一鼎‧台式火鍋 (MOSTown新港城中心(4期))

Open Now

Now Closed

之前一直都去屯門食嘅台式火鍋，終於喺馬鞍山開咗一間分店。約咗朋友訂咗2個位。呢邊係一人一鍋一個湯底，所以可以按個人口味叫唔同嘅湯底我哋叫咗店入面嘅TOP 1「澳洲200日純穀飼牛 $339/set」。雖然話係set但佢哋係放題嚟嘅；120分鐘可以慢慢煮、慢慢食；邊傾偈、邊打邊爐。我嗰日唔想食太辣，叫咗餐廳強推嘅煙鰹魚湯；即係海苗鰹魚清湯鍋嚟嘅。入口帶有魚嘅鮮甜同海苗嘅清爽，飲得多都唔會膩。朋友叫咗另一道推薦-紅燒火牛湯；呢個就帶有濃郁嘅牛肉香味，紅燒微微嘅辛辣搭配都幾唔錯佢哋會先上牛肉、蔬菜拼盤、再嚟海鮮拼盤。呢個set有2種肉類「澳洲200日穀飼牛」同「澳洲黑安安格斯封門柳」。海鮮拼盤有「帶子」、「海蝦」、「蟹柳」、「大蜆」、「魚片」。牛肉都幾嫩滑，海鮮都幾新鮮。仲有其他火鍋配料同甜品任食。舖頭環境都幾唔錯，好闊落，上菜收碟都好快 性價比都幾唔錯嘅！

前兩日先至講緊馬鞍山點解冇一間火鍋店係令我回味無窮嘅點知！俾我撞咗板搵到！主要佢1️⃣環境好靚2️⃣食材好豐富3️⃣出品好有好多湯底揀！我哋揀咗麻辣鴨血。嚟到台式火鍋專門店點可以冇台灣麻辣鴨血鍋呀？！湯底夠辣夠麻，食得好過癮！阿媽揀咗QQ骨膠原湯。湯底濃郁香甜，湯唔止好飲仲可以養顏，一舉兩得除咗海鮮肉類同自助區啲配料…各式各樣嘅菜、丸、豆製品、菌菇、火鍋滷味…平時火鍋店有嘅佢哋全部都有！而且仲有各式各樣嘅甜品、飲品等等可以任食任飲！強烈推薦嗰個滷水拼盤🔥入面有金錢肚、金錢腱、滷水鵪鶉、滷水豆腐 隨便拎嚟配麻辣湯底或者骨膠原湯都非常夾！另外仲有牛肉梗係唔少得！紋理好似雪花咁幼嫩柔和，涮幾秒就可以食得，齒頰留香，正到冇朋友！媽媽都話好好食，下次一定要帶埋爸爸同家姐嚟食！

今天我哥話要請我去食打邊爐喎，肯定係要揀好食又值得嘅啦！首選當然係呢間，因為之前已經食過一次，嗰個湯底真係好難忘😘我哋食嘅係晚市套餐，食物好豐富，火鍋料嘅蔬菜、菇類同丸子都係無限任攞嘅！肉類方面有好多選擇，我哋揀咗一鼎殼飼牛。牛肉嘅脂肪分佈得好均勻，令牛肉更加鮮嫩多汁🤤🤤 雖然唔係頂級和牛，但係對我哋嚟講已經好滿足啦🙌🏼燻鰹魚鍋底係用海苗同埋鰹魚熬製嘅，雖然係清湯但係成個湯頭十分濃郁，鰹魚嘅鮮味十足，用嚟涮牛肉真係一流！麻痹鴨鍋底係麻辣味嘅湯底加埋鴨血，鴨血嘅口感嫩香，吸收咗湯底嘅麻辣味，每一啖都麻辣味爆發！我同我哥都食得好滿足，食完之後真係回味無窮！佢仲答應我話下次再帶爸媽嚟食👍🏻（沒有用餐優惠）

