到添好運必食！個酥皮好脆好好食😋 鮑汁鳳爪 $38超入味！好好食的！😋 馬拉糕 $25有驚喜 好鬆軟～😋 紅油抄手 $30😋 晶瑩鮮蝦餃 (4粒) $36大大粒！皮厚度適中😋 鮮蝦燒賣皇(4粒) $34真係鮮蝦 好有鮮味好彈牙

抱住小朋友瞓咗，嗱嗱臨周圍搵間餐廳坐食晚餐，當日啱啱打完8號風球舖頭冇乜人小貓三四隻，小朋友瞓咗，見到有六日咪梳化就放佢埋去，跟住落單嘅時候一直冇人攞，跟住後尾有人叫我哋坐入去其他位話三個人唔可以坐呢度，但佢成場嘅客人只有幾枱客小貓三四隻，我唔明點解要趕我哋走，同埋六人枱係有三張雙人枱合成六人枱，其實佢退走一張枱就已經係四人位，唔明佢點解要我再搬係一個瞓咗既幼兒入去，所以我話再搬起我哋唔食啦，都要搬一次我不如搬番屋企了，🫠同埋叫左咁奈都冇人同我哋落單冇人收我哋張飛，跟住後尾先有另外一個職員見我地想走先話唔使啦，咁拆開張二人枱走就已經係四人枱😑本身搞到咁都已經唔係好想食，不過費事再郁訓左小朋友，就照落單。嘢食方面，點心係好食的叉燒包，係最好味，蒸牛肉有個硬物喺入邊唔知係魚鱗定係乜嘢，我另外再叫咗一個外賣嘅飯，諗住比小朋友返屋企瞓醒食，最奇怪嘅係佢已收咗$2外賣錢之後佢就咁比堂食碟上😅#dinner #點心 #food #yummyfood #yummy #香港#將軍澳

酥皮焗叉燒包果然係必食推介，皮脆又帶微甜，有啲似菠蘿包個面，包質鬆軟，叉燒饀料多又Juicy,好好味。香煎蘿蔔糕煎到有少少脆邊，香口好味，蘿蔔糕加多dd 臘味更好，會更惹味。家鄉咸水角外皮略嫌唔夠脆，內層煙韌，饀料足，大致不錯！杏汁大白菜燉豬肺個湯奶白色，好香，杏汁味重，配埋菜乾同豬肺食，有口感又滋補。叉燒蔥油撈粗麵有碗湯撈粗麵，麵質彈牙，但味道偏鹹，加湯食就剛好。煎堆個面黑白芝麻都有，幾特別。煎堆煙韌，內有豆沙饀，略甜。

寶琳出名多野食 今次黎添好運回味下佢地既招牌酥皮叉燒包☺️餐廳正門系MCP Central 地下 寶琳邨入口一入就見到😂 今次2個人weekend大慨12點去到 只系等左8至10分鐘⏰️吾算耐😂 晶瑩鮮蝦餃 $32🥟酥皮焗叉燒包 $24🥖鳳爪排骨飯 $30🍲黎到一定要食酥皮叉燒包 連海外旅遊書都介紹 點可以吾叫黎試下😚酥皮焗得超鬆軟 頂頭脆皮略帶微甜 好似菠蘿包入面叉燒汁超多 叉燒份量都充足 食落吾會dry😂鮮蝦燒賣皇 $31🐷豉汁蒸鳳爪 $21🐥韮王鮮蝦腸 $29🦐燒賣幾有驚喜 豬肉肉質幾彈牙 好新鮮😋腸粉皮薄滑溜👍🏻食物質素仍然保持得幾好 由其叉燒包水準依舊 價錢都相宜 茶錢都系$5位 weekend lunch time都吾洗點等位 唯獨點心種類比以前少左 冇咁多選擇🙈

