Tivoli 意大利餐廳

Open Now

Now Closed

今日lunch黎左呢度食,2個人order左caesar salad-$38,肉醬意粉餐-$36,什錦pizza-$48,caesar salad--romaine 好爽,croutons 亦好脆,唯略酸!肉醬意粉--十分好,意粉煙un帶點脆,sure係焗既!什錦pizza--just ok,因pizza餅底吾夠脆,但蕃茄味同cheese味道濃郁;而餐湯係蕃茄忌廉湯,不錯!sure吾係canned soup;餐飲要左iced coffee,麻麻地,有d酸!埋單$134連加一,accpetable啦!service亦不錯.

來這裡已多次雖然呢度都有少少不足之處但overall 都幾鐘意此店強烈推介羊架百幾蚊六件算公道肉質嫰夠juicy怕生的人一定要食五成, 味道發揮得剛剛好記住叫佢俾芥末, 倍添滋味﹗另菠菜生蠔湯都絕對唔差兩人分一碗亦已夠打底再加多個薄餅(侍應總會推介咸肉pizza, 佢地好搞笑咁話好咸架, 但真係正意大利風味囉, 那次我地便即管試下...真係好咸, 我諗香港人口味未必buy)其實已是二人份量有餘不足是環境還是有點擠迫滿座時太嘈, 會破壞燭光氣氛但侍應們的服務態度是真的好早前天氣寒冷我們飲的是剛好的溫水這種貼心服務不難做到, 但就是要有心才能做到菜亦不會一氣的上, 食到咁上下又自動遞上牙簽其中那架大黑框眼鏡的叔叔盡心落力是我自己最喜歡的一員總結來說, 絕對值得試下

lunch set 有麵包,牛油+湯+主菜+野飲,$28,我覺得個價錢合理呢度最好飲既湯我認為係青豆湯,將青豆煮熟再攪成茸,好青好香好飲~羅宋都唔錯~但係白湯我就唔太鍾意,冇乜cream味...主菜最好食係意粉,我覺得意粉煮得頗耐,不過好香,我估係用牛油煮過,幾特別~呢度d龍利柳整得好食~不過牛呀豬呀就麻麻喇...

講真本人去過這間餐廳不下十次, 去既原因真係因為抵, 而且食物質數真係唔差, 而且味道我覺得叫係好啦, 講真情人節都係300蚊一個人左右, 真係叫平架啦, 所以我通常情人節呀都會去, 唔洗諗地方丫麻, 佢d蒜飽好好味架,佢既牛柳餐都係88蚊, 但肯定好食過扒王之王多多聲啦, 九點後仲有特價添，我帶親我d朋友去, 個個都會話好架。岩岩聖節去左食聖餐, 講真價錢真係好合理, 每人埋單加埋一只係220蚊, 而且仲每人有一個禮物包添呀, 我之前搵過幾間, 全部三百幾蚊一個人呀, 仲要全數落訂, 呢度乜都唔洗, 真係好好。不過今次真係唔係好飽, 亦都係我第一次對呢間野失望, 就係佢個甜品賣想唔得同口感唔得, 朱古力蛋糕其實好好味架, 可惜佢唔知做乜淋左一pat 野落去, 好似鼻涕咁, 而果pat野係無味, 真係令願佢唔好淋果pat野囉, 但係唔淋就同雪芳蛋糕無分別, 唔明佢做乜唔落d白色糖粉落去, 又靚又好味啦! 雖然今次有點失手, 但我一樣會繼續去, 無理由一樣野有問題就唔去架, 而且百幾蚊既燭光晚餐,我真係唔知邊度搵呀大家不仿試下火焰雪山丫, 同朋友慶祝生日都幾過癮架, 不過酒咪略重, 但夠

