珍煮丹 (Closed)

疫情期間好耐冇出街今日趁lunch time即去買珍煮丹買珍珠奶茶我們一行二人買了兩杯飲料我們點了一杯黑糖珍珠厚鮮奶同一杯珍珠伯爵鮮奶茶兩杯都選擇了微糖少冰黑糖珍珠厚鮮奶是十大推薦飲品厚鮮奶入口很滑選用微糖的甜度很配合黑糖味道不會太甜再配上珍珠好煙韌超好味一飲可以滿足去台灣的感覺另一杯我選了珍珠伯爵鮮奶茶一向對伯爵茶情有獨鍾伯爵鮮奶茶要好似好睇個伯爵茶的品質這杯飲品伯爵鮮奶茶味道配合很好伯爵茶夠香不會太濃配合新鮮鮮奶甜度選用微糖好好味再加上煙韌的珍珠超好味😋

Hysan Place 隔離街有一整排台式手搖杯店，小妹首選係依然係過江龍-珍煮丹，獨愛佢嘅黑糖珍珠厚鮮奶。夏日炎炎正好來一杯透心涼既手搖杯🥤珍煮丹每季都會有期間限定飲品，必試之選🥇1️⃣藍莓草莓優格冰沙 - 期間限定- 炎夏必選之一，冰凍既冰沙加上藍莓草莓新鮮水果既酸酸甜甜既味道，立刻熱氣全消🧊🧊另一個加分位係哩杯冰沙用黎打卡一流，一層粉紅色一層紫藍色，整個少女心大爆發😍2️⃣十份芋芋鮮奶 🥇- 靚仔店長話哩個係上季既限定飲品，因為太受歡迎所以依家都有得飲。喜歡芋頭製品既朋友一定要試下，一杯飲品有齊哂芋泥同芋圓，嘩嘩嘩，口感好豐富，有煙韌既芋圓加上綿綿既芋泥，而且十份足料好滿足呀！3️⃣黑糖珍珠厚鮮奶 -長期top 1 最受歡迎既人氣飲品，梗係啦，珍煮丹係主打黑糖製品嫁嘛。哩到既黑糖珍奶係有得揀甜度既，如果唔係嗜甜既朋友，建議揀微糖即可。珍珠份量有成1/3杯，黑糖唔會死甜仲有少少焦糖味，包你每一啖都可以食到珍珠😋

星期日又是我aka珍珠奶茶界的KOL出動的時候，這次去了銅鑼灣試這家很多好評的珍煮丹。跟女朋友兩個人看完電影，本身打算買一杯share，試一下他們的招牌top10，但我看見我去台灣必喝的香芋鮮奶（十份芋芋鮮奶）就轉軑了，哈哈，自己喝一杯！ 女朋友怕太Heavy，她另外點了杯蜂蜜檸檬菊花茶。十份芋芋鮮奶（微糖微冰）（$36）聽從店員的指示，先用飲管攪勻飲料。因為有芋頭同芋圓，所以每一口的口感非常豐富。首先，它的芋頭是新鮮鮮榨，所以是個挺健康沒有外在添加而天然的配料。而芋圓咬下去煙韌，不會很甜，是珍珠以外的最佳選擇。蜂蜜檸檬菊花茶（$28)賣相引人入勝，十分足料有菊花、杞子。水準以上，入口清甜，再嘗到酸酸甜甜的蜂蜜，最後還有啖啖的花香。

今日去沙灘之前決定要買兩杯透心涼嘅飲品去沙灘慢慢歎呢度位置好方便 我哋地鐵站行嚟好近 都唔係好多人等緊珍煮丹出名黑糖飲品就叫咗一杯黑糖仙草鮮奶茶以及店員介紹一杯係榜上面個名都幾特別嘅蓋世不知春黑糖味真係非常唔錯 配埋仙草有種啫喱口感 仙草味都幾濃 唔會太甜好膩真係調配得好至於我杯蓋世不知春其實就係一個奶蓋配綠茶 茶味好香 奶蓋厚度又夠而且芝士味都幾濃 店員仲貼心介紹可以斜斜地飲咗先咁就會茶同芝士奶蓋都飲得到 之後就可以隨個人喜好攪拌一齊或者分開飲都可以

