汀角灣燒烤農莊

Open Now

Now Closed

天氣涼左 忍唔住即去燒烤食，一行十人揀左呢間燒烤農莊，一入到去覺得環境好正好舒服，空間感好大唔會迫夾，加上有風扇有冷氣機，怕熱既人岩晒，好貼心！ 重有得玩夾公仔，岩晒小朋友，我成功夾走一隻，哈哈！食物方面，款式齊全，味道唔會死咸，尤其是雞翼，好惹味！我食左好多好多！我仲自製埋蜜糖多士同埋蒜蓉多士，場內有提供！ 最值得一題係呢度唔使自己去叉野食唔使自己拎住燒咁傳統，有「炭燒模式」、「自動轉燒烤模式」，好好玩，啱晒我呢啲懶人，火力又均勻，簡單唔會燒燶食物！個個朋友都對呢度讚不絕口，下次燒嘢食會再黎呢間，極力推介！

對上一次食已經係夏天前,一家四口一邊打牌一邊BBQ,確係好正.今日收工就比朋友捉左黎BBQ,可能係平日+疫情下 好小人....我諗住埸得7-8台左右 所以好空礦 坐得好舒服呢到好好地方就係可以免費泊車! 平日係$148任食 假日係$158任食.入到去簡左最近門口位坐 好大風....之後就去拎野食...今次豪小小 $50 買左半打扇貝  上面仲有海量牛油蒜蓉另外有送海蝦 ,煲仔蜆,蒜蓉金茹鍚紙包海蝦唔痴殼,爽口好食.蜆好好彩 無沙 好新鮮夾食物係一間房仔入面夾 不過我唔係乜都有食最好食係辛辣雞翼 真係好好好食!!!南乳雞翼  非常入味..金沙骨 唔咸 肉好淋好好食

行完山後，天氣涼涼地，燒野食最岩。2點幾， 4個人walk in 入去都有位，個場都好大，疫情下座位都好闊落，個場都好大下，選左一邊靜靜地燒。原來有串燒，bbq ，同酸菜魚揀，不過酸菜魚要卜都有，最後試左串燒。Bbq 都餸菜都係大路野，最鐘意食佢個麻辣雞翼，勁火辣辣，秋天食岩岩好。豬扒牛扒都好正，肉質嫩，其他食物質素都唔錯，最重要係醃料味道唔會重。 總結：會再encore, 因為少味精同用心醃，好好味，希望繼續keep住個味做好💪💪

朋友介紹之下 第一次黎食估唔到地方好夠大 幾舒服食物唔錯 幾好食😋 最中意燒嘅雞翼都有幾隻味可以揀仲燒到好靚添 😍之後仲帶小朋友去左夾公仔🧸 個個都食得開心 玩得開心價錢都公道 不算太貴 而且係平日去 個場唔會太多人家人生日🎂 老闆仲過黎一齊唱生日歌老闆好nice😂😂

話說天氣涼左Call齊朋友過黎燒野食自己拎左D海鮮黎燒同埋食佢D串燒他他條條睇住隻蟹同龍蝦慢慢變紅真係正仲有食我最愛既辣雞翼一食又食左10幾隻煨多幾舊蕃薯真係捧住個肚走

曾然多次幫襯，都覺得都算食物質素唔錯今日本來一早book 位打算兩個人去燒嘢食咁比原定時間早到，結果門口有一位職員話無位佢表示只做多人嘅團體覺得十分出奇，基於限聚令竟然仲可以話只做多人，得兩個人嘅生意唔接及後都向依位職員表示我有book位，雖然係預約時間未到但竟然答我就算到時有都比左多人嘅團體先咁樣做生意真係令人匪夷所思最後見到入面有好多幾十人聚埋一齊，到底有無違反限聚令呢？商家為賺錢而罔顧疫情真令人側目

今日燒烤食了不少野，如蝦、蜆、金菇、翠玉瓜，全部都好好味，呢度燒烤落雨唔洗驚，有遮掩，而且地方夠大無老鼠，又係懶人燒烤，唔洗用叉轉黎轉去，好方便！但火候好大，雞翼好易燶，浪費了一轉食物。

話說同4個朋友踩完單車還完車之後就去bbq朋友話好耐無渣過燒烤叉就揀左港式燒烤自助形式拎野食的幾好呀食幾多就拎幾多鍾意食咩就拎咩食之前食過其他都係配給制度想食多少少都比人白個眼仲有送左蝦, 菠蘿, 煲仔蜆同金菇包無沙清甜既煲仔蜆係強烈推薦的蝦肉都係實既菠蘿打直切既, 唔係一片片, 正金菇包蒜味夠仲有辣雞翼都係正鍾意食辣既我數過食左10幾隻加埋其他食材真係捧住個肚走玩到食到11點先走下次都會搵番令人回味既辣雞翼謝謝

第一次,亦唔會有下次,一把風扇都無,食物質素唔好太好,仲要蝦同台灣腸只比一次都算,我地明明6個人,袋蝦入面得5隻,台灣腸得5條,6個人點分?再後加兩個朋友入黎朋友入黎只提供比碟同叉紙巾都無多一舊,蝦台灣腸波羅都無多一份比佢地,好似黑衣黑食咁,8個人比5隻蝦,5條台灣腸,一片波羅,個串燒爐擺上去燒烤爐上面燒坐又坐唔到我地,全部企曬係到,話明串燒食物亦不是全部串起,結果一個人燒,其他人走黎走去讓路,燒曬一次放係張檯後面企係到食,連椅子都係穿左洞😔😔

