Twinkle Baker Decor (希慎道)

Open Now

Now Closed

大家都知我好鍾意食芝士蛋糕，之前介紹過好多間都係網店，今次介紹嘅係一間連鎖店，因為佢呢排新推出咗芝士蛋糕。Twinkle Baker Décor係一間出產世界各地嘅烘焙糖飾生產商，喺2011年開業，由2016年開始更加踏入蛋糕零售行業。店舖一開始將獨創茶餐廳口味Cupcake融入西式甜品，好似奶醬多、菠蘿油味cupcakes，變成人氣蛋糕店。之後一直努力破格，創出創意玩味、風格多變既原個蛋糕同件裝蛋糕，好似壽桃、小籠包、富士山等造型既蛋糕。店舖依家係香港有17間分店，分別係銅鑼灣、尖沙咀同旺角等鬧市，而且仲有網上商店，非常方便。-1️⃣ 芝你辛苦了．巴斯克奶黃夾心焦香芝士蛋糕 💰220（👅: 8/10）呢個係呢排先推出嘅新蛋糕，係一個巴斯克奶黃夾心焦香芝士蛋糕，而且有抗疫優惠，香港醫護同救護員可以有8折優惠，而大眾就有88 折優惠，折後就係$220。因為想個蛋糕有流心既效果，所以食之前放咗喺室溫大概半個鐘。可以見到蛋糕嘅外層係焦糖化表層，切開入邊可以見到非常流心嘅奶黃吉士醬，芝士蛋糕咬落去都算軟滑，佢唔係好濕個種，係比較乾身，但佢中間有流心嘅地方就比較濕潤，食落去芝士味道都算濃郁，而流心食

平時成日都經過呢間蛋糕店但係一直冇試佢出名外型特別今次終於買咗Grand 西多！唔好以為佢好似平時啲西多咁甜佢無糖漿花生同埋麵包㗎！Grand 西多聯乘咗英國茶品品牌 Twinings外層以原味牛油忌廉扮牛油奶茶色鏡面 扮西多士醬而整個 Grand 西多係以泡芙製成!所以咬落唔會好似麵包咁硬超級鬆軟 texture 好輕內層夾住一層層以 Twinings Lady Grey 製成的奶茶慕絲同原味海綿蛋糕再加上清爽的 Twinings Lady Grey 啫喱!配合埋杯熱茶就啱晒啦

每次經過舖頭都被蛋糕吸引住🥺今次終於有機會試下啦!情人節特別出咗「戀愛天文台」系列女仔特別對星空有幻想同憧憬🙈Love U to the Back and Moon完全滿足到女朋友嘅遐想~濃郁嘅朱古力慕絲配上黑車厘子醬🍒中和到甜味之餘唔會太膩外層紫藍色嘅coating加上珠珠裝飾完美展現到星空神秘感再加上兩粒大星星糖My Love插牌另一半見到仲唔冧晒🥰蛋糕尺寸啱啱好唔會太大💜最啱兩個人係情人節食啦!!!

2月好多節日要慶祝月頭就過農曆新年🧧月中就情人節喇🥳一向都覺得twinkle啲蛋糕好靚又成日轉款 今次見到佢哋新推出左「戀愛天文台」系列 個名好有噱頭😆試左其中一款「Rainbow at Dawn」蛋糕🌈呢個蛋糕寓意見到另一半好似見到彩虹咁開心🙌🏻賣相已經好吸引🤩蛋糕內係鬆軟既草莓牛油蛋糕配滑滑既乳酪慕絲 同草莓牛油忌廉 中間夾住黃桃果茸 切開見到整個漸層都好靚💯食落係酸酸甜甜好清新 仲唔會太甜 👍🏻

🐯🧧Welcome the Year of the Tiger with twinklebaker ‘s brand new cake - 𝙋𝙞𝙣𝙬𝙝𝙚𝙚𝙡 𝙤𝙛 𝙁𝙤𝙧𝙩𝙪𝙣𝙚 (順風順水順風車)! The cake is beautifully decorated with peach blossoms chocolates x edible gold leaf! Topped with butter cream, light layers of mandarin mousse with refreshing yuzu jelly. The red velvet sponge is fluffy and the sweetness of the whole cake chocolate is perfect to my taste buds❤️

