Total B (Closed)

#wetdodo_荃灣呢間💛食西餐既小店唔難搵～當日閒日晚飯時間去到都唔洗等🤫呢到價錢相宜環境都ok如果同朋友食飯吹水都不失為一個好地點！—————————————————————💛雞肉野菌意大利飯 $72😋：5.5/10其實成兜飯既野菌味都好出～應該有打碎左啲野菌撈落去粒粒既野菌煮得夠軟身佢既意大利飯唔係煮到淋晒果款仲會有粒粒既咬口為一既敗筆係雞肉😂完全係為減肥人士而設白烚咁冇味得黎而且佢真係用雞胸食落啲肉都好老咁😫同埋因為成兜係味濃但啲雞又冇味🥲變左呢兩樣個味好唔夾💛燒烤醬燒豬肋骨 $112😋：8/10我覺得呢樣係必叫的～大大碟🤩平時出去食豬肋骨都唔係咁平而且仲可能係好多骨冇咩肉😗呢到相反～都算幾多肉食😛連骨既肉通常都唔差 食落夠淋身而且BBQ醬都落得夠多底下仲有啲薯條伴碟 不過不失沙律菜就有啲黑醋汁 酸酸甜甜幾開胃！💛香脆雞翼6隻(水牛城香辣味) $52😋：8/10雞翼係作為一個錦上添花既小食～Size都夠大隻 而且上枱時係熱到冒煙🔥證明真係新鮮熱辣整起😍其實仲有好幾款味可以揀：秘製香料甜辣醬/蜜糖蒜香/蜜糖果椒而我就揀左試下水牛城香辣😝咸香味好濃郁～係重口味之選應該係有落酸忌廉

自從荃灣西既天空之城連接左之後，好多新式既商場同地舖都進駐左唔少有特色既餐廳。無論係西式既連鎖扒房，主打日式燒肉同和式料理既餐廳，定係打住自家品牌旗號割據一方既小店，都可以係荃灣西到搵到。而Total B呢間店，反而遠離荃灣西既核心地帶，立足係開設左唔少同汽車服務同產品有關既享和街。記得呢間小店岩岩新開既時候，已經同朋友黎食過一次晚餐，當時食完已經覺得充滿驚喜。先唔講食物既水準比起同類型既餐廳較為高，而且價錢方面亦唔算太貴，可以話係一間性價比非常之高既餐廳。後來，因為疫情既關係，佢地有段時間就cut左晚市堂食轉做外賣，所以我都少左去幫襯。4月復活節既時候，好彩算有放緩既跡象，加上放假既關係，就同女朋友去左幫襯佢地既午市。當日我同女朋友大概1:15pm到，但店入面已經坐滿哂人，外面亦有兩至三pair人係到等緊位。雖然等待既時間都算長，因為佢地既野食都係即叫即整，所以我同女朋友等到大概2:00pm先入到去，不過我個人覺得係值得等待既。由於個日既天氣都幾熱，所以唔係幾想食飯同意粉個d。(佢地既飯同意粉係好食既，建議大家都可以試一試！) 我自己就叫左個夏威夷炸雞漢堡，女朋友就叫左個墨西哥卷食。

