茶湯會 (利園山道) (Closed)

真的見笑，如果不是要寫這個開飯食評，都不知道原來店名是「茶 湯 會」而不是「榮 湯 會」😂與同事飯午飯後決定今日一定要試這間台式飲品店，因為每次經過都見到有一堆人在等待，證明勁有人氣。見到店內有三款推介，我點了其中一款 : 珍珠紅豆拿鐵，因為這店正在做推廣，可以免費把珍珠升級轉為「銀玉」，當時其實不知道甚麼是銀玉，但因為被「免費升級」吸引了就二話不説決定要試試。原來銀玉是透明的粒粒珠，較平時食開的珍珠細粒，也是Q彈有咬口的。雖然這裡的飲品看來比其他連鎖茶店的看來較細杯，但很欣賞這店對自家品質的堅持，於餐牌上有列明「堅持品質與風味，不提供去冰!」，而更要讚的是: 店員會詢問是否需要協助把飲管插好，超細心!

平時黎都好開心因為啲野好飲。今晚突然好想飲但係知道都幾夜所以上網check幾時先close。擺明係十點先close，我九點五十分到。。。仲有十分鐘架但係都唔做生意嚡。。。我都做過service但都係做到close先！

一直覺得茶湯會的名字很特別，原來係有著「以茶會友」的意思，店內都會見到標語「一杯幸福茶 一份人情味」，而幫我落單的店員也帶有微笑，感覺很好店內有座位，人流不多時坐著等真係幾好今次選擇了凍珍珠奶茶，原本只打算喝最普通的版本，但店員表示有鮮奶沖製(+$6)，諗到某書店內台式飲品店的也是鮮奶沖，很好喝，於是即刻轉呔，並選擇較清香的茶味，結果成了翡翠珍珠拿鐵@.@等了5分鐘左右就有，一入口，果然鮮奶沖是比較滑，加上淡淡的茶香，很清新，喝得很舒服，而且珍珠有別一般台式飲品店，偏向細小，但都有嚼口， 只可惜整杯size太少，喝得不夠喉

最近知道銅鑼灣開左間茶湯會，次次都飲天仁，今日就試新野啦！諗左一輪，最後都係試最basic ge珍珠奶茶，店員好體貼，落單時會問你想用奶粉定鮮奶沖，我地兩杯都叫左鮮奶，又會問想茶味濃d定清香d，珍珠仲可以免費升級做銀玉。落左單之後發現愈黎愈多人，但店鋪只有兩個人，一位負責收銀，一位負責沖飲品。等左十分鐘，有得飲啦，我個杯要左清香，微糖，微冰，鮮奶味較重，銀玉比細粒珍珠更細，好有'趙頭' 。順帶一提，如果揀奶粉，價錢會平六蚊。

今日食完午餐，好想飲涼爽飲品，嘩嘩嘩，好多人排隊啊～我都加入排隊團隊好多選擇啊珍珠彈牙爽口，甜度適中，好好味綠茶好香，加上珍珠有咬口原本飲品有珍珠就可以免費升級，轉銀玉

10月天氣都仲係咁熱，梗係去飲番杯冰凍嘅珍珠奶茶，去左銅鑼灣春水堂旗下嘅茶湯會，選擇都幾多，不過見佢人氣no. 1係鐵觀會珍珠latte，就叫呢杯啦！當日人唔算多（你見我影到個counter都無人排就知），但都要15分鐘左右先攞到飲品，我就覺得佢嘅叫號方式需要即時改善！我當日係79號飛，不過阿姐嘅叫號次序就好奇怪！我明白一般珍珠奶茶鋪唔會請好多人，始終而家人工貴，鋪租貴，通常落單收銀同叫號攞奶茶嘅都係一個人做哂，明嘅！大家都體諒！而通常做法係會等到3,5,7杯做好哂，先一次過叫，都明嘅！不過阿姐完全無跟次序，求期攞起手就叫，搞到會令人有"遲黎先上岸"嘅感覺，而且香港人好醒，見到我前面個個人未攞，都會企佢後面排隊等攞，阿姐隨手攞起就叫，明明我上一個係78，佢突然就叫85，然後又81，之後又84，之後先到79，搞到現場的顧客都亂亂地！而且飲過咁多間，都無一間係咁叫嘅！間間都會順序叫，除非係某d製作需要耐d時間嘅缺特飲…我覺得咁樣亂叫號嘅安排係極差！你明明見到你杯茶係張枱到，但阿姐就亂叫明明係你後面嘅號碼，而且中途仲去收左兩次銀…點解我要比我黎之後嘅人等多5分鐘？？？終於亂叫到我！我杯野到左

