東京一番 (Closed)

昨晚第一次來食4小時任食放題，12人比間房我地感覺更係正啦！（其實呢度得一間房）（雖然吾太多食物款式) 點知一肚氣😡勁漏單! ! 數量來吾足！款式來吾齊！ 一開始叫比豉油叫左4次！頭輪緊係每張order紙都樣樣叫d啦，份量12人order6-8件先，除左刺身啦。點知等左45分鐘只來刺身及部分壽司，其他爐端燒，炸物，手卷.....都冇到。2個鐘內入3次單，追過幾次，最終來左第3輪仲要部分食物。坐大堂4-6位枱遲過我地入座，滿枱食物。等多過食，真激氣。

是日到東京一番食放題，約了一位女孩子同行。到步後才發現店內進行「嬲」- 2男1女同行優惠 早知各自帶另一半出席，錯過了優惠 T.T剛坐下不久，刺身船駕到！ 造型相當架勢，鐵塔不斷閃閃發光，而且份量好多！ 刺身款式相當多，包括三文魚、吞拿魚、赤貝、馬刀貝等等。 食材亦非常新鮮，各類生魚片大塊兼厚切，不錯不錯！ 我與友人身為牛魔女，當然會點一口牛，慢慢品嘗。 大讚牛肉沒有用梳打粉「LA」過，反而吃出牛的原汁原味。 再配於香濃炸蒜，加少少蔥花。Yummy!! 日式焗帆立貝亦都不錯，材料新解，簡單煮法已經可以突出食材鮮味。 炸物款式比較特別，包括有榴槤角及香芋丸~~榴槤香芋迷可以狂食，滿足一下~~ 榴槤角內餡充滿滿滿的榴槤蓉，而且一咬下去，外表酥脆，榴槤飄香~~一食難忘！ 香芋丸同樣不錯，熱騰騰上碟，外表香脆再搭配香芋餡，真的很滿足。 燒物方面，點了虎蝦及菠蘿。虎蝦相當大隻，而且肉質彈牙！菠蘿真心好有驚喜，甜甜酸酸好Juicy，又帶幾分燒烤香氣。

朋友話好想食放題，又想試下新餐廳，又想就返放工位置，openrice左長沙灣有咩放題，發現左呢間東京一番好似都幾吸引，提前book左位，晚飯時間都唔算太多人。一坐低就發現order紙多得誇張，而且野食既品種好豐富，梗係要一口氣落一大堆野食啦野飲同甜品都係自助既，多選擇，而且甜品賣相都幾吸引小食多滋味，我地每樣都叫左兩件試下先，刺身好新鮮，赤蝦都赤貝都要再叫叫左d壽司試下，壽司飯唔會太大件手卷有海膽，都幾新鮮蒜蓉扇貝同芝士焗蠔，絕對要再order一口牛柳，味道唔錯，而且牛唔會太韌燒玻璃豬肉 芝士牛舌雞軟骨好脆，加左七味粉夠惹味炸魷魚，炸蠔，一口芝士同香芋丸。唔會太多炸粉，炸得好香口牛油粟米當然係必點，呢個都係自助既，鍾意食幾多自己裝，我地裝左幾碗，正最後食埋甜品，有雪糕，不過我地就想清清地，揀左呢幾樣都唔錯，又唔會太大件值得一讚既係呢間放題既員工服務態度都幾好，落單好快而且一見到台面有吉碟就會即刻收走

約咗一大班friend去附近party玩之前，一於自私同男朋友加一個死黨去食，所以兩男一女可以享受到優惠。想去食返餐飽嘅因為見friend介紹所以先回去食價錢一般夜晚算係正常唔算特別平特別貴入到去枱面餐具都算係整齊同都幾多人食八點入座都有九成滿。首先係魚生方面，三文魚的脂肪比例唔多，不過就切得幾厚，一件等於外面兩件，加上入口都好軟幾新鮮，就算唔肥但都易咬，加上d色望落同味度都幾鮮，可以食下。另外的甜蝦肉質有得咬，幾鮮甜同厚身，而且都唔細條👏。外面有少少熟食可以自己拎，例如碗仔翅入面有好多冬菇金菇粉絲同腐皮，唔算好鹹嘢食未嚟之前可以估下口癮。呢個係一口牛，啲牛肉都幾大粒而且入面唔會好熟有少少粉紅色，同埋都幾重牛肉味，而且出面有少少黑椒汁蔥花同蒜粒所以令到食落都幾香口。肉質都夠肥所好易咬，我最少食左三碟。如果每碟份量可以多一半更好。風沙雞翼就真係睇唔出有幾風沙，同普通炸雞翼差唔多，味道少少咸同係岩岩炸起所以好脆，肉質岩岩好唔算老。隔離的炸餃子較好，皮脆唔厚同入面的肉夠多，成隻唔大所以可以叫多d食。一口芝士炸粉算係厚，不過入面芝士好香就會補救翻可以拉芝同夠熱，炸粉少d芝士多d就一流。汁燒五花