荃灣西開左一間話係某名氣BURGER店既分支，以平民價錢食到高質漢堡，本身都好想試，奈何佢只限外賣……..😫當日烈日當空、氣溫高達32度既中午，我真係無辦法企係條街度食😖，又唔想買完拎番屋企食淋薯條，只好等秋冬先試。想食BURGER既我，結果去左附近一間餐廳，因為有印象之前見過呢間小店既BURGER都幾吸引。當日LUNCH MENU 無漢堡，所以要另外點，包薯條同沙律菜，只係無餐飲同餐湯。小店應該係小家庭式經營，只有一對男女負責哂廚房同樓面，等食物既時間相對較長，當日我等左半個鐘，係於假既情況下半個鐘可以接受。沙律菜好新鮮爽脆，配埋個甜甜地既醋汁，好味。燒烤風味牛肉漢堡 $76除左厚漢堡扒外，仲有蕃茄、兩塊車打芝士、酸青瓜，最特別係有兩個炸洋蔥圈!!😲炸洋蔥圈好大舊，外脆內軟!! 餐廳用紫洋蔥，不過差左D甜味。麵包係我中意既芝麻包，而且芝麻分量相當多🤤。底面麵包都烘得好脆，望落有好多空孔，應該幾鬆軟，可惜烘過龍，變成多士口感，個人覺得漢堡既麵包應該要外脆入軟先好味🤔。睇相都知道漢堡扒SIZE未夠大，覆蓋唔到全個包，其實唔係因為扒太細，而係因為麵包太大，所以造成呢個錯覺姐😆。漢堡扒好厚，

喺呢間舖頭新開嘅時候嚟試過一次，當時覺得佢食物水準高，價錢又親民，但晚市就好少客，當時仲擔心佢做唔做得住上個月本來想再嚟試，但後來得悉由於疫情關係，所以4月先會開番堂食。苦苦等到4月，終於又有得食了當日中午都有幾pair人等緊位，雖然要等位係有少少麻煩，但見到佢生意好左，都好替佢地開心由於當日好熱，所以叫左墨西哥卷雖然話墨西哥卷係好basic嘅食物，但呢間有心機做嘅小店都唔會hea你㗎，卷皮出面見到好清晰嘅grill mark而且食得出啲菜好新鮮爽脆，雞肉又唔會乾柴當日嘅蕃茄湯都好好飲，令人想一碗接住一碗咁飲呀！

Total B 雖然都有提供 Pasta， Risotto， Steak 等 Main Dish，不過我相信嚟幫襯嘅人，大部份都會食 Burger，我當然唔例外。由於畀包頂個炸洋蔥圈吸引住，所以叫咗個燒烤風味牛肉漢堡。首先要讚既係個包，熱辣軟熟，烘得微香，面頭鋪滿芝麻，超正😋；手打牛肉漢堡既 juicy 肉味亦算濃，配料有蕃茄，酸青瓜，車打芝士同燒烤醬，雖然簡單但配搭得宜，好食👍；面頭既炸洋蔥圈大大個，又爽又甜，不過食嘅時候凍咗少少，炸漿已經變腍，影響口感。跟餐仲有脆薯圈同田園沙律，前者香脆惹味，後者清新可口，用上 raspberry 醋，除咗一般嘅沙律菜之外，仲有紅肉火龍果，紅肉西柚等生果，都幾揼本😆。一個既豐富份量又多嘅套餐，居然只賣 68 蚊，真係超級抵食😍。

叫左個炸雞漢堡，個包好大個一隻手都拎唔哂！塊炸雞都好大塊好好食！不過入面生洋蔥好辣，而且嚴重影響其他野食個味（食左生洋蔥個口就得生洋蔥個味）建議走洋蔥。重要！3點-6點係閉店！唔好摸門釘啊（中招的我）。個包唔記得影相得張單影左orz

已經唔係第一次幫襯，但話說今日遲左收工， 係銅鑼灣飛車返黎， 一早7點幾已經打左去叫定外賣， 點知差唔多9點先到😓😓老闆照等我， 重問我洗唔洗翻熱d野食， 無黑我面不單止， 重要咁細心... 我點可以唔大大力咁懲罰你地。野食又大份，又好味。個漢堡真係啖啖肉，如果唔係我遲到,新鮮食應該會仲正🤤🤤🤤

