辻利茶舗 (Closed)

🔹雞肉茶漬湯飯 $68 健康指數:🔅🔅🔅茶漬飯做法簡單,無咩特別加工同調味,主要係白飯同上面少少嘅配料,個人覺得係唔錯嘅選擇🙈湯係一般嘅鰹魚湯,清清地,份量可以自己控制落幾多,呢點我好鐘意.(然後我懷疑可以加錢將個湯轉做茶,點解我會無轉到😭)份量細細地,係輕食嘅好選擇！缺點係佢啲雞有雞皮,如果想無咁肥就要整走佢啦~同埋成碗野一條菜都無😢味道:🔆🔆🔆整體偏向清淡,咁啱我個人唔太鐘意重口味所以覺得幾啱我口味.不過味道就單調左啲,主要都係食到湯底個味😂飯用左珍珠米,不過略嫌唔夠粒粒分明🙈賣相:🔆🔆🔆🔆

💰$36 size L濃度2.0抺茶軟雪糕🍦食第一啖已經心心眼🤣一向幾鍾意辻利茶舗既抹茶雪糕，今次呢款抺茶濃度2.0...一食落口已經感受到回甘既抺茶香🍵抺茶控必食😍👍🏻.#觀塘 #辻利茶舗#抺茶控 #抺茶雪糕 ...………….......👱🏻‍♀️肥妹小編........................👇🏻地址👇🏻辻利茶舗觀塘觀塘道418號創紀之城五期apm 2樓8號舖🚇港鐵觀塘A2出口, 步行約3分鐘 .……………………

星期日下午來食，人流不多，可以坐的座位都不多，但相對平日，可坐的位算得上多！餐廳以自助為主，飲水，自己倒，食好垃圾自己放入垃圾桶，無加一，因為無店員會主動到你座位點餐！講講食左咩先，當天點了兩個午餐，一個係兩個飯團(包湯$38）味道只有三款，當天只提供兩款口味，所以無得選擇下，食了呑拿魚同明太子，呑拿魚餡料好少，飯又無加醋去整，味道方面，明太子本身有咸味，餡料相對較多，所以明太子口味比較好食，至於杯湯，不知道是什麼成份，但幾好飲，好清淡，成個餐最好味係杯湯！加少少葱花，不錯！友人點了一個雞肉茶漬飯，個飯又幾靚，都好味道，同食完都好有滿足感，好睇又好食，個茶好特別，比較特別同建議食茶漬飯！價格相對合理，又沒有加一！甜品，點了抹茶軟雪糕，不過無影相，但可以不吃，因為好快溶，要同雪糕競賽，食到好多抹茶粉粒，但雪糕由店員拉到手嗎已溶化中，大佬，如何享受呢！

之前喝過飲料覺得還好然後坐下來覺得很不行裡面卡位又熱又焗可以說是很難吃 中間有層淺啡令人想吐無言了。。。左比右好吃 雖然我也不喜歡混合了芝士還是喝飲料就好吧？經過這3樣的洗禮 我不想再光顧了。。

自從上次品嚐過 瓜破菓子店 的【極上．宇治抹茶拿鐵】後，我便愛上抹茶拿鐵了，更一直對它的味道念念不忘，所以我今天便來到這間 辻利茶舖再次品嚐一下它的味道No.1【熱抹茶拿鐵(小)】$32雖然這間 辻利茶舖 的抹茶拿鐵並沒有美輪美奐，賞心悅目的拉花，但是它的味道卻更加出色，無論是抹茶抑或牛奶的質素都比起瓜破菓子店更上一層樓，誘人美味，滋味非常，完美得無懈可擊！雖然有拿鐵兩個字，但是抹茶拿鐵其實即是抹茶+牛奶而已而這杯抹茶牛奶的味道簡直堪稱一絕，我完全嚐不出一絲抹茶的苦澀味之餘，滿口更充滿著啖啖濃厚甘醇的抹茶氣息，每一口都香氣洋溢，茶香四溢，在唇齒間留下一絲淡淡的清香，讓人回味無窮，陶醉其中，難以忘懷抹茶拿鐵除了擁有清新的抹茶味外，牛奶亦相當濃郁醇厚，質感十分幼滑柔順之餘，口感更豐富而細膩，而且甜而不膩，甜香四溢，細細回味，抹茶和牛奶混合後的濃濃氣息迴旋在口中，甜甜的，香香的，清甜可口，香甜軟糯，餘韻在嘴中久久不散，讓人唇齒留香，吮指回味，鳳髓龍肝No.2【抹茶蕨餅】$33雖然這份抹茶蕨餅比起 御前上茶 那份便宜很多，可是無論是質感上抑或是味道上，都比御前上茶那份遜色得多了首先，雖然蕨餅煙

