十二味 (LADDER Dundas) (Closed)

香港🇭🇰超级正的川菜餐厅！✨酸菜魚✨我认为香港酸菜鱼的天花板🐟据说鱼都是新鲜鱼，不是冷冻半成品，鱼肉入嘴鲜嫩。酸菜搭配得刚刚好，不会很油腻。✨肉末豆角✨完全不辣的一道菜，超级香。豆角很脆，又有点清甜，不会油腻。✨夫妻肺片✨其实不是肺哦，是牛肉。有很香的红油味，但这一道菜稍微有的辣。

十二味旺角彌敦道575號LADDER Dundas 2樓呢間旺角店十二味都開咗好耐 之前一路傳話會搬今日搭𨋢嘅時候見到依然喺度 咁啱同友人講緊食探魚見到酸菜魚都有興趣 二話不說 淨係叫咗一份二人份量酸菜魚返去內地食係會平啲，不過時間成本都係錢人見人愛酸菜魚 配寬粉 $276顏色，配料用得好豐富 濃郁酸味和辣味 仲有一串串麻而不辣嘅青滕椒魚片嘅份量還可以 夠滑，而且切嘅厚度啱啱好 如辣椒、姜蒜、豆瓣醬 特製酸菜 花椒呢個湯湯底配埋滑捋捋嘅寬粉 比較晶瑩剔透 所以又叫水晶粉越食越開胃 最後叫多碗飯兩個人分

新年前忙到停唔到手，做到人都癲，唔想煮飯買餸，放工同同事喺旺角等巴士，見到有間樓上餐廳有酸菜魚，比人慫恿之下就上咗去買外賣😂 一去到立即order，等咗10分鐘左右就攞得，勁快手我叫左一個酸菜魚、川式口水雞、大盆花菜、杏仁青檸蝦球，通常外賣拎到返屋企都會走晒樣，但今次打開完全好OK，仲好靚仔！d份量冇因為變咗外賣盒已變少咗，仲係好足秤😆 酸菜魚有驚喜，唔係切到勁薄嗰啲，而且佢分兩兜比我，全部都好足料，仲要有萵筍，正！個大盤花菜其實即係椰菜花，佢連埋半肥瘦豬肉片一齊炒，好入味🥦外賣嚟講佢真係唔話得，價錢都唔貴，下次可以再幫襯👍🏼👍🏼👍🏼👍🏼

之前已經食過黃大仙同尖沙嘴嘅分店，今晚就嚟到旺角分店，相比另外兩間，呢度舖面較細，坐位較少。不過正正可能係因為地方細，侍應的招呼更見殷勤，經常主動加水，上菜速度也快。簡簡單單叫左幾款食物，埋單人均$180，仲可食埋甜品，真係好飽。主菜： 小辣 水煮牛肉($158)滿盆嘅乾椒同花椒，視覺被征服了，心諗：會唔會辣到食唔到呢！夾了一小塊牛肉，慢慢放入口……好香嘅辣味，但入口無難度，牛肉非常嫩滑，味道只係微辣，送飯一流。食到盆底，有不少寬粉，頗煙韌爽口，但沾滿了湯汁，味道較濃，啱嗜吃重口味人士。驚喜係竟然有油墨菜，雖然菜面充滿油光，但夾起稍稍滴走葉面嘅油，好好味！小食：炸串套餐 ($58)有羊腩筋、腸小腸、香口牛。個人最喜歡羊腩筋，有嚼勁，帶小小羊羶味，配上孜然粉，美味可口。羊小腸炸得十分脆，脆得像吃蝦條一樣。酸辣無骨鳳爪($53)開胃前菜，酸辣味平衡，鳳爪爽脆，食到索索聲，如果再多一點點辣，相信會更好食。伴碟有很多青瓜，變相多碟涼拌青瓜嘅小食。甜品：紅糖糍粑($48)非常好吃嘅經典川菜甜品，糯米條炸得金黃，名乎其實嘅外脆內軟；面層舖滿黃豆粉，增加了不同口感，亦多一份黃豆香。嗜甜者，不妨蘸多一

《十二味》雖然係一間連鎖餐廳，但係今次係我第一次食！成日見到人哋講到好好味，咁樣終於有機會事啦！我哋叫咗羊肉串！雖然比較奀，但係都好香口好惹味😋另外我哋叫咗《泡椒炒雞》嚟到俾佢個份量嚇親，好大碟配料好多，而且有菠蘿一齊炒，就會比較冇咁辣，而雞肉都唔會炒得好老，好啱配飯食😂之後我哋叫咗重頭戲，《水煮牛肉》，比頭先嗰碟嘅份量仲誇張！侍應一放低，啲麻辣味就搞到我吞口水，好香花椒味道！牛肉嘅份量都好足，我哋食極覺得都食唔完咁！而且入邊仲有薯粉，同麻辣味係簡直絕配！裏面仲有青瓜，覺得有解辣嘅作用！咁鍾意食辣嘅，我哋非常之鍾意呢度嘅水煮牛肉，份量十足，味道又唔會太過鹹，非常推介！

