山下無雙日式料理 (大隴街)

Open Now

Now Closed

蟹籽青瓜沙律：青瓜爽口.沙律無出水刺身牡丹蝦：夠新鮮.蝦頭唔會變色.蝦肉夠鮮爽中帶軟糯😍肥牛鵝肝卷：油香滿口😋火炙壽司：性價比高炸蝦壽司：炸蝦夠脆美中不足.牛油帆立貝咸左少少職員服務態度好🤗

良心日式料理店山下無雙位於葵涌石籬商場嘅對面，串燒$20起已經有兩串，特色卷物大大份都係四五十蚊，而且食物質素都唔錯，性價比極高！Zero $6平過幫襯超市/便利店，仲要雪到勁凍！Asahi $18晚市嚟講，罐裝啤酒賣呢個價錢，簡直超值！免治雞肉串 $32/2串雞軟骨串 $20/2串上菜時熱辣辣，係廚部即叫即製嘅！雞軟骨香脆可口，免治雞肉串都幾惹味，一個價錢仲要有兩串，真係冇得輸！炸蝦卷 $40雙色蟹籽有特色，賣相靚咗又多以提鮮！炸蝦仲keep到crunchy嘅口感，唔錯！鰻魚卷 $58醬汁濃厚甜美，鰻魚夠晒肥美，唔洗點豉油都夠晒滋味！

葵涌石籬商場對面嘅良心小店山下無雙，主打價錢親民嘅日式料理，主食絕大部份都係幾十蚊就有交易，CP值很高！三文魚親子丼 $98整碗丼飯都鋪滿了三文魚刺身和三文魚籽，相當足料！刺身和魚籽鮮味十足，仲幾肥美！適量嘅食用花瓣提升清新嘅感覺，來平衡魚油帶來的膩感，Good！炸蝦卷 $40炸蝦保持脆口，仲加埋雙色蟹籽，賣相和味道都唔錯，誠意十足！鰻魚卷 $58鰻魚味道濃郁，肥美可口！免治雞肉串 $32/2串雞軟骨串 $20/2串即叫即燒，香口惹味，價錢仲要包2串，抵食！Asahi $18Zero $6呢個價錢真係冇得輸，仲平過便利店！

葵涌新黃店！本來呢晚約咗朋友去石籬商場等，我明明準時到咗門口但搵極都唔見朋友，最後......我發現自己去錯咗石蔭商場。🙃日本一口豚便當豚肉熱辣辣，加咗啲炸蒜幾有中式小炒嘅味道。我自己覺得如有住附近，唔想煮飯，落嚟食個豚肉/牛肉便當都唔錯！鰻魚玉子燒有睇我之前個ig story嘅大家都知佢幾震騰騰～ 擺得幾靚，玉子香甜，比想像中份量大，兩三個人share都夠。壽司10貫蝦同墨魚朋友幾鍾意，刺身食落比較少油脂，啲飯比較細，cute cute哋，唔需要擔心食飯食到好滯。至於明太子雞翼同免治雞肉串就正正常常。呢度服務好好，開咗一個月左右，啲嘢好新淨，店員都會不斷主動加茶。食飽再散步落葵興搭車返屋企就啱啱好🙈～

石籬呢頭，大部分都係街坊飯堂，好缺乏高汁嘅日本料理近來終於開咗一間喺石籬商場對面，而且係有質素𠻹趁佢啱啱開門，即刻搶灘午市會有定食套餐，是日推介係火炙魚生飯睇個樣已經同出面食好唔同，排得好工整，燒得勁香跟餐可以揀兩款各兩件嘅壽司，針魚同帆立貝鮮味好夠仲可以揀多個卷物，炸蝦卷相當脆口樓面推介茶碗蒸，蛋漿係師傅每日新鮮特別調校，幼滑香嫩，加上香濃黑松露醬，口感味道升晒呢卷物既然係呢度嘅得意之作，大胃就試一款。油甘魚配大蔥原來係咁夾，兩種口感但味道完美配搭原來想食蘇格蘭生蠔，但呢日只有西班牙生蠔，唔緊要，因為西班牙生蠔更加大隻，配上師傅自製酸醋啫喱，帶出佢嘅鮮味燒牛舌薄切燒烘，然後鋪上七味粉同雙色芝麻吊味，整件事好溫文，唔會太火辣，係好舒服嘅組合裡面仲有啲日本飲品可以飲𠻹