人在九龍區番工，一星期有五日都喺油尖旺，到週末放假通常留喺新界西或者間中都會過海。去到銅鑼灣搵野飲我通常都係好老土地去誠品排下隊，順便食雪糕。最近見到希慎後面開左間茶湯會，如此一來，我就有多個選擇呢。以往淨係試過光顧天后同旺角嘅分店，驟眼睇覺得銅鑼灣呢間新店店面面積大較大，門口位置仲有放有一張小長櫈，怕等得耐嘅客人可以坐低等候，不過幾次黎都唔算話人流好多，所以都唔洗點等候市面愈黎愈多飲品店，各走不同路線，即使同為台式飲品店，主打嘅茶飲都有所不同。茶湯會嘅選擇唔算好多，主要係奶茶、拿鐵、紅綠茶等，不過價錢相宜，大概係$14-$28。而我一般係選擇拿鐵系列，分成紅茶、翡翠、紅豆、鐵觀音、芋香幾款配搭，有冇珍珠只係相差兩蚊，一般我都要埋，鐘意有少少咬口。觀音珍珠拿鐵 $25觀音拿鐵係茶湯會嘅人氣產品，但我都係第一次飲。買完之後因為落起大雨，我地都急急腳跑入商場，到冷靜落黎嘅時候，發現杯中嘅冰已經溶左一部分，幸好並冇影響本身茶嘅濃度。不過呢類始終係手調飲品，就算有固定份量，只要係人手沖，個個手勢唔同，即使每日沖過上百杯，都有機會杯杯略有分別。以今次黎計，茶味相當濃，奶味唔重，拿鐵唔會好厚身，加

星期日同朋友仔去咗銅鑼灣行街，行行下因為天氣太熱啦，所以呢～我哋就去咗附近嘅“茶湯會”買嘢飲啦。🙋其實款式來說都算多, 令我同朋友仔都花多眼亂呀, 咁今次我就選擇珍珠奶茶啦, 因為我好怕甜, 所以都係叫少甜比較好, 而珍珠奶茶的價值為$19。而等候嘅時間都唔算太耐嘅, 大約5分鐘左右到就有得攞啦。😃先評論珍珠奶茶先:茶底方面: 茶味夠香濃, 奶味好夠, 唯獨是好甜, 其實我已經叫咗小甜, 但都覺得好甜。珍珠方面: 珍珠煙靭, 有咬口, 唔會太甜。而價錢亦算合理, 路過熱熱地, 買杯飲下就正啦。😄

經常飲台式飲品，但就唔係成日見到茶湯會，可能因為唔係太多分店，而且上次試過覺得冇乜特別。週日打風唔成，極度焗促，喺銅鑼灣遇上茶湯會，呢間分店貌似開左唔係好耐，店面幾大，客人頗多，但等候時間唔長，而且同意前面食評所言，呢度嘅店員好有禮餐牌供應奶茶、鮮調茶、拿鐵等 定價$14-28，可加錢配珍珠/紅豆/蘆薈等。而為堅持品質，不提供去冰。我地點左兩杯飲品，企埋一邊等叫號，店面都愈黎愈多客人。珍珠紅豆拿鐵 $27：有別於一般台式拿鐵，奶味唔重，茶味亦都有待加強。紅豆份量都幾多，甜度適中，好似飲緊紅豆水咁。珍珠細細粒，有嚼勁，但唔算好煙韌。愛文芒果冰鑽 $26：夏季限定嘅芒果系列有三款：冰鑽、拿鐵、銀玉拿鐵。有食過台灣愛文芒都知道，呢款芒果甜到不得之了，所以製成飲品都係預期之中香甜。冰塊並冇打得好碎，飲落非常冰涼。不過提一提，唔鐘意愛文芒唔好立亂點，唔係個個受得了呢種甜啊。

家住銅鑼灣，發現最近開了這間台茶店。之前飲過天后的茶湯會，有少少失望。但係這間分店令我拾回對鉄觀音奶茶嘅熱情😋😋😋茶味濃、奶味香！又乾淨！店員們又醒目！讚!😍😍😍😍