噚日(12-12-2020 Sat)同老公又送膠後食個晏,search到未懲罰呢間黃店,於是嚟搵,搵到喇,坐低後睇完menu,我哋都要set lunch,我要$78.00嘅焗蜜糖芥末雞扒配牛油露筍,甘筍及蜜糖薯角,要蘋果汁.老公要$62.00嘅南瓜芝士餡餅,但未有,咁佢就改要$88.00嘅法式香橙鴨胸配牛油露筍,甘筍及蜜糖薯角,要熱咖啡.兩杯飲品到嚟,我杯蘋果汁有少少酸,或者係正常啩.然後係是日餐湯同蒜蓉多士,餐湯係蘑菇忌廉湯.個湯係熱騰騰,飲到細細粒嘅蘑菇,味道適中,稠杰度啱啱好.而蒜蓉多士脆口同夠味,唔錯.味道: 5分之後兩個主菜到嚟,份量唔多唔少,我先試老公嘅法式香橙鴨胸,橙味好搶,但卻又食到鴨酥味.味道: 3.5分我嘅焗蜜糖芥末雞扒呢?件雞扒都幾厚,蜜糖芥末味道唔係好夠濃,雞扒口感唔會好嚡,又ok喎.味道: 4分配菜嘅甘筍好夠腍同甜,牛油露筍正常,而蜜糖薯角就遜色咗啲,大件但外面唔脆.味道: 5, 4, 2分環境:工業設計,特別,連枱腳都有睇頭.抵食係2.7分

食自家製既美食門口寫明一人廚房要比d耐性出餐係依次序出😘好細心小食拼盤 $88農場迷你漢堡 $68卡幫尼意粉 $52小食記得襯熱食迷你豬肋條記得點秘製汁*芝士會拉絲～～

Total B💛黃💛便宜高質素西餐廳🍔農場迷你漢堡: 三個小小的漢堡, 有3隻味。傳統牛肉迷你漢堡、菠蘿炸雞迷你漢堡、蜜糖芥末吉豬迷你漢堡。雖然細細個, 但依然好多好多層, 非常足料。先食牛肉, 牛肉非常juicy, 醬唔多反而突出牛味。炸雞好脆, 係粒狀而唔係塊, 幾新奇, 但而家無整跌啲材料。菠蘿酸酸甜甜, 好開胃, 呢個配合成為左我係呢三個漢堡入邊最鍾意嘅原因。芥末吉豬炸得非常之脆口, 我而且有芥末濕濕地唔會太乾。🐤水牛城香辣香脆雞翼: 一共有六隻雞翼！香脆而入味, 不過甜多過辣, 我會想食辣味重d, 但佢另一隻係秘製辣醬, 可能會再正d, 下次試下先。🐷燒烤醬燒豬肋骨: 有兩塊咁多, 仲要有啲厚身, 真係好抵食。淋身易切易咬, 而且肉質唔錯, 幾juicy。好鍾意嗰個醬, 甜而香, 好夾豬肋骨。仲有沙律同薯條配送, 真係好開心、好滿足。💰 人均HKD 150✨ 舖頭細細, 裝修亦都唔係特別豪華, 但係好有家的感覺。位置唔算太方便, 所以星期六晚都唔係好多人, 但其實我覺得佢幾好食值得有更多人。位置喺秘附近, 王子廚房嘅舊舖, 有機會去啦！

喺呢間餐廳周圍都見到這隻香港豬🐷非常喜歡這盞燈❤️ 餐廳的工業風裝修，無假天花的樓底高，無壓迫感，不過餐廳座位不算多。好多時候都要等位，所以過嚟食要預鬆少少時間。美國安格斯肉眼扒 $168（5成熟）牛扒很淋，切出來雖然係紅色肉，但擺落口很淋又香牛味。份量有點多，塊扒有一個成年男人的手掌那麼大燒烤醬燒豬肋骨$108燒烤醬惹味又不太鹹，平時食的豬肋骨往往是骨多肉少。但這塊是多肉，而且豬肉好淋，完全唔覺得粗糙。應該是先蒸，留住肉汁，再焗熟❤️絕對可以再嚟食。燒烤風味牛肉漢堡$68朋友說這才是真正的漢堡包🍔，正當等在懷疑他要怎樣食的時候，只見他用手壓一壓包面，隨之張口大咬，肉汁從嘴角邊彈出，非常滿足$68就食到，呢個價錢去邊度搵甘好吃的漢堡黑松露忌廉明蝦扁意粉$78一睇個樣就知好好食黑松露味夠突出，睇得出廚房系落足料。意粉略為偏硬，適合喜歡食偏硬意粉的朋友。食到最後，黑松露忌廉醬汁太多，有少少溜的感覺。但整體來講，系值得一試總結：一間有Heart 又性價比高的黃店，而且食物系有很高的質素，大家可以嚟試吓。