利園山道係大名鼎鼎既珍珠奶茶街，珍珠奶茶舖開完一間又一間，珍煮丹係最早開舖既一間，而且一直屹立不倒，今日經過利園山道時當然要買台式飲品，珍煮丹絕對係我首選。今次參考左餐廳嘅Top10排行榜，最後我地揀左No.7️⃣同8️⃣。- 泰泰珍珠鮮拿鐵之前飲過珍煮丹既珍珠奶茶，自己覺得麻麻，不過呢杯非常驚豔。珍珠非常煙韌，仲有少少黑糖味道。泰式奶茶本身好甜，叫少糖就啱啱好。用鮮奶沖更加香滑順口，珍煮丹用上碎冰，味道唔會咁快淡。- 蜂蜜檸檬菊花茶🌻職員一介紹係美顏茶既時候，女友即刻落單🤣，味道剛剛好，唔會太酸或太甜，味道非常平衡。另外菊花非常清甜。我未落單時，自己諗住之後試埋珍煮丹No.1️⃣至6️⃣既飲品，不過我已經搵到我既最愛-泰泰珍珠鮮拿鐵❤️。

天氣開始熱，行行吓街想飲返杯凍飲，經過見到台灣人氣珍煮丹，就歎返杯signature黑糖珍珠厚鮮奶&店方推介嘅十份芋芋鮮奶，飲品仲可以揀冰量同埋甜度；店員遞上飲品時，會好細心提醒客人要搖勻先飲，約1分鐘後，珍珠會係最佳口感。黑糖珍珠厚鮮奶 $34少冰，半糖奶味好濃，原來佢哋係用明治4.3特濃鮮奶，黑糖珍珠由台灣自家廠房生產，唔算好甜，煙煙韌靱有咬口；飲之前先攪勻，成杯倒轉，啲珍珠都保持原狀，密度好高，足量👍🏻十份芋芋鮮奶 $36少冰，半糖必試推介！比九份芋圓多一份手作芋泥，佢哋嘅芋圓係由台灣空運到港，細細粒QQ彈牙之餘，仲充滿芋香，最鍾意就係佢嘅手作芋泥，綿密順滑甘甜，好好味！

大熱天時，成日喺條街都想整返杯嘢飲❤️❤️❤️但又唔係間間好飲喎！今日朋友推薦呢一間，其實一直都聽咗好多次，不過都冇機會試，今日就同佢一齊嚟試一試❤️❤️❤️👍🏼👍🏼👍🏼好多款式可以揀，亦都有排行榜可以比食客參考😊👍🏼👍🏼👍🏼👍🏼餐廳有消毒用品好細心❤️👍🏼百香雙響，入面有珍珠椰果，唔會太甜👍🏼👍🏼👍🏼百香果嘅果味好出，唔係好假個一隻，好好飲❤️👍🏼👍🏼👍🏼👍🏼👍🏼十份芋芋鮮奶，朋友話唔香味好濃，加埋珍珠一齊飲好夾👍🏼👍🏼👍🏼👍🏼❤️

呢排成日落雨，終於比我等到陽光普照嗰一日啦，因為可以瘋狂行街shopping，補返之前Work From Home嗰種失落感！行到咁上下，朋友建議不如飲下黑糖類既台式飲品，貪唔洗又去便利商店飲嗰啲咁悶同埋可以揀返岩自己既糖度！講起黑糖，就一定諗起珍煮丹啦，話哂係台灣都開到成行成市。經過我地商討下，就揀左黑糖珍珠厚鮮奶同黑糖仙草鮮奶，都係比較上傳統既台式選項，順便又當自己去左次台灣，嘻嘻！首先，台式飲品又點會少得珍珠呢個選項呢？我覺得珍珠除左要夠彈牙外，仲要係夠足料，咁先可以令顧客過足癮！珍煮丹係呢方面做得相當唔錯，一咬落去就知係每日新鮮煲出黎，仲要同黑糖混合得剛好，又唔會係嗰種死甜又又帶到黑糖嗰種甜味，抵讚！其次，仙草都做得相當不錯👍🏻因為好多人都怕仙草會有一種偏藥材味，但珍煮丹不但整到嗰種藥材味唔會太出而又可保留傳統仙草嗰陣口感同味道。最後，店舖內既防疫措施做得相當不錯，除左員工正確地佩帶口罩外，無論枱面及收銀位都見唔到任何污漬，並係取飲品處仲提供酒精搓手液，令到顧客都十分放心！