老婆約咗兄弟姊妹飲茶，一大班人都話想試下呢間米芝蓮級數嘅點心專門店，店舖位於商埸地下近戲院位置，地鐵一出就係商埸，唔怕日曬雨淋，超方便。去到12點鐘之前，所以都即刻有位，點心紙得一大張，一眼睇哂，人多嘅好處就係可以試多幾款點心，茶位就要每位5元， 都幾化算！酥皮焗叉燒包就必試，包面係一層脆脆嘅墨西哥包皮，叉燒餡料多汁飽滿，一試難忘！豉油皇炒麵夠乾身，唔油膩，味道剛剛好、炸兩，腸粉皮嫩滑，入面嘅油炸鬼仲好脆身，正！至於碟韭王鮮蝦腸，蝦肉爽及鮮，蝦嘅份量都算多，唔錯！陳皮牛肉球唔算大粒，冇乜陳皮香味，個人覺得較普通、潮州粉果冇試到不作評論、鮑汁鳳爪，鮑汁都夠，有鮑汁味，鳳爪軟淋度啱啱好，個人覺得大過淋反而冇咁好，要有啲咬口先至正！家鄉咸水角就外皮唔夠脆，只係一般水準！晶瑩鮮蝦餃（唔記得影相），蝦餃皮真係做到晶瑩剔透，入面嘅蝦好爽口，夠鮮味，一啖一隻夠哂爽！

For cheap eating, service is the friendly neighborhood kind rather than the usually crudeness you get and I find it difficult for this to be bested. Food is quick, is given sufficient care in plating, and just tastes surprisingly good. Nothing is excessively flavored or lacking in that regard. The texture of everything follows suit. The whole dining experience in terms of the decor and cleanliness sits in this pleasantly uncanny area between Michelin and streetside in the best kind of way.A uniq

之前去將軍澳都會去Popcorn添好運點心專門店食吓點心，原來現在已搬到新都城中心二期繼續營業。今日吃了必吃的「酥皮焗叉燒包」叉燒包外皮鋪上一層鬆化的酥皮，咬落去香脆，叉燒餡料味道濃郁，皮薄餡靚。「晶瑩鮮蝦餃」呈半透明狀的蝦餃皮包着滿滿爽口彈牙的蝦肉，鮮爽脆。「鮑汁鳳爪」伴有花生米，鳳爪稔身完整，鳳爪充滿著鮑汁但味道不會太濃。「黃沙豬潤腸」好讚，豬潤剛剛熟，好香的豬潤有著少少酒香，腸粉皮薄軟滑。「杏汁大白菜燉豬肺」湯汁濃香，一盅一人份量。「南乳炆粗齋」這個太多雪耳，少了些支竹類東西。

添好運點心專門店港人週末嘅早上點少得嚟飲茶？添好運好似都幾出名，有好幾間分店，就嚟試一試。-------------------------晶瑩鮮蝦餃 $32講到一盅兩件，點可以唔提蝦餃。哩度嘅蝦餃都幾飽滿，入面蝦肉唔算細，蝦肉彈牙。餃皮薄得嚟夠煙韌 👍土魷馬蹄肉餅飯 $29土魷好香，土魷味滲透曬米飯。可惜馬蹄唔係好多，內餅可以再厚實啲鮑汁鳳爪 $34鮑汁鳳爪唔單止煮得超入味，仲煮到夠濃稠，起曬膠咁，好似好多骨膠原 ☺️杏汁大白菜燉豬肺 $37最近疫情越嚟越嚴重，要好好潤下肺，就叫咗盅豬肺湯。湯水呈奶白色，飲落去杏味好濃，仲有幾舊豬肺tim，好足料！蛋白蝦春卷 $26春卷好脆好熱辣辣，春卷餡仲有蛋白，令餡料更加滑，好食脆皮班蘭鮮奶 $22炸得好脆，奶味重，仲有陣陣班蘭味，又滑又香陳皮牛肉球 $20陳皮芫茜好香，加埋喼汁，絕配！-------------------------食物選擇唔太多，得1張點心紙。整體嚟講價錢唔貴，都算抵食嘅！添好運點心專門店地址🎈將軍澳貿業路8號新都城中心二期地下G03號舖