Tom Bar & Grill

Open Now

Now Closed

踩單車回程mark定食Tom bar & grill，下午經過會有人帶狗狗嚟。夜晚就大家坐室內啦，天氣轉凍。黑松露薯條Truffles fries $68配Mayo係小心機，通常都係比蕃茄汁。薯條除咗有黑松露之外，仲有芝士碎。利用薯條嘅溫度溶化芝士添味道。巴馬火腿意式肉腸薄餅Parma Ham & Pepperoni $185豆苗裝飾，成塊都係意式肉腸嘅天下~ 薄既脆pizza，會更加突出意式肉腸既口感。意式肉腸係比平時嘅一般口同埋冇咁乾身，肥肉比較少。食落去覺得冇薄個款咸同乾身。馬拉盞豬頸肉炒河粉 Stir fried rice noodle with pork neck and Belachan $118洋蔥、三色辣椒、小粟米、芽菜同埋金不換。少少點綴係有小蝦米。雖然依度係食西餐，但係泰國菜都幾抵食。佢嘅份量都大，特別係豬頸肉份量好多，舊舊算厚切！上枱時候馬拉盞味道好腸，但係食落去又唔覺得，反而覺得做去食西餐嘅地方，佢嘅鑊氣都幾足夠！河粉係大條啲，口感煙韌！呢度嘅甜品係泰式嫁！！除咗有芒果糯米飯之外、仲有泰式椰汁西米芋頭糕同埋椰青肉大菜糕等等！另外都有雪糕嗰啲。

風和日麗，而老婆晏晝有義工活動，咁就當然同啲老友出車啦，不過，今次輕鬆啲，大埔沿吐露港踩去烏溪沙，再原路折返，大部份平路，好易踩。回程比預期早，所以，就晌科學園食個下午茶，晌單車徑側，有幾家餐廳，環境唔錯，點指兵兵就晌「Tom Bar & Grill」坐低咗。 其實，都知道呢類地方多多少少喺食環境，其實，我哋都喺貪佢有個好景，難得今日下午嘅天氣暖和，很有秋高氣爽之感。所以，比平時食下午茶坐得耐啲，傾多幾句偈！ 的確，環境喺呢度嘅賣點，雖然有室內，有室外位，但好明顯絕大部人都揀咗室外，皆因環境開揚，又對住成個吐露港海景，真喺心曠神怡。加上佢哋喺動物友善餐廳，故此，見唔少客都帶同心愛嘅寵物一齊嚟。 其實，室內嘅裝修都唔差，好別緻，地方亦好闊落，樓底又高，晌度用餐一樣感覺唔錯。 雖然有一大疊餐牌，不過，嚟得食下午茶，所以，重點都放晌下午茶餐牌中。價錢比預期中有少少貴，但明白部份成本都喺計及環境因素。 順帶一帶，呢度都流行自助點餐，掃描枱上嘅二維碼，就可以自行落單，當然，照慣例搵侍應落單都無問題啦。今日醉翁之意不在吃，所以，嘢食都喺求其點。 酥炸鮮魷配酸辣汁 $98見呢一款喺店家嘅推介，就先點

Lunch 有海景 真系夠曬chill呢間餐廳主打西餐及泰國菜有pizza🍕牛扒🥩漢堡🍔同時又有生蝦刺身🦐串燒🍢柚子🥗晚上搖身一變做🍷🍸🍹酒吧好fusion feel😄Order左2份lunch set🍽野菌帶子蘆筍意大利飯烹煮時間較長 帶子不算大粒但意大利飯好好食奶油香味濃郁 口感彈牙🤩🍔烤雞芝士漢堡配薯菜烤雞不算juicy 不過不失 無特別驚喜餐廳已經在暑假時裝修過 環境算不錯食物吾算抵食 在附近返工 都算經常光顧

今日天朗氣清同朋友踩單車，踩到去科學園見到間餐廳望住個海，可以hea下傾下計，價錢又好合理，所以就選擇左食個Lunch 先。瑪格麗塔薄餅🍕芝士、蕃茄配pizza 真係冇得輸，好食到不得了，主要夠薄身餅邊又夠脆口。黑松露薯條🍟粗身薯條放上黑松露，再點埋沙律醬，坐係海邊吹下風食下小食，爽到呢…芒果糯米飯🥭用左白糯米同紫米有兩種口感，芒果又大又甜👍🏻👍🏻👍🏻青檸檬梳打🥤只能用清新解渴，踩完單車飲超爽。