讚1.份量的確好大！以六十幾銀有呢個份量，成區都難搵對手，同埋真係樣樣都即炸即整，麵包有煎過，洋蔥圈甜脆，燒烤醬都惹味；塊扒都算有肉汁2.環境舒服，寧靜彈1.塊扒係散左啲，似乎係肉既比例上要研究下2.的確係等得耐

推介：⭐️⭐️⭐️⭐️❌無加一——————————新開嘅黃店位置比較偏，所以唔係太多人注意到。鋪裡面座位唔算多，但都唔會坐得好迫，裝修都幾特別。最重要係價錢好抵食又高質🤑👍🏻——————————朱古力心太軟 $52（所有甜品均配 雲呢拿雪糕及蜂巢脆脆） 心太軟無得輸，超濃朱古力味又唔太膩口👍🏻 雪糕係Haagen Daz個款焦糖脆脆味，好正😋-傳統牛肉漢堡 $78（所有漢堡均配 沙律及薯條）巨大份足料，牛肉好香同Juicy🤤最欣賞個包係煎烘過，外脆內軟👍🏻 配菜好新鮮，生洋蔥比較辣-芝士野菌牛肉漢堡 $68同上面果個一樣都係咁正👍🏻 蘑菇都好多汁，個人會鍾意呢個多啲❤️-夏威夷炸雞漢堡 $58雞排勁大塊，又係炸得外脆內嫩👍🏻-農場迷你漢堡 $68岩哂細胃口嘅寶寶，又可以樣樣試啲，呢個推薦👍🏻不過就冇薯條食😬-黑松露忌廉明蝦意粉 $78比較普通嘅意粉，冇咩特別，蝦幾新鮮爽口，但黑松露味唔太夠，份量有啲少————————整體來講，食物質素都高，價錢又親民，係地方細啲同偏啲，大家都快啲支持吓小店啦🤗👍🏻-更多食評食支持IG❤️：namnam_happyshare

自從知道新開張後，已經去過幾次，首先值得欣賞嘅後人性化嘅訂位方式，唔係冷冰冰嘅app，而係用WhatsApp有對話，仲會更新你今個星期新嘅菜單。食物方面主要推介麵包類，即係漢堡同埋三文治等比較出色，我唔知餐廳係咪自家制，但至少每次都食得出個包新鮮熱騰騰果種感覺。價錢上，以荃灣區嘅價位嚟講，絕對超抵食，除非你係叫貴價扒類，如果唔係大部分食物都係$50-60有交易，仲要有湯有沙律有飲品。環境就見仁見智，始終小店舖面比較細，枱與枱之間比較逼，勝在天花樓底夠高，唔會有一種好壓迫嘅感覺。

同老公去長沙灣行市集，之後搭車到荃灣行街今日想食漢堡包，但之前食過個間無開，所以試下呢間小店，店內唔算大，我地六點半到達，不過要等到七點先有位，好在門口有位可以坐住等，時間都算過得快哩😃最重要係七點就可以準時入座今次點左漢堡包及炸魚薯條，配上沙律，沙律的醬汁酸酸甜甜而且有水果其中，很開胃。漢堡包的包很美味，漢堡juicy 不過有少少鬆散，但整體滿意。炸魚是沾麵包糠炸個種，不太油膩，薯條香脆除此之外，店員態度友善，值得稱讚