嗰日同男朋友睇完戲，肚子已經咕嚕咕嚕叫。佢就帶我去一鼎 · 台式火鍋，俾我食飽飽。❤️我哋一開始就揀咗澳洲純和牛套餐，任食120分鐘，而我已經迫不及待開始食啦。湯底我揀咗QQ骨膠原，足夠滋補同養眼😊，係我嘅首選湯底。而我男朋友揀咗紅燒火牛，類似台灣紅燒面湯嘅湯底，不過味道更加濃郁，仲有少少辣，亦都係我男朋友鍾意嘅味道。🩷等食物上齊之後，我就狼吞虎嚥咁食起嚟。必須稱讚嘅係我哋點嘅澳洲純和牛肉。脂肪分佈均勻，唔需要沾任何醬料都可以食到牛肉嘅鮮味。好好食啊🤤再加上特級牛脷，口感鮮美多汁，好啱而家肚餓嘅我。我哋仲食咗鮮甜海蝦，肉質彈牙嫩滑，仲帶有海洋甜味。鍾意食海鮮嘅朋友唔好錯過。😜我已經諗唔到任何形容詞嚟形容我食嘅呢餐，推薦大家嚟食就啱啦，包好食！😘

前日同同事一齊食lunch，佢話最近壓力好大，要食餐勁嘅😎 我哋就搵咗呢間台式火鍋，一人一鍋好講衛生，最重要係佢哋嘅和牛勁好食！！我哋一齊揀咗💰229嘅套餐叫做［一鼎殼飼牛set］✨，呢個套餐係可以90分鐘任食嘅，嗰啲蔬菜、飲品同甜品都係無限量供應嘅！重點係呢個set嘅牛肉係純正澳洲和牛！店家話只需要燙12-15秒就可以食，呢個細緻嘅脂肪口感真係嫩到滑入我嘅喉嚨🤤湯底部分我揀咗麻痺鴨，係台灣麻辣鴨血鍋。睇佢顏色就知道有幾正宗啦🥵 濃郁嘅麻辣香味，辣到夠勁，令人食指大動！同事揀嘅湯底係燻鰹魚嘅口味，係海苗鰹魚清湯鍋。雖然係清湯但係一啲都唔清淡！適合唔食辣嘅朋友👍🏻我哋仲叫咗小食，店家推薦嘅「三星蔥燒串花枝」同「九層塔花枝丸」都好唔錯，好味到停唔到口！

突然想同朋友打個邊爐，傾個偈吹下水，暖一暖個胃。啱啱好喺新港城中心入面搵到呢間 Top Pot 一鼎台式火鍋，就期待嘅心情同朋友嚟一餐台式火鍋放題盛宴！呢度環境非常之舒適，啱晒吹水傾偈，然後價位唔會貴，【澳洲純和牛】放題任食，仲食兩個鐘，都只係一位 $319。絕對夠大家食到飽，食到爽！呢度仲有各式各樣嘅湯底選擇，我朋友唔鍾意食辣，所以佢就叫咗【QQ 骨膠原】嘅膠原豬王骨湯。而我自己口味偏重，鍾意食辣，就叫咗【紅燒火牛】湯底，佢係紅燒和牛湯鍋。朋友阿話【QQ 骨膠原】非常之香，蔥香同紅棗嘅甜充滿住成鍋湯。【紅燒火牛】就非常之濃烈，麻辣鮮香，鍾意食香辣嘅朋友我非常之推薦可以叫呢鍋【紅燒火牛】嚟涮鍋！！！嚟到重頭戲【澳洲純和牛】，係鮮嫩好食嘅和牛，跟住附帶提示嘅去涮，出嚟嘅牛肉質地非常之好食，富有嚼勁，又鮮嫩多汁，配搭【紅燒火牛】嘅湯頭非常之開胃。的確食咗呢一鍋和牛，個胃非常之暖！我仲有叫到佢哋嘅魷魚【鹹小卷】，真係唔得了，一定要推薦一下！魷魚彈牙爽口，配搭辣椒同青蔥，非常之送飯，越嚼越鮮。嚟到嘅朋友一定要叫呢一道！我同朋友非常之享受呢一餐晚餐放題，下次冇地方去，都一定會再嚟！鍾意打邊爐嘅朋