難得假日同朋友一齊去踩單車，路徑都嚟唔開大圍去大埔嘅路程，中間踩到攰街上搵個地方休息下啦，踩到去科學園咁啱就有一間餐廳大家可以坐低傾下偈飲下嘢。呢間餐廳，地方闊落有inside， outside當然可以食下煙。佢啲嘢食都唔差，沙嗲串，咕嚕球飯，蜆肉意粉。價錢公道合理，你呢度最緊要係食佢個景，一班人呢chill下真係正環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️

平時去沙田踩單車🚴🏻通常會經過白石角科學園，原來嗰到有間幾唔錯嘅餐廳！主打西餐同泰國菜～食物選擇多，而且好食😆，環境仲好舒服～🍝蟹肉大蝦天使麵配紅花忌廉汁（$208）天使麵份量適中夠一個人食😌，唔會太膩，入口creamy而忌廉汁同蟹肉大蝦好match😇，蟹肉味都幾出，餐廳仲貼心為客人將蝦開邊，啖啖肉，值得推薦👍🏻👍🏻。🍗串燒沙嗲（$98）豬牛雞各2串，牛肉好好食😋，非常有肉味👏🏻，雞肉同豬肉表現正常，本身燒得都唔會好乾身，醬汁都幾開胃👍🏻。🍧芒果糯米飯（$88）芒果新鮮香甜又大舊🥭，糯米飯同椰漿非常香濃，好好食😋。

Came all the way to science park for a meeting, and decided we wanted to enjoy the breezy weather at a restaurant with outdoor seating. We weren't that hungry, so when we saw this restaurant had a promo for $89 for a beer and fries with curry sauce, we immediately decided to sit down. Outdoor seating is very spacious, the curry sauce was very pungent and flavourful. We also got a buffalo cheese with tomato salad $98. Loved the balsamic vinegar and the generous portion of buffalo cheese. As we ha

趁天氣秋風起，有點涼意又唔太凍，於是找間可以坐戶外又有海景既餐廳。科學園其實都有唔少食肆，加上地方空曠，約朋友一邊吹水一邊欣賞風景特別有寫意。叫左菠蘿雞粒炒飯。有好香既菠蘿味同脆卜卜嘅腰果，分量十足。沙嗲牛肉雞肉豬肉串燒。沙嗲醬有椰香味，配合熱辣辣剛剛燒出來既串燒真的一流。有一種好chill 既感覺。檸檬青檸梳打，士多啤梨特飲，清新可口。侍應服務態度一流，仲有好多食客喺度放寵物，侍應久唔久仲會同你寵物一齊玩。值得一讚！

一星期多前，打電話訂枱，說明要戶外，因為帶狗隻，職員了解及答應冇問題。點知道當天嚟到，竟然安排一張高枱，還說我沒有說明戶外因為帶狗。然後我等如一個沒有訂枱的人，站在等位！這家餐廳的侍應，也沒有再理會我！本人認為他們的態度差到極點！

一早book咗科學園既呢間餐廳帶埋狗仔出去第一次用餐，好彩book定位，因戶外係坐滿…坐滿….所以一定要打電話去book位。咁又係現在嘅天氣又唔泰東又唔太熱，坐喺出邊望住過海食飯，真係好chill。我哋叫咗個ribs，嚟到睇個樣好似唔係好多汁，點知食落去係好Juicy，又唔會太鹹， 薯條又脆又熱，10分推介。另外我哋叫咗個carbonara,好creamy,好香，料亦夠多。Service 仲好好，同狗仔玩，又請佢地食零食，我家狗仔仲同隔籬枱嘅小狗做係好朋友添，非常愉快又好味既一餐。

難得放假，就梗係要出去運動下踩下單車😆踩到科學園呢個中間點就梗係要搵吓嘢食休息吓😋呢間餐廳，望晒個海景好chill ar🌅雖然室外正d，但做完運動咁熱梗係揀室內坐啦，涼下冷氣😂💡瑪格麗塔薄餅 Pizza🍕係薄身餅底，好食，脆脆地，芝士好多夠芝士味🧀🥰表面有幾塊番茄片，令到Pizza冇咁膩，熱辣辣幾好味😋💡大啡菇牛肉漢堡🍔漢堡好大個，麵包皮外烘得膽脆地有口感，牛肉厚身，食落好juicy，再加埋芝士、生菜、蕃茄、大啡菇，一啖係食唔晒😋另外薯條炸得熱辣辣，夠晒粗身🍟香口💡椰青🥥椰青清甜可口，好新鮮，忍唔住食晒入邊啲椰肉呀🥥🥰