今天我和老公帶美國來港工幹的表弟到深水埗行下，佢想買電子產品，所以帶左佢去黃金商場，買完之後已是晚飯時間了，表弟好客氣說：知道我鍾意食日式放題，今晚為了多謝我和老公陪左佢成日，係要請我食放題，上網找到一間位於附近的東京一番，依照地址找到了！甘岩今天我們是2男1女，有優惠喔！刺身拼盤，刺身都很新鮮。日式焗蠔：把蠔和沙律醬放在下面，面層放芝士，焗至金黃色，香濃的芝士，加埋酸酸甜甜的沙律醬，配合鮮味的蠔，非常美味！蒜蓉焗帆立貝：蒜蓉味很香，調味比較咸，本人比較喜歡日式焗蠔！各式各樣的燒物、炸物、天婦羅、壽司等等⋯都很美味！特別是羊架，煎到剛剛熟，不靱不羶，加上香草的香味，味道超正👍每位加68元可以任食生蠔和鮑魚，其實好底，每様食一隻已回本，何況是任食！但表弟吾食生蠔，所以我們沒有加錢食，等下次我和老公再來食的時候，一定加錢食。

與老公逛完街，原本打算去食雲南米線，去到見到好多人... 於是就喺附近再行一下，想不到在深水埗找到放題...在門外看到這個優惠，二人同行一位半價! 咁又抵喎!! 就試試啦! 哈哈，而且還有推出「嬲」組合的優惠，真有趣...原來係要同時Like及Share Facebook專頁才有優惠架, 所以排隊入座時, 前面有幾個即場上FB like，搞咗一大輪…環境:進店時約5:45pm，人流不多，約2-3成客，但坐多一陣，嘩...好多人呀! 有8成滿人... 見狀即時安心晒~ 咁多人黎, 應該有質素既~本身諗住食放題，都唔再加錢食其他嘢，不過諗住二人同行優惠慳咗錢，咁就即管試下個生蠔鮑魚啦。佢都冇呃你，啲生蠔鮑魚真係任食，而且好新鮮 (佢哋老細坐正隔離枱都係咁開嚟食)。不過其實食咗半打之後都開始出現審美疲勞。我老公就鍾意食魚生，但係我就比較鍾意食熟食，所以一坐低就立即點咗啲燒燒燒。喺等嘅同時即刻出去睇下有咩甜品同埋飲品先~見到有啲韓國含有酒精嘅果汁咁就手痕攞一罐過嚟試下，韓國野甜甜地係幾得意嘅。我老公話佢D朋友叫呢隻酒做hite啤…之後啲燒燒燒嚟到啦，大大份，唔似去其他日式放題咁樣叫極都係得

一間喺長沙灣既日式放題 本身諗住去深水埗區食某間小炒但冇位 諗住食下日本野 見呢間新開既放題諗住試下 食店裝條同一般放題差唔多 以長枱櫈為主 座位都自寛敞食物既種類好多 有刺身 一品料理 燒烤 甜品 雪糕 飲品飲品有可樂汽水 烏龍茶任飲 啤酒 清酒梅酒任飲 好抵熟食 既天婦羅一定推介 蝦 南瓜 葱 等等全部都勁正牛肉粒 羊架 都燒得好夠鑊氣 雞軟骨好爽口 雞翼熱辣辣 鰻魚炒飯鰻魚爽滑夠哂入味 而甜品 好似雪糕 小丸子 任食出面有個水巴可以拎碗仔翅 木耳等食物 刺身壽司多選擇同新鮮 整體性價比高 值得去食

喺長沙灣區一間放題 近mtr a2 出口行5 分鐘就到 黃金時段 198 一位 價錢合理 食物種類多 刺身 串燒 熟食 一品料理 啤酒 清酒 梅酒 任飲 刺身新鮮 有三文魚 魷魚 赤貝 馬刀貝 種類䌓多 熟食更出色 尤其係天婦羅 蝦肉新鮮。出面既茨粉好薄 整得好好味 清酒梅酒 雖然係任點 但質素唔錯 鍾意飲酒既人飲好抵 而熟食除左有天婦羅外 牛柳粒 羊架 炒雜菜 薯條 全部都好夠鑊氣 要黎 而除左清酒梅酒外 黑啤 仲有韓國啤酒 , 鳥龍茶 都任飲 一品料料 既芝士燒蠔 凡立貝。都好好味 以2xx既價錢任食甘多野好抵