茶湯會開得越黎越多，好方便，之前都係要經天后先有得飲最愛嘅觀音珍珠拿鐵，個茶味真係好岀，做奶茶好特別，好好飲，我成日都念念不忘，一見到茶湯會就會飲😆近排想少飲凍嘢，要講下養生，熱到死都堅持要嗌熱飲，呢款觀音珍珠拿鐵都有熱，一樣好飲，仲濃郁過凍飲，啲珍珠偏細粒，好好咬口☺️ 其實佢仲有好多款飲品，但我都冇試過，下次可以試試！值得一讚係呢間分店有張長椅，等個陣有得坐，有時行左成日街都真係幾攰下😀😀😀

去大球場睇波前，好想買一杯消暑解渴嘅飲品。路過希慎外面見到開左間茶湯會喎，二話不說馬上買返杯豆漿紅茶先。豆漿紅茶（$19），多冰，微糖。坊間唔係好多台式飲品供應豆漿紅茶，多數係台式奶茶，而且用上奶精唔係好健康。豆漿紅茶可以話係健康之選，天氣太熱我要左多冰，微糖就因為想飲返個原味，如果初次飲的話，我會建議叫半糖少冰會適合啲。茶湯會係台灣著名台式飲品連鎖店，而家喺香港越開越多，雖然價錢比台灣果邊貴左少少，但係佢嘅豆漿紅茶同觀音拿鐵都幾好飲架。下次想加呢個珍珠

經過希慎側門竟然俾我發現開左間茶湯會， 以前睇FB 有疑似公關post話珍珠奶茶大決戰 佢評分好似都OK， 就一於試試！款式同一般珍奶店差不多，不過茶湯會由地點（對面係希慎寫字樓）、裝修（木色系，店面有數十尺空間俾人排隊，仲有張長木d凳添）、到廚房大小（好大！新開張得1個人整緊野飲，1個收銀，2個扮工..）都走珍奶高端路線xD  但價錢都同出面X茶／歇XX差不多，size就可能細少少，目測無500cc。叫左杯珍珠紅茶，半糖少冰，諗住飲肥仔水都唔好太過份，而且本人不嬲不好太甜；平時叫歇XX既半糖都會好甜，呢間既半糖幾岩我心水； 紅茶味唔會太濃，但都幾夠味，‘gip gip’地有D掛脷；少冰亦真係少左俾我，目測得3﹣4粒冰，唔會令到D茶淡晒或成手冰水。珍珠方面份量唔多，係細細粒版既珍珠，深褐色，煮得岩岩好，但本人prefer大粒版滿足我口癮珍珠無甜味， 所以overall都幾清，肥仔水都唔怕啦！（好似係）整體不錯，會再幫襯試下第D野～

包裝幾好，有啲東瀛feel，cs幾好，staff都後生有禮貌，但主打鐵觀音奶茶一般，茶味無對手天仁茗茶咁濃，叫左半糖，多冰既情況沖淡下有啲似飲糖水，大家都係銅鑼灣，會選擇天仁，但branding and packaging 明顯茶湯會係有啲class有啲文藝風，唔錯！

「茶湯會」是始於台中有名的飲品連鎖店， 以「一杯幸福茶、一份人情味」為品牌宗旨， 可惜分店不多， 得知在銅鑼灣希慎廣場後方開了一間新分店， 當然來捧場！🙈😏 「茶湯會」有多款與別不同的特色飲品， 招牌飲品如鐵觀音拿鐵、珍珠紅豆拿鐵、東方美人茶等， 珍珠和紅豆一向是小編最愛， 當然點珍珠紅豆拿鐵（$27）， 一次過滿足晒兩個願望✌🏻 不愧為「茶湯會」， 🌱茶味的確比其他同業香濃， 但取捨下，奶味不太重。 珍珠和紅豆的份量都算不少， 細圓的珍珠彈牙有嚼勁，紅豆圓潤甘甜 ， 兩者配搭下起來，有多層口感呢！ 珍珠煙韌，紅豆軟腍腍👄， 珍珠加紅豆，一次過滿足晒我兩個願望。☺️ 可是，以Size和價錢與其他同業比較， 茶湯會Size較細杯，只有16oz， 價錢相對亦較貴💸😭。