星期六3點時段去食。2人， 1人半價。 選擇$269餐假期下午茶時段都得一半入座， 感覺奇怪， 新開張期間爆曬， 現在少了多人， 心惶惶去試。$269得咁少肉選擇， 已經覺得唔抵， 肉又唔係好滑， 普通質素， 雞好鞋。 雖然打邊爐， 但都比d中至中上上食材呀。火鍋湯底味道都係一般， 味道唔夠出，。感覺食唔出咩味。 出面食材好少， 菜又得幾款， 丸又得3款魷魚仔🦑熟食又腥又硬， 咬唔入， 口吐出來，魷魚仔🦑全黑色， 好恐怖。🤮🤮🤮炸物ok.魚皮又細又諗pat pat. 金錢鍵最林， 讚， 金錢肚就唔得， 冇味又韌總評。服務。 冇服務。 1分食物。 質素一般偏差， 普通料。 4分環境。 新開， 乾淨 6分

之前去馬鞍山新港城個邊做野，早收工就系商場周圍一個人行下，見肚餓就順便食埋飯先走，發現到呢間有一人一鍋既自助火鍋，90分鐘任食，感覺吸引又肚餓就決定試吓呢間一鼎·台式火鍋。入到去見環境都吾錯，服務員態度都友善。澳洲純和牛Set $249牛肉系來自澳洲既，脂肪分佈均勻，吾算多脂肪，幾有牛味，質素不錯，湯底方面揀左紅燒火牛湯底，即系紅燒和牛湯，有辣椒、芭蕉八角等材料，令牛肉味道更突出。旁邊有無限任食既火鍋配料任你揀，種類都多，有菜、丸等等。另外呢度包埋飲品，有台式飲品選擇，我揀左杯黑糖珍珠牛乳，食台式火鍋之餘仲可以飲到台式珍珠奶茶，感覺不錯。總括來說，整體都ok，一個人食飯都可以食得好好！

我和女朋友嘅食量都好大，平時週末都鍾意搵啲放題嚟食到飽，喺網上搵到呢間一鼎‧台式火鍋。啱啱好嗰日喺馬鞍山附近辦事，就決定同女朋友一齊去試吓台式火鍋放題任食。呢度環境畀我嘅第一印象就係非常乾淨，睇住啲食材都好新鮮，而且嗰日人山人海，感覺就真係好好食咁！我和女朋友都等唔切想入去無限任食喇！😍我哋叫咗兩套【一鼎殼飼牛】2 個鐘任食套餐，一位 $289，兩位 $578，個人覺得價錢公道，因為食材質素都非常符合價錢，然後肉片真係頂級，非常新鮮。我和女朋友分別叫咗餐牌上推介嘅【麻痺鴨】湯底同【QQ 骨膠原】湯底，果然店家推介嘅湯底非常之正！【麻痺鴨】湯底麻辣鮮香，仲帶有鴨血嘅鮮香濃郁，而且唔會腥。而【QQ 骨膠原】湯底帶有濃烈嘅豬骨湯嘅香味，非常香醇濃郁，富有膠原，飲咗仲有啲回甘。佢哋呢間嘅【一鼎殼飼牛】涮肉，肉質帶有少少奶香，入口非常嫩滑多汁，配搭住兩種湯底非常之可口。照住指示牌涮上 12 至 15 秒，口感彈牙，稍為有啲嚼勁。好似喺口中跳探戈咁！😂佢哋嘅【一鼎菊普茶】非常之清涼，茶香味非常濃郁，而且非常解膩，配住火鍋食一點都唔會滯，而且仲可以令身體感覺清涼。我和女朋友都非常享受呢度 2 個鐘嘅