不知所謂，最差服務的一間分店， 間間都可以去，十二味的確好食，但次次去旺角分店都要受氣，去二次受氣兩次，唔該啲管理層正視下啦，又話限時，book嗰陣又唔講，問佢點解book嗰陣唔講，之後又話可以座，係唔係見到我地有聽障人仕，所以係度玩歧視

575號分店為多次幫襯的店舖、比其他分店更好食是日與朋友再次去到彌敦道575號十二味分店幫襯，點咗幾個平時鍾意食嘅小菜同埋例牌必食酸菜魚，水準依然不錯，環境舒適可以繼續幫襯

• ̀ω•́✨人生有幾多個十年啊，宜家十二味做緊限時10週年優惠，7️⃣折就可以品嚐到高質人氣川菜！一定要去食下啦！🧚🏻‍♀️~~~ 𝙍𝙚𝙖𝙙𝙮？𝙇𝙞𝙠𝙚 & 𝙁𝙤𝙡𝙡𝙤𝙬 𝙛𝙖𝙞𝙧𝙮！321…𝙇𝙚𝙩’𝙨 𝙜𝙤~~~🧚🏻‍♀️🔸酸菜魚｜小辣｜+薯粉 $286酸菜魚成盤熱辣辣上檯非常吸引！湯底調味啱啱好，酸味夠重令人開胃，怕辣人士可以放心叫小辣！🤩鱸魚片分量多，嫩滑冇骨，仲有大量吸收嗮湯底精華嘅配菜：惹味酸菜、爽口萵筍、雞髀菇，超多煙煙韌韌嘅薯粉。一句講嗮，👍🏻所有食材都非常入味！而且份量多到食極都食唔完，極度滿足啊！！🔸麻辣乾鍋｜小辣 $221🔸嫩牛肉｜雞軟骨｜蓮藕片｜萵筍｜花菜麻辣乾鍋超級超級惹味，🔥重口味人士必叫！佢有好多唔同配料任君選擇，一定揀到你嘅心水配菜！乾鍋黎到同樣熱辣辣出緊煙，聞到已經流緊口水💦！牛肉分量超多，我地揀嘅嫩牛肉唔係肥牛黎，啖啖肉每一塊都好墜手，肉質軟淋帶有少少筋。🌶️其他配菜分量都非常多，全部吸收嗮花椒嘅麻辣香味，整道菜式香口惹味、風味獨特，絕對滿足到想食川菜嘅你！🧚🏻‍♀️~~~ 𝙍𝙢𝙗 𝙁𝙤𝙡𝙡𝙤𝙬 𝙛𝙖𝙞𝙧𝙮 ~(˵¯̴͒ꇴ¯̴͒˵)~ 𝙎𝙚𝙚 𝙮’𝙖𝙡𝙡𝙡𝙡 𝙨𝙤𝙤𝙣 ~~

餐廳座位寬闊，頗有情調。人見人愛酸菜魚，侍應甫放下已聞到香氣撲鼻，令人食指大動。湯底足料，窩荀、酸菜、蘿蔔等皆美味，令整碟酸菜魚層次豐富。魚肉薄切，口感滑溜。寬粉煙煙韌韌，十分高質。燒椒皮蛋賣相靚，皮蛋呈金黃色，食落有濃濃皮蛋香，完全冇馬尿味，正。蔥油拌麵，擺盤精美，麵好食，硬度適中，不油膩。紅糖糍粑皮脆香口，甜而不膩，點埋黑糖風味更佳。一邊食酸菜魚，一邊飲酸梅同熱情果疏打，生津解渴。總括而言，餐廳食物質素高，本局長誠意推介。

今晚收工去了旺角行街, 見到這間中菜館, 很像幾吸引. 今晚去到都有不少人, 要排隊等一會.裝修是中式風格.武隆尖椒雞--中辣 ($103): 雞肉的份量好多, 而且好夠辣, 非常惹味, 香口. 吃川菜, 最有特色的一定是吃辣, 真的超正.黯然銷魂炒飯 ($78): 炒飯好足料, 有蝦肉, 蛋, 青菜,紅蘿蔔, 非常豐富, 很好吃,而且份量都多, 才$78, 價錢合理, 又好食, 不錯. 個炒飯炒得夠香夠獲氣, 而且又不會好油, 真的不錯.香口阿牛 (5串) $52 : 牛肉串很香口, 肉質鮮嫩, 燒得好好, 好惹味.美滋滋雞腳筋 (5串) ($22) :這個我選了大辣,  幾香辣, 好香口, 燒得不錯, 肉質都好好, 而且價錢唔貴, 都幾抵.柚子茶(凍) $28) :非常大杯, 比我的手掌還要闊, 所以好抵飲, 大家想知到底有多大杯的話, 記得要點他們的飲品啊.

