十勝牛和食料理

Open Now

Now Closed

下午1300到，只有一兩人等，但眼見店内並不多人，取票便開始輪侯，一直有客出，但就沒有安排客人坐，侍應態度極差，不理客人，蝸速執枱成十幾占客也不清理，不怪個個等到發皮氣不等了!倒公司米!

有次路過安達邨 見店內無咩人 盡管入去試下服務一般般 坐係度好耐先有人理 啲姐姐忙於傾計 🥴🥴🥴座位係寬躺 可能啱啱開舖冇幾耐衛生都好OK午市套餐都好平好抵食 叫咗個魚生角切飯雖然唔係好大碗不過咁嘅價錢都算係咁啦有前菜湯同埋飲品🥰🥰佢擺得都好靚的 但我相信男士會唔夠飽 可能要叫2份先卜掂最後加埋一$50（$45嘅餐加一加4.5應該係49.5但最後收50點解個五毫係佢賺唔係比顧客呢😡😡😡）見佢學生餐可以廿幾十蚊😎😎點解可以咁平

係安達邨住最慘除左交通莫過於係只3間野食一間大家樂 一間茶記 一間日本料理今日係十勝牛食下傘茶其實都抵食 30幾蚊 都多野食一碗烏冬 配魚柳同薯凍飲加$3味道就下午茶level la

街坊生意黎講，中中地。依個「香桃大蝦🍤沙律🥗」賣相不錯，但偏酸，因為是 醋+豉油作沙律醬。「鰻魚拖羅壽司🍣」份量大賣相好，亦夠厚身，但汁似蠔油少少凝結，不太夠熱。再者，皮韌。三到溫泉♨️🥚蛋飯，可能溫泉太熱，隻蛋全熟既？！然後飯上都是七味粉大概係小至中辣。最安全係「軟殼蟹手卷」，還可以，配料都好，如果可以及時上菜，紫菜應該可以脆口d。（我影相只佔10秒哦）環顧屋苑只此一間日式餐廳，和另一間茶餐廳，因此長期滿座，但客量和質素之間希望可以控制得更好。

經過見幾平 又多嘢食晚餐試吓平價日本料理🤓香桃脆薯大蝦沙律 $42每樣嘢份量都好多！香桃正常罐頭蜜桃味 脆薯原來係薯條 有啲咬口另外有薯仔沙律 唔錯！仲有洋蔥青瓜沙律菜 有酸酸地嘅柚子沙律汁整體好開胃🥰牛油果火炙三文魚反卷 $38有驚喜！同餐牌個樣一樣牛油果夠熟夠淋 三文魚都大舊 正🤩宮崎豆腐黃金燒 $34推介！好特別嘅燒滑豆腐 以為會係芝士豆腐好濃芝士 豆腐有層炸粉吸芝士汁份量都好多！！

安達商場細細地又偏僻 餐廳多數做街坊生意呢晚經開附近 去揾吓有咩食！間餐廳都幾大 不過平日夜晚8點幾 唔係太多人餐牌其實幾多嘢食 似放題咁🤔不過餐牌賣相食物比較港式所以價錢都唔貴🤓三個人一人嗌一個石鍋飯食 叫多碟燒物share我揀咗鰻魚 上碟賣相都唔錯 份量又多🤩滑蛋半熟咁 幾滑🥰🥰🥰鰻魚份量多 有三大舊🥳好夠味飯底都唔會太淋 刮底有少少飯焦 撈埋食 正🥳$26都幾平 有4隻 特別在佢拆埋骨串住燒 食起嚟好方便🤓不過醬汁唔太夠 唔算太入味 同少少油膩

因為住係呢頭唔多野食選擇的關係所以基本上好多時都會黎食野試過各種烏冬同拉麵味道都係普通反而飯類同炒野會比較正常今次叫左個日式餃子同燒三文魚食個餃子味道好夠，唯獨係比較多油燒三文魚幾香，但係食落有點腥此外，部分服務員既態度係好一般，有待改善

咁啱黎到附近探朋友, 附近都係比較新既屋邨, 近近地就揀咗呢間十勝牛開餐。 我地有大有小, 等咗10分鐘就有位啦～九州烏冬, 壽司同手卷都係純粹叫黎俾小朋友食, 賣相同味道都很一般。炸蝦天婦羅, 炸粉唔算厚。炸雞軟骨, 新鮮熱辣辣炸起無得輸, 味道ok。焗肉醬烏冬, 喺日式餐廳見到呢個咁fusion菜就試下, 味道又唔錯喎, 面頭仲會有蛋汁, 不過唯獨係補太水汪汪了。風味脆牛卷, 面頭會有熱浪薯片碎, 加埋口感幾得意, 味道都ok。金龍蝦皇反卷, 即係炸蝦反卷, 壽司類別都味道唔錯的。串燒拼盤, 我地見到雞腎有啲粉紅色就問問店員係唔係唔熟, 店員回覆係本身佢嚟貨整熟咗都係會粉紅色, 問過店員可否換另外一款食物, 店員拒絕。一分錢一分貨, 食物價錢唔算貴, 味道一般。

