唐記包點 (港鐵火炭站)

Open Now

Now Closed

唐記周圍都有，包括屋企附近同公司附近，所以成日都會幫襯，因為真係十分之抵食😝燒賣啖啖肉，每粒都大大粒，飽肚之選必點嘅山竹牛肉，加埋喼汁好味😋金錢肚淋身入味，蘿蔔雖然墊底，但吸哂啲醬汁，都好好味番薯包入邊非常足料，番薯蓉唔會死甜，熱辣辣食非常之滿足每朝早餐諗唔到食咩就會叫嘅菜肉包，因為夠大個兼且入面餡料足夠，推介👍🏼蒸飯佢其實有好多選擇，但自己偏愛章魚肉餅，因為肉餅真係有章魚粒喺入面，肉餅亦調味得好，就算係午餐定晚餐，都一定會選擇佢

平日上班前的我很喜歡去唐記買早餐，畢竟不像西式麵包要回公司翻叮，拿到手時已熱騰騰的，價錢又較便宜，很適合香港平民～之前聽同事說唐記除中式包點，點心與飯盒其實也不錯，發現價位真的很好，所以之前臨近糧尾時選了唐記解決午餐。包點選擇自然豐富，但點心與飯盒的種類都比我想像多。價位都是$30下。因我當日不太舒服，看到有粥才十多元便買了回去吃。粥熱得很綿，加了栗米粒所以有點清甜，以這價位還算不錯。秘製金錢肚$18，這個金錢肚很入味，有酒家的水準，煮得軟軟的卻不失咬感，醬汁很濃挺惹味。同事叫了盒雞蛋牛肉飯$27，份量還挺足，牛肉餅也蠻厚身。味道以這價錢還好。香港現在什麼都貴，基本上常餐都是$40-50開始起跳，所以唐記還真的是平民的快捷方便實惠選。

我發覺當我唔知想食咩既時候，我就會見到唐記，佢好似已經變左我個飯堂咁，今朝去左火炭整野，走既時候肚餓諗住買飯返屋企食，竟然又俾我見到車站有間唐記，於是就決定買啲點心返屋企食，因為我真係好鍾意食點心，貪佢唔駛加一，平靚正又抵食。叫左個章魚肉餅飯，最鍾意呢度既飯會有菜食，而且份量都足夠，味道又唔錯。鵪鶉蛋燒賣，好少地方仲有懷舊燒賣食，足料夠味；山竹牛肉，味道正正常常，唔太硬又唔太淋，唔錯。金錢肚，我每次都會買，因為鍾意佢個汁夠濃，而且佢會連埋好多煮到入味既蘿蔔。

Tastes: 4 /5Service:4 /5Environment: 3 /5包包包全部都係包 黎到唐記 當然要嗌個包啦 每次嗌個蒸包都好新鮮 啱啱出爐 一拎上手仲係熱辣辣 食落都幾新鮮 材料十足 菜餔包嘅肉 都好足料！！ 一咬落去就咬落去就見肉 啖啖新鮮啖啖肉 中式包點真係算係一流架！！！ 食完大滿足感上升 另外原來現加先知原來除咗熱包之外 仲有涷包簡 價錢亦都一樣 ！味道唔錯 唔錯既原因主要係我可以以最平價價錢食到平價包點 相當實惠架！！！

之前中學補習都會去包點先生買個包 當high個令tea 投岀社會之後 就好少幫襯火炭分店既唐記 唔好以為啲包點會輸蝕個酒樓嗰啲 可以答大家既係絕對唔會！而且新鮮出爐 熱烚烚！！！而且包皮嘅皮非常之薄 做得都唔錯架！簡簡單單普普通通 快快脆脆又一餐 而且方便又快捷 相當唔錯架 而且除咗包之外 又可以一盎兩件 非常抵食架！可以話係性比價高既包點 ！除咗熱包之外 仲有涷包簡 價錢亦都一樣 想蒸翻熱當早餐食又得 帶翻工食又得 得咗 方便又快捷！