喺香港乾鍋癮起，吾想返大陸就會即刻諗起十二味，之前已經食過旺角和尖沙咀嘅十二味分店,今次收工試下來旺角分店，晚飯時間，好彩吾晒等位直入，一行二人叫左，秘製香鍋、串燒杏鮑菇、串燒魷魚，飲品叫咗百香果梳打、友人叫左酸梅湯。先來秘製香鍋，材料有鮮牛肉、薯粉、木耳、金錢肚、蓮藕，份量充足，香鍋叫咗小辣一食停唔到口，非常惹味。串燒杏鮑菇、和串燒魷魚孜然味夠，惹味香辣，飲品一如既往大杯，而且服務員10分殷勤，常常過來加水，本來想叫埋甜品，但因為太飽，唯有等到下次先，食上癮，絕對會再嚟。

有朋自遠方來，他特別喜歡吃辣的東西，所以特登帶他來到十二味，讓他好好品嚐香辣鍋！全程手機下單，非常方便，菜式和價目一目了然。我們點了「經典香辣鍋」，最少揀選五款配菜！我們點了田雞、嫩牛肉、五花腩、蓮藕片和油麥菜。所有配料炒在一鑊，非常有鑊氣，十分惹味，麻麻辣辣，下飯一流！田雞的份量很多，肉質鮮嫩彈牙；而牛肉的而且確很嫩滑，有牛味。五花腩是薄切的，不會太肥，油脂分布平均。蓮藕片很爽脆！不得不讚的是油麥菜，顏色翠綠，沒有渣，更充分吸收了整個香鍋的油香！飲品也很驚喜， 推介熱情果蘇打，啖啖都有熱情果的香味，還想不到那麼大杯，真抵！下次會再來！

試咗十二味喺旺角嘅分店，呢度嘅川菜好食，我食咗三款特菜式：水煮牛肉：呢款菜真係好正！牛肉好多好鮮嫩，而且仲有寬粉同蔬菜一齊煮，口感好豐富。啲青瓜都好脆口，食落更加開胃。如果你鍾意辣嘢，嗌呢個就冇錯！係一道令人滿足嘅牛肉佳餚！霸王七椒蝦：嗌咗個比較特別嘅菜式。呢個菜同平時食嘅辣子雞有啲相似，但係呢度嘅蝦炸得好香脆，口感好好，好彈牙。如果你鍾意辣同埋鮮蝦嘅結合，呢個係一個好好嘅選擇！而且蝦仲有挑蝦腸，好加分！真係值得推介嘅一款菜式。肥美羊腩筋（5串）：呢個菜都好滋味！市面上有羊腩筋串燒嘅舖頭唔多，所以試下。羊腩筋配上啲香料同調味，味道豐富。嗌咗中辣，真係幾辣下，冇咁食得辣嘅朋友嗌小辣好了。除咗食物好味之外，環境都好舒適方便。佢嘅位置好易到，就喺旺角附近，交通方便，可以用步行嘅方式到達。而且佢嘅座位都好舒適，好闊落，可以坐得好舒服。唔會有擠迫感，即使係大班朋友一齊去食都唔會覺得擠迫。店員都好有禮貌，食辣好主動加水，見我地檯細多餸又拍多張檯比我地。食物，環境，服務態度都好，食得開心。

朋友推薦，好多分店，全港各區都食得到，我地就近去咗旺角呢間。因為去得比較早，所以人唔算太多，食食下竟然多人到要輪位，真系誇張。平時都會食開酸菜魚嘎，本地抑或北上都試過唔少。十二味嘎酸菜魚真心唔錯，個人至愛list可以列入前三甲。酸菜魚（BB辣）：正常版都大大份，湯底金黃夠濃郁，而且魚肉勁多，肉質鮮嫩唔散，掛上酸湯，鮮嫩味美，非常入味，正。配料都好豐富，萵筍、菇片同酸菜都非常爽脆入味，搭配埋鮮嫩嘎魚肉，真系飯都可以食多兩碗。美中不足就系唔夠多酸菜，而太多魚！拍青瓜：夠曬清爽開胃，涼拌青瓜酸酸地，好爽脆。幹蔥撈面：好大一份，兩個人差啲食唔曬甘滯。蔥油好有香蔥味，搭配炸過嘅蔥，撈面真系一流。十二味值得encore。

我喜歡吃十二味的酸菜魚和香鍋。今日朋友臨時到訪，我放工順路去十二味買外賣趕回家款客。因為朋友唔食辣，今天揀了不辣的菜式，朋友吃完好欣賞，話我好介紹。兩個人吃，買了兩個餸和一個炒飯。黯然銷魂炒飯有雞蛋，肉碎，蝦和雜菜。我選不辣，個飯有鑊氣，炒得夠香口，入口飯粒彈牙好食不油膩，好吃到連平時少吃飯的朋友都添飯。杏仁青檸蝦球有大酒樓的水準，蝦球大大件香脆，外皮炸漿厚度適中有蛋味，蝦仁爽甜，青檸汁甜酸開胃，杏仁片香脆。一碟有十多件。乾扁四季豆要唔辣都一樣好食，肉末四季豆夠香夠惹味，是送酒下飯的理想料理。在店內留意到十二味現在有大閘蟹供應，下次放工來吃大閘蟹酸菜魚也不錯。