我本身好鍾意抹茶，見呢間抹茶甜品店好似好正中咁，就走入去試試。 店鋪裝修幾有日本風味，但野食就差少少啦。焙茶芝士蛋糕配焙茶雪糕（$48)芝士蛋糕唔重焙茶味，唯有當普通芝士蛋糕咁食，咁樣係好食嘅。雪糕好硬，好似雪咗好耐咁，味道同樣唔濃。飯糰套餐（$38）選了明太子飯糰，覺得同7仔質素無咩大分別。個湯用一個個細細的杯裝著，無咩特別。總括黎講，呢到價錢就高檔啦，但唔係特別好食，仲要份量細。絕對有大把更好的選擇！

如果想輕輕鬆鬆品嚐輕午餐及甜品，就一定要來呢間百年老店辻利茶鋪(創業萬延元年)。呢度完全比到你彷如置身京都的感覺，和階的亮光配合木制的裝潢，都浸透著簡約的大和民族氣息。鰻魚茶漬飯 ($78)沒有令人興奮，但卻能帶來幸福的感覺，就是這個鰻魚飯獨特之處。茶漬飯配宇治煎茶，鰻魚飯有如藝術品般精緻，看得出日本人的一絲不苟。將茶傾注入飯內，再往咀巴裡送進一口，一股暖流湧入胃內，是一份溫暖的幸福感。宇治抹茶蕨餅（$33）午飯過後，又怎能錯過呢度的抹茶甜品呢？傳統的宇治抹茶就最岩口味。口感煙韌而清新，唔會太甜，而且有超濃郁抹茶味，是理想的飯後甜品。

呢間日本茶甜品專門店好似好有名，但係出品卻令人十分失望！舖頭裝修係幾骨緻，仲要係商場入面咁就腳，行過都可能會想入去試下。結果中！大！伏！！點左培茶芭菲杯 $78望落真係幾靚，影相都唔錯，但係味道真係不敢恭維。首先杯嘢裝得好滿，而球培茶雪糕雪得好實，用力吉會壓到其他配料溢出杯外。只好食住其他配料先。雖然望落呢杯野好多層次，但係食落幾乎得一個口感：又粉又乾！成杯由頭到尾都好似食緊d 甜甜地嘅粉咁，好乾，每層都係粉感，味道口感都分別不大，冇雪糕撈埋就冇乜味道，或者太乾，只有面層d脆脆同雪糕比較好味同有口感。如果呢個價錢但係咁嘅味道我真係唔會比第二次機會佢⋯

#MJ觀塘#MJ甜品#MJ日式🍧抹茶芭菲($78)(🤤4/10)如果就咁計賣相黎講，呢杯野就真係好高分既，但論味道就真係對我個人黎講唔太可以。第一層既cream 係淡淡地既 好稀身無咩味 但好輕身 似泡泡既質感，之後果球抹茶雪糕應該就雪左好耐 等左一陣都仲係唔溶 好硬下 而且抹茶味較淡。之後既抹茶蕨餅就係成杯野最好食既 夠抹茶味得黎仲幾Q彈 軟熟，紅豆果層就太甜 要mix埋個cream 先好啲。最底既瑪莉餅碎同綠色既液體狀既野就太乾同太澀。呢杯野賣呢個價錢 CP 值真係好低。📍辻利茶舖📍觀塘apm 2樓8號舖#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#觀塘美食#食好西#辻利茶舖#抹茶芭菲

