天后甜品 (Closed)

買了兩杯西瓜汁, 等了10分鐘, 第一啖飲落去,超級甜,不正常的甜.以後都不會試這間的其他甜品

一向都有幫襯天后甜品,次次都係食腐竹糖水加蛋,因為呢個糖水係豆漿底同埋0個隻係溫泉蛋,好濃味同好正!早兩日去買外賣,見佢成條街都放滿檯,已心知不妙,一時唔記得年宵已經開0左,實會好旺.但諗住都係買D煲好0既煻水0者,應該唔使等咁耐啦.搵阿"黑面侍應"寫單,佢叫我唔好加蛋,因為要等好耐,我同佢講....你舖頭就係出名加埋隻signature egg喎....佢仍然堅持叫我唔好加,咁好啦....最後叫0左個腐竹同埋芝麻糊豆花...結果足足等0左20分鐘....人都癲....期間見佢幾十檯客,都只係得一個"黑面侍應"落單,傳菜,收錢,執檯,想唔黑面都唔得啦!有d綿花冰,整好0左都無人出菜,結果溶哂....好多檯客都怨聲四起.....今日唔忿氣,再同朋友去食過,因為晏晝去唔算多人唔使等咁耐.坐低叫腐竹加蛋,黑面侍應第一時間話,無得加蛋,我問係咪要過新年後先有得加,佢有話問下廚房先,出來又話ok無問題.呢碗糖水餐牌上面寫淨腐竹係$20,加0左隻蛋佢竟然收$30....$10一隻蛋?????餐牌上無寫加蛋係幾錢喎....問下黑面侍應,佢話新年期間加蛋要加$10.....好......算數!碗糖水0

話說有日無聊晏晝食糖水~ 行到去天后~ 走左入呢間試下.....本人愛好榴槤, 所以見有榴槤雪花冰就試左......出事了....可能係我想像力太為雪花冰點都有D 0野陪襯.....點知雪花冰就真係得一堆冰.....算....可能係我諗多左......咁可能D 冰真係得呢.....點知... 唔知係唔係我條脷有問題....我又冇穿脷...但係我食到少少金屬味......但礙於碟0野除左冰之外就只有冰........搵D 0野送下都冇...........所以我都係算啦......所以呢......如果有人食到有類似問題話聲我知........如果有人食過好好食0既話就更加要話我知........我去搵醫生驗味覺..........

我同男友一人order一樣野, 我叫咗合桃糊豆腐花, 佢叫咗榴槤雪花冰.榴槤雪花冰係好味既, 榴槤味濃, 質感未至於幼滑但都ok但係個合桃糊豆腐花, 豆腐花似豆腐多d, 冇味又唔滑, 合桃糊係用粉開, 但係太多水, 成碗野又稀又冇味, 咁就收我$20, 你比返我就差唔多可能個waitress受咗老細氣, 就算唔忙都係黑面既

I have always thought 雪花冰 are all meant to taste similar - but here's the lesson I learnt after eating here. Never make that assumption! After trying 糖百府 3x , I was actually quite impressed at the loyalty to the advertised flavours on the menu,as well as the flaky, melts in the mouth snow-like texture. Perhaps after trying here, I should write a review of there to be fair! - Came here to try the Green Tea Flavour to compare - it was icy, lacks green tea flavour and ultra thick in layers, m

迎月夜去完維園諗住去明記食糖水, 見呢間野鋪仔細細, 但人山人海,檯凳擺到半條街都係, 仲寫住「酒店總廚主理」, 咁就試下啦好不容易先搵到個阿姐落單, 要比左錢先但又唔找返, 追左三次先比;等呀等... 一等就半個鐘, 隔離檯一坐低冇耐就有得食, 真係有冇攪錯 !有檯客等左成個鐘都冇得食, 鬧個阿姐拎返錢就氣沖沖走左等咁耐以為有好野食啦, 點知個木糠布甸硬過石頭, 番石榴木瓜雪花冰淡而無味, 得個龍眼椰果冰好食少少, d 冰整到有蛋香味總結四個字: 永無下次 !