自從老公調咗去長沙灣上班後，最近都多咗藉口來這區覓食。上次試了元洲街一間居酒屋的招牌菜原條鰻魚飯，這晚就決定去吃日式放題。選了這間位於青山道、主打和食放題的《東京一番》，因早前瀏覽過網評，得知餐廳做緊 promotion，凡於星期一至五惠顧晚巿放題 5:30p.m-7:30p.m 或 9:30p.m-11:30p.m 入座跟結賬，第二位即可享半價，見定價咁「友善」，所以亦特意早點下班來一嘗。店子位於青山道 156-162 號永基商業大廈1樓，沿著樓梯拾級而上，餐廳地方頗大，環境唔錯，全店鋪設了淺褐色木紋地板，配襯同色調的餐桌、椅子和牆壁上的掛畫，感覺和諧舒服。拿起檯上的點菜紙，一共有十三張，全部分門别類，而項目就包括有前菜、刺身、壽司、火炙壽司、軍艦、卷物、迷你手卷、爐端燒、鐵板燒、天婦羅、炸物、爐焗及主食。如果每位+ $68，更可任食生蠔、磯煮鮑魚及任飲白酒。另外餐廳亦設有自助區域，出外巡了一圈，款式頗多，有鴨胸沙律、泰式鳳爪、涼拌木耳，粟米羹、碗仔翅、韭菜豬紅、清酒煮蜆、粟米粒、紅豆沙等。至於旁邊的凍櫃就擺放了不少樣子精緻的骰嘅小甜點，另外亦有罐裝飲品可供客人自行選擇。先由刺身開始

是日老公提議到屋企附近吃放題撐枱腳之前經過見到 新開業不久今日終於一試平日晚上來到都多人 環境寬敞 通風唔焗 坐得舒服原來兩男一女幫襯 free一位 非常化算下次可叫埋細佬一齊黎 一坐下 當然要先點大大盤剌新排位非常靚 每款都光澤鮮色三文魚非常肥美 厚切真係啖啖肉帶子好鮮甜 八爪魚片嫩滑彈牙樣樣都好高質素生蠔肥美爽口 有鮮味 無鯹味帶有淡淡海水味 岩嗮我仲有餐酒送！配生蠔真係一流燒賴尿蝦大大隻 啖啖用 燒得非常香口 爽！燒海蝦新鮮唔痴殼 肉質夠嫩燒扇貝又係大大隻 加入蒜泥牛油香蔥去燒惹味非常炸物亦不容錯過炸得金黃香口脆卜卜雞翼有肉汁 炸蠔飽滿爆汁炸榴槤出面少有 入面爆醬 都幾好食 可以安歌！放題唔少得燒菠蘿食到飽飽脹脹 酸酸咪咪 清清味蕾 消消飽滯感雪櫃除左飲品自取 還有多款甜品 放滿一個雪櫃整齊 衛生中華沙律 辣海螺 等前菜 都係可自取仲有多款飲品同啤酒埋單二百多元 食物質素又好 下次會再回頭

男友話呢間放題有優惠，就叫埋我同佢個fd一齊去。原來個優惠好搞笑！男女男，岩曬一個女神拖兩隻兵，啊，唔系，系一個女仔帶兩個朋友黎！但計落真系好抵，每個人一百蚊多d就有得食！選擇都幾多！呢個都好抵！出面好少見有磯煮鮑魚，忍唔住加左！魚生上得好快，擺得都幾靚。點既分量都有上足，同埋都幾新鮮。帶子用檸檬片隔開，值得一讚，食落好fresh.新鮮既三文魚。系鮑魚啊！！！呢個已經系第三round影既相，忍唔住一加再加。壽司中規中矩。但個花之戀，咬落大大啖肉，不錯！值得一讚既系煎炸物，尤其天婦羅。好多時放題既煎炸物真系唔食都算，但呢間真心要食。尤其天婦羅，炸漿同個餡貼得好實，唔會成個金蟬脫殼甘甩出黎。我每次食放題都系中意d sidetrack野。今次俾我發現呢個碗仔翅同雞翼尖！碗仔翅足料，食落好多冬菇！雞翼尖好辣好入味，又冇個陣好重既酒味。我損下損下食左三大碗。個人覺得好味過x仔。overall黎講真系蔗渣價錢，但唔系蔗渣質素！

