天誠冰室

Open Now

Now Closed

今日經開呢一頭，搵吓附近有咩食🤗行過行仔見到佢，入邊都幾多人，所以都有啲信心朋友叫咗個火腿通粉，我就叫咗沙嗲牛肉麵（個面生啲）。黎到牛都幾大份，味道仲要唔錯添！個面都幫我做生d👍🏻👍🏻👍🏻下次有機會會再幫襯

每次去九龍灣都唔知食咩好，咁啱經過見到呢間隱蔽嘅街坊冰室，仲要係黃店喎!!! 見到痴喺玻璃嘅連豬就即刻入去試試!!!💛 鹹魚茸煎肉餅份量極多，一共有十塊，唔係溝勁多粉果種肉餅，煎得金黃又唔算油膩，有咸魚香之餘仲有少少莞茜，略嫌鹹魚茸撈得唔夠均，有時食到一兩啖會特別鹹，但overall黎講點嚟送飯一流呀!!💛椒絲腐乳炒通菜通菜炒得岩岩好唔會過老，雖然有辣椒絲但一啲都唔辣，味道唔會過鹹啱啱好。💛西檸雞炸得夠脆，醬汁酸酸甜甜，非常開胃，但略嫌雞肉有啲太老。味道: 🌕🌕🌕🌖服務: 🌕🌕🌕🌗環境: 🌕🌕🌕🌗價錢: 🌕🌕🌕🌕

去茶餐廳🍴食飯，我始終會揀常餐（$39）。因為爸爸想吃乾炒牛河既關係，走去家附近的餐廳吃午餐。我很喜歡他們的餐包是傳統的麵包而唔係半塊方包，餐包送來時微暖，麵包亦好鬆軟。火腿奄列較油膩同細份，蛋薄身。叉燒意粉味道不錯，叉燒多之餘，厚切而肉質軟身，意粉較一般粗身，而且麵條已經吸收了湯的味道。奶茶就係成個餐既敗筆，茶的味道很重，令到整杯很苦澀，只喝兩口就不想喝了。至於爸爸的乾炒牛河，整碟油膩，顏色偏沈，令賣相食慾降低了一點。牛肉份量也是蠻足的，可是整體味道一般。

今日同男朋友去咗屋企附近嘅龍天成冰室去到嘅時候啱啱係下午茶時段，我哋總共叫咗兩樣就係西炒飯（$48）同埋乾炒牛河（$46）乾炒牛河睇落好油但係食落充滿鑊氣同唔油膩另外西餐飯雖然唔係話顏色好靚，但好夠味，好開胃

上次我拿着上手手提電話「開飯喇」戶口，光顧牛頭角茶餐廳「天誠冰室」 的時候，是為了享用下午茶裡面的創意菠蘿包小食，夾着甜味奶油忌廉跟甜酸味道切片菠蘿的「忌廉菠蘿包」。今次我光顧「天誠冰室」，只是為了食一餐簡單的午飯而已。所以我站在「天誠冰室」店門門外的時候，就立刻看到「天誠冰室」的是日午餐餐牌，發現到我非食不可的午餐「牛腩飯」。不過「天誠冰室」午餐餐牌裡面的「牛腩飯」，不是一般茶餐廳裡面都會有的「柱候牛腩飯」或者「咖喱牛腩飯」，而是叫做「川味蘿蔔牛腩飯」。至於「天誠冰室」午餐裡面的飲品，我選擇了飲「茶走」。「天誠冰室」午餐裡面的「茶走」飲品，裡面有來自煉奶的甜味，還有來自紅茶裡面的茶味，飲品的味道總算是合乎要求。反而「天誠冰室」午餐裡面的「川味蘿蔔牛腩飯」，跟我平日會食的「蘿蔔牛腩飯」的味道很不同，因為「川味蘿蔔牛腩飯」裡面的味道感覺十分之麻辣，辣到平日自問勉強能夠食辣的我，也感覺牛腩飯的辣味辣得有點過火。就連「川味蘿蔔牛腩飯」裡面的蘿蔔，蘿蔔雖然也都完全口感煮得十分之軟腍，可惜蘿蔔也完全吸收了獻汁裡面的辣味，我不太喜歡味道太辣的蘿蔔。儘管「天誠冰室」廚房製作的「川味蘿蔔牛腩飯」，「川