尋晚喺中環賞月過後, 大家好有興緻食甜品. 本來想落去筲箕灣嘅"老媽"食雪花冰, 但望望錶都接近12點, 所以決定落天后穩陣d.落到天后泊好車, 見到呢間"天后甜品"有雪花冰食, 又咁啱有位, ニ話不說坐低, 咁就出事喇.女侍應(紥馬尾)非常黑面, 我相信係同下面其他食家見到嘅係同一個人. 我哋點咗其中一個甜品, 佢話要等30分鐘, 我哋都嚇一跳, 咁問佢有乜甜品唔駛等咁耐, 佢又好似唔願答咁. 全程無笑容, 好似嚟幫襯就要睇佢面色咁. (天后咁多甜品舖,唔一定要嚟呢間啫!? 或者d"喊面"指數一直增加嘅時候, 佢先會明白?)落完單之後要即刻俾錢, 後來我哋知道佢係驚啲客等得太耐會走, 所以收錢先. (既然知道自己嘅問題係慢, 驚啲客會走, 點解唔改善? 反而先同客人收錢? 咁可以解決問題咩?)黑面女侍應收咗我哋$100, 完全無意識要找錢 (我哋叫咗$93嘅食物), 等咗10分鐘佢都唔找, 我哋就開口問佢, 佢"哦"一聲入舖攞返$7俾我哋, 一聲唔好意思都無. 你唔係以為客人奉子要俾貼士你啩? 如果服務態度好$70貼士我都會俾, but唔係呢間舖囉 等咗20分鐘乜都未嚟, 望吓周

已經幾個月前的事了.因之前未食過雪花冰,試多幾間至講.地方好細,只適合做外買店,但他還是加了幾張枱仔做堂食,有一張枱仲係員工工作用的.我們是下午到來的,不是繁忙時間,連我們只兩枱客,但已很濟迫了.來這裡當然要點雪花冰啦!聽說這裡的榴槤都做得好出色,試吓先.藍莓雪花冰--->個層次做得好靚,有質感,唔會好易容晒,有口感.藍莓味唔算特出,但勝在唔係好甜,啱我口味.可惜是沒有配料一粒生果都冇.$35榴槤西米撈/露--->榴槤好香甜,西米彈牙,甜度適中.正$35榴槤西米露,餐牌的價錢是$25,我對她說收多了,她說我食的是西米撈唔係西米露.呵???原來有兩款,相差成10皮,究竟有何分別呢?遺憾我沒問便走了,有誰能答我呢!我已不想再去了.

22:00 左右去到天后 見到呢間好多人食 但朋友要食雪花冰 咁等位都要架啦之前都食左幾次 但都係食雪花冰 呢樣我諗唔洗點介紹 今日同班FD 去食 有D食花冰 有D 食咩 椰果冰 (好似係咁叫)咁我就叫左個 楊枝金露 初頭都無咩期望 但食左第一啖 好重芒果味 好滑 好甘香 一定好食過滿記 多多聲朋友話個椰果冰都好正 下次要試下先

行開搵甜品，去到見到寫住「酒店大廚」，諗住水準都有番咁上下。同個無啦啦黑面既女仔落左單，先叫左一個水蜜桃雪花冰加雪糕，見佢冇乜客，等左陣又未上，諗住問下啦，先發現個個女仔都黑面既，真係唔鬼認得邊個同我落單，算。碗冰冇水蜜桃味，成碗野d味主要都係球雪糕半溶漏出黎既。唔抵得，再叫一個豆腐木糠布甸，d餅乾碎幾香，但件野本身都係冇味，兩碗野除左溫度同質感，基本上係一樣味既，真係side氣。ps. 食兩個甜品中間，諗住要杯水黎隔一隔，點知個侍應話要$5買先有水飲，算把啦！ps2.