食物質素普通服務態度非常差我見到有個客人同個經理講 食物有問題經理沒有解決 反問客人：你想我點？然後，客人見到問題沒有解決 就覺得算了點知，過感10幾分鐘有個著住制服既廚師走左去客人面前指左個客人黎鬧仲有呢餐我煮，你覺得有問題Ok，呢張單我埋 你想cut單呀麻 你想唔比錢姐你地就咁行出門口就得然後客人覺得好無奈大叫經理來 證明佢無講過 話cut單同唔比錢之後個廚師話：你少來呢套然後不停咁鬧個客人之後個經理控制住佢佢仍然係到鬧 鬧到個客人走我真係第一次見 有個廚師走出黎鬧人仲要係「無理取鬧」服務態度非常劣去到要受氣既 你諗去唔去啦

食完先見到d負評 唔係我低要求 其實都算正常丫！泡菜豚肉炒飯 零泡菜味，豚肉原來係豬頸肉絲$29大大碟 最後食唔曬帶子刺身 正常急凍帶子解凍 唔覺有雪味炸蝦反卷 舊炸蝦熱辣辣 似剛剛新鮮炸起地獄烏冬噹噹烏冬黎 如果係讚歧我唔介意比貴d壽司都正常 霄夜好抵食！

今日第一次黎諗住食餐比較好既，d野食都仲可以，但服務態度真係極差，我同屋企人叫左3個甜品，個服務員話要等15至20分鐘，我都奇怪雪糕要點先可以用15分鐘先做到一個甜品，不過佢話要咁就等囉！點知一等就係半個鐘，個水吧就由落單起4個字後先唔知起邊度走出黎開始整甜品，等到我地三催四請先同我地講無椰果，一間咁大既餐廳連椰果都無，如果唔係親眼見到有一半位係空既真要以為生意太爆所以用哂d椰果。我同屋企人都嬲爆取消甜品埋單，個經理仲好唔耐煩搞到我以為自己錯哂咁。最後順帶一提，千祈唔好叫外賣，因為呢度既職員係用口水捽開d外賣膠袋。

同2個朋友去食野 ，分別叫左烏冬饅魚，沙律通粉套餐 另外個朋友就叫左10蚊個套餐加6蚊有杯野食 雖然16蚊有個麵同野飲真系好抵，但服務就超惡劣 我地叫餐前舉手好耐冇人應 咁我就大叫寫野吾該，個女人就話：得喇我過緊黎！ 跟住我問個女人 ：個果待應見到我舉手都吾行埋黎寫野既? 跟住個女人話：小姐，個女仔落場架點同你寫野呀 。咁我就想問 落場吾系問題 見到客人揮手叫野 乜你吾可以call機叫其他人落單咩? 咁你地員工帶住個耳機有咩用 ，落場可以衰到見到客人舉手都仲系到玩手機 ，D熱食就湯系暖 烏冬系凍 ，飲品有1杯叫左小冰 但3杯黎到都系好多冰個D吾知經理定助工 勁冇禮貌 ，問佢1個問題 就勁吾耐煩咁答你 ，老闆要好好管理下屬

與朋友2人晚餐 這店在家附近7點左右還有位記進入試一試，只叫了沙拉和2份主食 招牌沙拉好大碗2人都吃不完， 這個肉醬蛋飯 很好食只要42元 味道值。朋友叫了這個份量好大 ，有牛肉和各種菜和菇.這天晚餐只需每人60元 是糧尾又想食日本菜的店

做野附近得4間野揀...午市通常我都揀十勝牛！午市算抵食...有時隔離間茶餐廳仲貴過佢！而我每次黎幾乎都叫網燒牛！個set係有飯、小食、野飲同味噌湯！味道就都係咁上下啦...我推薦飲佢個蘋果汁架...6蚊咋...係鮮榨嘅...因為杯野會「生銹」氧化架！今次本身都想叫，但阿姐話...本身送嗰杯菊花蜜都會照到架喎..即係有兩杯野飲...明明之前我叫完蘋果汁...都無人話我知佢係另外當普通咁叫...而餐送嗰杯會照到...咁我之前咪蝕左杯野飲😱所以我今次都係唔叫喇！

今午兩人到安達邨十勝牛下午茶, 兩人叫了兩sets下午茶及八件火炙三文魚寿司, 結果先來了八件三文魚寿司，負責落單這位黒衫兼收銀的女士(相信或許是店長吧！)我覺得奇怪點解會變成三文魚寿司並非我叫的火炙三文魚寿司喎(價錢當然是火炙貴三元一件啦) 於是我便問該位女士點解啦～？她第一個答案是(係你自己剔嘅)，於是我就叫佢你睇下我剔張紙 ! 她便去柜位睇完當然無聲出啦拎走我枱面的錯來三文魚寿司一言不發, 當然連句道歉都冇! 我都算數了。再來的兩個下午茶餐, 一個是雞翼的都變成魚柳! 我又叫該位女士問她啦(雞翼價錢又同魚柳價錢當然亦不同啦！)她來望一望的反應就講( 咁你食過未吖！) 我即時著火答未食囉！她才拎走錯來的魚枊又係一聲道歉都冇。這樣的服務態度要得嗎？還要收取(服務費) 真是豈有此理 ! 這是誰之過呢？真是希望十勝牛管理層好好檢討一下, 食物質素就尚可, 價錢亦合理, 不過服務xx