今日約左個好耐無見既朋友等佢收工食飯，我地一早約好左食放題因為大家都好鐘意食刺身！我同事之前介紹左間係長沙灣既放題，話有得加單任食生蠔鮑魚！所以我地專登book左呢間去食！$68蚊，任食！好抵呀！我地有加到單！超正囉，鮑魚同生蠔都好大隻，鮑魚好好味又彈牙！生蠔係大隻都好肥美（佢係無沖走海水味）真係超級抵！仲要任食！呢到仲有梅酒清酒比你飲～我地兩個都攞左！本人就鐘意飲梅酒多d！侍應話瀨尿蝦呢樣係新既，佢問我地試唔試下！我地叫左黎食，好易剝，肉唔痴殼都有一大舊仔食！唔錯！唔會乾身，肉唔會'鞋'！呢到都幾多野食係同平時放題唔同，價錢都算平！仲有呢個優惠啵男女男一位免費，好得意！八卦望下都有幾張枱都係呢個組合！咁咪好抵囉三個人食比兩個人價錢！呢間野一定會再黎食！同事果然無介紹錯！

今晚去左食放題，朋友帶過我嚟食都幾吾錯，價錢又好優惠，今次就請屋企人嚟食。先嚟刺身，嗌左嘅都冇漏單，款式都好多，三文魚必嗌之選，非常新鮮，另外油金魚都好鮮甜，喜歡佢係厚切，食落成口都係刺身，真係放題先會食到咁嘆，蝦都好新鮮，平日吾點食嘅我都食左幾條，甜蝦好好味，再睇返原來好多人都讚呢間嘅蝦好食，好彩我都有食丫。除左刺身，壽司款都做得幾有，鰻魚壽司食完媽媽都覺好食，再嗌左再次，另外我就喜歡花之戀，三文魚新鮮已加好多分，仲加夠醬料，所以食落味道豐富，吾錯。另外芝士焗蠔同芝士帶子都吾錯，芝士夠味，上碟熱住上即食好好食，蠔洗得乾淨，最怕食到有沙石，呢間好好，食左兩粒都冇，隻蠔都係中大size嘅，所以食落有芝士味仲有蠔味，幾好食，帶子就大大粒，相比起我就覺得蠔好食d。記得羊架都係好好食，媽媽都很喜歡，因為整得幾香，而且肉質細嫩，香口惹味，西餐廳咁好食質素都最少百幾元兩塊吧，整得咁好食嘅放題好少有，抵食。大家食得開心又吾貴，我地仲聽到，如果9點半嚟第二位好似有半價，可以嗌朋友嚟食丫，再半價真係超平。

朋友呢區返工，佢ｄ同事們提過呢到想食放題又近佢，5:30p.m-7:30p.m第二位可半價添！結果是又平，質素仲唔差！嘿嘿刺身非常有水準，有十多款選擇，第一輪每樣都叫ｄ！仲有乾冰霧，效果一流！三文魚腩位，肥美！馬刀貝爽彈甜！其他也不錯！嘿嘿炸物！無油膩感！最鍾意食香芋丸好正，香芋味極重，嘿嘿燒物，不錯！燒得剛好，仲有ｄ天婦羅唔記得影，但唔會厚炸粉，味道ｏｋ！嘿嘿壽司選擇都幾多，放題黎講，握得算好，唔會又細件又散收收扇貝，芝士焗蠔，平價放題都食到，唔差！可以食到２－３輪！嘿嘿仲有ｄ自助食物區，沙律啊甜品啊，仲要真係幾多選擇下！嘿嘿

唔係朋友講都唔知原來深水埗開左間日式放題，仲要非常抵食，而加仲做緊優惠，like同share餐廳嘅facebook，晚上9:30時段第二位就有半價，聽到咁抵所以就同屋企人黎食番餐。初頭諗住呢個價錢，我地都唔會抱有好大期望，點知原來有驚喜。餐廳地方都幾大，餐檯座位夠闊，坐得幾舒服，食放題最驚叫多幾碟張檯就唔夠位放。我地9:30半去到，估唔到仲有咁多人，可能大家都係等緊個優惠時段。我地一坐低就點左勁多刺生，因為以往食放題好多時係點10件先黎得果幾件，但呢間真係寫幾多俾幾多，絕對唔會慳住慳住，仲有師傅真係好有心機，刺生盤係砌到靚一靚插哂花放哂乾冰咁上，d刺生仲非常新鮮，三文魚、甜蝦、赤貝、鮑魚片全部都好鮮甜，真係好正！仲有好多其他野食都好好食，好似呢碟牛油炒什菌，竟然咁香咁好食！秋刀魚、椒鹽蝦、炸菠蘿都係我覺得好好食嘅小食。烤羊架啖啖肉，肉質嫩又唔會有羊羶味，一定要試下。其他壽司好似花之戀、鰻魚、海膽手卷都一樣好食，秋葵天婦羅好特別。以呢個價錢食到呢個質數嘅放題，真係搵唔到第間，今餐全家人都食到好飽好滿足，非常之超值嘅放題！