聽聞呢間餐廳係以Omakase 十貫壽司出名，今日我地一行4人就一齊過黎諗住試一試，我同朋友叫左一份十貫，兩份十三貫，其中一個fd 就食丼飯。因為星期六既晚既關係等左一陣先入枱，環境好闊落，坐得舒服。講返十貫壽司，有海膽，超級鮮甜，灸燒左口魚，火灸穴子，三文魚子，三文魚腩，吞拿魚腩，油甘魚，火炙三文魚。件件都係超厚切，好肥美。尤其是火灸左口魚，燒香左之後擺入口，係入口即溶，好好味呀，仲有就係海膽，好鮮甜。 真心覺得咁抵價錢竟然食到呢種質素，好滿意！！以前都唔會打食評，但今次真心想同大家介紹呢間日式餐廳俾大家知，希望多d人試到咁抵食咁高質嘅壽司。

一直想食山下見好耐，但真係太難有位偶然發現石籬新開左呢間山下無雙睇佢IG，應該係山下見分店，就黎試下！小店係條斜路上面，唔算係好起眼既地方但鋪頭都算大，枱同枱之間都隔得好開個日坐卡位，都幾好坐，一D迫既感覺都冇！可能因為新開冇耐店員睇落有D唔熟手同感覺有少少忙亂但佢地超有禮貌，態度好好！OMAKASE十貫極上壽司　$1689分呢個價錢，呢個質素真係唔推介唔得！每件都好新鮮，肉質有彈性，味道鮮甜最令人驚豔係蝦同三文魚隻蝦係勁甜勁鮮勁有彈性三文魚好肥美好甜海鰻壽司係用好長好長既海饅圍住壽司飯而唔似其他鋪頭得勁短既一小部份可惜海膽冇味，係既冇甜味亦冇臭味因為一啲都唔腥，所以相信唔係因為變左質可能係品種問題？日本霜降一口牛便當　$888分個牛真係好好好好味！食落超香牛味，肥瘦得宜雖然唔係入口即融，但口感好好，唔會好似橡筋咁韌！可惜個牛上枱個時係凍凍地既個飯同味噌湯係熱過佢好多！所以俾我狠狠地扣左好多分！佢凍左都有呢個質素，我相信熱食係會勁好味！整體黎講，小店食物幾高質性價比超高！我見刺身飯都係一百有找會揾機會再黎試下佢其他野食！

同三兩知己飯聚，想揾間坐得舒服嘅餐廳，朋友推薦屋企附近開咗無耐嘅山下無雙，地點就唔太就腳，但環境同食物都令人喜出望外，值得再幫襯先講環境，舖面唔係好大，不過枱同枱之間幾闊落，坐得都鬆動。新開無耐，環境衛生都好好，坐落傾計好舒服。服務方面，平日夜晚都坐到7、8成滿，侍應好有禮貌同快手，不同幫手加茶同清碟，仲有笑容同會講「唔好意思」，值得加分重點嚟啦，食物真係有驚喜先講個牛舌，我平時都麻麻地牛舌，但佢薄切加埋啲調味，勁惹味真係食完有衝動再叫多碟！之後要講呢個鐵板牛肉煎鵝肝卷（因為一放低已經被清空，只可以影返個餐牌），真係真心推介，牛肉燒得勁香，加埋鵝肝嘅油脂，好邪惡卷物仲有呢個海膽海鰻卷，一次食到2種我鍾意嘅食物海膽好鮮甜，鰻魚亦厚身，加埋一齊絕對口感滿分💯美中不足係個鰻魚汁搶咗少少海膽味，9分啦講埋個黑松露鯛魚刺身（因為食得太開心，唔記得影相），師傅刀工好好，每片都大小厚薄均勻，加埋我本身鍾意食黑松露，所以係10分其實唔止食咗咁少野，不過一路傾一路食，好多都唔記得影相總括嚟講，食物質素令人驚喜，服務環境都一流，如果住附近，真係可以多啲幫襯