熱到死, 咩都唔想食, 於是走左去天后甜品到食甜品當lunch之前食過榴槤豆腐花, 好好味, 今次想再叫, 但由於伙記大力推薦下, 試左個榴槤雪花冰.依個雪花冰超正, 好似坐小雪山禁, 一啖入口時, 發覺原來啲冰都有淡淡的榴槤香味, 入口很綿, 又唔會凍到牙到痺, 正! 忍唔住一啖又一啖禁放入口, 不過最正都係, 個冰底個舊好香的榴槤溶, 我只可以用齒夾留香來形容, 下午食完, 到左夜晚都仲掛住那個香味

我自己第一次食呢間甜品店見到佢門口都有同D明星影過相同埋想試下佢話好出名既雪花冰所以就同幾個朋友一齊入左去落單個陣個女侍應生態度麻麻個楊枝金露黑涼粉既涼粉較硬，而且唔多，又大舊D芒果真係好酸..!!!而且要28蚊真係有D唔太抵!!!下次真係如無意外都唔再試呢間甜品店!!

話說今日去左試呢間糖水, 一去到, 我地一行6 人就行入去, 果時, 裏面只有 2 個客 (坐梗4人台), 而有 2 個員工就係另一張 4 人台度做梗野, 個老細就話叫果 2 個員工讓個位比我地坐, 點鬼知, 果 2 個員工郁都唔郁, 招呼又唔打...我地 ON 居居咁企左 5 分鐘, 竟然最後係果 2 個客人讓位比我地, 佢地就轉去 2 人台. 咁都算啦, 為左食呢個好似幾好食既糖水, 到落ORDER, 果 2 個員工死聲死氣咁問我地食咩. 果時我地仲睇梗, 就好似催命附咁催我地, 問佢問題, 好似好唔耐煩咁. OK, 咁都算~~~到 D 糖水黎到, 果 D 所謂芒果, 仲酸過菠蘿, D 雪花冰又淡, 係個榴槤天后先叫正常D, 其他果D, 我真係覺得, $20 都比多佢~~但, 竟然要成三十幾蚊一個, 比其他貴, SERVICE 差, 一路食, 一路黑面比你睇~好似唔休做咁~真係食得勁唔開心~發誓以後都唔會再去!!!!!!!!!!!!!!!!!!

一坐低，就見到個waitress 面黑黑咁，唔知做咩事咁，Ｄ態度好麻麻!!!! 見都無哂心情，好似得罪左佢咁......................Ｄ位幾迫下，唔好坐一落左單就要收$, 好似好急咁叫０左個綠茶棉花冰芒果，棉花冰一般，D芒果先得意，見到佢咁黃，黃到好似菠蘿咁，都知唔方好食，點知酸到呀媽都唔認得，直頭係酸到有陣澀味，「真係stay ０係你條脷」，最後頂唔順，放棄哂Ｄ芒果唔食！！我諗我係咪得罪左廚房０個個！食完之後我塊面黑過個waitress (笑)$35　論質素　論服務　值唔值大家心照啦 ;]

1) 啲服務員又串又唔專業, 我哋去到嗰時人已經唔係多, 佢又好似好忙地走嚟走去, 同佢講楊枝金露唔好加花奶佢就串串頁地話: "唔要花奶嘛! 我哋不褸都冇落花奶喎!" 但之後第二個阿姐就話: "我哋個底已經加咗花奶喎!"2) 貴! 比天后其他o既甜品貴!3) 唔係特別好食, 一般到一般o既一般............ 涼粉竟然帶微暖! 極品中o既極品!!!4) 等得耐! 5) 又要比錢先! 唔係講笑! 如果唔係要比錢先, 我一定等到半路就走頭!!!6) 熱! 坐得好唔舒服!! 正所謂啲位有咁窄整到咁窄! 佢做得好好, 我食完立即走!!!