每次同老公都唔知晚餐要煮咩，老公直接話帶我去馬鞍山搵嘢食，結果俾我哋發現呢間火鍋店係主打一人一鍋嘅，都幾衛生！入面都幾多人，但幸好有位坐。我哋一齊揀咗120分鐘任食嘅套餐「一鼎殼飼牛」。牛肉十分鮮嫩，肉香味十足，可以食到佢嘅口感喺嫩滑🌹 呢種高級嘅味道，真係令人一試難忘😭店入面有幾種口味嘅湯底可以揀，鍾意麻辣嘅我梗係揀店家推介嘅「麻痹鴨」啦！麻辣味嘅湯加埋吸收咗麻辣味嘅鴨血，一口飲落去舌頭就開始覺得麻麻，果然名冇取錯🥵 同埋自助吧台嘅火鍋料係可以任攞嘅，蔬菜加落去湯底入面又多咗一番風味。老公揀咗店家推介嘅「燻鰹魚」，呢個係清湯鍋嚟嘅。我本來仲想鬧佢點解揀清湯，但係飲過之後真係唔同！係清湯鍋但係一啲都唔清淡，鰹魚嘅味道十分鮮甜，加上海苗嘅嫩滑口感都幾美味下！老公食飽之後話下次再嚟試下午市套餐，我哋已經愛上呢間火鍋店啦🥰

嗰日我揀咗午市時段拉咗我媽去食火鍋。 我哋就馬不停蹄咁點咗澳洲200日純榖飼牛套餐。上菜速度都唔慢，仲有自助吧火鍋配料無限量 供應，好快我哋張枱就擺滿晒食材。😍🈵✅我揀咗紅燒火牛湯底，湯嘅牛肉味道充分釋放，肉香四溢，仲未開始食我就忍唔住流口水。我媽揀咗燻鰹魚湯底，湯嘅味道充滿咗豐富嘅鮮味，飲落非常清爽，啱晒配各種食材，亦都非常啱我媽。 我哋嘅牛肉係澳洲200日純榖牛肉，肉質非常嫩滑，入口即化，我哋食到停唔到口。🥰 我哋仲點咗兩種飲品，一個係一鼎金萱烏龍茶同一個係一鼎菊普茶。金萱烏龍茶入口感覺非常清 爽，飲落去好舒服。菊普茶有非常清爽嘅口感同埋濃厚嘅茶味，每一口都能夠感受到豐富嘅層 次。

同事嗰日推薦馬鞍山嘅【一鼎‧台式火鍋】，佢話午餐自助餐好抵食，而且仲係殼飼牛，熱愛殼飼牛嘅我梗係要去試吓啦！我叫咗一份【澳洲200日純殼飼牛】，揀咗個【紅燒火牛（紅燒和牛湯鍋）】，牛肉嘅香味撲鼻而嚟，加上係紅燒嘅關係，帶有鹹味同甜味嘅綜合，配住牛肉同湯一齊食，入口即化，正到冇朋友！！跟住就係麻辣粉絲必點嘅【麻痹鴨（台灣麻辣鴨血鍋）】，鴨血嘅滑嫩吸晒啲麻辣湯，咬落去嗰吓，條脷又麻又辣嘅感覺，簡直爽到痺😍仲有【澳洲200日純殼飼牛】真係讚不絕口，牛肉本身嘅甜味再放入紅燒和牛湯底，牛肉變到更加軟腍，幾乎唔使點咬。仲有放入麻辣鍋，牛肉甜辣適中，只有一個字足以形容，正！最驚喜我嘅【滷水拼盤】，有金錢肚，金錢腱，滷水牛筋，滷水鵪鶉，同滷水豆腐嘅組合，味道豐富，滷汁濃郁，加上全部食材都好新鮮軟腍，真係無得頂嘅小食🤤呢餐真係食到好滿足，係絕對唔可以錯過嘅美食👍💕