同一相識多年的朋友有個拆禮物日食飯的習慣，每年如果人在香港，也必定會一聚。今年輪到佢請，就來以前都來過的這裡。以前呢度感覺都幾高級的，不過而家睇番轉頭，又覺得都係一般，可能是本地飲食業實在越來越多選擇了。七時許，人不少，始終今晚聖誕未過而仲係拆禮物日。環境不錯，燭光仍然浪漫，不過係略嫌嘈左少少，而樓面以至廚房也是那個全華班底。餐飯佢請就由佢發辦。同以前一樣，呢度的餐牌都係分意菜同歐美菜兩邊，頭盤要了拼盤及Crab Cocktail，主菜方面，她不吃牛又不吃羊，唯有要了個蜆肉意粉及Mergherita薄餅，甜品要了兩個Sorbet。酒方面捨紅酒而要了Sangria，casual一點。先來麵包幾片，涷冰冰的沒有多大看頭；拼盤都算有睇頭，有火腰、涷肉、醃茄及中間一堆紅腰豆吞拿魚沙律。這個拼盤只收65蚊，材料當然不會十分好，但以量計仍是交到功課的；一向也不懂欣賞Crab Cocktail，都係當佢雪藏蟹肉沙律咁食，可能是從來也未吃過好的吧。這裡的量算足，但吃落好像跟拼盤的吞拿魚沙律有少少似；主菜蜆肉意粉先來，炒得乾身，有香味，不錯。意粉煮得好有咬口，有蒜頭的香味及蜆肉的鮮味，有水準。配料有蜆肉

抱住頗大期望黎呢度慶祝結婚週年，一早抄晒人地話非吃不可既”名菜”，評價如下：菠菜鮮蚝湯：湯係好普通既茶餐廳”白湯”加菠菜同蚝．湯甚至唔夠熱，味淡，蚝有少許腥．基本上三樣材料唔能夠融合發揮，各有各．洋葱扒大蝦：有個特別既名，已經唔記得．味道幾”中式”，唔會覺得好好食，只係ｏｋ．四季pizza：夠熱，juicy, 不過亦唔係講到咁好味, 唔會令我想再返黎食.tartufo: 似牛奶公司甘脆雪糕(?), 個面脆,裏面係雪糕而已.完全唔明點解有人用超級好味黎形容呢度d野食. 兩個人食左五舊幾水(叫左一支有汽果汁), 但唔係咁飽. 招呼算ok, 但唔會再黎.

昨晚上完堂跟男友又來這兒晚餐，時值差不多十時，套餐做緊七折優惠，要了一個燒牛柳餐、一客香蒜辣汁意粉，餐湯是青豆茸忌廉湯，先端來外脆內軟的法包，上時還是微熱的，青豆茸忌廉湯以煙肉粒且口煮，香味立即增加，而且口感極creamy。主菜燒牛柳，要了七成熟，剛剛好，個磨菇汁好香，牛柳都頗有牛味，最重要是不韌，牛柳表面有少少焦脆，加上伴菜的紅椰菜、薯容都好好味呢！意粉就較失色，第一不夠熱，第二個辣汁太多太杰，不過用蒜蓉炒香的意粉彈牙有勁，好好，最後還點了一個火焰雪糕，個人最喜歡這個dish。雪糕是vanilla，中間有幾粒咖啡豆，底層是溝了bailey酒，呈半溶狀態的朱古力cream，這個dessert真係極之美味，yummy到不得了，本人強力推介。是晚要扣分的地方是最後的餐茶竟然漏了單，同埋燈光極暗。

同朋友兩個慕名而來(^^)食薄餅, 見套餐唔包薄餅, 決定散叫.鮮什菌湯: 好多菌(呢樣幾好, 因本人好菌), 但味道一般, 感覺上湯同菌的味道完全沒有融為一體, 失望焗田螺: 幾好, 一上檯聞到好香蒜蓉味, 但食落又唔會太濃, 唔會搶晒D螺肉味, 我地連墊底的薯蓉都清埋(兩個薯怪,哈哈)羅馬焗麵皮: 抱住一試的心態, 外表似千層闊麵, 但感覺上似中西式fusion菜, 因麵皮係綠綠地色, 似加了菠菜, 中間有D 雞肉及菠菜, 面有一層芝士焗, 味道咸咸的, 所以我地都覺此菜像中西fusion菜.四季薄餅: 主角出場, 餅底薄, 熱辣辣, 好好味, 在幾款餡料中, 我覺得洋幾好味, 平時我唔食生洋的, 因覺0個種辛辣並不吸引, 但呢個薄餅的生洋沒有辛辣, 仲甜甜的, 好好味.至於服務方面我地都好滿意, 帶位, 招呼, 斟水, 上菜全都好有禮貌, 見我地差唔多食完仲會自動拎牙簽俾我地, 下次要再試下其他薄餅先得!!