好耐冇黎官塘行街啦，同朋友行到攰攰地，所以就係APM搵左呢間甜品店食下。餐廳座位不多，大概只有10幾多左右，剛剛到達時見到有卡位，所以就跟朋友一起坐下，然後再到餐廳門口點餐。看著門口的芭菲食物擺設好似好靚好吸引，於是同朋友一人點了一個，而我就揀選了焙茶芭菲。焙茶芭菲，外貌看上去真係幾吸引，芭菲入面有忌廉、焙茶雪糕、蕨餅、紅豆、類似早餐食的脆脆、消化餅脆。焙茶雪糕味道唔夠濃，如果再濃D會更加好味。蕨餅味道不過不失，紅豆偏甜，早餐食的脆脆唔知點解要有提子乾，平時食出面果D芭菲通常係粟米片而唔係呢隻細細粒脆脆，亦都係個人問題，我唔中意食提子乾，所以搞到成個芭菲失色左。食到提子乾呢個位我已經唔想食啦!呢杯芭菲完全不是那回事！總括黎講，這裡的綠茶及焙茶雪糕味道唔夠濃，有得揀的話應該唔會再食!

好耐無食甜品🤣好大杯嘅芭菲！超級期待啊！抹茶芭菲 $78面頭嘅抹茶雪糕極冰凍，上碟時仲未解凍好硬，差唔多食到最尾先開始溶溶哋。面頭嘅cream唔太甜，接住落抹茶蕨餅抹茶味道最濃郁，落少少喺啲脆米同木糠，無味道得嚟十分乾身仲有啲飽肚。底部喺透明寒天，食唔到抹茶味道。本身食完飯，想食啲甜品滋潤吓個口，點知咁乾淨淨同埋咁多脆米木糠咁飽肚😅呢個甜品為打卡適用失望而回嘅抹茶芭菲。下次應該唔會叫咁乾身嘅芭菲食了。

超失望！點左抹茶芭菲$78加$22轉2.0濃抹茶軟雪糕，軟雪糕好甜同埋茶味只有苦，並唔係甘。其他配料加埋一齊只有愈食愈甜！特別係啲cream同紅豆🤮勁甜。啲蕨餅我自己買蕨餅粉整好食過佢好多，佢好淋bad bad，一啲都唔值$100，via tokyo個杯雖然都甜，但雪糕真係做得好好，係帶回甘，又香奶味勁滑，balance得好好。兩個人share都食唔晒🤮🤮🤮真係浪費我quota😭😭😭😭

食完野想食啲甜品，系APM行行下見到E有綠茶嘅甜品，就食呢間啦。叫左個抹茶紅豆沙冰。佢系即叫即整嘅，所以要等25-30分鐘。最坐下坐下，又想食雪糕，所以又買左個抹茶牛奶雪糕。抹茶味濃，牛奶都好滑。所以個雪糕系好味嘅。個抹茶紅豆沙冰就麻麻啦。啲沙冰如果唔同埋下面啲抹茶湯一齊食就冇味嘅。但佢比嘅抹茶湯呢就多得濟。同埋兩個人食就覺得好似多得濟。食得多就真系覺得好凍。而間店呢就覺得太細啦，位唔系好多，所以搵位都需要小小時間。

唔知又幾時開始綠茶呀抹茶呀咁流行總之有呢個字又話者係青bb都會好多人排隊試綠茶產品亦都好似同港女至愛分唔開呢間茶舖剛剛開既既時候都好多人排隊但過左一排就已經熱情退去見到無人排我又想搵地方坐下所以買左杯野飲最近黑糖大熱呢間茶舖都唔執輸出左杯黑糖珍珠抹茶out of menu可以一試飲落覺得抹茶味唔夠我自己就鍾意好濃好甘既抹茶之後我再撈勻d黑糖就覺得成杯都太甜珍珠方面就正常有咬口overall睇其實唔算好差但因為佢係茶舖出所以我期待佢茶味會再高質d如果同其他珍珠奶茶無分別我又何必要飲你呢

培茶芭菲，唔好味！食材料多但唔夾，無論培茶雪糕，蒟蒻，蛋糕，紅豆等等！培茶雪糕無培茶味又無奶味又唔香！蛋糕切粒後只是裝飾，紅豆太爛，最後加上黃糖粒做擺设！店鋪裡環境擠逼，空間狹小。價錢稍貴！