鍾意台式火鍋，又鍾意任食放題嘅朋友，我有一個好地方介紹俾大家，就係位於馬鞍山MOSTown新港城中心嘅一鼎‧台式火鍋！呢度地方闊落，衛生乾淨，啲食材都非常新鮮，侍應仲好有禮貌咁向我介紹佢哋嘅餐牌，成個用餐過程都非常舒適！我今次嘅用餐體驗係叫咗2鍋$289嘅【澳洲200日純殼飼牛】，用餐時間係90分鐘任食。湯底揀咗佢哋推介嘅【熏鰹魚】同【紅燒火牛】湯底。【熏鰹魚】湯底湯底味道適中，唔會重口味，然後鰹魚非常鮮，搭配海草令湯唔會膩。撈埋各種食材煮出嚟，都非常嘅好食。【紅燒火牛】湯底唔會太辣，而且非常濃郁，適中嘅辣度刺激住味蕾，簡直爽到唔得。佢哋澳洲牛肉片真係非常新鮮，由色澤睇落嚟就非常可口，放入鍋度涮後，鮮嫩多汁，滿滿咁包住湯底嘅鮮香，仲非常有咬口。今次仲特登叫咗侍應推介嘅【黑糖炸麻薯】，呢個小食外脆內軟，甜而不膩，係嚟呢度必食嘅小食。我本身食量好大，呢度真係可以令我食到飽，食到爽，所以真心非常推薦大家嚟呢度試吓佢哋嘅放題！

之前媽咪同我講佢朋友介紹咗佢一間火鍋店，叫我帶佢去試吓。今日終於有空帶佢一齊去食，呢間店係火鍋buffet、有分午市同夜市，價錢都唔同。我哋去嘅係午市，可以90分鐘任攞自助吧嘅火鍋料，火鍋料真係好多選擇，菌菇類、肉丸同麵都係任攞嘅。我哋揀嘅套餐係《澳洲200日純殼飼牛set》，殼飼牛嘅肉質真係有啲唔同，非常軟嫩而且脂肪油花分佈好均勻，一口落去真係極致嘅享受啊🤩🤩湯底有8種唔同口味可以揀，我同媽咪都揀咗唔同嘅湯底嚟試吓味。我叫嘅係《麻痹鴨》，店員端上嚟嗰陣我嘅口水就快流落嚟啦🤤 濃郁嘅麻辣香味同鴨血嫩滑嘅口感，真係辣到邊流鼻涕但係口停唔落嚟。媽咪叫嘅《紅燒火牛》，店家用咗優質嘅和牛仲有紅燒嘅烹飪方式，令湯底更加濃郁，真係令人回味無窮🥰

暗戀對象非常鍾意食和牛，不過和牛通常單價都好貴。為咗可以食返夠本食到爽，畀我搵到呢間【一鼎‧台式火鍋】有提供和牛火鍋，重點係放題。約咗暗戀對象，佢滿懷期待咁應承咗同我一齊去食 dinner buffet。呢度嘅環境非常乾淨，食飯枱位都好闊落。我哋兩個點咗【澳洲純和牛】套餐，一位 $319 兩位 $638，任食 2 個鐘。為咗可以試到多啲唔同嘅湯底，我哋兩個特登分別點咗唔同嘅，一個【紅燒火牛】紅燒和牛湯鍋同【QQ 骨膠原】膠原豬王骨鍋。咁樣都製造咗一齊分享食物嘅機會。上菜嗰陣，【紅燒火牛】嘅香味由遠處就已經聞到，而且非常香濃。跟住【QQ 骨膠原】睇落都一點唔輸蝕，湯頭好濃郁，飲落啖啖都係豬骨湯味。跟住就係【澳洲純和牛】，肉色非常粉嫩，雪花分布非常非常靚，食落去好滑，好嫩，好食！😂和牛嘅味道非常新鮮，即刻可以分別到同普通雪藏牛肉嘅肉質完全唔同。配埋湯底非常鮮嫩多汁，好有咬口！另外我哋仲試咗佢哋嘅其他配菜有【蘭花豆卜】同【豚肉京蔥】。【蘭花豆卜】完美吸收湯底精華，每一啖咬落去都好飽滿，咬落去湯頭仲會湧晒出嚟。而【豚肉京蔥】嘅配搭非常脆嫩，外脆內嫩，京蔥獨特嘅香味畀鮮嫩嘅豚肉包裹住，每一啖都係