唐記包點 (港鐵葵芳站)

Open Now

Now Closed

每天早上經過這間中式包點店，都有很多人排隊，很長龍，所以看看就算。今朝見時候尚早，等我排排隊試試先。雖然多人，但收銀及出包的姐姐都很快手。見到寫住春日限定，所以我就買了黑蔴蓉包。等了兩分鐘左右就可以取，剛拿的時候是熱的，返到公司就變暖了。咬落去包很軟熟，蔴蓉很甜，口感不錯。怪不得這麼多人排隊，地點方便，就在地鐵站旁邊，包又平又大個，店員做事又快，由排隊到麵包到手的時間，都在五分鐘內，看到還有中式飯及點心，都很平，下次有機會要試試。

經過包點，見到有條人龍，突然又想買個包食，揀左菜肉包，等左唔係好耐就有了，個包非常熱，值得加分，搣開一半，入面都好足料，唔係真空包，味道好食，價錢只係$5.5當下午茶好抵食。

今朝趕時間出門口，唔得閒整早餐，所以去到地鐵站外面就買咗唐記包點，雖然而家唐記包點出咗好多新款式嘅食物，例如一盅盅嘅飯～但係我都覺得佢嘅招牌，即係麵包係最好食嘅🤣一去到就已經好多人！不過呢間長期都係多人幫襯，因為好方便，就係地鐵站隔離，其他地方都未必有咁平又快捷又飽肚嘅食物～ 我叫咗白饅頭同香菇雞包～ my all time favourite!! 仲要左烏龍茶~ 真係好抵食！唐記包點嘅白饅頭係超好食，有少少甜嘅味道，唔會好dry~ 無味。至於香菇雞包整得好足料~真係啖啖肉好推介！

平日除了飲茶都很少機會吃到中式蒸包點，在網上看到唐記推出了"春日限定"的黑麻蓉包，評語不俗，突然很有衝動試試。唐記包點價錢相宜，人流源源不絕。尤其早上上班的時侯，店外總排著長長的人龍。下班的時間人不算太多，下單後包子很快就到手。包子拿在手上有點温度但不算熱哄哄，份量比一般酒樓吃的大，作早餐或下午茶剛好。外皮加入了芝麻粒搓，芝麻味不重但令外觀更吸引。內裡的芝麻餡料份量十足，佔包子的大半。聞起來沒有澎湃的人工芝麻香味，不過入口感覺天然。芝麻餡料順滑中又帶點沙沙口感，甜度不高更能細味手炒芝麻的濃香。以$7.5 來說，這包子可算交足功課。如翻熱一點相信會更美味。

每次準備回家又唔想煮，又想平平地，買蒸飯就最好不過。Lee間唐記起正地鐵站，非常就腳。來到比較夜既時候，好多熱門飯都會賣哂。咸蛋肉飯買唔到。唯有買第2最愛。照舊豉油另上。北菇蒸雞飯 $26雞件大大件，蒸得香滑。北菇幾厚身，有2粒。飯量Ok，絕對夠飽，不過外賣到家凍左d，可能因為咁d飯硬d 。配有椰菜好開心鳳爪排骨飯 $26鳳爪蒸得非常入味，不過一盒飯只有一隻，想食就要買點心啦。排骨就幾多~肉幾滑，入味又夠冧。新品-黑麻容包 $7.5同其他包一樣，比茶樓大個。外皮有芝麻粉，內餡非常黑，食落有麻香，唔會太甜，幾好食。

剛才去葵芳分店買包，我講要菜肉包同菜脯肉包，要凍既。王秀英店員即時變臉加（妙）嘴，好怪我沒有在叫第一個包時說凍。態度真的有問題！去買個包都要受呢啲態度。如果唔想做可以不做的，不應這樣對待客人！

病咗唔想煮去買個蒸飯，幾款蒸飯首選鳳抓排骨，次選北菇雞，再次選鱆魚肉餅，叫咗個鳯抓排骨飯，點解咁多樣唔錯，你俾錯個咸魚肉餅我呀？？？頂！！！ 喊～😭😭😭⋯⋯

已經是長期的唐記粉絲了。它的大部份點心我都有試過，基本上沒有哪一個是不好吃的。不過也視乎不同分店，口感和味道會有一點不一樣，而個人認為葵芳分店的最出色。鵪鶉蛋燒賣是每次的必吃食品。肉很軟身，不會太乾，同時不會太油膩，感覺恰到好處。燒賣墊底的是腐皮，軟綿綿的很好吃。燒賣皮一點不會乾、不會硬。整件事就是完美的結合。其實除了鵪鶉蛋燒賣，其他點心也很好吃，例如鳳爪雞扎。包點也不錯，例如最新出的馬拉糕很香甜，而出了一段時間的番薯包也是真材實料。