今次叫左芙蓉蛋飯，點知啲蛋溝晒粉漿煎嘅，蛋啫，真係好貴要喺客度慳?好失望。平時都會嚟呢區食下飯，普通醫肚諗住普通茶記好食就得，以前試過呢間發現食物可以，檸茶都ok, 又有中湯送，食完唔會好口渴，出面又有麵包買，有舊式全能茶記風味，於是耐唔時都會嚟幫襯下。其實，呢度啲飯份量夠大，湯都大大碗，有渣有湯，幾抵讚，飯份量勁多，大隻佬都夠飽。但係唔知係咪客多左，定想賺盡啲，今次有芙蓉蛋溝粉比客食的經驗，以後不了。

住牛頭角最開心就係多茶餐廳選擇，早上最喜歡去附近茶餐廳嘆個早餐。今日揀左天誠冰室，叫左個單拼雞蛋三文治，配熱奶茶，味道正常，奶茶都幾好飲，價錢都非常實惠，只係$27。

食晚飯時間，周圍都勁多人，行左幾條街，見到間唔顯眼的冰室，行入去博下有冇位。又咁岩真係好好彩，去到有客埋單，點知有兩個人直衝入去坐低，我地勁無奈。好彩個老細好好人，見到我地黎先，就麻煩佢地出去等位😁😁2個人叫左2個小菜，係九龍灣黎講算係抵食，有飯有湯有野飲，約70蚊到。餐牌小菜款式都多，有3種價錢，隨你喜好。有蒸魚食，味道一般，街坊好多，全場坐滿架。我見餐牌上菠蘿包款式都多，應該又係好出名，下次有機會，再黎試下個下午茶先🤭🤭

朝早都想坐低食嘆返個早餐，有個good morning。屋企附近呢間茶餐廳除左有麵餐之外，每日仲會有新鮮出爐嘅麵包。我今日揀左個火腿芝士包，加杯熱奶茶，味道ok，係唔錯嘅選擇。

這天又到九龍灣工作，第一次試天誠冰室。紅燒牛肉湯粉 $44牛肉大約有4塊，份量OK。湯底有點像味精的味道，但這是在所難免的。蘿蔔牛腩飯 $44牛腩大約有3件, 可能是削皮不夠，蘿蔔有點兒渣渣的。

heard of the Tin SingSpecial after the 'fine food 🚗 car'Selling the fresh cream pineapple bunI have a pork chop soup rice noodles at the evening The restaurant is full at around 8 pmMy porky is delicious 25$ My friend has his fast tea setA buttered pineapple bread Little bit fried eggBbq pork soup noodles The porky does not look good to me I think the 26$Half pound bag of Walnuts cookies 🍪 Very delicious 😋 Wonderful!

最近常去天誠開餐，但多是吃早餐，因為沙嗲牛肉超好味。但今午奶茶癮發作，又不想吃太飽，記得這裏平日下午茶單叫飲品，加$2便可以配一個菠蘿油，所以便去幫趁。天誠是參加美食車計劃，賣菠蘿包那間。這裏的菠蘿包茶餐，款式接近十款，不過我卻從未點過來吃。熱飲一杯$14，所以這個餐埋單只是$16，十分抵食。至於味道，天誠的菠蘿包與其他地方的分別，是夠熱，這是他們的細心位。店方將麵包以暖櫃熱著，令客人可以吃到熱的麵包，早餐亦如是。另一點是，菠蘿包面層的酥皮不易跌下，客人不會吃得狼狽。這個$16的茶餐，得分甚高。奶茶熨口濃香順滑，菠蘿油酥脆少甜軟熟，簡簡單單已經是個完美的配搭，甚麼「三高」亦暫時擱置！

