信得過 (Closed)

前兩天與母親談到煲豬肺湯很花工夫，網上便出現靚湯優惠，真巧！分別買了杏汁花膠豬肺湯和杏汁豬肺湯卷，前者有一塊大約兩吋長的花膠圈，純白色的湯裡看得見杏仁粉，口感棉滑，豬肺很鮮嫩，沒有鯹味。但是有限制使用優惠卷不可以加錢食粉麵，飲完一大碗湯跟本不可能多來一碗正價湯麵，有點不方便。

要把豬肺清洗得乾乾淨淨，工序何其繁多，因此難以在家吃到這種食材。小時候總覺得動物內臟可怕，亦認為只有「麻甩佬」才會吃。自從一次在內地亂打亂撞，喝過鮮味無比的豬肺湯後，方發覺自己對它鍾愛有加。知道灣仔「信得過」以此聞名，碰巧有團購半價優惠，因此外賣三碗回家孝敬爸媽，當然還有自己啦回到家裏，湯還在冒煙，夠晒熱辣辣。盒子蓋得很緊，打開時竟發覺手指黏黏的，相信是膠質極重的緣故。湯底呈奶白色，透出濃郁芬芳的雞香，而且還有金華火腿的鮮味，清甜又滋潤。杏汁磨得幼細，味道不算太過明顯，只是輕輕的掠過喉嚨。豬肺份量沒有因為優惠而減少，每碗也有三至四大粒。肺粒清洗得非常透徹，沒有腥臊的怪異味，而且煲得腍滑有彈性，火喉拿捏得得宜，確是功夫到家。能喝到如此有心的湯水，喜矣！「信得過」果然信得過。

不瞞大家我很愛「雜種」，別誤會，不是指人，說的是但凡豬、牛、羊、雞、鴨、鵝甚至魚的種種內臟（俗稱雜）我都喜歡，聽說這家店專賣豬雜，哪有不拜會的理？遠遠地就看見信得過的招牌，圍上霓虹燈，閃個不停，玻璃門窗上貼滿推薦菜名，還有一張人像大海報！走進店裡才得知門口相片的主角是該店主理人，並且是在煤氣烹飪中心教課的星級導師呢，廚藝自然信得過了！店內的裝潢沒有出品來的特色，極普通，墨綠色的塑料皮椅顯得老土，桌上仍舊擺著主理人的照片，看來老板很有自信！剛坐下，就有店員上前詢問：“有沒有試過我們店的菜呀？”，我回答知道該怎麼點菜，誰知接二連三地又有人走來問我們同樣的問題，似乎太過殷勤，我有點反感。一早想好專攻豬雜的了，不過看到餐牌上印著首選正宗口水雞，姑且叫一客試試，再來兩碗廣獲好評的杏汁豬肺湯。這頭下單，那邊已把湯端了上來（九秒九的速度）——杏汁豬肺湯：潔白似玉的顏色，看上去就很討好，清香婉柔的杏仁味緩緩地鑽進我的鼻子（平時吃甜品的杏仁味像藥水般，聞了都怕怕，可這兒的味道我一點也不抗拒），勺起一羹，稀稠如牛奶般，喝上一口，感受到零添加的清純，火候足的鮮甜，果真名不虛傳！此刻我顧不上儀態，端起整個碗‘

每週四都會去灣仔皇雀會打波, 每次都要食點東西當下午茶, 今日終於選擇信得過, 當初這店開業時, 我以為是飲湯食晚飯, 後來先知是茶餐廳格局。原本想食豬潤, 後來見到餐牌有一行寫住"豬脆脆", 問經理是怎麼, 他回應是豬喉嚨。無味精火瞳老雞湯底, 米線上面鋪滿一舊舊豬脆脆, 味道唔錯。食晒成碗連湯都飲晒, 低食。

團購湯券掛在家中的日曆好一段時間, 數數手指, 係時間用咗佢.信得過是一間典型的茶餐廳, 枱的濶度比A4紙大少少, 逼, 但整潔, 食完就走的格局.兩個人不太肚餓, 叫咗: 杏汁豬肺湯 x 2 (半價優惠券): 湯底奶白色, 味道適中, 豬肺好多舊, (我沒有數, 應該有 5舊以上) 面積約1吋X2吋, 唔係碎濕濕果種. 如果這是標準, $38堂吃, 我可以接受. 雲吞烏冬 ($38) : 雲吞共5 粒,是傳統皮厚肉多蝦少的, 烏冬正常, $38, 貴. 油菜 ($28) : 我哋叫個菜心, 阿姐問蠔油還是湯浸,食嘢清淡的我不虞有詐, 回答"湯浸 ', 埋單時才知道中計! 我問'$28一個菜?' 收銀員一面純熟咁話: '問吓阿姐係咪寫錯? 係味湯浸?’一面純熟咁攞個餐牌俾我睇, 我沒有看, 已明白中計了, 默默無言哋俾$. 菜渌得唔夠淋, 個別菜莖有少少黑, 更不要說是什麼雞湯 (離開時在門外拍照才發現的) 完全唔合格. 蠔油菜$15 湯浸菜$28, "走蠔油" 和 "湯浸" 的分別? $28-$15=$13=86%!!! 早知叫”走蠔油” ! (看看其他食評, 這"信得過"的