香港街市文化是有趣課題，考究者少。近年街市外圍，開了很多間包點先生。發掘了市場需要後，數間包店陸續分享市場佔有率。包點先生佔先機，有名氣，有15間，包點質素一般；我買給長者吃，反應很一般，他們說餡太少。壽包則可以接受。約8元一個，造型傳統，無蛋黃的，很健康。此店只賣咸水角等極少數點心。包點達人約有4間，能以平價攻佔市場，如下午4:00後包點特價。其次，能在點心類殺出新戰線。蒸飯只賣22元，拼點心一碟則33元，以平取勝。包點料理約有5間，策略與達人極似，我覺得包點做得比其他店舖好，不是重量不重質。蒸飯更便宜，19元一盅。平價策略很靈活，如星期日賣平糭。其他包店非連鎖經營，如新開的包冇點錯。點心類做得較好。整體上食品最出色是唐記包點。我常以鳳爪排骨飯測試點心師傅功力。排骨是半肥瘦，飯要不乾硬，甜豉油汁要惹味，更重要是鳳爪要有肉和入味。此店能達水平之上。此店選位是近港鐵站，客路最闊。冷門店是香港仔魚蛋，只是短租約舖位，賣10元5個包仔。電23520112便知檔口位置。

記得有天早上返工太趕，結果係唐記買咗個飽食，覺得唔錯，又平又好味，今日突然好想試下佢啲點心，好耐無食過鵪鶉蛋燒賣了，又試下先，睇下有無驚起。賣相都唔錯，有層好薄嘅皮包住啲肉，皮好滑，豬肉唔嚡算OK, 味道不過不失，鵪鶉蛋好香，好有蛋味，總括嚟講唔錯喇。

Jan 2016🍴唐記包點🍴地址：葵芳港鐵葵芳站大堂16號舖見有ig foodie話唔錯，經過肚餓就買黎食🤔☆芋頭包☆（左）☆蕃薯包☆（右）各💲7⃣個包都幾大一個入面係芋頭蓉一個入面係蕃薯蓉兩個都真材實料，餡料唔會過甜一次過食晒兩個做晚餐堅飽唔想食西式麵包間中都可以換下口味🙂味道：😋😋🤔😶😶（2.5/5）抵食：😋😋😶😶😶（2/5）不過唐記又加價😕唔知遲啲會唔會加到8 9蚊個😑

近期食得太油膩，早餐想食清少少，所以今日係依度買左個麥饅頭做早餐饅頭有一隻手咁大個，咬落好實心，入面絕非空氣，食落有陣麥味，味道幾清淡，我食左半個已經飽左，咁大個又平又抵食，好味

晚飯為咗慳錢隨便食一個肉餅飯，個飯都唔錯起碼不會太硬，米味OK嘅評價可以。份量都足夠，夠一個人嘅晚餐食。可惜係個肉餅太鹹，就算送飯都覺得有啲鹹，味精味好濃郁！雖然呢個價錢唔可以批評什麼，不過咁樣嘅肉餅都可以整出嚟，仲要鬆泡泡，就真心冇咩興趣再食第二次。

一朝早上，睡眼惺忪，懶洋洋的我逛到公司附近，沒有什麼打算，突然肚子嗚嗚呼呼，在地鐵站前就有一間「唐記」，我就打它的主意，早上八點都見不少人排隊買早餐，人潮擁擠代表好食程度，我豪不猶豫地排隊買菜肉包，店員動作好快，似訓練有數，不用數分鐘已經解決了數個訂單。“菜肉包”皮軟菜多是我的最愛!更重要的是在早上能吃幾個熱包子，熱燙燙的感覺真幸福! 蒸包不算好大個，包身鬆軟滿水份，餡料頗多，豬肉鮮嫩多汁，麵包吸引豐富的湯汁！菜絲切得幼細，不鹹不油！好味！

OT到9點超累，隨便在地鐵站旁的“唐記” 買個蒸飯回家e肚。 叫了一客北菇蒸雞飯，落單時店員會細心地問你要不要豉油，整個過程不用10分鐘便完成，夠快! 蒸飯的分量不少，蒸雞嫰滑飽滿配有一塊北菇。 整體味道不過不失，蒸飯較乾身，豉油亦較少，以 $24元來說算不錯了。 下次會記得叫多豉油! haha