晚上有飯局，放工後只打算吃個輕怡下午茶，以免太飽晚上那餐吃不消。記得天誠冰室有多款咖央的食品，便去試試咖央多士。怎知這個下午茶，令我明白原來自己有兩件事均「諗多咗」！首先，我問落單的阿姐，咖央多士是否用厚麵包？她答不是。於是我便要求要厚多士，加點錢亦沒所謂，我但求口感好一些。阿姐很「豪氣」地回覆我，可以特別給我用厚麵包來烘多士，不必加錢！於是，我滿心歡喜地等待品嚐厚咖央多士。怎知過了一會，多士送上來，一看，只見那是一片約半吋「厚」，切成兩片三角形的多士。也許是我孤陋寡聞，坊間不知何時開始，多士只是由一片麵包製作而成，因為這次已不是我第一次遇到的。相信日後，只有三文治才是由兩片麵包製作的。而想食厚的多士，就要隨緣了！再者，因為天誠的麵包很好吃，我又以為他們大肆宣傳咖央食品，應該亦頗灑家，原來又是我「諗多咗」。咖央的味道與我想像中的，頗有距離：咖央太甜、椰香不夠、蛋味更欠奉，顏色是黃色而不是綠色的，即是沒有加班蘭葉，甚至好像吃到吉士粉的味道；即烘的多士亦不夠熱……可能，是我要求過高了，賣$20的咖央多士加奶茶，還想要怎樣呢？！幸好，那杯奶茶熱辣辣，香滑濃郁，比平日早餐時的更好飲。令這個下午

好想認真留言👉鼓勵下依種店鋪, 網上實在太太太多打手(要講足3次都唔止), 話說有晚粗粗地叫兩個小菜撐台腳, 係咁易影左一張相, 價錢大約係咁上下(記錯幾元唔好打面), 無心插柳入去食, 亦從無諗過要寫食評咁誇張, 但的確一試難忘; 想信九龍灣淘大/德寶居民無人唔識, 依種真材實料仲要有鑊氣, 唔會"料縮又一味"味精", 仲有老師傅果種功架, 味道真氣超越晒果D得個靚或快字..果種茶餐廳!!!

見到這間冰室已一段時間，但沒有幫趁過，只知道老闆就是搞美食車賣「真正菠蘿包」那位，店外也介紹了不同款式的菠蘿包。昨日上openrice，見網友均讚好，今早特別來試食早餐。位舖以前是一間叫「活力」的茶記，晚飯套餐頗為抵食，但自從結業後，我也很少過來這邊了。今早見到，文誠內的伙計，有些是以前「活力」的，頗有親切感。我試食茶記早餐，都會點相同的食物：沙爹牛米、餐肉煎蛋或炒蛋，餐飲配奶茶，這樣便可以比試味道。這個「經典早餐」賣$30，區內的價格約為$27-$34，價錢以言屬中位數。講真，見到那碟餐肉煎蛋+甜飽，其貌不掦，就是一般的茶記貨色。加上甜飽的中間也沒切開，連一丁點牛油亦欠奉，心裏已經不是味道。在沒有祈望的情況下，咬一口甜飽，微熱香軟，麵包的表面稍焦，可以說是外脆內軟，夾著餐肉來吃，十分美味！那碟沙爹牛肉米粉，色澤也對板，就是典型的茶記牛米。拍照後將牛肉混和米粉，原來有很多沙爹汁，雖然不是很濃杰，但已足夠令湯底變色，亦見到有花生點，味道不辣。米粉是銀絲米，質地幼滑，而牛肉的味道亦不錯。近年吃很多茶記的沙爹牛肉，大部份是有色而無味，不是醃至沒肉味的「滑牛」，就是太「鞋」似肉乾，因此很多時只