𝙖𝙡𝙡 𝙮𝙤𝙪 𝙣𝙚𝙚𝙙 𝙛𝙤𝙧 𝙩𝙝𝙚 𝙡𝙪𝙣𝙖𝙧 𝙣𝙚𝙬 𝙮𝙚𝙖𝙧 𝙞𝙨 𝙩𝙝𝙞𝙨 𝙩𝙧𝙚𝙖𝙨𝙪𝙧𝙚 𝙗𝙤𝙭 𝙬𝙞𝙩𝙝 𝙡𝙤𝙖𝙙𝙨 𝙤𝙛 𝙜𝙤𝙡𝙙 𝙘𝙤𝙞𝙣𝙨 𝙖𝙣𝙙 𝙜𝙤𝙡𝙙 𝙗𝙧𝙞𝙘𝙠𝙨! 𝙘𝙝𝙚𝙘𝙠 𝙤𝙪𝙩 @twinklebaker 𝙛𝙤𝙧 𝙢𝙤𝙧𝙚 𝙗𝙚𝙖𝙪𝙩𝙞𝙛𝙪𝙡 𝙘𝙖𝙠𝙚𝙨🎂.新年未諗到送咩好不妨望下 @twinklebaker 嘅賀年蛋糕，打卡真係一流！新春金多寶箱內藏大量朱古力金幣同金磚，牛油蛋糕夾住夏威夷果仁cream cheese再配上杏仁碎粒；而紅金寶有超迎合新春氣氛嘅紅噹噹造型，入面係香芋慕絲配黑糖寒天同芋泥夾心，寓意大紫大紅！最得意嘅吉星糕照以酸酸甜甜嘅柑桔慕絲配上柚子啫喱，超逼真嘅桔集造型寓意大吉大利，直頭靚到唔捨得食😝

聖誕節有十萬理由儲脂肪過冬⛄️🤍又有Xmas dinner又有party又有蛋糕🤤超鍾意南瓜車既我一見到就揀左呢款，不過另外一款wonder garden都好靚，蛋糕底係綠色嘅草原顏色😍 南瓜車造型真係超級靚！整到個南瓜形出嚟而且仲有仿真度極高嘅嘅朱古力車轆😻 欣賞完好耐先捨得切個蛋糕🍰上面係栗子慕絲包住原味海棉蛋糕，仲有栗子忌廉同埋海鹽焦糖朱古力脆脆。底下嗰層係朱古力布朗尼，口感好實在而且唔甜，連埋上邊蛋糕食有兩種唔同層次嘅甜品滋味🤩

好鍾意去買twinkle嘅蛋糕因為每次都非常有驚喜👍🏻佢哋嘅design全部都好靚同好特別🤩仲要成日都有新款而且有好多分店 間間都好方便🤩見到佢哋新推出左期間限定既聖誕款分別有飄雪南瓜車,星願聖誕樹, 聖誕小鹿,仙境之園,小松果同金鑽百利🥳🥳🎄🎄款款都充滿聖誕氣氛🤩而且全部都做得好精緻💯💯每款都好想試🤩🤩但今次試咗飄雪南瓜車先個造型超級有童話感覺 😍😍外層仲要灑滿左白色嘅糖霜整個感覺好似落完雪咁 超級夢幻蛋糕主要以栗子為主🌰絕對啱晒栗子迷內裏係栗子忌廉,海鹽焦糖朱古力脆及原味海棉蛋糕 而底層仲有香濃嘅朱古力brownie 🍫口感層次非常之多 而且又唔會太甜絕對值得一試

就黎又神聖誕，約埋朋友一齊預先小小慶祝一下，見到 twinklebaker又出左幾個新既蛋糕仲好靚😍仙境之園原個蛋糕(HK$598) 宜個靚靚蛋糕以雙層花園做主題，有勁靚勁真既翻糖紅玫瑰，仲有茶杯、鎖匙、小木門、小蘑菇、雪花等等既朱古力裝飾，成個好愛麗斯夢遊仙境feel呀，即刻同朋友係咁打卡。蛋糕裡面係一層層既榛子慕絲，海鹽焦糖朱古力脆脆，配上粒粒焦糖脆珠同朱古力海綿蛋糕。食落口感軟滑，質感豐富。榛子同焦糖味道好夾又香濃。下層蛋糕有綠茶牛油忌廉圍繞，灑上粒粒既綠茶曲奇碎，做左個綠油油草地既質感出黎。