因為之前在團購網上買左他們的$29 嘆原價$58的花膠杏汁豬肺湯，所以今日下午六點鐘去左飲，坐下後取出優惠券就聽到個侍應叫特價既花膠杏汁豬肺湯，當時不以為意，但湯一上時只見湯不見渣，圖片所見的是未飲前用湯匙撈上來的渣，試一口湯杏汁的味很濃但就非常鹹，本來都算了，但剛好隔離枱用正價叫左同一款的花膠杏汁豬肺湯，我一看，嘩！點解差別咁大，我的水汪汪得一舊花膠，隔離D花膠都浮晒出湯面，起碼都有兩三舊，D豬肺我的是碎濕濕，隔離的就一件件約1吋X2吋左右大件，雖然係平左一半但我都無稔過差別咁大，我都知你比一半錢就唔好要求咁多，但係我之前都有買其它優惠去食，人地都無將貨就價，都好有份量，我估唔到一間咁出名的店居然會咁做，如果係咁不如唔好做特價，又要做又要將貨就價。仲有D侍應D態度都唔係咁好，我問洗手間係邊，佢眼尾都唔望我一眼就揮手一指，態度真的好有問題。

今個父親節唔知去邊度食好,,,,,,年年酒樓都係食個, 仲要鬼咁多人~~結果前幾日就見到信得過個facebook 專頁POST左白肺湯d 相出黎,加上同事話之前groupon 都好多人訂,決定今個父親節帶老豆去食.,.全店都係豬內臟,岩哂老豆..,,.去到都ok, 好快有位.坐低即叫個最出名既"杏汁花膠豬肺湯" ($58)第一啖就飲得出杏汁,,好香...又唔稀!!真係足料...仲有花膠添!!之後再叫左個白灼豬心豬潤,呢個真係老豆至愛....我就第一次試豬心,,,好爽,,唔識形容~~但真係完全無腥味!!!再黎水晶雞, d雞肉好滑,,,最好味係佢d醬料, 應該係秘製既,,仲有白灼生腸....白色既,,証明無落過添加劑,雖然食慣橙色..但呢度比平時食個d爽好多, 同實淨好多@@今次老豆好滿意...阿媽仲滿意...因為今次唔駛佢洗到隻野咁番屋企煮...仲話食左今餐呢排都唔自己係屋企整架喇,,,今年終於有d新意俾老豆,,.,希望佢呢個父親節食得開心!!父親節快樂~~

團購瘋系列 -- 孩提時代，由於屋企兄弟姊妹眾多，父母親又要忙著為口奔馳，所以家中的膳食安排全落在傭人手裡。這家傭不單為人勤奮，也燒得一手好菜，而最令我印象深刻的，要算是她煲的豬肺湯。其實豬肺並不是甚麼昂貴的食材，但炮製卻頗花工夫，每次弄這湯水，家傭都會不停重覆做灌水和壓豬肺等動作，用上很長時間清洗才烹調，就算當時筆者只是旁觀，也覺得頗為累人。上月見有團購網站用半價推出一間以賣豬雜和靚湯出名的店舖之豬肺湯，就買了兩份和老公齊齊去品嘗。這間外貌似茶餐廳的「信得過」，位於灣仔謝斐道，由煤氣烹飪中心星級厨藝人主理。據說這店老闆曾在灣仔克街開設人氣粥店「靠得住」，後來粥店被太興集團收購，才在這兒再開食肆。這天與老公午飯時間到達，入座後先細看餐牌，原來這裡的菜式是以「豬」為主打，店內有一系列豬手、豬生腸、豬心、豬腰、豬肝等小食，而且還標榜全部不添加味精，豬隻更由專人以天然飼料飼養，以確保食品新鮮健康。聽店主說，目前最受歡迎的菜式，就是今次筆者購入的靚湯系列之皇牌杏汁豬肺湯。由於團購價 $19 即可享用皇牌杏汁豬肺湯 (原價 $38)，而 $29 則可嘆花膠杏汁豬肺湯 (原價 $58)，所以

** Appologies, Photo lost **My friend highly recommended this restaurant for its soup and noodles bowl, so we went to try it out today and see if it was that great. Apparently the most brilliant aspect in Trusty Gourmet was its soup - there were about six soup choices on the menu, while the noodles was additional sides that you could add in to your soup accordingly to your preference, just in case you won't be full solely drinking the soup. There was an ad on the wall, promoting a private kitch

豬肺湯一直是我的心頭好，特別是信得過的，是日中午一人前往，點了個杏汁白肺花膠湯、灼芥蘭、瑤柱雲吞。湯完全喝不出味精的存在，肺粒煲得淋淋得，但又不是夾不起那種，咬下且嚼的時候感到花膠的膠質如此肥而不膩；雲吞的瑤柱味很濃，湯也很鮮；介蘭算新鮮，口感也不錯，只是芥蘭清潔得不好，應作改善。