天氣熱辣辣 又係時候飲台式手搖飲品💛喺銅鑼灣附近 用和你eat 搵到呢間珍珠奶茶 就梗係要試試佢啦🥴你唔係重似喜乜同乜乜堂掛🥴 台式飲品就梗係要飲返來自台灣嘅店啦🥴聽講佢晚珍珠絕對唔會放過夜！！ 個牌勁似寫「珍煮母」🤣🤣其實佢鋪位都幾大 幾舒服 行小清新路線 我個朋友之前做過台式飲品店 都話呢架鋪頭望落好舒服 其實有好多都好吸引 諗左好耐唔知飲咩好🤭🤭最後見到個飲品推薦list Top 1係 黑糖珍珠厚鮮奶就決定係佢啦🤣🤣溫馨提示： 有充電器借放大d睇 重有隻醫護連豬🐷🐷 個黑糖道橫額好似好pro咁🤭🤭 我諗都諗唔到咩理由唔揀黑糖系列了🤭疫情期間 都有酒精搓手液提供 👍🏻👍🏻👍🏻等左1分鐘左右就有野飲啦🤩🤩 好快手😋最後我哋兩個都係叫左 黑糖珍珠厚鮮奶💛同樣地都係少糖少冰 因為本身個黑糖已經好甜 其實應該係要無糖🤭🤭🤭 不過so far都唔會太甜 以前飲個d黑糖珍珠奶茶都會好甜 同埋奶味好香 好滑 👍🏻👍🏻👍🏻 Feel 到佢d奶係有2隻層次😍 正正子！ 聽講佢嘅蓋世英雄系列都好正！ 一於下次去試下🥴🥴

天氣開始熱熱地，行街行多兩步就好想整返杯手搖飲品知道呢間其中一樣主打係以滿滿oreo製成既飲品點可以唔飲呢?簡潔舒服的店面top 10 排行，每樣都好吸引價錢唔算貴我就點左排第2既奧利珍同埋第10既百香雙響奧利珍滿滿的oreo，見到都開心因為呢杯野係固定甜度，又有oreo，本身以為會好甜但又唔會喎甜度剛剛好而且奶味好香濃又creamy加埋滿滿既oreo碎脆脆地咁，口感好得意而且珍珠比起一般茶飲店既更煙韌更有咬口，仲越咬越有淡淡既清甜出黎不愧係排名第二既飲品百香雙響其實即係百香果綠茶珍珠椰果滿滿既百香果，誠意十足咬落去d核到脆脆地幾得意而清香既綠茶同酸甜既百香果完美咁合而為一酸酸地生津止渴，岩晒夏天飲仲煩惱緊要珍珠定椰果？唔洗諗啦呢到兩樣都有珍珠依然煙韌椰果夠爽口兩者加埋口感更有玩味

成杯到手既時候層層分明，溝均飲落去先飲到好濃郁既黑糖味，然後有一陣好濃既鮮奶aftertaste，bubu本身就唔鍾意牛奶，對bubu黎講溝均後既奶蓋既奶味就過於濃，但bubu相信追求奶味道既就好好好喜歡! 其實整體味道都好match~ 好香黑糖味，鮮奶既味令到黑糖唔會過甜唔會膩，厚鮮奶令到成杯野飲係creamy係thick既，而珍珠有成1/3杯，每啖都可以有珍珠，咬落去好煙韌，亦好重黑糖味。所以成杯overall(雖然對bubu黎講鮮奶味偏重) 都好唔錯~ 大推!