琴晚阿女發高燒入左醫院檢查，半夜話肚餓想食排骨飯！只好氹住佢話明天買比佢！今日中午前出院，阿女仲係話想食排骨飯，就路經唐記買外賣返屋企食。病住食排骨飯，見到阿女食到d野，媽咪開心哂！買左個菜肉包，阿女大啖大啖咁食，仲話好好味！見到阿女食哂成個包，有返d氣息，$8一隻（好抵吖！）我成晚無訓，買左一盒咸魚肉餅飯，咸魚既香味令我有返d胃口，肉餅都好香肉味，食左一盒飯，好飽肚，再加多一盒淨鳯爪，勁飽！鳯爪份糧勁多，味道不錯！原來唐記有砵仔糕，買左一隻食，勁多紅豆，唔會太甜！

近排好忙都唔得閒去飲下茶食下點心今日放工心血來潮，經過火車站見到有點心外賣買！選擇都算多！基本在茶樓有的蒸點心都有！我叫左蒸飯～章魚肉餅飯點心～鵪鶉蛋燒賣，雞扎包～菜肉包糯米雞先講價錢，同一般茶樓差不多但是不用等位加一加茶介，就算是低食！蒸飯都低食！叫左咁多野都是$98大大包拿回家慢慢食啦！😘😘講下味道！鵪鶉蛋燒賣～是我小時候在一間老茶樓食過，現在的茶樓好小做這款懷舊點心，所以特別要試下！味道好像沒有小時候咁好味！回憶總是美好！🤫雞扎～內面是包雞肉，芋頭，豬肚 味道一般有點乾和硬！章魚肉餅飯～味道同一般茶樓差不多，可以！菜肉包～包好好食！分量夠大！內面肉夠多又有汁，不會乾！鬆軟香香的麵包！😘😘like 爆！糯米雞～味道不錯，分量好足味道不錯！我食過出面好多間的糯米雞唔係勁鹹就蒸到爛曬今次這一間，真不錯一打開有河葉香內面又足料！總結十分推薦蒸包和糯米雞

收工屋企冇飯食，搭車經過火炭港鐵站見到唐記心想簡簡單單平平地一盅兩件外買回家食都唔錯。火炭站嘅唐記放工時間都好多人，可能因為在港鐵站內夠方便，雖然有人龍但效率好高，好快手。火炭站唐記做緊優惠套餐，一盅蒸飯加一籠點心，仲有茶飲添，$45已經夠曬飽，今餐晚餐真係好抵呀！我梗係食鳳爪排骨飯啦，搭碟奄春蛋燒賣，正！奄春蛋燒賣夠經典又唔係間間酒樓都有。我去唐記多數買飽點做早餐，因為佢啲飽真係幾好食，仲要價錢夠平

到火炭辦事，趕時間又肚餓，剛出站就見到唐記，原來火炭站有精選推介，$45 蒸飯加點心，還有盒裝道地烏龍茶，方便又化算。未試過唐記的粥品，可惜今天已售罄。同事再多買個糯米雞及兩個包。首先點了熱賣的鳳爪排骨飯，加我至愛點心鵪鶉蛋燒賣。飯粒蒸得粒粒分明，水份剛剛好，豆豉排骨惹味。經典點心鵪鶉蛋燒賣已不多酒樓提供，想食時唐記是首選，整隻鵪鶉蛋配豬肉燒賣，份量剛好，十分美味。糯米雞餡料豐富，雞翼叉燒冬菇樣樣齊，糯米軟糯入味，$27 抵食。第一次食番薯包 $8，番薯蓉香滑甜美，不想吃肉的話，這是一個很好的選擇。