幫襯當日仲係一月, 天氣非常寒冷, 所以我同友人就係灣仔街頭搵可以食熱野嘅餐廳, 暖一暖身經過呢間鋪頭見到個名好特別, 即刻用iphone上openrice查一查發現原來佢主打豬內臟, 岩晒友人口味, 所以決定坐低一試因為我真係好想飲個熱湯，所以就叫左個杏汁肺湯加讚歧烏冬食第一啖已經發現唔錯！杏汁味道明顯，個湯個味又唔會太淡亦都唔會太濃裡面既豬肺洗得好乾淨，食落好滑，烏冬都幾彈牙用四十蚊就食到，算幾抵因為我不嬲都唔太鍾意豬潤，所以無試，但友人話ｄ豬潤幾爽脆，幾好可能我同友人平時都唔食辣呢個口水雞對我地黎講太辣了，食到好辛苦最後呢個海蜇青瓜除左彈牙之外，味道無咩特別，下次可以唔叫食完呢餐，我成個人即刻溫暖晒，繼續同友人渡過悠閒嘅下午～

晚上7時去，無乜人，有d擔心……食物：杏汁白肺、白灼黃沙潤 辣汁另上、水晶雞、雲吞麵、上湯浸白菜以上各項食物都好好味！！！好少見一間鋪頭做到樣樣都可以推介，十個「正」！

老板 Peter 以前在灣仔克街靠著一碗溫心暖粥 “靠得住粥店” 打響名堂，現在以賣豬內臟為主打, 在同區再多添一名成員 “信得過”. 以實力和無味精為號召, 將不能登上大雅之堂的內臟處理, 豬內臟處理得宜, 清洗的功夫做得非常透徹 , 一絲不苟, 非但沒有異味腥臊味, 灼淥得火侯剛剛好 不會過腍或過韌, 脆而不老, 灼得剛熟兼嫩滑 , 沒有花巧, 真味求鮮 !師傅充份把豬的每一部份好好處理而烹調出其特色菜式以慰老饕的舌頭。在王子酒店的隔壁，之前吃過東來居，現在試著火鍋以外的選擇!讓我來印證是不是真的”信得過 ”！信得過老板 Peter娓娓道來, 灼淥豬內臟也沒有甚麼竅門，只要把汆燙時間把握到分秒不差, 多一分會老，變得又乾又苦，少一分又不夠熟, 試問又有多少店可以拿捏得準確 ?花膠杏汁白肺湯 ($58)花膠杏汁豬肺湯帶點金華火腿味 , 先聞到濃濃的杏汁香氣，味道鮮甜濃郁，一點豬臊味都沒有，餘韻還滲著淡淡的杏仁香，杏汁磨得幼細, 雞湯看起來相當清徹，本身呈奶白色，濃香而清澈, 輕呷一口，味道很鮮甜, 豬肺煲至很棉很腍滑, 花膠厚身帶有黏質和咬勁, 清甜又滋潤 !蘸點豉油, 將豬肺

響中央圖書館聽了半天講座，返公司搏殺之前，見還有時間，從銅鑼灣走去灣仔，目的是一嚐「信得過」出品的靚豬潤。平日的午市時段，人流沒有想像的多，被安排坐在近門口的位置。阿姐主動上前介紹餐牌，據她表示，這店以湯水作主打，以杏汁白肺湯最為馳名，也可以試試其他小菜。我一個人，沒可能點小菜，就從杏汁白肺湯 ($38) 和黃沙乳豬潤雞湯 ($28) 兩選一，結果揀了後者，另配上新竹米粉 (另加 $5)。先說三大片黃沙乳豬潤，爽脆，入口後慢慢溶掉，很有水準，若嫌單調，也可以沾些海鮮豉油同吃。標榜不落味精的雞湯看起來相當清徹，除老雞外，還用上豬骨、金華火腿等煲成，輕呷一口，味道很鮮甜的，配上滑溜的新竹米粉，應沒有難吃的道理。沒另點飲品，單是湯底已令我心滿意足，喝得一滴不剩，買單時已經想 encore，下次要試杏汁白肺湯，配手打烏冬唔知會有咩效果呢？

早前在雜誌讀過介紹，今天終有機會一試。兩人坐下先來兩碗湯才慢慢看餐牌︰杏汁豬肺湯($38)︰奶白色的湯，好香杏仁味，豬肺看得出很乾淨，亦都好味！花膠杏汁豬肺湯($58)︰同上，付出額外的$20全為那兩片花膠。若點了湯加$5可選麵食，點了米線及烏東，只係普普通通。再來一個效外油菜($12)，選了白菜，但係菜只係白灼，沒有加油，不香口。另加一個豬肚($55)，其實無甚特別，只係白灼加葱及豉油。為那碗豬肺湯而來還可以，其他的真的很一般！