經常踩單車經過這裏，今次到來這家餐廳享受一下這餐廳的美景和美食。這家餐廳面向吐露港海景，靜靜地一邊嘆咖啡，－邊嘆美食，一邊靜靜望著天空和海也是一種享受。這家餐廳下午茶餐價錢不貴，勝在餐廳環境舒適，值得推介

呢日同朋友去踩單車🚴‍♀️🚴‍♀️🚴‍♀️踩到科學園食個TEA先都有唔少人泊左單車喺呢間餐廳出面可以揀坐室外望住海景又可以揀坐室內嘆冷氣餐廳環境好舒服坐下HEA下同朋友傾下計都不錯☺️☺️☺️💚瑞士雞翼🐓黎到都有好香嘅瑞士汁味而且煮到好冧不過我個人就唔太喜歡煮到咁冧但味道係不錯嘅👍🏻👍🏻👍🏻💚斑蘭千層糕🍰有花花樣好靚食落有淡淡嘅斑蘭香味味道係少甜如果斑蘭香味再濃啲就好啦😛😛😛💚凍朱古力🥤正常發揮，唔會好淡味

➰琴日放假帶左我家👑王子啤啤🐻🐻出去玩下 平時過嚟踩單車🚲經過就多 都未試過喺依邊食過野 依間餐廳 Tom Bar & Grill 180度面向吐露港 飽覽海景🌅☺️餐廳設有室內同室外座位 啱晒可以帶🐶🐱毛孩過嚟一齊chiil❤️ 餐廳主要係提供多國菜🍽滲入泰式元素嘅西餐都有👍🏻➰我哋叫咗兩個午餐set 包餐湯同飲品🥤🥩炭燒美國肉眼扒配燒汁(5成熟 配薯菜)可選擇飯/意粉/薯菜 扒肉汁豐富 口感結實 但建議如果鍾意食生啲嘅可以試吓叫三成熟😉薯條🍟份量都有好多同有沙律菜🥗➰炭燒紐西蘭羊扒🐑(7成熟 配意粉) 羊架有驚喜😍唔會太過有羊羶味 剛剛好👍🏻👍🏻七成熟啱啱好可以鎖得住肉汁🤤意粉口感煙韌 如果鍾意食爽口嘅朋友仔就啱啦🤓➰依度絕對適合假日帶毛孩或者同朋友嚟傾吓計 呢個🍂天氣秋涼再加望住呢個海景🌞簡直可以放鬆一下心情❤️❤️❤️

週末踩着單車來到科學園🚲看見這間泰國Fusion西餐廳🇹🇭趁天氣涼了就坐在室外座位 可以看着靚海景之餘🌊更可以看着泊在旁邊的單車 週末都有brunch👍🏻包一杯熱飲（凍飲加$5）✨黃咖喱雞配酥油餅 Red Curry Chicken with Roti $98🥘黃咖喱不辣 雞肉頗大塊🐓雞扒位置都算滑配料好豐富 有茄子、豆角、菠蘿🍍、青紅椒🫑、車厘茄🍅充滿香料的味道好惹味🫓沾上脆卜卜的酥餅好夾🤤✨泰式炒河（豬肉）Stir Fried Rice Noodle with Pork $92豬肉偏瘦 整體調味算淡🤔亦不辣配料有好多蔬菜👍🏻有紅蘿蔔🥕、粟米芯🌽、菜心🥬連加一每人消費$100左右 價錢都算合理雖然食物份量不算大 但質素符合預期加上環境很舒適☀️趁天氣好坐室外chill下～🥰見到旁人有吃漢堡跟意粉🍕🍝下次可以再來試試😄味道：🌕🌕🌕🌘🌑環境：🌕🌕🌕🌕🌗服務：🌕🌕🌕🌗🌑價錢：🌕🌕🌕🌑🌑回頭率：🌕🌕🌕🌕🌑📍 Tom Bar & Grill (沙田)沙田白石角香港科學園科技大道東16E號海濱大樓二座地下S088-S089號舖