帶住狗狗去完汀角堤壩行，開車7分鐘就到BBQ Farm食燒烤放提。價錢包食物，一個飲品，一人一客大蝦，一窩酒煮蜆，或者其他seasonal食品。有啲海鮮係加錢先有得食。可以係傳統圍爐燒烤，或者係枱上食串燒。帶住狗狗，我都係安全啲，選係枱上食串燒。 帶住狗狗去旅行，最希望岀外用餐係有得同狗狗一齊食。燒烤場環境企理乾淨，而枱同枱間有足夠空間比狗狗行同坐。場內本來有隻大狗，好乖既，可見其實呢度都幾welcome狗狗。 正常燒烤quality啦 主要因為dog friendly同環境乾淨！

是日公司活動來到了汀角路的燒烤農莊這是一個可以參與集團活動的好地方，地方非常寛闊，亦有一個大草地供大量可走動的空間，亦可以做一些球類活動等同時這亦是一個自助燒烤場，而且可拿的食物質素挺高，醃製味道好食物種類多，單是燒烤來的也是一個好選擇至於服務方面，老實說除開爐及提供食物外，幾乎沒有服務，雖說他們也做不了什麼至於洗手間就略嫌不大，但算是清潔，以燒烤場來說已是很不錯如果大家有機會來到大埔的朋友可以一試

上個月試左呢度既BBQ後一試難忘！約左大女幾個同學仔一齊黎呢度燒野食。交通其實好方便，75K汀角站一落車行去對面馬路就到。我地大大話話都成20人，大約5pm到達，唔算多人，職員任我地自己揀個靚位，揀岩就幫我地set位開爐爐都未set好，幾個豆丁就出哂去玩彈床佢有兩個充條滑梯，一個高d一個矮d, 小朋友放電真係一流！BBQ我地每位加$10 加左個串燒，有個細爐放枱面燒得快好多，而且串燒款式好多選擇！我最欣賞就係佢既*雞腎，雞翼，魷魚*, 好入味！入場每位包一罐飲品，唔夠再買都唔算貴。我地5pm入場基本上燒到11pm佢都唔會趕我地走，非常抵玩。

最近天熱終於冇咁熱, 好想去BBQ~由大埔墟站搭巴士黎汀角都好快就到落左車之後就見到有好幾個BBQ場, 見到呢間燒烤農莊~我地3點去到,但係冇咩人, 成個場好靜~仲以為weekend會好旺場個燒烤主要分左兩邊,其中一邊仲有個大草場~我地諗住睇下D 收費既時候, 門口個叔叔叫我地可以入去睇下D 野食先慢慢決定咁我地入左去睇下, 選擇都幾多~衛生環境睇落都唔錯, 就決定試喇~可以選擇用燒烤叉去燒or 重慶燒or both, 我地揀左最原始既用燒烤叉燒, 2個人計埋開爐費($50), 一共$346~俾完錢之後, 店員就俾左d 架生我地喇~再拎埋飲品, 仲有個蜆煲, 同金菇添~好快就開始燒喇~我最愛既雞翼,真係食左好多隻~~仲有雞全翼, 個人覺得雞全翼好食d!雞扒都唔錯金菇, 蒜蓉味唔係好夠~方包, 搽牛油加埋蜜糖, 燒到脆脆地好正!題外話,食物仲有提供蕃薯, 不過錫紙要收費5蚊一張, 即刻打消左個念頭入夜先開始多人, 我地走既時間都坐滿左8成Overall 燒烤農莊地方夠大, 好適合一大班人黎~食物質素唔錯

今日國慶慶祝細佬生日， 因為想搞搞新意所以試下食任食燒烤。 交通方便。坐mtr在大埔墟站轉巴士或者小巴即可。餐廳網頁有詳情。 我地一早訂好位，可以即刻入去。環境唔錯，張枱幾大。食食下落雨，照燒ok,冇漏水。 放食物既地方好乾淨。佢放食物地方唔似一般BBQ店是但放。佢將食物放在一間乾爽有冷氣既房入面。蔬果分類放在唔同嘅籃入面，而生肉同丸分類放咗向雪櫃入面，種類都幾多。大部份食物已經用竹籤串好咗，非常方便。 最吸引係有蜆送，味道可以。佢用一個煲仔裝住D蜆，煲完蜆仲可以用蜆汁煲菜。 D野食都幾好味，搽埋蜜糖就更佳。 一開始唔太識 點燒 ，店員熱心咁教我哋。 打算再去。

過幾天便是母親大人的生日，本已一早約了一家人與親戚一行十多人駕車去郊野公園燒烤。誰料突然下起傾盆大雨，遂立馬轉戰大尾篤。大尾篤有兩寶: 踩單車及燒烤 - 燒烤除了自攜的燒烤園區，沿著汀角路也有不少選擇: 汀角灣燒烤農莊，大尾篤燒烤王，麥師傅，巴希雅等等......隨便選了一家汀角灣燒烤農莊，假日$148(roughly甘上下)燒全日，另加$50開爐費(per爐)。食物選擇非常大路，亦是猜得到的: 蒜蓉雞翼，黑椒牛扒，咖喱豬扒，金沙骨，香草羊架，咖喱魷魚，雞扒，其餘都是丸類和腸等食物，每位送一隻蝦甘大把...thank you so much! 每款肉類基本上只有一款口味(極少數有兩款口味)，而在場的服務人員態度認真麻麻。