路經半日off同朋友食飯。工廠區好多人放飯，為免要搭枱傾唔到計，就我買去佢公司大茶水間食。分開買蒸飯同點心都係$45，講明套餐買就有埋茶飲！鹹蛋肉餅飯 (分開買要$27)有生菜、有肉、有鹹蛋同飯算抵又飲食均衡啦。豉油都係少量，唔會過咸。鹹蛋一粒外身少乾但內面都油光發輝鹹蛋本識，配飯咸香味好好。再加d肉，軟軟啖啖肉。雞扎 (分開買要$18)跟餐抵好多！除咗豆皮之外，芋頭同雞肉佔好大比例。另外豬肚同魚肚都有，多完化好入味，唔油！特別雞佔有7成咁佔係底面，佢大得嚟都唔老，無雞皮正！糯米雞 $27開左一層已經有荷葉味啦，依次算最香。啲肉都爆埋出嚟咁！有冬瓜、叉燒肉、雞翼等等，比起用肉碎完塊肉更加爽同口感豐富。糯米分量多又夠韌，咬感唔錯！用佢取代飯一餐都不為過呀，嘻嘻。叉燒包 $8足料叉燒多又多，70瘦30肥健康好多又唔會無油份！包皮實實飽滿，白包配叉燒係一個常規，哈哈。馬拉糕 $8內外都甜既「包」，特別軟同香糖味。馬拉糕內外都有好多窿窿通氣添鬆軟。佢無食蒸包咁飽肚，做小點心就岩岩好。香滑奶茶 $12枝裝有效期3日後，就算食到好飽唔飲住都留到！淡奶健康點，都香滑順口，特別係凍飲係回暖天氣飲nic

今日趕時間，唔係餐廳食，就叫左唐記外賣啦！分店係唔少地鐵站都有，所以好方便！章魚肉餅飯肉餅份量都好多，仲有唔少既椰菜，夠晒食！肉餅入面有一粒粒既章魚，好爽口！調味剛好，唔會太咸，肉餅有咬口，幾唔錯！鳳爪排骨飯幫同事買，眼見鳳爪有三只到，排骨五六舊，份量都足。鳳爪入味，好稔，一咬就離骨。排骨有豉椒味，幾好肉！糯米雞夠大只！有淡淡既荷葉味，入面有雞翼、冬菇，叉燒同咸蛋等。糯米好稔，仲有啲肉碎加醬汁，夾住食唔錯！黑芝麻豆漿唔算好甜，有豆味，芝麻味唔重，幾好飲既。奶茶朋友叫既，佢話幾濃，有茶味，亦不算太甜，所以幾喜歡！整體上唔錯，平靚正！

返學唔記得食早餐 去咗唐記包點買咗個包 唐記包點嘅中式包 都非常之好比錢之後好快就拎到 拎上手仲係熱嘅 包又夠淋 菜肉入面 肉比較多 其實真係好抵食😊 不過希望下次唔會唔記得食早餐😂

成日唔得閒同屋企人飲茶都好耐無食過點心了今日經過呢間於是去買左d外賣比屋企人食下有雞包，蒸飯，燒賣味道 價錢方面都唔錯由其係飯方面份量都有好多其實基本點心呢到都幾齊全今次真係唐記開左甘耐第一次食！真心屋企人食完都好開心 以後星期日都會再黎買

買左個蒸飯返屋企食，排骨飯24蚊幾平價幾鐘意食排骨，因為有肉又有骨，所以比較入味。飯邊硬d，但入面幾軟排骨都算份量夠，飯量就普通。配有少少菜，中和下健康，哈哈。

今日約左谷友在大埔交收，就去答火車。事關大肚餓，想坐火車之前有少少餓，我那面火車站出口得7仔同唐記包點，所以食我第一次唐記。我叫左一籠四粒燒賣。每粒顏色較淡，頂部有粒杞子,而底部有片腐皮，食落唔咸無味精，內藏有幾多的蝃肉令整粒都爽口!唔係好有要求的時侯, 醫肚都幾ok ga~