今日有同事離開，當然唔少得散水餅時間。今次同事好有心，特地去銅鑼灣預早訂購呢套茶記cupcake系列。平時行街window shopping見到好想試，終於今日可以真真正正能夠品嘗到呢款茶記cupcake。款式真係好特別，例如有咖啡、奶茶、紅豆冰、檸茶等等⋯⋯平時我好鍾意飲熱奶茶，所以我今次就揀咗奶茶cupcake. 奶茶cupcake真係好可愛。外型真係好似一杯迷你奶茶，蛋糕好好食，好鬆軟，上邊啲cream係奶茶味，口感好清爽，唔油膩，整體味道好夾👍🏻👍🏻

哩間店的蛋糕，真係靚到一個點🙈太犯規了😍同小朋友經過常常說，如果生日有這個蛋糕就好了，點知今年生日真的收到了這店的蛋糕，小朋友夾錢送我的，真的甜入心😍這蛋黃哥蛋糕，還要是新堆出的，頂部有一隻超可愛的蛋黃哥公仔，落一點就有椰汁麻糬粒，呂宋芒慕絲，原味海棉蛋糕，芒果肉，竹炭牛油忌簾，以及牛古力牛油蛋糕～蛋糕的芒果慕絲很清香，芒果味很濃郁，軟棉棉，好好味，而朱古力牛油蛋糕，則是很香濃鬆軟，蛋糕整體來說也不太甜，很香濃，好好味～

Twinkle Baker Decor 地址: 銅鑼灣希慎道8號G02號舖電話: 21119676cupcake 同蛋糕都有架蛋糕店，cupcake 口味幾創新架，以前d人會買來做散水餅架$30 twining earl grey 味cup cake,whip cream 真係加左茶葉，食到細細塊架茶葉碎添，cream 有earl grey 香又唔會太甜細細個兩-3口就食完啦，如果蛋糕體都係茶味就更好了cupcake 定價稍貴，間中食一次半次還好。佢架大件蛋糕更嚟引，造型好靚又精緻！

超級可愛嘅蛋糕呢一間係銅鑼灣嘅蛋糕店一路都好想試，咁啱今次經過就買返屋企試吓！間蛋糕店嘅蛋糕造型都非常特別！我今次揀咗一隻恐龍仔做型～身上面有黃色一粒粒好得意！🟡呢個蛋糕嘅味道係乳酪味，入邊有一粒粒嘅荔枝爆珠～味道唔會太甜，係淡淡既乳酪香味🥰入面嘅料都好足，蛋糕同埋cream一層層好分明☺️☺️ 好好食！呢個蛋糕攞嚟影相真係冇得彈！仲要係好少何有咁樣嘅蛋糕造型都好好食！值得一試，買黎同小朋友興祝真係一流😍

今日行經希慎道見到Twinkle Baker Decor, 被其在窗櫃display出來的蛋糕吸引着視線，不期然行入店內觀賞一番。蛋糕的造型十分可愛趣緻，就算無家人和朋友係呢個月生日，我都要買一個返公司和同事們分享。真係花多眼亂，每一個都好有特色，最後忍唔住買左“ 招財比比”返公司。招財比比個樣呆呆的，眼仔碌碌好可愛，同事們都爭住同佢影相打卡，真係好受歡迎。招財比比蛋糕$388(6吋)~足夠8人以上食用。切開裏面係海綿蛋糕和牛油蛋糕，內層是牛油忌廉， 好立克mousse 和焦糖脆珠，好立克味道頗濃郁，不算甜，口感柔軟綿密，真係又睇得，又食得。Twinkle 的蛋糕共有29款之多，有3.5吋，4吋，5吋和7吋的選擇，分扮哂嘢 系列，鬼馬系列，冧爆你糸列和經典系列， 價錢由$220至$820不等，我已揀定“ 粉紅甜心”作為我妹妹8月份的生日蛋糕。還有十款可愛別緻的件裝蛋糕$48，作為“散水餅”絕對是一個很好的選擇。

父親節臨近，都想買返個蛋糕同爸爸慶祝，上網搵到呢間Twinkle Baker Décor係銅鑼灣有分店，蛋糕款式非常多，又有創意，比起傳統買到水果蛋糕更有特色🤣進入店舖，見到好多逼真既蛋糕，好靚好吸引😍造型蛋糕大約$388一個，由於爸爸好鍾意咖啡，所以就揀左個送比佢午後摩卡 $220蛋糕大約3.5吋，適合3-4人食，蛋糕上插住兩條朱古力棒，一切開就見到不同層次咖啡和朱古力慕絲，朱古力味醇香綿密，中間仲加左朱古力碎碎豐富口感🤤而咖啡香氣亦相當濃郁，屋企人都食得好開心