不知不覺間已經飲咗唔少珍煮丹嘅飲品成日喺銅鑼灣行街嘅時候都會想飲下🤣雖然銅鑼灣有好多選擇 但唔知點解經常性就會決定飲呢間😆———————————#黑糖珍珠厚鮮奶 ($34) 味道：8.3/10呢款係店舖最人氣嘅選擇飲落去嘅感覺非常creamy有少少花奶嘅香味🥛黑糖嘅份量啱啱好珍珠亦好煙韌唔會太軟我今次叫嘅係全糖覺得就太甜飲嘅話叫半糖會好啲~-#黑糖珍珠仙草鮮奶 ($30)味道：7.8/10同厚奶相對之下呢杯就會冇咗creamy嘅感覺不過如果唔想飲太heavy嘅飲品呢杯就適合啦而且佢嘅仙草 味道都好出唔會俾黑糖味掩蓋左~-#奧利珍 ($40)味道： 8.8/10本身就好鍾意oreo嘅產品😍買之前覺得呢杯飲品比較貴因為佢嘅份量比起其他係細啲但飲落覺得幾驚豔因為入面oreo嘅份量非常多每一啖都有好多Oreo飲碎因為入面有好多奶蓋所以飲落好creamy 如果自己一個人飲嘅話飲完會好飽!-#黑糖冬瓜珍珠 ($28)味道：8/10因為叫咗全糖所以一飲落去嘅第一下覺得真係太甜但雖然好甜 但都冇覆蓋左冬瓜茶嘅味道冬瓜嘅味道非常重不過個人就覺得珍珠同奶茶嘅味道比較夾冬瓜茶可能單獨飲會好啲~-#檸檬紅茶

係短短一條街入面，有4-5間台式飲品店相連著。揀，係人之常情吧！良禽擇木而棲。Menu 上有好多選擇，諗左諗右！最後揀左十分芋芋鮮奶$36想飲有芋圓同芋頭既飲品！但配的只有鮮奶，配茶的卻沒有芋頭😕。回歸正題，芋圓芋頭佔咗2/3杯，非常重手！芋圓有咬口，不會只是一團粉團！芋泥唔會太甜，每啖都飲（食）到3者既混合，比例非常好！所以當我完成哂成杯之後，非常非常飽肚😂假若是配奶茶，我會更開心朋友就揀左黑糖珍珠仙草鮮奶$30珍珠有咬口，而且黑糖味濃郁！

同寶仔去拍拖，見到「珍煮丹」推出左兩款以「芋圓」為主題嘅秋冬限定新品：「十份芋芋鮮奶」和「覓蜜芋圓鮮奶」，身為芋圓迷嘅小妹梗係唔可以錯過啦！😏顧名思義，「十份芋芋鮮奶」係用芋頭做主打，而 「覓蜜芋圓鮮奶」則用上台灣嘅百花蜜。芋頭迷不可錯過嘅十份芋芋鮮奶（$36）賣相分層雖然冇圖片做得咁好，不過隱約都仲見到中間有一層芋泥，店家標榜芋泥採用大甲芋頭製成，芋頭泥口感綿密，配上小農鮮奶，和Q彈煙韌嘅雙色芋圓，層次感十足。整體來說，味道相當不錯！👍🏻不過由於每日製作嘅芋圓數量有限，小妹咁耐以黎都只係成功買過一次，機會可遇不可求，真係名副其實嘅「剛好芋見你」！

同朋友行過 之前都有好多人排隊 都一路未試過 今次終於試左 但可能希望越大失望越大。😔黑糖珍珠鮮奶 $30珍珠感覺比附近間milksha 個間大粒啲 都係屬於煙韌既珍珠 有口感既 一路食一路有陣黑糖既香味 好似啲黑糖融入左啲珍珠到 但個人覺得太甜 甜到好似會令啲牙齒會柱牙咁🤦🏻‍♀️😂 鮮奶唔係溝奶粉既 係真係用鮮奶沖既！ 啲鮮奶都路算好濃郁 好似有啲水。 整體來說 我覺得試一次就足夠了😂 可能我唔係蟻人 比較適合蟻人多啲🤪