翠苑餐廳小廚 (Closed)

天氣開始涼涼地 ❄🤤又係開始瘋狂食雞煲打邊爐嘅時候啦🍲.咁啱朋友住大角咀 上佢屋企玩前一於嗌個雞煲食下先🐔🐔 $198 雞煲跟埋各一碟肥牛同生菜仲可以揀唔同辣度 唔辣都得.今日唔係好凍 叫左個少辣食😋啲雞好嫩滑 吸哂秘製醬汁 味道好惹味🤤🤤🤤加上適量芫茜 同 辣度 令到成個雞煲唔會太油 同時 好香口😋份量好足夠 我地兩位大食鬼唔洗加其他配菜都夠飽😎.不過始終口痕想食下海鮮🙈小妹見到黃金蝦✨對眼發哂光😍 師傅整嘅黃金蝦 唔會油淰淰 同時 炒得好香脆 蛋黃適量 味道同鹹度剛好最正最正最正係蝦肉🦐好爽口🤤👏🏻小妹好想叫多一碟❤不過好飽了🙈下次再食😋$88 包埋湯 菜 同埋飯😎.仲有得食一人一鍋 同埋有烤魚下次一定要去試埋

烤魚鍋 ($198)烤魚黎講係大陸食得多，但係香港就唔係太多地方有得食，雖然大陸食當然係抵食d，但我覺得依間餐廳烤魚值得推介比大家，鱸魚全條上，外皮烤得好香有少少脆口，配料有紅辣椒、莞荽、洋蔥、豆卜、娃娃菜等，色彩繽紛賣相十分吸引，烤魚鍋少少辣，但完全沒影響魚的鮮味，條魚啖啖肉，好滑又小骨，正！烤魚鍋會附送一碟肥牛及唐生菜，二人份量相當足夠，肥牛質素亦絕不遜色，愈滾愈入味，大家記得後期食好落肥牛，滾兩滾就食得，滾耐左都唔會鞋口。唐生菜顏色翠綠，非常新鮮，完全可以吸收晒湯底精華。最後我地仲追加水餃，水餃係魚肉涵，相當足料，皮薄餡靚！食完個鍋已經飽到上心口，仲送蕃薯糖水總括烤魚鍋價錢十分合理，值得一試再試!

放工和朋友食飯，路過這間西餐廳，適逢朋友好想食小菜，決定一試。我見價目表，每樣小菜只需要60幾蚊，已包括例湯，白飯一碗，及飲品。覺得幾抵食。可能大家都很肚餓，所以決定入去一試。酥脆炸鮮魷$68這是我至愛的食物，雖然非常邪惡，但每隻炸鮮魷都很大塊，新鮮炸出，咬落去很香脆。鑊仔胡椒豬肚雞$65好有鑊氣，很多豬肚，味道很濃，不咸。雞油炒豆苗$62份量很多，絕對足夠兩個人食，很香的雞油味。食完晚餐，附送紅豆沙，很飽足。

野食幾好食，價錢都可接受，但係上餐時間不可接受；下午茶時，叫一個豬扒包，明明好少人，但起碼20分鐘都未上到，催左兩次都無反應😠另一次 早餐時份，叫左份三文治，又係等勁耐！