食物:-當晚叫左個set dinner，個意粉（angel hair個種）好多汁，感覺好似食米線，麻麻．-不過pizza就真係唔錯，咬落去好鬆化，如果芝士味在濃些少會更好．環境：-燈光好暗，不過入面好應聲好似好熱鬧咁，唔係好靚ｏ既裝修，不過好有歐洲情調．服務：-咁O既價錢，真係估唔到有咁好ｏ既服務，個ｗａｉｔｅｒ有笑容，又自動自覺做野，唔洗人叫，雖然年紀係大少少，不過太度真係好好，好過好多自以為高當餐廳．

記得在這店慶祝開業廿五周年時來過。那次是因為看見那開放式製pizza的廚房玻璃貼四季薄餅大優惠，超值$25等字句才進來的。這店格局真的很有特色，連侍應都是阿叔級。是晚點了一個四季薄餅(因為沒有理由唔叫)，一客海鮮意大利粉。味道不錯，薄餅的餅夠薄，脆得來又不會涸喉，意粉個sauce整得好好味，creamy得來又唔"溜"，最後要了gelato，三色的(士多啤利、雲呢拿同朱古力)，不是雪糕球卻是雪糕磚，很特別，因為我是第一次吃gelato，覺得很軟滑，味道不太甜，令我一吃愛上呢！

We two ppl had a Four Season Pizza (HK$72) and a baked lasagne with chicken and spanich (HK$88).The pizza is quite good. thin and crispy. there are mushroom, onion, ham.the lasagne is qutie heavy. have a large piece of cheese on the top. too much sauce. looks like chinese pan fried river rice noodles with chicken slice and spanich. i don't really like it. it is quite expensive. i don't like the envirnonment because it is too dark.

星期五晚為男朋友到這裡慶祝生日，環境都算不錯，只是吵了一點，適合一大班人多d; staff 都d 服務態度都okay 啦。至於食物方面，sesar salad一般，四季pizza不俗，熱辣辣同幾香口，蜆蜆墨魚麵就太過中式，麻麻地；tirimisu 雪太久，似雪糕多d；4樣野，唔洗三百，都幾飽tim。

我琴晚同左四個朋友去食飯五個人叫左個六人餐一人110蚊但食到我地好飽個garlic飽好好味個忌廉湯都唔錯薄餅幾好味個大蝦d伴菜都好好食田園沙津好正呀不過個什菌天使麵就差dd海鮮炒飯有好多料以呢個價錢都叫扺既不過如果個餐有埋甜品會更好囉

今晚同老婆又唔知食乜好, 卒之又去左尖沙咀柯士甸道Tivoli意大利餐廳, 有d人話d伙計態度好差, 但我去過三次, d態度都無乜問題, 唔可以話十分之好, 但又不過不失啦...^_^"言歸正傳, 今晚我就order 左個波菜生蠔湯及香酒牛仔柳, 老婆就order 左龍蝦湯及蒜茸牛柳...波菜生蠔湯- 正!! 對愛吃生蠔的我, 絕對係美食!! 湯一上已見到兩隻生蠔游盪於忌廉湯中, 一大一中的生蠔的表面已熟, 但內部還是生的, 咬下去之後才發覺這樣煮法的確美味, 因為熟的生蠔表面沒有了"滑潵潵"的感覺, 又可以keep到生蠔的鮮味,今晚的生蠔又新鮮, 而且他們將波菜切絲放在忌廉湯中, 有咬口之餘又可平衡到波菜及忌廉湯的味道!!龍蝦湯- 據老婆話, 湯都幾足料, 而且真的有幾多龍蝦肉(我眼見都不少龍蝦肉), 不過略遜一籌的係個湯的龍蝦味不足, 可能無放d龍蝦頭去煲!香酒牛仔柳- 牛仔肉配合用酒(唔係白或紅酒, 係佢講左比我聽都唔知係乜的酒)開成的汁, 酒味十分香, 嗜酒的我又會放過它嗎!!! XDD 牛仔肉非常"淋", 不過配合香酒汁之後, 香酒蓋過牛仔肉味, 酒汁味濃, 而牛仔肉味淡,

簡約裝飾,原木枱,地磚,極具意大利小鎮風情,相信老板一定係意大利鄉下佬.羊骨扒,肉多汁,烹調方法味道竟然與SIENA嘅 LA TORRE一樣good! 但要一提每份有6件,要2人分食.據稱甜品由LUCCA直接運港,可惜要減肥,下次再試!!